大欖燒烤

Open Now

Now Closed

大欖燒烤係少有有流水蝦任食既地方. 亦係勁罕有既黃色燒烤場🔥流水蝦放題既地方雖然唔大. 但每枱都有合適既隔離流水蝦🦐就係每張枱旁邊. 工作人員重會定時添加. 一啲都唔吝嗇.保證食客時刻都有蝦食啲蝦隻隻都好生猛. 一開始夾既時候都有啲驚🤣要放佢入啲冰凍暈佢先至唔會周圍跳每隻都大隻又大頭超多膏🤤蝦肉好彈牙鮮甜💥另外重有好多唔同款式既串燒任你拎. 由燒烤必有既司華力腸.翠玉瓜. 雞軟骨到出名既叉燒粒同和牛🐮串都有叉燒粒真係次次都狂食. 餣得好好味. 肉質亦唔會好假和牛串牛味好濃.有好香油脂味✨好食野飲都係任飲🥤而且款式好多訂位重送海鮮船🚢有飽魚. 蜆. 扇貝. 蠔🦪不過海鮮船入面既海鮮會因季節同入貨有轉變每位都只係三百幾蚊. 淨係隻海鮮船同啲大頭蝦同抵返哂😝每次想食海鮮就會去大家都要多多支持呀🥰

今個中秋,你BBQ左未呀?! 原來而家BBQ都有流水蝦食架喇!有分戶外場或室內場,怕熱就預訂室內坐位比較舒服!夾蝦之前店員會教你夾到蝦掉入冰筒凍暈蝦再掉入爐燒,唔係會周圍彈呢度既蝦都幾生猛同大蝦,非常鮮甜大隻!除蝦以外,當然少不了海鮮,有蜆,鮑魚,生蠔添!真係夠曬風味!最重要海鮮水準唔錯!另外仲有多種BBQ醃肉,蔬菜,肉丸腸仔小食供應,食到飽一飽先走~流水蝦係食足150分鐘既,計埋燒蝦時間其實都好足夠!消費$350屯門大欖涌村385地段

🌈流水蝦體驗難得大家夾到假，今日終於一齊黎燒流水蝦，成個小型旅行團咁。😆😆😆場地有分內外燒烤場，我哋當然選擇有冷氣嘅地方啦！🤣成個場地面積都幾大下，環境幾舒服，仲有放咗一啲旅遊景點打卡位。📸📸開始夾蝦之前，會有員工講解一下，夾到嘅蝦放入冰筒，浸佢30秒，暈咗之後先燒。啲蝦都幾生猛，唔快手啲都俾佢走甩咗。😧😧我覺得啲蝦都唔錯幾好食，除左蝦之外，仲有其他肉類，蔬菜，丸類，等等。見到我阿媽同朋友玩得咁開心，我都好開心。🥳🥳

🚌交通/環境交通都算方便，只要你去到屯門，就有好多巴士/小巴可以到達🚌🚎話就話燒烤場，但環境勁乾淨！仲要夾流水蝦既area係有冷氣🤩🦐食物方面流水蝦係無盡添加，絕對唔洗擔心夾哂就冇得夾！仲要隻隻都好生猛，大大隻🤤蝦肉彈牙鮮甜💥蝦頭又大又多膏☄️另外，串燒方面都好多野揀🥩而且食物質料絕對唔係hea你👍🏻私心推介一口和牛，雞翼，羊扒，叉燒🙌🏻仲有！！！最正係訂位既都會送隻海鮮船😍大到成隻鐵達尼號咁款🚢上面有生蠔，蜆，同鮑魚！加芝士燒隻蠔真係好正🤤一燒d鮑魚，就縮下縮下咁…🤡

地理位置都算係遠，但都算多車經過，但落車步行去就有大段距離，可以當做下運動。服務態度： 我覺得幾好既，有禮貌，拿餐具都有禮貌，同埋講解好清楚，知道去邊拿野飲/餐具之類。 入到去坐定個位，就即刻同你開爐，幾好既有風線幾把，算係冇咁熱，好似仲有冷氣場，不過冇入過去燒，唔知咩環境。野食方面：野似有1支水+一罐野飲選擇。食物基本要食既雞翼、腸仔、扒等等……都有既，仲要雞翼方面都幾多口味嫁，我就覺得幾好味，唔會有變壞等問題。個人覺得比龍_灘（應該都估到邊間吧）個間好一萬倍。價錢算係咁啦。可以好早燒到夜晚10點幾好，一家大細都岩玩。

