泗興食堂

Open Now

Now Closed

美食沙漠中的私房菜平時好多人都會預先訂枱有時候都未必有位連平日去食都多人多熟客幫襯必食的係蝦多士如果假期去記住要預先留蝦多士蝦多士好足料而且好食😋入面全部都係蝦肉同埋蝦膠用心製作👍🏼每日可能會有唔同嘅海鮮或者菜式去到可以問佢呢間私房菜主打每日有新鮮雞依家好少地方會有新鮮雞食同埋佢有唔同嘅煮法可以揀你想食嘅口味之前試過沙薑雞相入面嘅係蔥油雞個人比較鍾意沙薑雞蔥油雞整得唔夠熱所以有啲影響咗炒豆苗好好食唔會老炒得啱啱好推薦豉汁蒸鱔同西蘭花炒鮮魷豉汁蒸鱔推介💖份量都多而且蒸得啱啱好炒聖子聖子好大隻不過份量唔多唔係好推介馬友就有人覺得有啲腥其他人都接受到既呢間係比較地道嘅私房菜仲有好多款式係柴灣住的不妨一試

個人覺得柴灣其實都算係一個美食沙漠好多時就算係連鎖店，都係冇其他地方嘅咁好食。不過柴灣呢間泗興，真係一間隱世私房菜係我難得一間食極都唔厭嘅舖頭其實今日食咗好幾樣嘢不過太好食，唔係碟碟都記得影相記得影嘅就係巨型蝦多士椒鹽大鮑魚仲有蟹膏蒸水蛋豆腐巨型到，又好食，又好打卡🤭其實佢仲有其他特別嘅嘢食例如煲仔炒飯、豉油王炒麵都好好食瑤柱蛋白炒飯都係好夠鑊氣最緊要唔重味精平時食呢啲食物都好怕會有味精，呢度食完一啲唔會口渴所以我都推薦俾屋企人食🤣遠啲都推介因為值得坐車都要去食

{柴灣私房菜 - $300/人頭}自從唔係學生哥，十幾廿個朋友一齊食飯嘅機會真係少之有少，難得聚首一堂，當然要搵啲難得一試嘅美食！呢間泗興食堂嘅私房手功菜式真係令人一試難忘！♦️鴛鴦鳳皮甲集合雞皮，蝦滑，海蜇沙律，聽落幾樣嘢好似唔夾咁，但拼埋一齊好似乳豬咁上碟真係令人嘩嘩聲！無論味道同震撼度都出色。♦️蝦多士蝦多士就算係普通版都唔簡單，呢個仲要唔係普通版！每一舊我諗入面有成十幾隻蝦嘅精華，成碟我諗有過百隻蝦，明顯係心機菜而且勁好味！♦️賽螃蟹冬瓜盅滑滑嘅蛋密舖在蒸到晶瑩剔透嘅冬瓜上面，引來強勁嘅化學作用，又係嘩嘩聲嘅傑作！♦️蟹膏蒸肉餅點估到蟹膏蒸肉餅真係擺埋兩隻大花蟹喺上面一齊蒸，成碟都充滿住爆發性嘅蟹味，真心令人回味！♦️蠟味煲佬飯大大煲熱辣辣，熱到我地聽住個煲爆左😂用呢個煲佬飯作結大家都勁滿足！其實我地仲叫左啲小菜，不過就以上面呢幾個勁精彩做個記錄啦！美味程度：😋😋😋😋😋環境指數：🎇🎇🎇🎇番食機會：🦍🦍🦍🦍📍 #泗興食堂 (柴灣)柴灣利眾街37號地舖

週末同朋友聚餐，柴灣友係返柴灣食飯。炸豬大腸：炸到脆卜卜，送酒一流炸蝦多士：價錢有d貴海鮮雜菜煲西芹腰果炒雞雜咸魚雞粒炒飯：飯底太濕，無咗炒飯口感胡椒豬肚花甲湯：秋冬點呢個湯非常暖胃有興趣可以一試，不過記得要訂位先。

住咗喺柴灣咁耐，都係第一次去泗興食飯🔥一早Book定幾個招牌菜，試吓係咪真係咁正先👀👀老細好friendly 搞鬼，氣氛好正🥳✴️鳳皮甲✴️用雞皮包住墨魚餅再煎炸，估唔到咁香口！雞皮好薄好薄，煎炸後帶有雞油焦香味，好正😍下面係青瓜雞絲海哲沙律，好想用嚟夾麵包食😆✴️蝦多士✴️唔好睇少依件蝦多士！成隻手掌咁大，超厚身，食完一件堅飽🫢非常多蝦肉&蝦膠，十分足料，熱辣辣100分💯✴️生炒排骨✴️好欣賞依碟生炒骨，炸皮好鬆化，放耐咗都唔會淋patpat，可以話係香港數一數二好食嘅生炒骨😍✴️香蔥臘味煲仔飯✴️焗一陣先食得，帶有微微飯焦🍚米粒粒分明，依種長尖米好適合用嚟做煲仔飯，有米香有咬口😋✴️辣粉絲花甲鍋✴️少少辣都幾辣，質素正正常常，唔算太特別～✴️白切雞✴️好淡味嘅白切雞，肉都唔算嫩滑，可能炸子雞會好味啲🥲

