瑞士咖啡室

Open Now

Now Closed

同同事lunch time 食來食去都係果幾間餐茶餐廳，有時真係幾悶，今日行遠少少，搵左間瑞士茶餐廳，有好多選擇自家制櫻花蝦炒滑蛋雞扒撈麵 $52用櫻花蝦撈麵，重成本之餘仲夠香，個炒蛋好滑，雞扒大大塊，外皮仲好脆。淋上個豉油汁，甜甜地，撈麵夠惹味。招牌瑞士汁炒牛河 54炒牛河好夠鑊氣，熱辣辣，香噴噴，而且用瑞士汁炒，無咁鹹。瑞士常餐b瑞士雞髀公仔麵火腿奄列、牛油多士常餐都不錯，雞髀大大隻，夠入味，再加埋火腿奄列，大滿足。

今日經過葵涌做嘢，中午搵咗呢一間隱世嘅瑞士咖啡室坐低食個午餐。入到去地方幾大，裝修幾有懷舊味道同香港特色～朋友叫左呢個餐名為「男人浪漫🤭」，一個豬扒麵，再配熱狗或者菠蘿油，加埋個火腿奄列，夠哂飽！☀️☀️☀️熱屎辣辣嘅天氣，整杯咸檸7嘆下，即刻消哂暑～～❄️❄️❄️而我就叫左星線推介嘅花雕醉雞飯配紫菜湯，花雕醉雞嘅份量唔少，好似一個小菜咁。最估唔到係個紫菜湯，好似一個湯麵咁大碗，仲有好多紫菜，好抵飲！嚟到瑞士冰室點可以唔試吓馳名嘅瑞士雞翼呢！所以我同朋友每人都散叫咗一隻瑞士雞全翼😋😋好入味呀～～

今日去葵興做嘢，做完嘢約朋友一齊食lunch,朋友帶我去工廠區一間不起眼的餐廳食飯，門口細細，但內裡好光猛，整潔，坐位尚算舒適。先点一碟招牌瑞士雞翅，雞翅浸入瑞士汁的香濃味，甜甜地，十分好味。跟住叫個星洲炒米，香濃咖哩炒洋蔥，义燒絲，蝦 同火腿絲，米粉爽口唔太乾身，味道啱啱好。最有驚喜係個焗椰香咖哩牛坑腩飯，牛根腩炆到啱啱好，肉質鮮嫩，唔會有嚡的感覺，飯又有粒粒口感，飯底用雞蛋炒過，加深咗焗飯的香味，有酒店級水準。最後加多個西多士做甜品，整個午餐都係百多元，真係超值，好多謝朋友介紹這間隱世餐廳

日日lunch 係葵涌lunch, 都唔知食乜好, 好想食返d有煮家feel既餸丫小菜丫, 今日路過瑞士咖啡室, 見到佢出咗個幾扺食既午市商務套餐, 有雞丫冇魚有蒸水蛋, 真係好有煮家飯feel, 真係唔想再食米線同麥記, 今日約埋個同事去食先, 提早12.30 去到拎位, 都係full 下, 等咗兩張枱就到我, 好好彩,我地order咗個 午市商務套餐叫咗一個沙薑切雞, 一個栗米斑腩, 伙記好快咁拎咗兩個例水過黎, 係西洋菜陳腎湯, 好正好老火, 陳腎好香, 好好飲個湯, 沙薑切雞好滑, 雞一D都唔肥, 有雞味, 栗米斑腩 斑腩炸得香脆又唔乾, 入面D魚肉仲好嫩滑, 粟米汁好香甜, 兩個餸真係送到兩碗白飯, 總結: 好有質素既茶記, 會再去開飯的~ 正正~~

