花園餐廳 (銀行中心)

Open Now

Now Closed

一到食lunch時間就四圍都好多人，每間餐廳基本上都大排長龍，咁岩經過花園餐廳見到有位，所以就決定入去食啦。雖然唔係成日食，但係基本上我每次都係點鐵板肉眼扒，所以今日我就轉點焗芝士肉醬意粉，同事就點左牛排。個意粉份量都好大份，但係上面其實得好薄一層芝士肉醬，完全唔夠撈晒成個意粉，搞到食到最後變左食淨意粉。同埋d意粉有部分係未熟透😱😱 雖然食得花園餐廳唔會預左係好高水準，但係都唔至於咁求其掛～🙁

花園餐廳細細個都食唔小，也食過好幾間了，報完日本團大家又想講下旅行情況，就近近地食啦！而且相識了幾十年老友又想去下懷舊的成長地方，可能是6點時間食晚飯很早，大把座位真是很多不用等呢！我們5個人便每人叫一份餐了，真的想不到勁難食和味道太濃味，肉又太硬，不是自己食肉問題！友人也有同感大家也交換食下都感覺一樣，唉！個羊仔扒點切點割都唔得，完全食唔到！終於要換個第二樣嘢！雖然賣相幾靚，不過不是睇呀！係要食落個肚到呢！無下次睇下相算把啦！豬肉眼扒虎蝦 豬肉眼扒虎蝦食唔晒太硬 豬仔骨元貝太鹹 魚柳肉腸一般 羊仔扒完全食唔到一啖 換了牛利虎蝦照燒雞扒湯麵友人只食拉麵 雞扒食了三嚿就唔食 牛利虎蝦 牛脷算淋 羅宋湯忌廉湯

對上一次食花園餐廳已是幾年前了，當時觀塘那間樓上店舖，室內是昏暗的燈光，格仔枱布，室內仍是停留在90年代的佈置，懷舊氣氛極濃。今次去左旺角銀行中心分店，卻是門口燈火通明，餐桌同走廊空間闊落，感覺煥然一新，可惜巨型T骨牛扒，味道大不如前！先來個例牌 餐湯和麵包。鐵板餐一上枱就嚇了一跳，牛扒大到差點鐵板也裝不了。我本身叫左七成熟，當塊牛扒一切下即血水滲出,應該只有五至六成熟。除了扒邊較易切外，近T骨位置己需出盡九牛二虎之力，始終太多筋了，可以說是好韌或是好有咬口，看來只是一線之差了。雖然晚餐依舊配一杯港式凍咖啡，喝下去就是少了那份情懷。只能說扒房格局，性價比高小許而已！

在地鐵站附近，樓下只有韓消和Starbucks. 吃飯時間不多，隨便進去位頗寛敞問 什麼是快速的答 都快晚歺應會快就叫晚餐就叫蝦拼🐷肉有湯95元可以了質素湯、包、一般豬半煎炸頗脆肉也腍至於🦐也不錯肉實正當然味道不鮮是用料問題但以這價格可接受最特別是這白飯質素很好。廚師尚算有余及格至於要有改進處是蝦腸竟未剔走，放起來不大好👀

今午上旺角銀行中心旅行社走咗一轉,攪掂之後差不多兩點。因為唔想飲茶食點心又唔想去快餐店,所以摸上隔離依間花園餐廳講起幫襯佢嘅歷史就長喇,差不多有半個世紀嘅七十年代。當時係旺角返工,成班同事唔係幫襯"美而廉"就係"花園",一唔係就"泉章居"估唔到多耐無幫襯會變成咁嘅格調闊落開揚下午茶時段2:15pm開始,價錢都唔平喎。醬燒豬軟骨湯烏冬,烏冬及湯底一般般。豬軟骨果然好味,做得好夠入味,唔會太咸芝士焗海鮮飯就勁甩單,好在部長都幾好禮貌上到檯熱烘烘,伙記提醒要小心燙手所謂海鮮都係一般而比較淡口,唔多覺有芝士味。水準麻麻地反而奶茶就交番成績表。香...滑兼備,算係完滿結局喇

今日整天沒吃東西，肚子空空，一眨眼到了下午茶時間，已經忍不住要大吃一餐！就決定去花園餐廳鋸扒下午茶紅酒燴牛俐飯，配餐湯和飲品，份量超大，完全滿足了我想要大啖吃肉的慾望牛俐質素不錯，切得厚身之餘，肉味亦甚濃，而且還有四大塊！只吃牛俐也飽了其實🤣🤣不過醬汁感覺一般，個人覺得比較像一般燒汁，帶一點番茄香，味道較鹹，雖然配飯吃能夠平衡味道，不過也搶了牛俐的鮮味。最後配一杯凍咖啡，經典扒房口味，不過不失