朋友介紹嚟左呢度食晚飯。格局係街坊店。開支啤酒飲下最開心，每樣食物份量都好足，要大班朋友先至試得多d~ 呢個蜆介鯪魚球好好味！「鳳爪」炸蝦餅～ 真係手板咁大！滿足。 百里香蟹子炒粉絲 唔記得呢個煲仔飯叫咩名堂，佢唔係一般嘅煲仔飯，係一粒粒，幾有趙口。因為見到前面既食評已經介紹咗好多，所以唔使多講，純粹分享吓照片。叫咗咁多樣，樣樣都好食因為朋友之前嚟過，知道有啲菜式係要先預訂。整體來講都好滿意呢！ 呢類型街坊好味嘅店舖，值得支持。

柴灣其實是一個臥虎藏龍的地方、玩，除了我最愛的豬扒、燒牛肉、車仔麵、魚柳包、叉燒之外，泗興食堂是我近期新貴，中午做碟頭飯、晚上變成私房菜形式。其中一道「鳳皮夾」可謂獨步武林、香脆雞皮剪下皮下脂肪、再釀入新鮮墨魚滑、食得招積，口感異常特別、配上海蜇手撕雞、菜式大膽創新、味道接受程度高、繁複程度不比傳統手工菜專美、10分值得一試❤️ 蝦多士外型及足料程度好比奧本海默原子彈－樣、男士一位食爽爆、女士建議一人一半蔥油雞用上本地新鮮雞、蔥油香走不了、新鮮雞雜做底證明其真材實料特色蒸元貝，這個比較失色這個地方最好三五知己把酒談歡、大吵特吵才對得起這一種麻甩食堂雖然價錢不太貼地，見到師傅真的把每個菜用心做好，值得的。我會繼續光顧發掘該店更多的特別菜式

呢到晚市做私房菜一定要事前訂枱不能walk in 食材係老闆每日去街市買即日整，食過真係番5到轉頭，食林簡單但好有心整鳯皮夾好考功夫，鷄皮去肥剪香同釀入新鮮墨魚滑口感好特別，另外有麻醬海哲青瓜加鷄肉粒蝦多士蝦滑夠厚好足料，多士多脆清蒸肉餅最簡單做法都好jucy 好味蔥油鷄用新鮮鷄事有埋新鮮鷄雜俾埋你正 😎😎海星斑斤幾幾，一食就知新鮮游水魚🥰，魚皮有張口感，魚肉鮮甜冇得頂，蒸嘅時間火候好準確先可以咁有水準炒飯有陣陣臘味香，有少少飯焦，粒粒乾身，口感介乎煲仔飯同炒飯中間，有臘腸臘肉碎有咬口，食一碗啱啱好又5會大膩😍😍

作為街坊，每次做gym都會經過個邊🏋️喺MM未介紹之前以為係普通嘅工廈飯堂，嗰時見外面有個「愛心雪櫃」對呢間印象幾好🫡喺條片出街之後明顯多咗好多人，當晚諗住去食，打去問點知已經full晒🥲唯有book第二晚食，除咗要book位之外，嘢食都要訂，因為好多功夫嘢要預先準備定，尤其係雞，諗住訂炸子雞，老細都話要早兩日😢當晚我哋被安排坐戶外，不過停車場個位唔通風，都幾熱下，同埋feel到有幾個員工唔係幾熟手🫣係咁倒瀉嘢同有甩漏，不過態度都幾nice，打返個和！=====================🍤蝦多士 $60/件 (4件起)蝦多士一定要預先訂，同要訂4件起！訂個時唔知幾錢，估唔到要成$60件咁貴😂不過都幾大件，同埋隻蝦食得出係原隻新鮮蝦，啖啖蝦肉，多士真係超級無敵脆，第一啖係幾驚豔，但整體都係偏油膩，食一舊已經好飽🤰建議大家唔好眼闊肚窄，一人一件過下口癮就算😤👑鴛鴦鳳皮甲 $420(?)同樣係喺餐牌上冇嘅菜式，一定要預先同餐廳訂，鳳皮甲可以話係呢到嘅招牌，而且真係好考功夫，雞皮包住墨魚滑，出面微脆，但入面就好彈牙🤤加埋雞絲、海蜇同青瓜，令整體更fresh，好食！🍚生炒糯米飯 $198有少

