大茶飯 (將軍澳中心)

Open Now

Now Closed

平時諗到食咩都我去呢度食，因為有啲午市套餐同下午茶都幾抵食，味道都算OK嘅。分別叫一個炸雞滷肉飯同埋炸豬扒滷肉飯，都揸得比較厚面分，豬扒炸到乾爭爭，唔好食，炸雞味精略重，滷肉飯都幾好，重點係要落佢嘅榨菜，另外有跟飲品，點了薏米水及桂圓紅棗茶，薏米水唔錯！有一次叫咗佢嘅冰凍炸排骨同埋台灣腸，其實佢台灣腸幾好，因為陪蒜頭🧄食台灣腸一定要跟蒜頭，而冰凍炸排骨味道算唔錯，酸酸甜甜，炸得好脆，係唔夠凍姐。其實食一個午餐都係大約$50至$60左右，就算係OK嘅，如果嗰日真係諗唔到食咩嘅話，都可以一食

話說平時都係響大茶飯買外賣，幾次都有驚喜，所以今日趁復活節假期黎食個set lunch...首先，我地係唔駛等位就入左黎嘅，仲有張勁大嘅枱...梁生order左一個京蔥醬燒牛肉飯佢話啲肥牛好冧又冇筋，好好食😋個醬汁亦好惹味，唯一美中不足係個飯用左珍珠米，如果用茉莉香米會仲好食喎～ 不過整體上佢都好滿意，覺得有大排檔風味至於我，就order左個酥炸魷魚鬚配肉燥飯魷魚有6-7條，大部分都係孖的，好好食，炸粉薄而且酥脆，一食落口好快就食到魷魚鬚裡面，魷魚🦑味出，調味岩岩好，正！我就冇梁生個問題，因為我碗係肉燥飯，啲肉燥夠我送晒成碗飯～肉燥個味調得唔錯，好有台灣食飯嘅感覺！最後，我地叫多左個鹽酥雞，一樣，炸漿薄，炸得酥脆又唔硬身！雞肉好嫩～隨餐仲有冬瓜茶同薏米水呢！

諗住簡簡單單咁食台灣菜，醫飽個肚就算，點知食完先見到碗米線有鐵線，懷疑係餐廳洗碗嘅時候留低左🤮小編食慾即刻大減，希望餐廳會改善下衛生問題😢==============================🇼🇸大茶飯 @taichafan_hk📍將軍澳唐德街9號將軍澳中心1樓137B號舖 ⏰星期一至日 11:00 - 22:00==============================1️⃣【酸辣魚塊湯米線】$68本身以為湯底係酸辣，點知有種麻酸辣嘅感覺，食完成個嘴都好麻，好鬼過癮🤣魚塊唔係新鮮魚，應該係冰鮮，無咩魚味，口感似食緊普通茶餐廳嘅魚柳🐟米線同魚塊嘅份量好多，好似食極都仲有，男仔一定夠飽🙈米線口感軟硬適中，唔會一夾就散，係小編鍾意嘅軟硬度😋但係！食到最後見到條鐵線，即刻呆左，好想嘔返晒出嚟🤮衛生認真麻麻，如果唔計衛生問題嘅話味道係ok嘅，希望餐廳會留意吓😣(🔥怒食指數：7.5/10).2️⃣【鹽酥雞】$20 原本想叫牛肉餡餅，不過去到已經賣晒，好可惜😔 唯有叫台灣菜另一個代表鹽酥雞🐔啲雞炸得好酥脆，仲要熱辣辣，好正🥳調味唔會太咸，而且咬開都唔會太乾，保留少少肉汁🤏🏼以20蚊黎講嘅質素同份

見係黃美琪開嘅就去試下，第一次去嘅，叫左個炒飯同麻辣面。個炒飯都叫做炒到一粒粒嘅，不過係超多油，同食倒一粒粒味精，仲要勁勁勁勁咸。而個蘿蔔麻辣面就不過不失，蘿蔔唔太入味不過都林林地嘅，都好大碗。 仲叫左個台式糖水，味可以嘅，但係爆腎咁甜。重點黎喇，我地坐近廚房出菜位，全餐就睇住佢地啲員工除口罩食野啦，就咁用手整個垃圾筒啦，就咁又摸完口罩啦，唔洗手就去上菜收碟。而家咁嘅時勢都咁唔衛生，真係唔會有第二次。