香港第一間既流水蝦放題，我本人覺得仲正過係泰國食果啲大頭蝦，三百幾呢個質素絕對係值得，兩個半小時可以慢慢燒慢慢食，仲可以打咭影下相咁，食物種類繁多好多選擇，我差唔多每個月都會去一次幫襯

同一班朋友約咗佢嗰度燒烤燒全日，整體環境乾淨，食物嘅質素正常，有雞翼、排類、丸、方包同埋蔬菜，而且可以叫人幫手開爐 （需要另外加錢）都幾方便～最緊要係舖頭係黃店🤩💛同埋店員好Nice～幾適合朋友聚會傾偈

放連假，無得飛，又撞正落雨天🌧️﹗唯有去泰國大頭蝦🦐 🦐任食燒烤場 -【大欖燒烤場】，嘆住冷氣燒海鮮，望梅止渴﹗【🕙 燒烤場時段?】有分兩個時段︰4:30pm & 7:30pm。如果揀7:30pm，就一燒到尾，10pm關門。【💰 入場費包d咩？】場內有多款任食肉類、蔬果、雪糕等，無酒精飲品亦兩大個雪櫃﹗款式好多，總有款啱你﹗場內亦大月啤酒比你另購。而且每人入場都包你一份海鮮(鮑魚、帶子、生蠔、蜆)，份量十足。假日晚上每位$348，再加每爐$50。平日價格或不燒大頭蝦價格，就要另外同店員check。【👨‍👩‍👧‍👧 I I 👩‍👩‍👧‍👧人多點算好？】燒烤場幾大下，有分indoor 同outdoor﹗識嘆又想打卡📸既你，一定要揀indoor。如果人多，你預訂時問下店員，可唔可以卡住蝦糟，兩張枱一齊坐。咁就傾計無阻隔﹗【🦐 D蝦新唔新鮮？】每枱都有個蝦糟，你食到咁上下，可以叫店員加蝦。源源不絶，絶無待慢。【🍖 炭同爐方面如何？】因為大頭蝦要浸過冰水先可以放上爐燒，冰水又滴番係炭上。有時會覺得燒得慢左﹗所以呢個炭爐如果2人就perfect，4人就要慢慢燒⏳﹗【🧻 洗手間衛生如何？】唔錯，地面k

相信大家係呢一兩年，都冇乜點去到燒烤，而我又咁岩搵到呢間大欖燒烤，呢到最大既好處就係，可以咩都唔洗帶直接行入去就可以燒野食，既然咁方便咁我就再方便啲，直接黎講網燒，唔係拎住支燒烤叉食到身水身汗，呢間野真係好多野都可以食到，又魚又羊又豬又牛，又有菜，又有菠蘿，飲品方面亦都充足。啲肉就整得好好食，本身個身質就已經唔差，再加上佢既醃料又整得好好，就為食材增加左唔小風味。而且個價錢又唔係貴，如果食量大啲既朋友去食完全係可以食到有賺。

燒烤分左了3類港式坐戶口，自己叉自己燒包飲品兩款坐室內有串串燒仼飲串串燒加海鮮，仼飲呢排侷太耐，梗係坐戶外，享受下郊區佢冇限時間，燒到收十點不過我地都係六點左右黎，都夠皮自行出去夾野食種類唔算多土匪鷄奕正其他不過不失佢勝在冇限時間呢個蒜蓉包正呀～慢慢吹水聚會