今天中午，本人經過旺角知道花園餐廳出名牛扒，於是本人募名而至，剛考看見餐牌有特餐，仲係澳洲肉眼扒，於是本人點了一份湯和餐飽都有水準，餐具擺放都似模似樣，誰知道扒出來時出奇地細塊，據說肉眼扒應該比較大塊及有肉汁才對，由於本人要的是薯菜底，扒的份量跟旁邊點飯底的差天共地，大小厚度都差很遠如此沒有水準的餐廳實在名過奇實！加上薯條全部都炸燶了能吃，本人忠谷各位千萬不要光顧這餐廳！

好幾年無去食呢間集團式牛扒餐廳，以前試過其他分店食過都可以，今次第一試銀行中心分店，三個人叫左T骨扒，海陸空三拼，豬扒拼蝦，味道全部好淡，d肉全部醃到唔似原本的味道，跟餐天使麵係用微波爐返熱，職員態度又差，侍應與侍應之間對話可以隔幾張枱大聲講，咁嘅質素仲要比加一，我以後都唔會去。

👫行行下旺角，想据扒，但月中已經糧尾，想食得飽又要抵食，就嚟左花園餐廳食扒啦🙋🏻‍♀️ 📢 想知邊到有更多好西食？Follow&like @ourfoodstory.hk✨ 吃貨情侶帶你食勻全世界🌏 每日不定時更新喔⭐️一一一一一一一一一一一一一一#巨形T骨牛扒 <$128>Giant I-Bone Steak▫️牛油餐包🍞▫️羅宋湯/忌廉湯▫️咖啡/茶暖暖地嘅餐包加咸牛油，食落一般🤔 忌廉湯好足料，好多蔬菜粒，都幾香濃，但啲西芹粒有啲格格不入🤨.鐵板牛扒一上檯已經嘩一聲，成塊牛扒係超級大舊！大過塊面咁濟🤣 👱🏻‍♀️叫左7成熟，連埋鐵板上應該都有8-9成👀.汁係另上，會有專人幫你淋汁，有黑椒汁/蒜蓉汁揀，唔想個口食完咁大陣味嘅👱🏻‍♀️就揀左黑椒汁👅 薯菜比較少，不過薯條炸得好香脆😋.成塊牛扒好厚好大份，不過頭個幾舊都幾易切，但切到近T骨位果到就有啲難切開，同埋比較多筋🙎🏻‍♀️.肉質都幾稔幾好食，而且食到牛扒入面嘅肉汁，配合埋黑椒汁一流，唔夠汁仲可以任添🤗 美中不足嘅係食到近T骨位嘅牛肉超級韌，完全咬唔到！有幾舊都浪費左食唔到😕.整體嚟講，餐廳環境幾舒服，價錢都好合理，性價比高🤓

今日放佐工突然約佐幾個fd出黎食飯傾幾。大家番工都辛苦LA, 約出黎吐下苦水都要la。呢間餐廳就岩晒，坐得舒服唔駛bk位又唔駛等，一上去就有位坐。做佐成日野，對眼都好攰，呢間餐廳暗暗地，燈光唔刺眼，最岩放工短聚。我地都叫佐蝴蝶形肉眼（鐵板上）。我要五成熟，配黑椒汁。套餐有餐包有湯同埋餐飲，份量足。餐包有d叮過龍，有一邊梗佐，其他都ok。塊肉眼扒終於到la, 侍應係我地面前倒d汁上去即刻冒煙，咋咋聲，要鐵板上都係為佐聽呢下聲 辛苦佐成日，當係獎勵下自la!因為係蝴蝶形扒，扒都分成2邊，一邊係薄身d, 嫩d, 軟d既肉；另一邊係厚d, 無咁多肥肉既。 5成熟我覺得岩岩好，容易切，容易咬，又有肉汁。2邊都好有牛味，有唔同既口感，加埋黑椒汁，好野味，好岩d食肉獸haha一邊食野，一邊傾幾，好開心既一個晚上，下次再約同事食飯，呢間都在名單上

