瑞士咖啡室

Open Now

Now Closed

工廠大廈內一間設計懷舊嘅茶餐廳，呢度嘅餐牌同環境都好懷舊，啲設計都好得意又幾特別。午市提供套餐，價錢$60左右，食物品種多，有焗飯又有炒飯，也有港式茶餐廳一般都有得食嘅嘢，所以選擇好多。鮮茄焗芝士豬扒意粉$60賣相好靚，而且好大碟，豬扒勁厚又大塊，芝士好多非常之正，熱辣辣新鮮出爐嘅焗飯非常之好食，分量多但係全部都食得晒，真係超飽又滿足。喇沙帶子蝦球炒飯$60炒飯唔算多油，食落口飯粒好爽，炒得夠乾身，喇沙味香濃，帶子份量都好多，質地都唔錯好食。凍朱古力奶$10好耐冇飲呢啲玻璃樽裝嘅朱古力奶，今日再次飲返，只需要加$10 ，好抵。

最近見完客去咗一間不錯的高質茶餐廳，位置在葵興地鐵站附近的瑞士咖啡室！這餐廳其中出名的是瑞士雞翼配火腿奄烈同牛油多士， 果然瑞士汁如此入味，特製的瑞士汁調味得剛剛好，雞翼又腍又好味，甜甜蜜蜜開開心心的感覺呀！另外還有唯山雞米線，粒粒杞子唯山爽脆香口，鮮雞肉嫩滑，都有驚喜！茶餐廳來說水準不錯啊！而且份量確足料，我們兩人吃滿足，價錢合理，是打工仔的好選擇呢！瑞士咖啡室 葵涌葵昌路9-15號貴豐工業大廈地下

成日聽朋友話去工廠區尋寶，今次自己都唔汁輸，搵左一輪之後終於係葵興工廠區搵左間唔錯既工廈冰室試下。為左避開人潮，特登揀左星期六日去，估唔到人流都唔小🤣——————🐽 粒粒金磚配瑞士雞髀甘岩黎到已經係下午茶時間，甘就無理由唔試下至愛西多士，炸到岩岩好外層好脆，配上牛油同糖將一貫地邪惡又好食🥴瑞士雞髀滑嫩多汁，瑞士汁較到岩岩好甜味，亦浸得好夠時間好入味！🐽 咖哩牛筋腩飯雖然係下午茶份量，但都好大份。咖哩上枱好香，雖然有d稀，但濃味都夠，牛腩亦煮得好夠林滑🐽 星洲炒米星洲炒米炒得好夠火候，落味落得好足，炒得好均勻，唔會一d重味一d淡味，睇得出廚師功架唔錯值得一提既就係黎到既熱飲係比外面餐廳既大杯好多，中以飲熱飲既就唔好錯過😆

真係唔敢相信香港會有80年代嘅咖啡室👍無論係地板，感覺，環境都係擁有80年代嘅代表。相信地板已經唔會喺新嘅茶餐廳會見到，而佢嘅窗框都係綠色個感覺好復古。相信唔少嘅文青都會去嘗試刷個卡 固然有名瑞記梗係出名瑞士汁😌😌咁我梗係要食常餐瑞士B🤣隻雞髀早我大半隻手掌咁大，肉質鮮嫩而且有蛋同2塊包。仲未完㗎🤣🤣 仲有一大碗出前一丁公仔麵。坦白講如果一個女仔嘅份量真係會食唔晒🤫🤫所以最好隔離會有個猛男幫你清下野就會最好🤪🤪好味既雞髀有8分！嚟到一定要試吓

【深藏不露hidden gem】瑞士咖啡室這間咖啡室是一個十分隱蔽的寶藏，深藏在工廠大廈內，仲寫明只招待工廠大廈員工？！如果因為咁唔入去，就走寶啦！早午晚市都有供應，款式多又工廠區價錢，最緊要坐得舒服之餘有懷舊氣氛！瑞士雞翼/雞髀一定要食，香口嫩滑，食極都唔夠喉！加埋爆漿荷包蛋同埋瑞士汁意粉，簡直係幸福嘅感覺！仲有好多素食菜式，下次去開葵興一定要嚟試乾炒植系炒牛河🥰瑞士咖啡室📍 葵涌葵昌路9-15號貴豐工業大廈地下

