大欖燒烤

Open Now

Now Closed

餐廳分成三部分，一邊是港式bbq，一邊是有冷氣的串燒及冇冷氣的串燒。 而今次我訂了有冷氣的串燒加流水蝦。餐廳樓底吾高 ，抽氣又唔夠強。 所以一多人開爐就成個場都煙霧瀰漫， 加上又唔夠冷氣，令人覺得好熱。食物：流水蝦好新鮮好生猛，蝦肉爽口彈牙，蝦頭多膏。 鮑魚又係好新鮮仲識郁。至於肉類就有豬，牛，羊，雞。全部都醃得好入味。至於蔬菜方面：有韭菜，翠玉瓜，金菇，車厘茄。食物選擇都好豐富。整體價錢偏貴，雖然食物質素高，但餐廳環境尚待改善。

冷氣房原全無冷氣，又熱又焗，熱到傻🤒🤒🤒收錢。。碌卡碌左我2次🙄🙄🙄一次收左我1500蚊(人地張單)🙄🙄🙄第二次收我地個筆🤨🤨🤨🤨之後比收據就比反我地個張🤢😑😑😑😑😑😑😑😑😑😑😑😑😑😑😑唔係之後查數，唔會發現扣多左我1500蚊甘姐係另一個原全無比錢🤔🤔🤔？？？真係唔小心當然係最好，最怕係慣犯。。。食物質素還好蝦係最好食其他野還好服務加炭都好快冷氣房好似仲熱過外面。。。sosad

有朋友仔生日🎂生日話事想食燒烤雖然夜晚落大雨 我哋有大人有小朋友但呢度令到我哋好安心 食得開心🥳入到去完全唔使擔心俾雨淋有室內有室外入面座位空間感大 坐得好舒服我哋有bb車，都可以放埋一齊👍🏻佢哋係電燒烤爐 上面有抽氣所以都燒得好舒服 😌 唔會太熱食物質素超好海鮮係最正 自助形式 任夾活蝦唔嬲有生蠔🦪 鮑魚 帶子等d蝦爽口到 由頭燒到落尾 不停fill😋另外雪櫃有肉類 牛柳粒又係不停fill 正😋腸仔小朋友至愛😍有芝士粟米 拉晒c咁 不得了另外推介係泰式魚餅 超好味😋有個大飲品櫃任飲 多種類👍🏻服務員態度和藹親切 我哋要求影張生日大合照相其實佢忙緊 但都好有心幫我哋影 幫我哋執好枱面垃圾先影 超好人🥳🌈絶對會再有下次

終於放寬限聚令, 可以盡情去炭火燒烤, 今次來到大欖燒烤場, 這裏有分港式燒烤（半日或全日）及大欖串燒而我們選擇了全日港式燒烤, 時間由下午1時至夜晚十時, 任食燒烤、飲品包了一枝水及汽水一罐食物方面肉類選擇不算多, 有黑椒西冷牛扒、越式香茅豬扒、日式照燒雞扒、金沙骨、叉燒粒、雞翼、咖喱魷魚、漢堡扒、多春魚、丸類及蔬菜類醃得尚算入味, 其中金沙骨、咖喱魷魚及川椒麻辣雞中翼比較出色, 雞翼Size比較大, 燒得比較容易, 附上的蜜糖有點淡, 建議自己買枝蜜糖, 另外買了一份一口薯仔, 燒起來非常香甜, 蒜蓉包一早塗上了牛油, 這個很細心, 方便可以即刻燒天氣有點熱, 燒烤點少得配啤酒, 額外買了一打啤酒🍺, 一路燒、一路嘆啤酒真的很爽燒烤埸地比較寬敞舒適, 檯與檯之間空間感十足, 場內還有多部夾娃娃機但美中不足交通配套有點不方便

