瑞士咖啡室

Open Now

Now Closed

瑞士茶餐，有火腿奄列、厚多士、通粉同埋兩隻瑞士雞翼。OK啦，份量都幾足，火腿奄列個蛋幾好唔會太乾，厚多士通粉好味，通粉份量好夠又夠熱，不過好似見人哋寫蕃茄湯底就唔得，所以我都唔夠膽轉蕃茄湯底，瑞士雞翼就一般啦，唔會話哇好好味咁樣囉。＄45有咁嘅水準都OK嘅。12點到坐低，都仲有好多位，12點3開始就越嚟越多人同埋要等位啦，所以可以就最好就早少少去食啦。不過其實就算要等位，都好快有位嘅，服務都唔錯！

尋日同一班同事喺葵涌附近做完嘢，之後就見到附近有間瑞士咖啡室，之前都食過佢其他分店，茶餐廳黎講質素都算唔錯😚我哋食嘅時間大約係下就五點左右，所以人流唔算太多，唔使等位就可以入去因為我比較忙所以晏晝冇食午餐，就叫左一個瑞士常餐，見到40幾蚊又有意粉、牛油多士、奄列、仲有兩隻招牌滷水雞翼！😎個雞翼真係好入味，雖然唔會太鹹，但係就可能就唔係滷水裏面太耐，所以啲肉冇乜質感另外個多士就烤得好脆，麵包都好鬆軟，加埋牛油喺裏面就好香脆奄列係我去茶餐廳嘅至愛，呢度嘅份量都幾多，而且佢可以煎到蛋裏面有小小半生熟嘅感覺，好正❤️餡料亦都足夠個意粉就平平無奇，唔會難食亦唔會太特別其實一個人就食唔晒，但呢個餐真係好豐富，滿足我所有嘅需要，唯一美中不足嘅係佢主打嘅瑞士雞翼唔夠好，希望可以有待改善

星期六能夠自然醒，再同父王母后食個靚早餐真係一件美事。基本上我次次都係點呢個餐。我最鍾意瑞士有得免費轉湯底做羅宋或者蕃茄湯底。呢種傳統香港茶餐廳風味既羅宋湯，酸酸甜甜，又多菜粒，我最鍾意。火腿奄列、鮑魚絲火腿米粉（羅宋湯底）配菠蘿油呢個餐真係幾大架，如果食哂，午餐都可以慳番。不過食落我就覺得真係太多火腿絲，奄列又有、米粉又有，唔知可唔可以將其中一樣改下？跟餐可以揀菠蘿油或熱狗。菠蘿油咁邪惡既野，一向都係我至愛。呢度既菠蘿油就真係……差既，因為佢好明顯係翻叮，雖然個包暖，但最重要既菠蘿皮就完全係淋既，扣唔少分，所以每次食完我都會話下次叫熱狗好過（試過都幾好食），但下次再去我肯定又會唔記得左呢個感覺，想俾多次機會佢。（其實有時做人就係咁，唔知要騙自己去俾機會人到幾時。不過唔傷身既事，重覆錯下又無傷大雅既。）飲埋杯熱茶走，同屋企人談天說地，咁就一朝。瑞士既餐牌選擇真係夠多，而且每樣質素都唔錯，加上呢間分店星期六空空如也，同平時午飯時間既中環分店差天共地，呢度裝修同環境都加哂分，茶餐廳價錢黎講街坊完全食得過。

午市的瑞士咖啡室真的非常多人，即使已提早了在12時30分的時候，這裡仍然全場滿座，極難找位。要覓得一座，基本上要使用人釘人的方式站在座位旁邊等。這裡的待應基本不會理會你，可是我在某桌透邊等了約10分鐘的時候，終於等到了，正準備坐低的時候，待應忽然相當好心，問問老遠的一位客人: 你幾多位? 呢到有位。然後就把座位搶走。我說我在這裡等了很久，她只回我一句: 唔好意思，我聽到佢呼喚緊我。大姐我夠想呼喚你啦，你地有冇待應理過人啊? 究竟這裡是以排隊的方式抑或是自己找座位的方式，還是待應幫人找座位? Anyway，態度和處理手法相當有問題。午市餐牌通常沒有瑞士雞翼，所以一般都點常餐，包括火腿奄列、餐包、瑞士雞翼(全翼)湯麵和咖啡，售價$44元不用加一。咖啡是即磨咖啡，光是聞非常吸引，因為很香很有咖啡豆的香濃味道，可是一喝下去便出事了。奶放得太多，蓋過了咖啡的香味，這有點像飲淡奶味的咖啡一樣，不知所謂。奄列煎得頗老，有點乾巴巴的感覺，雞蛋沒有什麼雞蛋味；牛油餐包相當厚切，但又不就是一個餐包。湯底選了羅宋湯，一看便知又出事了，湯底淡得很，只有非常非常清淡的羅宋湯味道，如果想清清腸胃的話不妨一試。可是

