花園餐廳 (銀行中心)

Open Now

Now Closed

見好耐無据過扒 咁就同朋友去咗旺角嘅花園餐廳食個dinner set🙃 入到去坐低 啲佈置同以前一樣無變 同女朋友嚟食 燈光暗暗地都幾浪漫🤗咁我就order咗個肉眼試下 嚟到見到都幾大份 都算夠食嘅👍🏻淋埋黑椒汁上去真係好香😍我就叫咗5成熟 切落去無乜血水 仲好juicy😍😍😍😍😍整體都算抵食🖖🏻仲有好正嘅牛油餐包同埋忌廉湯或者羅宋湯任君選擇 加埋都係100蚊內 感覺上都幾grand😚😚😚 有啲記念日嘅都可以考慮下嚟依度🖖🏻

花園餐廳鋸扒好出名, 大份又抵食. 百零蚊有扒餐送餐湯餐包餐飲。每次都食到好飽好滿足! 今晚同朋友叫左...豬扒拼大蝦配薯菜有兩大塊豬扒, 豬扒肉嫩, 大蝦爽口, 薯條夠脆!豬手配芝士焗帶子意粉 豬手外皮脆, 唔會太咸, 水準唔錯。  芝士焗帶子正正常常吧, 意粉份量岩岩好。

旺角見客 見完客本來與同事們打算回尖沙咀吃午餐走到地鐵站口 看到花園餐廳的招牌 同事說很久沒吃過鐵板餐 便拉著我們上來了先上餐湯羅宋湯比忌廉湯出色 忌廉湯較稀較淡值得一讚的是餐包熱辣辣 非常鬆軟焗豬扒飯 味道尚可但鬆肉粉用得太多 豬扒軟趴趴 失去咬口鐵板肉眼（牛）可選黑椒或蒜汁 黑椒汁味道濃郁但和豬扒同一問題 鬆肉粉太重手了皇室鐵板豬扒餐餐廳特別推介 價格較高 一分錢一分貨豬扒肉質相對實正 有咬口薯條浸泡在汁裡 已經軟掉 如果能分開更好套餐加12元可換購甜品 但侍應姨姨說只剩一款甜品咖啡慕絲蛋糕 齊齊各加了一件與其說是慕絲蛋糕 不如說是咖啡忌廉蛋糕幾乎整件都是cream 非常漏口咖啡算香口食物一般 但份量頗大 不過不失

叫咗個鐵板西冷牛扒餐，跟湯同餐包。忌廉湯有唔熱有無味。叫五成熟就煎到九成熟。個牛扒韌到好似嚼跟香口膠咁，連把刀都差啲切唔到。鐵板挑菜一嚟就燶，啲黑椒汁倒到成個鐵板都係，搞到啲薯條浸到腍坺坺  。服務態度又差。計埋加一$123 真系又貴又曳。

身處旺角區想食西餐，花園餐廳都係我選擇之一，價錢合理，食物質素都ok，今日食dinner都係揀左佢，不過銀行中心呢間，似乎比起其他分店，稍稍令我地失望😣我地兩個人分別叫左一個晚餐，紐西蘭羊仔扒配薯菜，同埋散叫左一個薑蔥牛柳飯。套餐包羅宋湯一碗同餐包一個，羅宋湯用左新鮮料，有椰菜，蘿蔔同牛肉，算係少有用真材實料煲既羅宋湯，唔係罐頭味😝可惜甜左少少，如果酸返dd會更好~首先黎既係薑蔥牛柳飯，睇落真係以為去左茶餐廳食🙈🙈 食落亦都認真麻麻，牛肉好捻，但感覺上係用鬆肉粉醃出黎既捻，肉質有d削，而個汁就係普通豉油蠔油汁，比較偏鹹，連埋飯一齊食會易入口d😛呢份羊仔扒就認真大份，三塊厚厚既羊扒，非常厚肉! 友人話我好彩叫左薯菜，如果唔係未必食得晒😂😂 比起牛柳，羊仔扒就正常得多，雖然厚身，但仍然幾捻，然後羊騷味都幾重，我覺得問題不大，不過友人似乎唔太聞得，覺得太濃😖😖薯條就係急凍既，炸得幾脆，鹽都落得夠，雖然新鮮薯仔會更好食，但呢份配菜都交到功課花園餐廳主打鋸扒，今次我地兩個都無食鐵板餐，覺得質素一般，不過不失，不過見到隔離檯食鐵板餐，上檯果時香味四溢，或者真正既精髓在於鐵板!如果下次再黎，一定要試

Geez, you can definitely have better choices of option if you want to pay around ~90 HKD. The food here is not much better than 大家樂. Not to mention the service, the waiters look like they don't want to serve the customers at all. So please, do not eat here unless you want to try how bad it is.

