大欖燒烤

Open Now

Now Closed

平時食開佢個流水蝦，有勁多海鮮勁鍾意，今次朋友麻麻哋海鮮，所以就叫咗個港式燒烤，另外加咗個升級試埋火鍋，佢冇限時，可以慢慢食，而懶惰嘅我當然要加多個網梨懶人燒烤，咩都放晒上去，反下就得😝😝😝燒烤嘅食物種類有好多，有蔬菜，肉類，腸仔，丸⋯⋯食物依舊嘅美味新鮮，全部都醃得好入味，啱晒鍾意重口味嘅我。雞翼口味有好多種，我就鍾意雞全翼，同埋雞煲口味雞翼，有咗個網燒到佢外脆內軟，超正。另外重點推介咖喱魷魚，我同朋友都食咗好幾件，易燒好味，又快熟，另外豆卜都好正，燒到佢外脆內軟😍第一次玩燒烤火鍋，一開始仲諗住佢好難滾，點知最後係滾得好勁，入邊嘅材料都好快熟，而鍾意食菜嘅我，有個鍋俾我梨煮下菜更滿足。總括嚟講都十分滿意，不過鍾意食海鮮嘅我，下次一定會再揀返流水蝦放題。

好耐冇bbq, 又想去未去過嘅場, 今次就explore咗屯門大欖燒烤場. 喺屯門轉車站步行10mins 就到. 燒烤場有分室內同室外, 有仲有幾個細嘅小朋友樂園區, 啱晒一定大細嚟玩!除咗串燒燒烤之外仲可以升級食埋火鍋, 入到去staff整好個爐之後就開始全自助mode. 入到食品區, 見到雞牛羊豬魚瓜菜菇丸, 就連包都有! 肉類新鮮醃好點燒都好好食. 甜品方面連新出嘅奶蓋芝士桃茶味甜筒都有, 仲有staff教我嚟拎個心太軟去烘5mins, 再倒雲尼拿雪糕落去, 出嚟嘅效果真係媲美出邊西餐廳嘅甜品!最後食到燒烤場閂門都要拎住個雪糕繼續食, 飲飽食足嘅一日~

💛要搵到有流水蝦既地方難，要搵到新鮮又多野食既仲難，更難係要良心店舖，總算專登咁遠入去試完無後悔去到有幾個plan揀，可以傳統串燒或者用爐，海鮮或唔海鮮首先當然要講就係蝦，職員係每次叫就會加新鮮游水蝦比客人，完全無得呃又唔新鮮！食原味或者加少少配料就已經好夠味！除左蝦之外，場地亦都有好多款肉，菜，什至乎麵，生蠔同埋甜品比客人任食，唔需要額外收錢之餘醃左既肉都好出色，完全唔係求其交出黎就算嗰種！繼續支持良💛舖頭

印象中幾年前去過呢間大欖燒烤，以前只好普通既燒烤場。原來而家翻新左，除左有傳統BBQ，而家仲做埋自助式海鮮燒烤，仲要樣樣海鮮都大大件，泊車又方便 👻除左海鮮，仲有大量蔬菜，肉類，任君選擇河蝦大大隻，可以係自助區夾生蠔亦出乎意料既鮮 🤪仲有扇具、東風螺等等唯一有少少可改善係個爐的確燒得好慢職員加碳既速度亦都唔算好快

小編今次黎到大欖BBQ,揀左佢地既燒烤小屋一大班人BBQ全日。燒烤小屋要提前預訂，設有最低消費限額（小屋租金＋燒烤入場費＋場內其他消費）。 小屋租金$2000 （另$1000按金）+ $190每人成人入場費+ $60爐費+$70邊爐小鍋。預人均消費約$340全日。小屋內有麻雀枱，唱K組合，室外係就係一大張圓圓燒烤枱，所以係可以好充實咁過成日。燒烤場接待處同開爐既員工都有禮值得加許，香港地唔係個個做服務既會畀服務你什至要個客人服務返佢轉頭😪（當然西客另計）所以呢間有齊基本禮貌令人印象分加唔少。所有野食同飲品都去食物亭度自選，有額外食物可外購如甜蕃薯等等。整體員工、食物質素同種類都唔錯，雞翼同豬肉大推！❤️