我好多年好多年無食過呢種豉油餐了。第一次來花園餐廳。本來去到門口都仲有猶豫，後見到墙上那幅蒜蓉汁的圖片，我進去了。叫了肉眼，加白飯。餐有跟湯的，我一定選白湯。料都幾多,有蜆肉有薯粒有芹菜咁。等了會扒也來了。 上汁嗰下真的好大煙呀！好懷舊，扒下墊薯條嘅。我叫全熟，都唔會好韌。塊扒都大嘅，不過就完全無肉味，係少少都無。剩得咸味。因為味道太單調，我又落茄汁，又落辣椒仔。白飯幾好，夠硬。一口飯一口牛，食完都飽到第二朝。

首先，舉手叫野食個時有個侍應經過同我對望左2-3秒，佢完全冇反應，仲要走開背住我地舉手示意我地等陣。等左成幾分鐘都未得咁岩見到另一個侍應行緊過黎就舉手叫佢，呢個仲冇禮貌，同你一直對望行到過黎我地枱附近都扮睇唔到真係西利！🤗之後，第1位叫我地等陣既侍應終於過黎，佢一黎就企係枱前面，問都唔問我地食咩，黑住面等我地自己出聲，我d朋友叫完野食個時我仲睇緊個餐牌，佢一手搶走左我睇緊既餐牌，其實有d過份🤷🏻‍♀️最後，舉手叫埋單，個侍應見到後隔左4-5張枱大叫：咩事呀，都算啦，最後找番張$20過黎個時係直程扔落張枱度，平時都會拎埋黑色本簿夾住d錢等d客自己拎，點解可以咁樣扔，好侮辱囉！心諗點解d服務態度可以仲差過一般快餐連鎖店，呢度仲要收服務費咖喎，好似殺佢全家咁，未試過嬲到要寫食評，今次真係第一次，唔會再黎食了！

今晚同女友行左成日街，個肚餓到打曬鼓，我提議不如去鋸扒女友話不如去花園餐廳丫，又平又就腳咁我地就去左銀行中心呢一間花園餐廳係學生時代嘅拍拖勝地黎架！平民嘅價錢，就可以同心儀嘅女生浪漫鋸扒喎我就點左個巨型T骨牛扒份扒真係好大份，而且鐵板上先夠風味是關最興奮果下都係見到職員一淋啲汁上去「炸炸炸」咁嘅聲個扒我點左7成熟，剛剛好肉質不錯，蒜容汁都夠味上餐前仲有個紅湯同埋餐包架女友就點左個白湯同埋一份豬扒 女友就點左個黑椒汁經鐵板傳來陣陣黑椒味我地兩份都係配薯菜薯條索曬啲汁仲有兩棵小棠菜添！最後仲包埋餐飲，一人一杯凍檸茶

由於某人說想据扒,最後選了這間花園餐廳,看著餐牌,有很多不同食譜,居然還有魚吃,其實很想點魚吃,但某人感覺上在這裡應該不要吃魚,所以便打消這個念頭,然後我們最後還是想試下這裡的羊扒和豬手,所以便點了這2個餐這個是豬手配薯菜,味道不錯,下次再來也會叫這個,豬手充滿著骨膠原,對女人十分好羊扒配意粉卻很一般,廚師好像把羊煮得太久了,十成熟似的上菜前有餐包吃,令到据扒更完滿餐湯我選了羅宋湯,入面有很多料,是少有餐廳能做到

到旺角銀行中心處理事務，完成後便晚飯，又是在不知想吃什麼的情況下，跟隨太座到就近的「花園餐廳」去。常在街外吃飯，吃得多，真的是不知想吃什麼，要我選擇，是困難事。看餐牌，考慮很久才決定吃「紐西蘭西冷牛扒」。羅宋湯先上，味道尚好，質感很稀，餐包則軟熟不錯。主角以鐵板上桌，我要求五成熟，我從左邊開始吃，切開牛扒，一看，不夠四成熟，照吃，味道不錯，牛肉鮮嫩而肉味重，這個熟成度其實剛好，唯吃了幾塊，卻越吃越生，中間的部份，不知有否兩成，基本上只表皮烤熟，中間八成是鮮紅色，不行了，我唯有切成一片片用鐵板再㷫，才吃得下，吃到牛扒的右手邊時，肉卻變得嚡起來，亦開始韌，不太好吃。一塊牛扒，吃到三種感受，厲害得不知說什麼好。餐茶，我喝熱奶茶，茶尚香而澀，掛杯亦普通，水準只極普通。服務方面，店名是餐廳，服務卻是茶餐廳水準，給我們的凍檸茶，飲筒是拋下檯上給我們的，飲料水亦註明不會提供，要喝水要找店員要求再來。百餘元一個鐵板餐，享受此等服務，無話好說，至於牛扒的質素，坦白說，有一半是好吃的，或許，這個價錢不該有太高要求吧！