港扒美食之旅的序章，最後一站乃另一經典名店花園餐廳。小人不才，看見碟上的名字才知曉其英文名喚作Sweetheart Garden甜心花園，而並非一直以為的Garden Restaurant……或許是以前的拍拖聖地罷？😊餐包不夠熱，因此夾入又凍又硬的牛油亦未能軟化，必須喝口湯才可讌下。紅白湯都沒多少料，但兩者之間，紅湯較為可取，起碼味濃。白湯淡而無味，粉多於一切。沙律有大片菠蘿雖說不上新鮮到那裡去，倒是個驚喜。惟獨主角牛扒卻是牛無牛味，更帶點靭；大蝦變成中蝦，好像沒燒過，就是烚蝦一只，無甚矣矣。希望此歷史悠久的餐廳不會像扒X之王般越做越差。

今日中午我們去咗旺角銀行中心嘅「花園餐廳」食午飯！我們叫咗菠蘿芝士焗夏威夷豬扒飯嘅豬扒肉質都幾鬆化，而且都幾大塊，炒飯嘅質感就有啲硬身！澳洲西冷牛扒意粉嘅肉質都幾鬆軟，肉味都幾濃郁，意粉有啲腍身，唔係好彈牙！蜜糖芥末燒德國豬手意粉嘅豬皮非常韌，用嚟切肉嘅刀亦相當鈍，肉質亦好硬實！餐包相當乾身，一啲都唔軟熟！羅宋湯嘅味道味道好濃郁！另外！店員嘅服務態度唔算太有禮貌，因開頭未有卡位，他們就安排我們3個坐咗張6人檯，喺我們仲未落單嗰陣，咁啱有張卡位檯嘅人客走咗，我們就問可唔可以轉過去，雖然他們話可以，但表現出嚟嘅態度就覺得我們好麻煩咁！

岩岩weekend 呀dee要出trip去左廣西柳州 由香港去真係成7個鐘 先火車去到福田 福田去到深圳北 跟住深圳北去廣州 再由廣州去柳州 坐到個屁股都尖埋 係個邊食下螺絲粉（當地特產）或者食下烤魚（香港都有 成條魚拎去打邊爐）個到d野係重口味但係唔係好辣酸酸地為主 同埋食住都唔貴 有機會再推薦下!咁番到黎香港 個邊11點出發 到香港已經7點半 拿拿臨搵野食 見好耐冇去就去食下花園餐廳 花園餐廳其實係旺角太子有好多間 今日就去左銀行中心個間 貪佢人相對少d嗌左個焗豬扒飯 可能有人又話 人地去花園食扒 你食咩焗豬呀 但是呀dee真係好中意食焗豬:）齋飯就55 如果加廿幾蚊就變套餐（有湯有包有野飲） 但係冇加到 上枱個時真係熱辣辣 見到d汁仲湧下湧下咁 都有成三大舊豬扒 個飯有炒過 冇咩配菜 但是有洋蔥蕃茄羅白 佢個豬扒都幾正又夠大 唔算鞋（55蚊算係咁）飯粒雖然乾身但是痴埋汁岩岩好 但是唯一敗筆就係覺得汁太少 同埋佢個紅羅白硬到痴線 好似冇煮過咁...總括黎講 呢個價錢食到個都算高質焗豬扒飯 因為大叉樂都4x蚊個 其實都可以 但是都係個句 除非你好似dee咁焗豬上癮 唔係...都係去花

花園餐廳係香港已經有好耐歷史，旺角都有兩間分店，忽然挑起條癮去嗰度食飯。夜晚叫咗個海陸空套餐，就係有乳鴿，蝦，牛。最令人驚喜係個牛，因為呢個價錢來講算平！呢種牛煮得六成熟剛剛好，切起黎唔會好奇怪。但係亦都因為佢薄切嘅關係所以份量唔太多。牛味好香，肉質極度保留到水份。蝦爽口但係唔係特別香。乳鴿肉都好滑，鹹味剛剛好。呢個餐跟咗碗炒飯，炒得普普通通唔算特別。