瑞士咖啡室就真係食左N咁年，由荔枝角食到黎葵涌，縱使小妹已換了兩間公司、身邊的同事三班不同的人，但這些同事也始終如一，都是熱愛這快、靚、正的瑞士咖啡室。午市正旺，通常也要等10-15分鐘，有等過午市枱也都知道，10-15分鐘經已是神速。無他的，咖啡室的地方大，枱多椅更多，樓面的光速手也不容忽視，當然還要一讚廚房大佬水吧師兄出菜出飲品快，快得黎D餸菜又是熱的、檸茶又真的夠檸又有茶。一些連鎖茶記真的給你兩片超薄檸檬、一杯沒有茶味的茶便了事的。平日不是點午餐A、B、C、D、E，便點這個瑞士雞翼常餐，原因!?好味!!他們的瑞士雞翼還真不是蓋的，皮肉也入味，但肉卻還很滑，沒有浸瑞士汁浸到'霉'。Omlette配牛油方包就是正正常常的，方包有烘底已有誠意，牛油塗得還算均勻吧，反正小妹也是夾著Omlette來吃的，我不介意啊~~~問題是這碗湯米，事實上，咖啡室的湯底選擇很多，有原味、沙嗲、番茄、羅宋，小妹選了羅宋，woo...有很多菜啊，顏色也很像羅宋湯，喝下卻沒有羅宋湯的味道啊，極其量只可說是有辣味的菜湯...不過，我們依然支持咖啡室的，因為它在各方面也為無飯打工族帶來了方便

平日午餐，最喜歡就是跟同事去吃瑞士咖啡室，因為瑞士一向非常足料，每個餐都給人驚喜，極度吸引！只是價錢也相對貴一點，但非常抵食！但今次，我貪得意，走去試轉湯底，轉成蕃茄湯， 啊，早知道不轉好了，我真的吃不慣這種濃又不濃，稀又不完全太稀既蕃茄湯味  下次吃正常一點算了，但瑞士雞翼和奄列蛋還是一樣的好吃

見新開張，諗住去試下。去到門口，個人同攞飛既人講無晒特價早餐。星期日朝早十點半已經無晒特價早餐(做唔到就唔好用呢招黎吸客啦)。不過算，反正都係諗住試下，正價早餐都照殺。入到去坐底，諗住叫一個早餐一個常餐食。個呀姐又話無晒早餐得午餐！姐係點？姐係亂囉！企門口既人話有，做樓面既話無，佢地之間無溝通既咩？無心機，求其叫兩個常餐。上菜速度都算快，先黎凍檸茶走甜，第一次飲凍檸茶有熱檸茶既苦kip味到雞翼面~先講個麵，個湯無味到好似水咁。到雞翼，色水唔錯，但同樣地係無味既！到奄列同牛油多士，先食多士，個皮好硬，同埋都算厚。連個皮都唔脆，個包就唔使講啦……仲要牛油都無乜味！到奄列，都係無咩味既，食左一啖無食lu。成個常餐，食左一半都無。總結，野食又唔好味，價錢又唔夠附近既食肆平，應該無下次。P.s. 食到中段時，個經理話午餐未準備好，所以唔俾出面既客入黎……其實呢間餐廳準備好開業未？

沒想過在工廠區之中可以找到一間懷舊特色的茶餐廳，不太起眼的門檻，內裡是五、六十代為藍本的裝潢吧，喜歡古典、舊舊的環境，令人舒服。 雖然經差不多下午二時了，餐廳仍然擠滿食客(是彈性午飯時間吧!)，始終是午飯時間的尾聲，不用等候就找到位子了。點了一客「黑椒汁豬扒拼迷網春卷飯」，質素和份量正常，午餐配的熱咖啡用了「牛奶杯」奉上，不知怎的頓時變得很有風味~ 懷舊的裝潢，地板是用了「格仔」階磚 午餐—黑椒汁豬扒拼迷網春卷飯$37-HKD 總覺得「牛奶杯」很傳統、很有香港特色瑞士咖啡室葵涌葵昌路9-15號貴豐工業大廈地下

流感季節，感冒口淡淡，唔一定要食粥，可以試下呢款傷風感冒餐包括有大大碗特濃蕃茄時菜火腿通粉 + 熱辣辣菊花薑蜜蕃茄湯底真的全是蕃茄渣，而且完全沒有加入蕃茄醬，所以味道很清淡，但同時又有很大陣的蕃茄草青味，可以幫助補助維他命C另外，鼻塞喝著熱菊花薑蜜，令鼻腔即刻暢通晒而且，通粉超級大碗，足足有平時m記早餐的兩倍有多，超級抵食！！