星期五諗住同同事出街食下lunch，經同事推薦就去左瑞士㗎啡室。我地夾份嗌左3個餐share。常餐B係「瑞士雞髀公仔麵配火腿奄烈同牛油多士」($51)。瑞士雞髀超大隻！😱啖啖肉，加上瑞士汁甜甜地夠晒入味😋加$5轉左出前一丁。出前一丁份量好多，好似落左兩包麵咁！麵質軟硬適中唔會腍有口感👍🏻牛油多士剛烘起，又香又脆～加埋火腿奄烈，呢個餐真係好足料，食完包你飽！黎到懷舊茶餐廳唔叫番杯紅豆冰點得呀？何況跟餐只係加$5，超抵！紅豆冰紅豆份量佔左大半杯，夠晒足料！飲落唔會太甜，甜度調較得恰到好處。紅豆煮得夠腍唔會硬。因為杯紅豆冰太大杯飲唔晒就叫左外賣杯裝走番公司慢慢飲。個外賣杯設計得幾靚～😍同事有少少唔舒服，正苦惱有什麼野食啱佢時，見到餐牌有「傷風感冒餐」($42)。其實係「特濃蕃茄雜菜火腿湯通粉」，跟餐送熱菊花薑蜜。通粉超大碗！同同事兩份先食得曬。有好多蕃茄同菜，食落酸酸地好開胃，夠多維他命C啱曬傷風感冒嘅朋友呀。再飲埋杯熱菊花薑蜜，暖胃又潤喉👍🏻另點了午餐B：「黑椒蘑菇燴牛柳粒飯」($47)，餐飲點了熱檸茶。黑椒蘑菇燴牛柳粒飯有黑椒嘅香味，但唔會太辣，味道啱啱好。牛柳粒腍得黎有口感，切成bit

上星期同同事出去食飯，行遠咗少少發現呢間瑞士咖啡室！呢度嘅裝修好似一間傳統嘅茶餐廳，打開Menu睇發現有好多唔同種類嘅美食。茶餐、意粉、焗飯、西多、素食漢堡、酸辣粉等等，總有一款啱口味！我叫咗碗川味酸辣金菇雞米線，份量多到食唔晒。雞件肉嫩皮瘦，水準比我想像中好。雞+ 酸辣米線都可以咁夾，全靠用了比較清嘅酸辣湯底，葵興人有口福了😇同事叫了焗葡國海鮮飯，即叫即焗，等咗大約15分鐘就有。眼見面頭鋪滿濃濃嘅葡汁，傳出焦香。翻開焗飯裏面係炒飯底，誠意十足。至於有啲咩海鮮，就要問返同事喇😆另外，見到有人見人愛嘅瑞士雞翼！每個午餐或下午茶加$6就有兩隻我哋每人都加咗兩隻，好懷念呢種甜甜地嘅瑞士汁味😜 最後梗係要嘆番杯茶餐廳凍檸茶、凍奶茶，食飽飽繼續去返工🤓

今日經過大連排!聽朋友講呢附近有間茶記係做得幾好，而且屬於隱世。對於我銅鑼灣食神來說，一定唔可以錯過！這附近停車少少困難，如果工作經過行兩三條街都可以接受。今次叫咗瑞士常餐朋友叫咗椒鹽豬扒，下午茶餐40幾蚊好抵食！難得抵食仲要好食！值得一讚！飲品方面，我最鍾意試新野呢度有冇糖「百事」試吓啦！實在太抵叫多個蛋牛治，返公司俾阿Mary！我幾鍾意佢外賣嘅物料，幾實淨唔漏水，唔變形，開心順心！早餐下午茶極力推介！包冇錯！如果有介紹錯可以追番我

好彩有朋友帶路，帶我黎呢間工廠區入面嘅隱世餐廳，平平無奇嘅入口一拉入道門，竟然係一間咁有特別嘅餐廳。 瑞士雞翼撈公仔麵（推介）呢間餐廳最出名嘅瑞士汁雞翼同雞脾，賣相都好吸引，食落都好值得推介! 又好睇又好食! 瑞士汁雞翼好入味得黎，仲保持倒雞翼嘅肉質鮮嫩，煮得剛剛好。瑞士汁甜甜地又夠香濃，用黎撈公仔麵真係好夾，加少少落去公仔麵，簡直邪惡感爆燈啊!焗咖哩牛魔王飯有牛脷牛肉同牛腩，聽落都已經好吸引。估唔到佢一黎到就咁大兜，仲要牛脷牛肉同牛腩都咁多料，疊到好高，真係好surprise。呢個咖哩汁偏向葡式咖哩嘅味道，再加埋超多椰絲喺上面，真係不得了 !飲品：無糖檸樂、咸檸七用左健怡百事同七喜，仲有一大舊青檸，好refreshing!

今日下午約左兩位同事去公司附近的呢間餐廳食下午茶。由於呢間餐廳係公司附近，我地有時都會黎呢度食午餐，但下午茶就係第一次食啦。打開餐牌，見到粒粒金磚套餐真係好吸引，於是點左瑞士雞翼金磚套餐、炸雞翼金磚套餐、吉列魚柳金磚套餐和火腿炒蛋混醬多士。早餐、午餐和下午茶既選擇都唔少，總有一款岩食。瑞士雞翼鹵得非常入味，甜甜地，好食；粒粒金磚加上牛油和糖漿，外脆內軟，入面仲有花生醬，非常好食，忍唔住一粒接一粒。炸雞翼和吉列魚柳都炸得好香脆，唔錯。

之前試過呢度瑞士咖啡室嘅粉麵早餐，今次叫叫新野：吉列植物系肉波羅漢堡包🍔素食嘅炸雞波羅漢堡，配火腿奄或者炸薯條～$59巨無霸咁大，不可不試😋呢個不可能嘅吉列雞夠晒大個，千島醬流出黎，又幾靚。飲紅棗黑糖姜茶，女士熱飲養生必飲。切開一半，吉列冇淋晒，炸功唔錯，植物肉雖不是真肉，但都令人滿意，食人不抗拒～茶記名物，沙嗲牛肉，肉質軟嫩，沙嗲醬質感稠密，夾熱狗又幾好味😙😎飲樽鮮牛奶，我的最愛😆😆