其實我都係碌碌下社交平台~無意中發現架~估唔到而家▶️大欖燒烤有串燒外賣~$250就可以免運費~不過暫時見~只係送大欖~小欖~黃金海岸~掃管笏~屯門同埋深井哩幾個區~當日5pm前落order~payme比錢~8點3左右就送到啦太耐冇燒野食~我望到張menu~忍唔住叫左勁多野我地叫左😋😋😋😋✅蜜糖燒廚師腸($12/2串)✅秘製雞全翼($16/串)✅川椒麻辣雞中翼($19/串2隻)✅土匪雞中翼($18/串2隻)✅香辣孜然羊肉串($28/2串)✅熊本一口牛($18/串)✅鹽醬波蘭豬腩肉($18/串)✅秘製香蜜叉燒粒($18/串)✅鹽燒雞軟骨($18/2串)✅煙肉車垔茄($18/串)✅汁燒韭菜($18/串)✅秘製蒜蓉燒茄子($29/份)坦白講~價錢真係一D都唔貴~仲要送到去你屋企~而且佢地既包裝都唔錯~👍👍👍👍👍一大個紙盒~裡面就用一個個鍚紙盒加上鍚紙封面所以送到黎食物仲係暖暖的~😚😚至於D食物~真係唔使多介紹呀~咪就係大家平時熟悉既燒烤~炭烤食品既味道😚雞翼醃得十分入味~🤩🤩外皮燒到脆脆的～正另外講到BBQ~又點可以唔叫雞全翼呢~雞全翼烤完~仲有查埋蜜糖🍯架~燒茄子又係超級正~味道正~而且仲勁

呢間大欖bbq之前去過一次，覺得唔錯所以再encore 💛。趁轉涼一早book定，有得經inline訂座好方便，仲會提早有sms提醒booking相當方便。雖然大欖個位比較入少少，不過搭巴士都係行5-10min左右去到，唔算難搵。入到去分流水蝦同港式bbq，bbq每枱都唔會好逼，枱底都有位擺袋。例牌坐底前抹櫈都唔會抹到黑蚊蚊(早幾年去美孚嗰啲真係…)。星期六至日及公眾假期每人$160，加$60爐費唔算貴，附送2包炭。另外我地都再加左網($40)同鉗($20)，staff有提醒下次可以帶鉗再用，不過我地唔記得左🤣。🔅食物大概有40款食物供自助取用，款式都幾多，擺放都好衛生。整體食物都正常好大路，醃得頗入味，係牛扒同粟米無乜味比較一般😂。🔅飲品最鐘意佢飲品唔會賣到成$20枝，罐裝飲品同汽水都係$8，樽裝就$13，都算合理👍🏻。💬唔知係咪人老左消化能力差左，所以燒左2個幾鐘已經開始飽😂。廁所都算乾淨。整體環境幾企理衛生，食物選擇多，飲品價錢都合理，如果要bbq應該都會keep住黎呢間👍🏻。

爆疫第五波，政府宣佈1.7起禁晚市堂食。咁啱放假約埋老死肥仔夫婦1.6玩燒烤，好彩趕得切吾使取消，算係過年前搭到尾班車啦！以前去開大欖細佬個邊燒烤的。第一次來大欖燒烤，交通有少少𣎴便，習慣伸手截的嘅四人幫，由青衣出發，15分鐘就到達燒烤場，車資120元，四個大人攤分，算抵啦！大欖燒烤場地面積不算大，環境乾淨衞生，廁所和洗手設施值得一讚。燒烤枱全部舖上膠枱布，垃圾桶都備有黑膠袋，地方吾會油立立。食物區都光猛清潔，全部食物放雪櫃，一格格存放整齊，衞生良好。以為禁市前一日會多人，又吾係太逼喎！六成客滿。食物方面，雞翼有幾種味道，醃味不錯。豬扒、牛扒、叉燒、咖哩尤魚就單一醃味，品質就一般了。其他還有幾款丸類，都係一般啫！讚的是方包和蒜蓉包，新鮮喎！見到不少客人一堆一堆咁攞。其次呢度有不少蔬菜類供應，都新鮮嘅！整體上，食物醃味質素不及以前細欖果邊和大美督，交通就比去大埔方便一些，價錢適中，人頭費150另加50開爐，點都簡單過自己去阿公的郊野公園燒烤啦！拍下籮友就行得嘛！但願疫情快些過去，臨近歲晚，各行各業生意難做，市民大眾都想快樂過新年。「神賜人資財豐富、使他能以喫用、能取自己的分、在他勞碌中喜