係葵涌做完野，又係搵野食既時間！係工業區都唔會有太多選擇，加上唔係太熟路！見到瑞士咖啡室，記得之前食過其他分店都唔錯！去到餐廳嘅時候已經係2:00 ，已經開始下午茶時間，餐牌上面嘅食品都比正價時段平$10左右，包括埋飲品，仲有其他唔同嘅下午茶餐供應我哋分別叫咗一個菜遠牛肉飯同埋XO醬瑞士雞翼炒公仔麵菜遠牛肉飯個牛肉份量好多，整體味道都唔錯！至於XO醬瑞士雞翼炒公仔麵，用XO醬炒個味道幾香幾惹味，瑞士雞翼煮得夠入味，肉質唔會老！

今日到葵興的Outlet KC100佛羅倫斯小鎮購物到附近的餐廳食午餐這間瑞士咖啡室分店頗多，價錢親民，歷史悠久非一般乾炒牛河 - $52與普通版的分別是辣炒和有些菇菌類，更鮮甜惹味整碟炒得乾身煙韌，鑊氣十足牛肉大片完整、厚身，富有牛肉味河粉乾爽分明，厚身、腍滑有米香更加入秘製瑞士汁，倍添滋味星州炒米 - $52鮮黃辛香的星洲炒米配料豐富，有叉燒、蝦仁、芽菜、青紅椒、雞蛋及韮黃等散發淡淡咖喱香，入口帶有少許辛辣味道，相當惹味XO醬瑞士雞翼炒公仔麵 - $55公仔麵炒得爽口彈牙XO醬醇厚香濃、鮮中帶辣加上秘製瑞士汁辣而不嗆，中間還嚐到一絲甜味瑞士雞翼 - $11雞翼多肉嫩滑入味，味道甜甜鹹鹹的，可輕易撕嚼得到咸檸樂檸檬並非一般的檸檬，而是選用潮汕地區特有的青檸檬個頭較小，外形圓潤，且酸味突出，清新宜人

今日係葵興附近做完野就諗住去醫吓肚，無意中行經呢間隱身左係工廠大廈既茶餐廳。由於條街天氣太熱決定即刻推門入去，入到去原來入面都幾大幾闊落。可能星期六下午既關係唔算好多人，可以慢慢坐低食。黎到呢間瑞士咖啡室見到Ｍｅｎｕ有好多唔同餐都配有瑞士汁，咁一於試下個常餐，有瑞士汁雞脾，配個通粉食，仲有多士同火腿奄列。大大隻瑞士汁雞脾好入味甜甜地　好ｊｕｉｃｙ多士同火腿奄列都整得唔錯見餐牌有推介個ＳＵＭＭＥＲ　ＤＲＩＮＫ係夏日限定，就試左草莓紅茶特飲呢杯特飲夠哂消暑，一飲仲有好香既草莓味，又唔會好甜。另外仲叫左個櫻花蝦滑蛋雞排面個雞排食落唔會好乾好老　配埋個滑蛋一齊撈面又幾好食跟餐加配個旺來冰茶試試　好夠凍，酸酸地甜甜地，解渴清爽啱哂夏天飲仲叫左杯紅豆冰，紅豆又夠哂多，抵飲

平時都成日喺呢頭，不過都係多數食啲普通早餐，今次就試吓佢啲特別嘢寫返篇食評！其實餐牌選擇都有好多，豐儉由人，亦有好多分類。川味酸菜金菇滑雞米線$68包特飲呢個米線都OK，不過其實本身辣味唔算重，如果想辣嘅話可能要另外加辣醬，但係佢個酸味係比較突出！入面嘅雞的確幾滑，不過就唔係平時食燒味設計嗰種style，整體感覺比較清淡有鹹香一點，份量好豐富，女仔食可能會食唔晒啲粉。超級極品早餐仿片五香肉丁公仔麵$42配火腿奄列菠蘿油佢啲早餐噴霧其實都幾煩，如果朝早食比較多野嘅人可以揀呢個套餐，除咗有個唔錯嘅面積之外，最主要可以揀菠蘿油或者熱狗，快遞件有香脆，加埋個牛油仲正，火腿奄列有啲鹹香，送麵一流。呢間野加特飲唔算太貴，龍鳳檸樂都幾抵飲，就算食一個奢華嘅Brunch都唔會話太貴，早啲嚟坐卡位就最舒適！MENU