本身諗住幫襯黃店，但又中黃店既伏。成個場得一條友係度透爐，仲要我屋企個風筒都仲大風過佢個舊透爐既野，每個爐佢都要透5-10分鐘，都算。我地足足乾等左八個字，40分鐘呀，都仲係食緊風，啲凍肉都係個30幾度既高溫下陪我地等左八個字，都算。我地同透爐條友講，可唔可以透左我地個爐先，我地齊晒人。佢唔好老脾咁話：前面黎先，你係要等下架啦。前提係，前面班人成廿個人，實際黎左既得個幾個人，但佢堅持要透起晒佢地3-4個爐先肯幫我地。大佬呀，知唔知咩係效益呀？開左爐冇人用，咪又係嘥晒啲炭，係咪傻左？最後要出去同貌似老闆娘既人講，先有得透爐。大哥，你啲同事唔返工唔係我問題，天氣熱你要透爐啲脾氣都唔應該發係我度，一係你就返歸涼冷氣啦。我俾左錢燒咁多個鐘架，你嘥左我差唔多一個鐘，我都未發你脾氣啦！

下午四點半約左幾位朋友黎呢間燒烤朋友share 左佢既流水蝦加串燒任食就一齊試下燒烤場有露天同室內場，有流水蝦漕的都是室內場，所以我地入左室內場食入到去坐底，職員已倒左一堆蝦入流水漕，而當食曬d 蝦，我地叫職員補，佢地都算補得快流水蝦生猛活躍彈下彈下流水蝦新鮮肥美流水蝦鮮甜多汁，蝦頭多膏，幾抵食我地8 個人分兩檯坐，包兩船海鮮比我地燒，味道都吾錯，海鮮吾老紅肉都吾差，可以於中央區到任夾，又有汽水飲品雪糕等任取最後好想講430 入黎食，近日落時間，日光照入黎其實幾好feel

襯著天氣未熱又天陰陰，與男朋友二人去了這個燒烤場，勝在不用帶炭和預備食物，即到即燒🔥在芸芸發黑的燒烤場中，呢個燒烤場簡直救了我，止了我的BBQ癮地方不算大，有分了港式燒烤和串燒。串燒在冷氣房且限時，大胃王的我今次選擇了無限時的港式燒烤。平日下午五點左右到達時只有一枱客人，門口要先付款，進內選好了爐後會有後生仔幫你開爐。$350二人連開爐費，兩包細炭兩支燒烤叉，兩支不冰的水和兩支飲料懶人像我可到Counter買燒烤網和夾子$60加快燒烤。食物款式不多，有些食物和醬料要另加收費，食物質素正常發揮，咖哩魷魚和金莎骨最好吃叉燒粒和椒鹽雞翼太鹽。牛油法包太少牛油，如果可以任取牛油和蒜茸便更好了吃到十點捧個肚皮走

三人行，每位$160，另加開爐費$50，點知連一包炭都唔包，要每包$20額外買炭。野食種類少，肉類只得雞翼、雞牛豬扒、金沙骨、叉燒粒、漢堡扒、咖哩魷魚。基本既豬頸肉冇，雞腎冇，牛仔粒都冇。蔬菜方面只得茄子、三色椒、雞脾菇、南瓜，好基本好基本既牛油金菇，竟然要加$20一兜，燴蕃薯要$10，棉花糖又要加$30一包，牛油又要加錢買。其他燒烤場，呢啲野食係基本款，任食。雞翼又整得唔入味，叉燒得個鹹字，真係好一般。飲品就正常，每人包一枝大水，加一罐罐裝飲品。雪糕當然就要收錢，大約$15左右，款款唔同。好失望好失望既一次bbq，雖然係黃店，但真係撐唔落，唯一可以稱讚係環境靚，地方乾淨，但一定冇下次。希望可以作出改善調整。

見天氣涼涼地又唔太凍，最啱就係黎燒野食同埋放寬左限聚，可以同兩三個朋友黎食野呢到最正就係無限時，鐘意燒到幾點都得，食兩餐絕對抵番晒食物種類方面都係啲大路野，味道都正常，唯一係蒜蓉包搽晒醬擺落箱，唔夠蒜蓉味每人$160蚊包一支700ml水，一罐飲品同一卷紙巾，另加開爐費$50。我地就加左網$40同夾$20，燒得輕鬆啲野飲唔夠再買都係幾蚊罐，價錢非常親民搭巴士落左行5mins 左右，唔難搵。坐得都幾舒服，櫈都乾淨環境幾好，清靜舒服，枱下面仲有層架擺野隔離係串燒，有流水蝦食，不過好似限時，下次可以試吓！