同朋友去咗大欖燒烤BBQ 呢度規定都係四人一爐 全日港式燒烤任燒都係一百幾蚊 另收開爐費 可以由晏晝兩點燒到夜晚10點🤩🤩🤩因為我哋有7個人 所以就分咗兩圍 個人認為佢個爐比較細 如果聽日放工先來嘅話 得兩個鐘就唔係太燒得切 比較建議買網燒 會比較快熟🤔🤔🤔佢嘅食物種類都幾多 丸類有魚蛋燒賣波波腸紅腸香腸芝士腸墨魚丸芝心丸等😎😎😎燒嘢食我最鍾意食雞翼呢度嘅雞翼有好多唔同嘅口味 有原味有麻辣有蒜香另外仲有豬扒雞扒牛扒金沙骨😄

Ouiii。WeeeEat - 凍冰冰最岩BBQ - 大欖燒烤 TLCBBQ🍢🔥🌗Dinner👱🏼‍♀️這個冬天不太冷～12 月尾開始终於有返d 冬天既感覺🥺，凍冰冰就最岩去燒烤😚。位於大欖既TLCBBQ 其實比想像中冇咁遠，係屯門公路轉車站行大約十分鐘就到燒烤場，好多巴士路線既選擇🤗不過夜晚行既話就要小心d，因為條路都比較黑。燒烤場個到都有得泊車，揸車既人都好方便😍👱🏼‍♀️野食方邊，選擇亦都對得住佢既價錢，雞翼都已經有4種口味🤭 有全日/半日任食燒烤package，大約有三十多款燒烤食物😳 不過一分錢一分貨，食物質素同佢價錢都成正比～ 環境都唔錯，地方頗大，有種遠離城市繁囂既感覺🥰👱🏼‍♀️今次選擇既係港式燒烤，亦另有串燒，流水蝦既選擇～大家試完都可以話我知😚 💰Weekday 18:00-22:00 人頭$150，另加$60 爐費（4人一爐）

媽呀！！熱辣辣仲燒嘢食？聽到都驚 平時未到冬天都唔肯BBQ 今次經朋友介紹去咗郊區之餘 有得歎住冷氣 又望到出面嘅景色咁半戶外燒烤 週末去比較多人 但店員都仲好聲好氣同各枱客人解釋流水蝦嘅運作 每枱都有劃分一個專區 有一定數量嘅流水蝦 每次夾完要即刻放落冰水冰暈佢一陣先可以燒 如果唔係就好殘忍 佢又痛又係咁跳架喇手殘嘅我燒蝦都無難度 好大隻 好生猛 好爽口（罪惡感極重）🙈晚市佢每枱都有送一堆生蠔🦪鮑魚同蜆比我哋燒生蠔清甜 有海水嘅加持 無咩腥味 鮑魚一啲都唔靭仲有啲爽口添！同一般火鍋放題嗰啲同樣 佢當然都有啲丸、蔬菜、菇類、各種肉、汽水、雪糕等，但選擇不多。係勝在有新奇嘅流水蝦同進食、燒烤整個過程都唔限時。

食物質素OK，服務OK，環境OK，係食得2.5小時絕對唔夠，個火爐大家要留意吓，唔夠火，就要叫佢地加炭，唔係就燒極都唔熟！最後連食梗個雪糕嘅時候，有職員埋來掃檯執嘢，話要返枱，做下台客人喎、但周圍都係吉枱！

屯門BB蕉🐒大欖燒烤秋風起就想去bbq，所以去左大欖燒烤🥩🔥佢有3個package（流水蝦、串燒、港式燒烤）今次因為我地一大班人，一於就試下個港式燒烤，一齊圍爐蕉蕉。同普通燒烤場一樣都係包2個野飲，肉就係出面自己夾。呢個位幾好，可以想食乜就夾乜，有時有啲係佢會拎俾你，可能會浪費。野食就到到都差唔多架啦，都係豬牛雞丸，不過我地個日去就無哂面包，可能因為禮拜，我地又遲，所以如果想抵食啲就早啲去啦。BBQ都係想一班人輕鬆吹水，一路燒一路食，呢到環境好好，可能因為我地多人所以有個小小area圍住左俾我地，有埋洗手盤，又固唔會話同隔離迫埋一齊！值得一讚😙