成日以為呢邊比較少野食，估唔到工廠大廈都有間幾唔錯特別，幾懷舊式既咖啡室。🎞無論係地鎛，壁畫上嘅佈置都另有一番風味。🌻地方都幾寬敞，出餐時間亦非常快👍🏼🌸櫻花蝦鰻魚炒飯 $52有鑊氣🔥鰻魚份量唔少，炒飯唔好睇顏色以為好深就一定好鹹，但其實一啲都唔鹹👍🏼🐥瑞士常餐 $48餐牌入邊兩隻全翼轉咗做四隻雞翼，姐姐有特別提醒，好貼心❤️變咗四隻雞翼之後食得冇咁麻煩～隻瑞士雞翼色澤滿分，而且瑞士汁好入味，亦都好嫩滑💯重要一提，碗麵個湯係雞湯嚟💛難怪非常鮮甜有機會會再試埋佢既下午茶🤤

以前響新蒲崗返工🤪真係成日食佢哋😎尤其響公司成班同事叫下午茶😌九成都係叫佢哋😂咁啱響葵涌有嘢做☺️竟然見到佢哋其中一間分店🥸咁耐無食，當然開餐懷緬一下🤣瑞士常餐B🍗 $51瑞士雞髀公仔麵+火腿奄列+牛油多士😎凍朱古力🍫凍飲加$3既然嚟到當然食佢哋嘅皇牌瑞士汁雞髀啦😘瑞士汁同以前一樣咁出色😘雞髀夠香夠甜夠入味👍結果我用啲麵撈埋剩低嘅瑞士汁🥰真係一滴都無浪費到😂招牌瑞士汁炒牛河🐮$54凍咖啡☕️凍飲加$3朋友就叫咗炒牛河😋加埋瑞士汁，味道當然有保證😝即叫即炒，新鮮熱辣辣😎鑊氣十足，而且份量都唔少☺️雙拼三文治🥪$27跟餐叫咗杯熱奶茶☕️另外叫多一份三文治😎鹹牛肉蛋治，炒蛋夠嫩滑😋另外烘底唔駛加錢😎瑞士咖啡室 (葵涌)葵涌葵昌路9-15號貴豐工業大廈地下

我點咗個美式早餐，有牛角包，不過唔鬆化嘅，佢好實同埋有啲淋，我食左一啖。之後就係條香腸，都ok，在煎燶少少同埋如果用施華腸會好啲，此番啲美式早餐，奄烈還可以，以港式茶餐廳水準係非常有港式風味，最好味係個雞扒，真係最好味係個雞扒。另外叫咗一個早餐好豐富有沙嗲牛肉包有暗烈有蕃茄羅宋湯公仔麵配豬扒個蕃茄湯超級甜超級好飲啲蔬菜都好夠多，個沙嗲牛肉包都唔錯入邊啲汁都夠不過個包凍哂囉，個沙嗲牛肉包都唔錯入邊啲汁都夠不過個包凍哂囉，我最欣賞係個早餐可以俾我哋揀朱古力牛奶，正。

唔好以為舊區，工廠區就冇好嘢食，原來呢個邏輯係錯嘅，今日雖然係星期六，不過就同屋企人嚟咗呢度食嘢，真係一間隱世平民茶記 呢度真係係正一間工廠大廈嘅地下，雖然入面冇咩特別裝修，不過都有一啲重點設計㗎，叫得瑞士㗎啡室，都真係帶有啲懷舊味道嘅今日下午 2:30 先嚟到呢度，啱啱好有下午茶食，見到佢餐牌嘅選擇都幾多，而且價錢唔貴，只係睇餐牌都幾有驚喜，所以我哋都叫咗好幾個下午茶分享一齊食呢度叫得瑞士咖啡室，其中一個招牌菜，就係瑞士雞翼 / 雞脾！呢個下午茶餐係 瑞士雞翼三隻，簡簡單單，啱晒大家一齊分享果然係招牌菜，佢嘅瑞士雞翼非常入味，有香濃嘅瑞士汁，而且口感夠晒軟，一 d 都唔韌，非常方便食用，確實做得唔錯果然係招牌菜呢個係 櫻花蝦炒蛋雞扒撈公仔麵，呢個菜式應該喺呢度自創嘅，所以都幾想試吓，因為都幾特別，平時出面見到嘅撈公仔麵，通常味道比較普通櫻花蝦係呢個主角之一，所以除咗炒蛋入面大有少量櫻花蝦，其實雞扒面頭，亦都有一啲櫻花蝦乾做點綴大大塊雞扒，香滑嘅炒蛋，配上比較乾身嘅撈公仔麵，如果想比較輕食，呢個會係一個唔錯嘅選擇大家鍾唔鍾意金磚！鍾意嘅話就啱啦，呢個一定要叫，佢就係 金鑽配吉列魚柳！呢