第一次試串燒bbq其實之前都去過一次食大欖燒烤，佢地既食物好多選擇亦唔會太咸，性價比都高。今次妹妹提議試另一邊新款既串燒海鮮BBQ ,我地即刻報名去啦當日點左唔同既海鮮，佢地有大量醬料比大家調味，我地攞左牛酒加蒜加醬油同小小辣椒🌶️去燒，超大隻同妹食。我地選擇左用鹽燒大頭蝦，職員教我地用冰桶冰暈d大頭蝦（咁佢地就唔會一落去燒仲係咁彈）再點鹽去燒，鮮味大隻同都幾彈牙，絕對唔係cheap cheap貨我地亦都點左魚同大蜆，但沙田比較細隻同有沙，大蜆好多汁同新鮮，蠔就大隻但唔太岩我地口味（相知鐘意海水味好重既人會鐘意）而肉類都好多選擇，雞翼都有6款唔同味，雞肉串燒有韓式同沙爹同原味，仲有好高質既選擇：和牛，一口和牛，韓式五花腩，仲有尤魚同羊架（！！！超多人食）唔會只係得豬排雞排牛排咁悶仲會不停refill,而蔬菜都好多選擇我自己攞左勁多鮮菠蘿加蜜糖燒，起哂焦糖超超超正同juicy ,燒粟米亦都係必食之一麪包都有幾款化大家燒，我地用左蒜蓉法包加蜜糖同芝士燒，好香好岩味Total 150分鐘，仲分左室朗室外串燒，非常之欣賞。一定會encore

燒烤場地點吊腳，只有某幾架巴士先會到，落車行入黎都要15分鐘，如果行動不便，就唔適合黎。呢度有兩款燒烤，但限時2.5個鐘：1. 貴價 $368起 - 食物選擇多，有海鮮，乜都包但重點係爐勁細！爐要另加$60爐費！2. 平價燒烤$198起 - 爐大，但樣樣要另計最後我哋揀左貴價，以下嘅食評都係根據我哋嘅經歷去寫。呢個爐size係for 1-4人，個人感覺太細，燒左兩個半鐘全程都好趕，成日要搵職員加炭，但職員遲遲都唔黎架炭，浪費左唔少時間⋯ 燒左兩個半鐘，我哋4個都唔飽，一來因為加炭慢，二來因為爐太細，根本燒唔切⋯仲要加$60爐費⋯啲蜆好多沙，洗唔乾淨⋯ 螺肉有好多隻都梅左⋯一般燒烤要有嘅食物佢都有，不過調味偏咸係太咸全場最好食嘅，個人覺得係羊架不過飲品選擇就好多，但唔係咩貴價飲品；因為食物太咸，我哋飲左好多飲品⋯有雀巢雪糕、紅豆雪條呢間餐廳未夠鐘已經催你比錢，加炭又唔見佢咁熱心積極總結而言，燒烤場都有更多更好嘅選擇，雖然係黃店，但呢個食物質素對唔住呢個價錢⋯ 海鮮有沙唔新鮮⋯建議大家唔好黎中伏，$383 有更多更好嘅選擇，黃店真係唔係大曬

Happy Friday …緊係要聚聚喇…天氣涼涼地..岩曬BBQ打邊爐…少數服從多數..BBQ贏咗..點知入到場地$90就可以有咪打邊爐…真係一舉兩得…呢度已經佈置咗萬聖節裝飾..順便同朋友們慶祝埋萬聖節..😍😍職員佢哋仲打扮得好鬼正…唔知以為今日已經萬聖節👍🏻👍🏻👍🏻食物種類多😍😍就咁坐喺度唔使揸住支叉嘅BBQ中間仲要放個爐打埋邊爐..真係好鬼正最正就係環境好乾淨寬躺…帶埋小朋友嚟絕對冇問題…