☞ 呢兩年興起咗流水蝦熱潮🍤😆一係唔去，一去緊係揀啲高質㗎啦，最緊要係啲蝦夠大隻夠新鮮，唔好俾啲死蝦我🙈今次就去咗大西北呢間真．隱世小店😹一個價錢可以150分鐘即夾新鮮流水蝦，另外任食40幾款串燒，仲有飲品任飲，都幾抵玩～🍴流水蝦 x 大欖串燒（每位$348）❖ 啲蝦大部分都好大隻，有啲個蝦頭一睇就知爆晒膏😋啲蝦好新鮮生猛，唔係咁易夾到㗎😹試過出面市區嘅流水蝦餐廳啲蝦唔夠新鮮，Refill蝦嘅速度都好慢，呢到就無呢個問題喇，侍應refill蝦嘅速度好快，每次啲蝦都唔錯～❖ 佢另外仲送咗個海鮮拼盤俾我地，有蠔、鮑魚等等，燒落就覺得不過不失啦，蝦會新鮮同好食好多👍🏻❖ 食到差唔多就可以夾吓出面啲串燒，都係啲大路嘅豬牛雞咁，自己覺得食多啲蝦感覺會抵啲😹☞ 整體嚟講撇除交通方面考慮嘅話其實都幾推薦大家試吓呢間，因為佢同出面市區流水蝦嘅價錢差唔多，但啲蝦就生猛同爆膏好多🍤😋佢有分普通BBQ同流水蝦兩區嘅，大家想食流水蝦嘅過記得Book定位～

即捉即燒爆膏大頭蝦BBQ🦐足料新鮮海鮮船！-係前兩日，田中問有咩餐廳形容詞，有人答「陶淵明世外桃源」，田中第一下反應係Speechless。不過諗諗下，呢到都算世外，不過係爭個桃源啫。-🦐流水蝦+燒烤任食150分鐘 (假期$348)1️⃣流水蝦用上大頭蝦，新鮮生猛，即捉即燒，而大頭蝦出名爆膏，蝦頭滿滿橙紅色嘅膏，夠哂滿足。2️⃣而每枱都會送份足料海鮮船，入邊有帶子、鮑魚、青口、大蜆，燒嘅時候仲識郁，極新鮮。3️⃣同場仲有任食網燒BBQ，睇相都見到，一整櫃肉類蔬菜任揀，款式極齊全，剩係雞翼都已經有好幾款口味。4️⃣而且連串燒都有，其中必食招牌叉燒串，醃得入味，燒到微焦，入口肥美散發油香。👍🏻8.5/10-大欖燒烤🗺屯門大欖涌村385地段

秋天最啱燒嘢食🤤今次就去咗大欖燒烤場，個場有3個選擇: (1) 港式燒烤、(2) 大欖串燒、(3) 大欖流水蝦🦐。港式燒烤最平，但有任食冇任飲；大欖串燒同大欖流水蝦都係150分鐘任食任飲。大欖流水蝦包左串燒有既野食，但就多左流水蝦，而且一定有冷氣 (呢個point我既同行朋友mention左好多次)。大欖串燒星期二至五$208位，星期六至日及公眾假期$238位；而大欖流水蝦星期二至五$328位，星期六至日及公眾假期$348位。我地幾個都想食流水蝦🦐，所以揀左最貴嗰個plan，送一隻海鮮船，蠔同鮑魚每人一隻，蜆就大概每人4隻，我寧願好似佢咁限數量俾高質啲既海鮮，都唔好俾急凍或唔新鮮既我。每枱都有個蝦糟，燒到冇蝦，隨時可以叫店員加，佢地都會即刻幫手。大頭蝦隻隻又大隻又生猛，唔似去過另外既餐廳，得一半生猛，又有啲蝦特別細隻。蝦頭超級多膏仲要係流心，蝦肉彈牙鮮甜🤤。除左大頭蝦，熊本一口牛、紐西蘭羊架、蝴蝶雞全翼、叉燒粒係必食推介。