好久沒有去將軍澳了，農曆春節好多店都不開門，而且又好久沒有嘗試台灣菜了，於是就嘗試了這家，價格不貴，味道不錯，鹽酥雞，撈麵包括滷肉飯都不錯，紅豆冰也好唔錯！可以嘗試

今日一行四人聚一聚，掛住吹水唔醒起早兩日多左條無謂至極既晚市堂食禁令，一過六點就焗住叫外賣拎走。我哋都叫做好彩可以係朋友屋企食，啲夜更工作又冇office坐既朋友真係好無辜。Anyway，搵左間台式料理，朋友住呢頭話食過唔錯，而家外賣自取仲有折，我地就瘋狂落order，四個女仔仲要明明啱啱食完下午茶都叫左八九樣野🤣🤣🤣啲野食黎到pack得好靚呀，舖頭又乾淨企理，啲外賣盒又靚，忍唔住都相機食先左。野食拎到上樓都係熱辣辣既，味道中上，真心推介💕💕係隔離舖賞茶順便叫埋野飲，最後埋單每人都唔洗八十蚊，性價比高推薦呀🤗🤗

本身將軍澳係劣食之地，自從商場翻新過引入唔少食肆真係生色不少。呢間台灣野就喺將軍澳中心最尾，都好僻下，加上個裝修太商業化令人唔係好想入去食。但往往你以為唔好食嘅嘢原來有驚喜！首先佢餐牌都幾多花款，不過見佢推薦呢款“十七歲的麵”就一於試下。自選車仔麵得呢個冇得揀醬汁同湯，配料都有相當多選擇。我就分別叫咗麻椒貢丸、炸魚蛋、麻辣鴨血、金錢肚同白蘿蔔。一碗大辣一碗小辣。但呢個就係重點！好辣好辣好辣。無論大中小辣我都覺得一樣咁辣😂😂大辣嗰碗食一啖已經頂唔順狂咳，佢啲辣仲要係被辣油濁親，喉嚨好難受嗰種。本身其實係嗜辣之人，都一路食一路抹汗。所以大家叫之前要有心理準備。小辣嗰碗叫好d但都好辣，忍唔住倒晒碗湯入去中和下。冇錯，佢好似食菜遠撈麵咁有碗湯畀你。除咗太辣之外呢其實唔影響整體味道，個醬好似xo醬咁，有啲瑤柱粒粒喺入面，係幾惹味同開胃，不過稍嫌太多辣油。但總括來說係好食嘅。配料除咗個貢丸之外真係冇乜特別，貢丸入面有啲辣椒碎咁。其實成餐最好味係個油麥菜，佢餐牌寫炒a菜。一上枱浸蒜香味撲鼻，食到停唔到口，啲菜好清甜鮮嫩，可能落咗糖炒，雖則都係好多油，不過可能就係因為咁所以好好食。咁見佢咁多嘢食就再嗌

美棋bb既餐廳出左一人火鍋🥰限聚令下一人火鍋真係一個唔錯既選擇😚麻辣火鍋湯底好唔錯，唔會一味得個辣字，冬菇鴨血襯埋個湯底真係不得了。另外台灣手工丸都好好味。不論味道和食物質素都係好有地道既台灣風味，係睇得出有比誠意既餐廳👍唯獨杯珍珠奶茶真係差少少，唔夠茶香奶滑，珍珠都係普普通通🙈另外價錢都係比較貴啲，飲品連埋加一要$180😟我覺得定價真係貴左啲🔎 大茶飯 (將軍澳)將軍澳唐德街9號將軍澳中心1樓137B號舖

今日突然想食台式食物，加上朋友推介，所以就試試啦！剛巧趕上下午茶時段，兩個人點了豬扒肉燥飯、滷水併盤飯同蠔餅。整體食物質素還算可以，但蠔餅價格與質素不成正比，兩個人共200蚊，以晚餐來說還算可以。

撇除美琪BB係老闆娘這個名人元素, 在將軍澳中心的這家餐廳, 應該是唯一一家非連鎖食肆. 它主打的台灣菜和對面老媽拌麵真的如打擂台般, 有你無我. 有著名人效應以及黃店光環, 午市人流相當不俗, 價格也較相宜, 所以有不少學生前來幫襯. 是日午市沒有特別的淮山拌麵, 點了最基本的台式車仔麵, 麻辣湯底再加上辣汁, 辣勁和麻勁十足, 見到湯頭也知道它非常厲害. 配料點了牛肉, 其肉質尚算嫩滑而不會散開; 還點了風流三波, 如此特別的名字其實就是魚蛋, 牛丸和芝心丸, 三粒肉丸收費$12有點取巧, 吃到牛丸的黑椒味和肉味, 入貨應該不差但就是可以多一兩粒吧. 台灣麵的麵身, 我還以為是如厚身的關廟麵呢! 口感順滑, 但掛湯力就是差一點. 小食的鹽酥雞反而有驚喜, 沒有油膉味而且雞肉醃得相當入味, 炸起來外脆內嫩而且保持其肉汁, 以商場餐廳來說已是相當不錯.