今晚同三位朋友食飯，未有頭緒食咩之制，經過銀行中心呢間花園餐廳，心諗 花園餐廳吧，一定唔會差得去邊。我哋每個人叫咗牛扒嘅餐，一上羅宋湯，其中一個朋友已經覺得好難飲，我話 可能水多咗啲 唔緊要啦 餐湯啫。 之後開始上牛扒，四個人都叫五成熟 全部well done 上枱😤好嘢 ！！！有朋友塊扒中間凍 全熟都可以凍😳仲要切都難切開☹️我果份帶子牛柳串 帶子算 預你冰鮮無要求，但塊牛柳唔似牛柳全熟之餘啲肉梅到唔想放落口 個賣相跟本似爛肉 無胃口了😪實在忍唔住同你地講我係叫五成熟同埋塊嘢嘅賣相真係好難睇😵結果你5分鐘就換過全新嘅牛柳留俾我 都係全熟👏🏻👏🏻👏🏻好嘢 你呢間花園餐廳收得皮🙌🏼其實可以唔換俾我 無意思架 我相信再拎碟牛柳俾我黑衫個人兄 你唔會唔知發生咩事呀 當場鬧你又唔係 ok 我將塊唔知係咩肉嘅扒放埋一邊 你哋無人敢過嚟收我哋枱嘅嘢啦 唔埋嚟問我要唔要？雪咗好耐定腐肉呀 每人二百埋單 但我唔知我食咗啲咩 呀 有 一隻勁鞋嘅瑞士雞翼😑點可能樣樣都咁難食 花園餐廳因爲你呢間 我真係唔會再襯 細時無錢啫 而家有錢都唔係咁嘥😒

今日同左好友去血拼, 晚上決定要鋸扒黎補充下體力。好友點左蝴蝶型牛扒鐵板(8成), 而我就點左羊架鐵板(8成)。點完其實有小小後悔, 心怕羊肉太羶難以入口, 不過都想試一試…….海鮮忌廉湯份量都幾大, 而且用料都幾足料, 有魷魚, 魚仲有蝦, 再加埋西芹…….. 忌廉湯既味道都同其他餐廳一樣, 唔會太水…..蝴蝶型牛扒鐵板牛肉味道都唔錯, 牛肉味濃但可惜牛扒比較薄, 而且比較乾身同冇咩肉汁……加埋黑椒汁落去, 味道尚算可以…..羊架鐵板本身期待不太好, 一上枱既時候熱氣騰騰而且份量都唔細, 香氣四溢…..羊架煮得岩岩好, 一切開肉汁滲出黎, 食落口一啲都唔覺得羶, 羊肉既味道好鮮甜而且仲要係厚切, 完全沒有中伏既感覺。

晚上8點去，第一次去這家分店，裝潢簡單乾淨。鐵板牛柳大約$120，有兩塊牛柳，厚身大件，份量大足。不過叫5成熟變左9成，肉質非常韌！而且沒有牛味，粗据之選！朋友叫了西冷牛扒，相對貼近5成，肉質較嫰。餐茶大杯，絕不孤寒。

今時今日50幾蚊嘅午餐算抵食！有餐湯，麵包，同黑椒牛扒！黑椒汁不太潔！味道唔錯！牛扒啱啱熟，不會太生，腍腍哋，容易入口，配上薯條，又有肥膩！外面那層少少脆！整碟賣相吸引！另一個係焗南瓜石斑飯～賣相好靚！面頭有芝士！但係不夠南瓜！又無香料！連洋葱都無！魚係不結實！？証明佢哋煎不夠！味道淡淡的！呢一餐真係一半好！一半失望！

花園餐廳好多地方都有，但係就唔係間間都有跟餐包，好似係旺角豉油街果間地舖就係要加錢先有。雖然，呢到可能已經將個餐包同埋湯既成本已經加左入去，但係因為入黎已經預左呢個價，所以點都覺得抵D。醒胃酸酸地既羅宋湯，仲要有好多料係到，勁多蔬菜。同埋個湯有少少辣味，將個蕃茄既酸味更加帶到出黎。叫左2個鐵板肉眼牛扒配薯菜。相對於夜晚，晏就黎食扒餐真係抵好多，差多平左 $3X。花園餐廳既牛扒其實都算係咁，以呢個價錢黎講，有湯有包，仲有一塊鐵板咁大既牛扒。不過牛扒好唔好食，真係睇彩數，我試過食到一塊勁"鞋"既扒。不過今日呢塊好好味，"林林"地，好易咬得開，同埋好有肉汁。配菜仲會有1棵菜，可以幫你健康下。但係略厭個薯條少左D，得幾條，同埋因為佢次次都係舖係塊扒既底，俾D汁沈住左，所以好爛，同埋得10條左右。