港式Bbq入面良心店舖真係好小，所以特登簡呢間，諗住同個fd 慶生，最好係有埋免費泊車。佢間鋪有唔同bbq類型，港式燒烤，流水蝦，等等。我地最後揀咗港式燒烤一開始其實都ok, 都好滿意佢張bbq枱，因為可以中間燒嘢食，則邊可以放餐具。係d櫈可能因為早1日落咗雨，所以10張入面，有8張都係濕嘅，自己抹咗佢都ok。餐具基本上都有提供燒烤網可以到時買,40蚊1塊，仲會俾埋一個夾，但係個夾好短，一路係燒烤爐上面將d嘢食反面，係會辣手，順便燒埋隻手。之後落大雨，其實有個帳幕，但係其實唔夠大，同埋有撇雨，所以一路燒，一路移位。D嘢食種類都算ok,雞翼幾好食，不過如果大家想食菜，佢地有粟米，娃娃菜，茄子等等，不過娃娃菜無錫紙兜，我都真係唔知點燒，如果想食金菇，就要自備錫紙，or同佢地買，每一盒個份量都唔多，買唔買就自己決定喇。跟住去toilet，個toilet入面無水沖厠，厠板又爛，結果大家要自己「不」水，成個厠所又濕又熱又臭，真係衰過公厠。跟住唔知點解，港式燒烤係無風機，風扇，乜都無，而另一種形式，一係有冷氣，一係有風機。雖然bbq本身都遇咗係熱，不過無諗過咁煙霧彌漫，又焗，又燻，又熱，結果隻眼勁

現場燒烤爐過於密集通風設計極差，煙霧離漫💨🤧🤧 （附圖）環境極度惡劣 令人窒息😵‍💫.與店方反應後 未有任何處理只能繼續忍受😡😡😡😡.而且帳篷過於狹窄及有破洞雨天難以阻隔雨水.衛生上，廁所廁板幾近破爛沖廁亦需自行勺水🤮.店方設施包括 籃球機飛標機等等 但在假日均未有開啟實在令人失望！！！.*後補 4小時後店家安排了一個小風扇情況確實有所好轉但環境都相對惡劣🤦🏻‍♂️🤦🏻‍♂️真係唔會再想黎呢度！

大欖燒烤 TLCBBQ (流水蝦)屯門大欖涌村385地段本身好少去新界既我今次俾流水蝦BBQ吸引左😗原本以為好遠要轉好多程車但係屯門公路轉車站行多十幾分鐘就到啦係有免費巴士可以轉車入去既但依家暫停左⛔️大家就要注意下啦另外入面有得免費泊車⭕️一睇到入口💮已經覺得好靚個環境好乾淨好寧靜🌴職員都好快安排我地入座坐陣冷氣❄️(果陣仲未夠鐘⏰)我地就周圍望下睇下發現呢到分左3邊既地方(流水蝦、串燒、港式燒烤唔同package)Package 1.港式燒烤Package 2.有冷氣串燒/流水蝦 Package 3.冇冷氣串燒/流水蝦依家咁熱 梗係要有冷氣串燒流水蝦2.5小時任飲任食啦但個爐好細個🔥火力唔夠 如果係大胃王真係2.5小時真係唔夠💪🏿 需要叫職員不停加炭 但果陣要小心D海鮮或肉既水滴落D炭到 ***避免燃起炭灰***上網睇話有長達40米的流水蝦河道(不過我見就拆左可能衛生問題)所以夾蝦就變左行出去魚缸自己夾 拎住冰桶去夾蝦蝦蝦🦐果日假期有好多一家大細黎 期間職員會不停加新鮮蝦落去 嘩!!真心❤️想講D蝦係勁生猛 不停咁跳跳跳 嚇到D小朋友狂尖叫不過我地就無同佢地爭玩🙈快快手夾完影幾張相就走

夏天/冇車真係唔好去要係屯門公路轉車站/大欖涌站行過去都幾辛苦星期日戶外BBQ$190 全日任食開爐費$60****野飲唔係任飲😰😰😰只係包一支水同一罐$8既野飲睇落去全日任食好似好抵但係嘢食嘅種類係極級少選擇有部份野係要加錢先至可以食到雖然有瓦遮頭但係都屬於戶外得一個風扇啲風又唔算話好勁都咪話唔辛苦不過都有讚嘅地方….咖喱魷魚好食雞類全部都好食粟米，叉燒粒，漢堡扒，杏鮑菇好食尖椒都幾辣最搞笑嘅係唔知點解有得揀娃娃菜燒嘢食真係第一次見不過如果攞娃娃菜嚟燒都唔錯，加少少蜜糖燒到佢燶邊脆脆地都幾好食總結：呢個價錢冇任飲嘢食唔太多就真係唔算太抵，好處係如果一班人可以全日任食慢慢吹吓水係唔錯嘅。最好冬天先去😅😅