同朋友一行2人係餐廳點了炒米、櫻花蝦炒飯、台灣腸同餃子。我覺得個炒飯同個炒米都炒得好香，好入味，值得推介。另外，個台灣腸同餃子味道卻一般。但整體cp 值都幾高，值得我地再幫襯。

今日同個朋友食午餐 揀左呢間食雖然住附近 但就未幫襯過😂我叫左肉燥豬扒飯 $68 熱豆漿要加$1飯就不過不失喇 略嫌肉燥太鹹 麻麻地不過豬扒就新鮮炸起 好脆好好食仲有雲耳食 唔錯食 🥰

將軍澳中心午餐首選 大茶飯！😎冇咩特別原因，純粹真係好抵食啊！👏🏻👏🏻今次叫咗Set H，麻香擔擔麵配油菜。先唔好睇價錢好平，只係$52，仲包埋嘢飲分量亦都超級多！！個面已經好大碗，仲配左一大碟菜，食完一定唔會餓😂 （我食完返到屋企飽到夜晚七點幾😅）左上角碗湯唔知係用黎撈麵定係就咁飲，好味精啊😖😖另外加$1，叫咗個熱豆漿，偏甜咗少少，還可以接受～另外值得一提嘅就係，去咁多次，不同職員嘅態度都好好，好有禮貌👍🏼

係商場入面比較角落既位置，似係新裝修好，不過選擇都多，前菜小食主食車仔麵甜品乜都有☺️嗌左一個牛鍋，鹽酥雞，台式牛肉炒麵，2個人食都真係夠！牛鍋跟左牛栢葉，稻庭烏冬等餸，一個人食都幾夠飽，乜都有d🤤唔夠可以再加少少錢嗌其他餸，都唔太貴而且味道都ok！鹽酥雞上枱個陣都夠熱，唔會乾，都幾Juicy，不過擺耐左就有dd鹹，所以建議食左先😝個炒面係即炒，夠香夠熱，另外應該有落d麻油，所以未上枱已經聞到☺️唯一少少少少缺點就係味精比較重，食完都幾口乾，但so far可以既！要另外讚就係每個店員都好熱心，外賣盒係紙唔係膠，抵讚！

.之前比呢度既特色Slogan吸引到黎食，鋪頭主打台灣菜，食左幾次但到最近先知呢間黃店係藝人美琪BB開既，大家黎食果陣都可以順手到隔離間黃店賞茶幫襯杯野飲架。-《大茶飯雞扒配白飯》$62肥DOI每次黎食都必定會叫，一大塊雞扒切到大約6-7件，炸粉唔厚雞肉雖然未至於好嫩滑，但都唔會係柴口。雖然鋪頭係以台灣菜為主，但雞扒上竟然會發現有香茅既存在，令到塊雞扒唔會只有死咸，仲帶啲清新既味道。肉燥飯上既肉燥唔會好孤寒，份量足夠去撈勻成碗飯，而且肉燥主要係用瘦肉整成，食落唔會覺得太肥膩。·《自選車仔麵》17歲的麵配風浪三波+秘製豬頸肉17歲的麵聽落個名好奇奇怪怪，其實係撈麵黎，有幾款辣度可以揀，就算小辣都已經有啲過辣，所以建議唔太食得辣既最好就揀小辣啦。風浪三波姐係魚蛋、芝心丸同牛丸，都係大路野無乜特別。豬頸肉有略略煎過，Size唔算大塊而且唔係厚切，不過食落有D爽口，但本身豬頸肉無乜醃味，要靠麵底既醬汁去提供味道。.《乘風破浪鹽酥雞》$45奇怪菜名係大茶飯既特色黎，簡簡單單既鹽酥雞都可以改個咁長既名。炸雞粒大細適中，每粒都灑滿椒鹽，同大茶飯雞扒一樣都會食到有香茅既味道，表面炸到好乾爽無油膩感。-