因為返工食飯時間有限制嘅關係，所以Lunch只可以喺附近食，又因為天氣太熱，所以唯有喺公司最近嘅瑞士咖啡室食。等位等咗15分鐘左右，坐低唔知食咩好所以是但叫咗個麻婆豆腐飯食。 Well... 喺我印象中麻婆豆腐應該係細細粒豆腐加啲豬肉碎，都唔旨意佢會辣架啦，但碟嘢一上枱。。。嘩！實在太。。太新穎啦？係我見識少唔知道麻婆豆腐已經改頭換面定點？賣相都算，個汁呢。。。個汁似係用鹽加生粉水嘅獻汁。。。真係好食到。。。返屋企要食返個記憶中嘅麻婆豆腐先得！

葵涌的瑞士茶餐廳, 不用介紹太多, 因在之前的早餐也都講過不少了。喜歡這裡的裝潢, 喜歡這裡的食物選擇, 更喜歡這裡的食物水平。這次帶個朋友來吃妟晝, 但大家都有意識地想吃下午茶時間, 於是兩點半三點才到。不過真不敢相自己的眼睛, 三點鐘時間, 工廠區地帶, 竟然全院滿座!! 真誇張!!餐廳餐牌選擇甚多, 焗飯/意粉, 咖哩, 中/西式碟頭, 炒粉麵, 湯飯等。而且餐牌上的選擇全都有下午茶特價。而這次我就選擇了XO醬瑞士雞翼炒公仔麵。炒公仔麵鑊氣甚足, XO醬用得不算多, 但已有不少鹹香。麵條經水煮再炒, 依然彈力很好, 而且麵條上色亦算均勻, 是惹味而又有不錯口感的麵底。搭上一隻雞中翼加翼尖的瑞士雞翼, 雞翼經豉油鹵水浸泡, 雞皮有點點鹵水及甜香, 肉質嫩滑, 可口而入味, 感覺十分不錯。綜觀這樣的一個下午茶, 連飲品才HK$30。除了嫌其炒公仔麵份量小一點之外, 其他基本無可投訴。

「瑞士常餐」 有我們典型的奄列、多士、瑞士雞翼湯麵, 我最喜歡吃雞全翼，因為我喜歡吃雞翼尖！雞翼用甜的瑞士鹵水汁醃得入味，多士亦烘得脆口，是下午茶不二之選。 「傷風感冒餐」 蕃茄濃湯底火腿通粉配薑蜜，酸酸的湯頭全是新鮮茄茸，真材實料，啖啖都是番茄的鮮味，愛茄人士必會瘋愛。 「瑞士汁炒牛河」 炒牛河的重點是河粉要炒得每條分明，夠鑊氣，它是做到了。每條河粉都掛滿甜甜的瑞士汁，也沒有炒得太油膩，值得一讚。 「蝦醬瑞士雞翼炒公仔麵」 大廚特別用上蝦醬去炒公仔麵，我們一致都很喜愛它的味道，鹹香令麵條的味道更能提升一個層次，而且也甚有自家特色。

早餐特集又來一個, 今次來到了葵昌路迎轉彎位置的瑞士咖啡室。餐廳其實是在貴盛工廈旁邊的貴豐工廈, 初時看面門, 感覺光鮮整齊, 十分不錯。但一入內, 感覺更是眼前一亮。因在工廠大廈位置, 從未見過如此好的裝潢茶室。整個設計有點似蘭芳園的分店, 用上七十代表的茶檔特色。門庭中間大大個橫匾寫上"瑞士茶餐廳"。餐廳多以卡位為主, 頭頂部分燈飾用上雀籠設計。牆上掛有午餐選擇。桌面用上有玻璃夾層, 中間放有餐牌。早餐一般由HK$21-25左右。多是一個湯粉, 牛肉或肉丁等, 加上多士及西式四寶的其中兩樣, 以及熱飲。不過餐廳特別之處在於沙粉麵可將湯底轉成茄湯或羅宋湯, 而不用加錢, 感覺有著數但因我是點了早餐之後才知道, 而且還是五香肉丁, 所以就沒有改湯底。不過五香肉丁紅酒多, 味道夠, 雖不會是什麼好營養的料, 不過勝在香口惹味, 亦有點點辣度刺激, 醒神醒胃。反蛋煎香, 雖然蛋黃流心, 可是蛋白煎得有點乾, 外邊稍香脆。火腿一般, 味道亦不怎樣。以水煮形式, 不會多油。多士採用厚, 略有烘過, 不算脆, 可是已可接受。綜觀以上各點, 歸納以下分數:環境 (整潔程度, 光猛度等) -- 9/

(717)葵涌開了一間瑞士咖啡室，位於葵涌工廈林立區，午飯時間到來，人頭湧湧，一個人就不用等位，亦順利入座。午餐：每款35元，選擇了其中一款，鮮茄燴火腿豬扒飯，凍飲加3元，要了凍咖啡。鮮茄燴火腿豬扒飯，沒有鮮茄，只有茄汁，味道偏酸，但好味，火腿有兩片，味道普通，口感比較腍。豬扒煎過味道都可以。凍咖啡，味道不濃，隱約有少許酸，飲落也OK這裡午餐，星期一至星期五，每天有固定4款午餐供選擇，工廠區價錢來說也不便宜，都可以接受。