豬小姐今日少有尼到葵興工廠區覓食 只因約左係附近做野嘅豬朋閏蜜尼個快閃tea岀面成三十幾度 豬小姐已經又熱又餓了 叫幾多野我都食得哂落呀所以兩個人叫左炒飯 炒河同吉列魚柳餐廳好闊落 冷氣好勁 用麻雀砌岀尼嘅招牌同懷舊pattern地板最令我印象深刻吉列魚柳配沙律超重份量 吉列魚柳size有成隻手掌咁大 雖然炸得過火望落比較窿 不過裏面魚肉都keep到嫩滑沙律又大大杯 沙律醬多到爆哂汁 係好有港式味道嘅雜果沙律樽裝鮮奶只係加$3 樽仔奶都係茶記特色之一尼架櫻花蝦珍珠帶子炒飯香氣十足 櫻花蝦嘅獨有鮮味好岀 有預先爆香櫻花蝦先會做到尼個效果珍珠帶子粒都有十幾粒 炒飯炒至粒粒分明夠乾身 只係油份多左啲 不過我尼個澱粉質怪已相當滿足因為我食豬多過食牛 干炒肉片沙嗲炒河就岩哂啦樣子同干炒牛河無分別 肉片大大片有咬口粗河粉生抽味好夠 入哂味 可惜沙嗲味消失左 加埋生生地嘅洋蔥同韭黃 係有獲氣之選茶記果然係快靚正 性價比高之選 最深得麻甩佬豬小姐歡心

這間是我上班lunchtime最常去的餐廳，因為價廉物美，而且上菜速度快。朋友點了瑞士雞髀撈公仔麵（$50）跟凍朱，我平時都常吃招牌套餐，今次就試試其他，點了泰式冬陰公海鮮炒烏冬（$52）配凍檸水。瑞士雞髀撈公仔麵很快送到，精華當然是瑞士雞髀，保持一貫水準，煮得非常入味，公仔麵撈瑞士汁真是非常美味。泰式冬陰公海鮮炒烏冬應該是即炒的，因為上菜時是熱辣辣，有蝦、蠔、石斑等，非常足料，配合冬陰公香辣的味道，很開胃。

對於附近返工嘅人黎講，除咗光輝圍就係黎呢間瑞士咖啡室食，最中意食呢個xo醬瑞士雞翼炒公仔麵，瑞士雞翼夠入味，仲有瑞士汁喺雞肉上慢流🤤🤤而且係用雞全翼整既，特別好味😋❤️ 炒公仔麵有韮芽、紅椒絲、青椒絲、洋蔥絲、炒蛋，口感不錯，麵不會太林，岩岩好👍🏻其實幾少見呢款高身既杯，好特別仲有寫住瑞士咖啡室星洲炒米賣相都好似幾得^_^除左韮芽、椒絲仲有蝦仁，朋友都話味道唔錯。下次要試過先，不過點都要叫返個瑞士雞翼😍

朋友家住葵興， 很久沒有見他， 今日下午他帶我到工廠區食好嘢。 我們一行三人， 走過夏天暑熱的街道，進入一個冷氣十足涼快的餐廳， 頓時食慾大增。先來點一個川味酸菜魚柳湯米線， 可以揀選配特飲一杯，凍檸七、咸檸七、紅豆冰、凍檸樂等任選。 看見餐牌， 米線好大碗，所以叫了少米線，但份量依然很多。 魚柳滑溜無小剌，可以放心食用。 酸菜份量適中， 好適合夏熱天時，食點酸味開胃。金銀蛋浸時蔬 ， 浸菜心，配例湯，青紅蘿蔔豬骨湯， 用了十足，味精不太多， 而且大大碗， 足夠我們三人分享。 這個小菜要65蚊， 如果以 茶餐廳午餐來說好像貴了一點點， 但是他用料十足， 對於常常以肉為主的午餐， 偶然會想食菜， 這個是不錯的選擇。 浸時蔬， 可以泡飯一齊吃， 鹹蛋皮蛋撈埋飯，一齊食非常美味。來到瑞士餐廳必點的常餐a， 火腿奄列、牛油多士、瑞士雞翼公仔麵。 瑞士雞翼冇得輸，如果你沒有吃過，就不要帶朋友來這間餐廳食飯咯。瑞士汁浸過的雞翼肉質不會很嚡， 雞翼不會過甜或過鹹，味道恰當好處。 配公仔麵簡直一流，這個是首推必點之選。 這間瑞士咖啡室，之前在新蒲崗，荔枝角，都試過他的分店。 質素有保證，大件夾抵食。