朋友話見到呢間餐廳做緊打邊爐優惠$199 有海鮮連肥牛，於是我地就約咗一齊嚟食。特別一提係，打邊爐要提前同餐廳約好材料數量，方便佢地準備。基本上，一坐低佢就上齊哂Ｄ火鍋食材，之後就會問你要咩湯底。老實講，Ｄ材料就唔好預佢好新鮮，湯底就唔算得上好驚喜，個人就唔太推薦佢個打邊爐。知道佢地小菜好出名，提議不如叫兩個小菜試吓。我地就叫咗「風沙豬手」同埋「煎墨魚餅」，兩樣都好好食！好有鍋氣，送酒一流！叫佢小菜真係無錯！唔飲酒既話，佢都有Ｄ養生茶飲，叫咗有唔同選擇。值得一提既係，呢度會有人睇波，所以環境有D嘈；同埋佢係只收現金。

平時好少去柴灣， 有朋友提議到泗興食堂食晚飯， 我們一行八人去試下。 店內沒有任何裝修，應該是靠實力吧！菜式有煎墨魚餅配雞絲青瓜、 蝦刺身、 賽螃蟹冬瓜盅、 白切雞、 鐵板牛柳和煲仔飯。 ▫️煎雞皮釀墨魚餅配雞絲青瓜 ～ 菜式幾創新， 味道正常。 ▫️蝦刺身 ～ 蝦刺身肥美新鮮，肉質都幾厚身。 ▫️蛋白蒸花蟹 ～ 花蟹不算大隻，但肉質幾鮮甜。 ▫️賽螃蟹冬瓜盅 ～ 這道菜清清地。 ▫️鐵板牛柳 ～ 鐵板上香氣四溢， 但味道普通。 ▫️白切雞 ～ 肉質未去到鮮滑的口感。 ▫️煲仔飯 ～ 有香噴噴臘味香， 有飯焦， 但個人覺得少了臘腸臘肉的口感。 當晚除了這幾道菜式，我們還點了幾支啤酒🍻， 埋單大約五百幾一位📌。🏷️溫馨提示～ 整個用餐體驗均屬個人分享意見， 只作參考😊。

This is the first time I came to here to have dinner. The boss was so nice and they (boss's wife and boss) would introduce the food to us.As we were just two people, I ordered a clay pot rice (沙窩嘢味炒飯) and a fried celery with garlic. Out of my expectation , the clay pot rice was so big. The rice was extremely hot and many spring onions were on top of rice. After stirring it , we started our dinner and found out the rice was so good. The size was big the taste was not so salty nor oily. Qu

餐店係工業大廈地舖，食物同茶餐廳係同一類，選擇都多。餐牌：環境：叫左XO醬西芹斑片。斑片很淋，質感唔多得。當然亦預左係急凍魚柳，本身冇味，係靠XO醬。西芹爽口。XO醬少少辣，有d蝦米粒，都惹味。例湯有塊合掌瓜，整體甜甜地。整體味道真係麻麻，勝在夠快，咁啱趕時間。上枱都仲熱熱地，係即刻煮。

呢間泗興飯堂，夜晚有晚市，可以食小炒，都有碟頭飯等等，份量算是大，店內無裝修可言，直白說其實係工業大廈地下個層做食肆有次去食晚飯，以為工業大廈會平平地，睇門口既餐牌都唔係貴，入去食，點知埋單一個飯成百幾蚊.....唔係唔好食，仲好大煲，但無預咁貴，餐版又無寫😞最後都當然係比錢，只係心裡不爽，怪自己無落單前問清楚，下次一定要睇清楚，唔好以為工業大廈地下飯堂一定平，原來都唔係架平日早餐價錢同快餐店都差唔多，不過再去既機會都唔高......

每年既七八月都係令人頭痕既日子，適逢依兩個月就要諗去邊度幫同事搞farewell party！早一兩年都係度搞過farewell party,依度關門關得夜，可以就到夜放工既同事，一齊黎食到飯，又可以自備酒，所以今年就揀返依度搞歡送飯局。今晚一共叫左十碟餸，三十四人份量，分兩圍上，分量岩岩好，同事又覺得岩食燒乳豬，一開始諗住叫燒味拼盤，不過都係乳豬得體d。乳豬外皮夠脆，又唔會太咸。海蜇手撕雞，我個人最喜歡既菜，雞好香麻油味，而海蜇就好爽口，會令人食唔停口。蜜椒薯仔牛仔骨，牛仔骨帶有蜜糖味，幾好食，牛仔骨熟既程度岩岩好，唔難咬開酥炸大腸，男同事們一早就我講一定要order，送酒一流。豉油蝦，隻蝦好入味，烤到脆卜卜，連蝦頭都好多肉椒鹽鮮魷，鮮魷炸完之後都唔會硬梆梆，肉質仲好鮮嫩，連平時唔鐘意食魷魚既同事都話OK豉椒炒蜆，食飯必叫既小菜，味道唔錯，不過有d蜆有沙。蒜蓉蒸元貝，每一隻元貝都好大隻，一上枱同事們都哇一聲，食落啖啖肉，粉絲索晒d汁😋菠蘿生炒骨，菠蘿好甜，生炒骨好脆，必食之選椒絲腐乳炒通菜，食左咁多碟肉，食左d菜平衡下。D餸全部都夠大碟，味道又OK，最緊要全部都好岩送酒，各位同事都好