提早幾日時間訂星期日17:00燒烤，諗住都唔會太差，點知黎到超不妙，見隔離檯一路曬住大汗踏細汗咁燒，出動自己芭蕉扇，哩個價錢唔算平，唔緊要嘅，比哩個價錢唔好話有冷氣囉，有冷氣機但無冷氣，有風機但唔開，成個場煙霧彌漫，大汗踏細汗，越坐越多汗，又煙又焗又熱低下，同職員講要求調位，調左個入口位，跟坐先開兩部風機對住黎吹，飲品係雪櫃拎出黎應該係凍嘅，但原來全部都係唔凍，流水蝦原來係係出面有個水缸自己夾，唔係係個檯隔離夾，可能哩個自己誤會啦，收費三佰幾蚊一個大人，唔需要嘥時間搭車或揸車入黎食，出面佐敦尖沙咀仲方便同確保有冷氣。

每逢到郊外BBQ癮就嚟，不過天時暑熱🔥要喺戶外燒又多🦟🐛真係令人有d卻步，如果有得嘆住冷氣燒你話幾正呢🥹位於屯公轉車站附近的大欖燒烤已嚟過幾次，呢度佔地大，環境乾淨衛生，款式選擇都頗多，海鮮、肉類、蔬菜任君選擇， 🦪🍤🥩🍖🍗🌽🥒🍞餐廳提供港式燒烤同串燒，港式燒烤位於戶外，而串燒就可以揀戶外或室內，咁小妹梗係揀咗室內串燒放題啦，有得嘆住冷氣享受燒烤嘅味道，舒舒服服，滿足🥰海鮮串燒放題$368一位，另加$60開爐費，回本位大頭蝦、蠔、扇貝、花甲&鮑魚😋大頭蝦係喺魚缸入面自己撈出嚟，其他海鮮冰鎮住，亦fill得好快，剩係食海鮮都抵曬🤭Encore推介仲有叉燒、一口牛、羊肉串，茄子😋大部分食物原汁原味，餐廳提供多款醬料醬汁，不過食串燒梗係要配孜然粉啦👍呢度嘅飲品都有唔少選擇，食飽飽再加杯雪糕🍦，大滿足🥹🚩大欖燒烤TLCBBQ📍大欖涌村385地段 #屯門美食📌首先有得嘆冷氣燒串燒已經贏咗，多款海鮮提供，非常抵食，店內環境夠乾淨，食物擺放整齊，店員態度友善，推薦👍

星期日放假當然要同同事搵地方聚腳，一個任食又可以自娛嘅燒烤場。適逢同事想食流水蝦，而大欖燒烤係個好嘅選擇。大欖串燒（$385）餐單上多達30多款配料供客人享用，歷時150分鐘任飲任食。客人自己出去自助吧領取食物和醬料，食物不外乎唔同味道嘅醃製雞翼、牛扒🥩、雞肉串燒🍢、蔬菜類🥬、菠蘿🍍、蒜蓉包🍞等等。最過癮係自己拎住冰桶出去夾流水蝦🦐，啲蝦非常生猛，放上串燒爐而受熱嘅關係，佢哋會彈嚟彈去😵。隔離凍櫃入面有生蠔🦪、青口、鮑魚、原條魚🐟，海鮮類非常豐富，食到肚仔脹卜卜🤰🏼。🔊大欖串燒餐牌上寫住開放時段：16:30-19:00/19:30-22:00，入座後計時150分鐘。🔊門口附近有個小型遊樂區，入面有籃球機、夾公仔機，食完可以玩，真係有得玩又有得食🤩。溫馨提示：每部遊戲機都需要$5硬幣，所以準備定或者到收銀處唱換。😉