不得不推介我個人喜愛嘅瑞士咖啡室，已經幫襯好多次，尤其是疫情留家有一段時間，實在會掛念，瑞士咖啡室更係要食佢地嘅瑞士汁系列，雞亦雞脾配百搭嘅麵飯，無得輸。平日多數鐘意早餐時間食，但今個週未訓晏左，所以去到已轉 menu 唯有食個午餐，老公揸車帶左去葵涌工業區，揾翻我所想嘅美食，一樂也。除左味美嘅瑞士汁系列，其實佢地小炒也是我們嘅必叫系列，今次還有新選擇~~ 八味珍珠帶子海鮮炒飯 $52 價錢性價比高。牛河，星米不能盡錄。好少見實物回比圖片吸引，仲要滿滿海鮮，除青口，魚柳，蟹柳，珍珠帶子，大大虾仁，粒粒飯入晒味，用上 XO醬炒超香超惹味。 佢地嘅餐好多配搭同選擇，今日我想食雞脾。$52 都唔算貴只因足料貨真價實。實在大豐富了，較細食嘅人未必食得晒添，多士火腿奄列好多料。雞脾成隻手板咁大，瑞士汁包著，正架。

之前去過瑞士咖啡室覺得這間的瑞士雞脾好好食，沒想到同事話在公司附近有間，就和同事去吃午餐，去到裝潢都同其他一樣有個用磚仔貼的餐廳名， 而這裡都幾乾淨，坐得都幾舒服，我最後叫了一個瑞士常餐B，入面有火腿蛋奄列勁多火腿蛋都幾滑身。好厚又軟熟的牛油多士，瑞士雞脾來都幾幾大隻，好入味味道剛好，雞肉都十分嫩滑。這裡麵都選擇不少，竟然看到少的褔字麵當然叫這個啦，麵質比較幼身但有口感，煮得剛好。飲品我就要了特飲咸檸七，十分解凍又咸檸味道濃帶點酸好開胃。朋友因吃了點東西只叫了一杯茶走，奶茶味道濃但又不會太甜，而且仲要都幾大杯。見不少人都有吃炒米碟頭飯之類，下次可以再和同事再食其他。

召喚中意食港式野既朋友仔💨金鑽配瑞士雞全翼 $39西多士本身好邪惡所以唔敢食成份 但呢個餐就啱晒我 佢有兩細塊西多士 可以享受既同時又冇咁多罪疚感🤣西多士好厚 仲可以自己加糖漿✨雞翼方面整得好「淋」好入味又大隻😋-焗至尊豬扒意粉 $49呢個意粉好好食呀 🥳佢落咗好多芝士（我係芝士控🙈）而且啲豬柳已經切到一塊塊咁唔使一路食一路切好方便😝加上啲豬扒唔肥 食落去又唔多筋🤓啲意粉焗完之後又唔會好乾 裏面都好濕潤 配埋啲菠蘿同蕃茄食 好味～-吉列魚柳炸薯條 $34塊魚柳真係大到嚇親 基本上有我隻手咁大✋🏻😆而且佢炸得好香脆🤩仲有足夠嘅沙律醬俾你配 薯條方面都炸得好脆 上邊仲撒左啲黑胡椒 仲有成支番茄汁任你自己落😻-由於係下午茶餐 所以我哋叫咗杯熱朱古力同凍檸茶 覺得呢間茶餐廳都算高質而且價錢都唔太貴 值得一試～👍🏼