太興 (機場一號客運大樓)

Open Now

Now Closed

外遊返港，唔多唔少都會掛住香港嘅燒味，一出到境大堂便見到太興，放低行李後就入去食個午餐。餐廳由原本嘅table service轉咗做self service，需要自行搵位坐低，然後到收銀處點餐，再去取餐區取餐。雙拼燒味飯 $68 - 燒腩仔拼叉燒，兩款燒味都係「碎上」，燒腩仔甚至切到唔係一塊皮連一舊肉，甩皮甩骨咁，但味道都算OK。餐牌

每次去完旅行，都好想即刻食到香港的食物，因為飛機餐回程時一定是當地的食品，所以一定冇飛機餐提供香港餐。😭😭因此我一落機就即刻跑去太興，因為嗰度可以寄存行李，又係港式茶餐廳，質素有保證。✌️✌️✌️我即刻點左一個沙鍋雲吞雞餐，連燒味例牌，加上兩碗白飯、兩杯嘢飲。砂鍋雲吞雞真係等好耐，需要20分鐘，所以比我感覺係即叫即整，新鮮可靠，美味非常。👍燒味例牌，我會覺得好好食，仲記得隔離果兩個菲律賓人，都話香港要食的一定係燒味，我覺得我越食越滋味。😂😂

坐廉航去日本上飛機前諗住食飽啲不嬲喺出便食太興燒味都覺得唔錯所以就決定試下呢間不過原來機場呢間要自助式的由買飛至取飯現場坐位亦不好坐因為同隔壁都幾乎連住坐食物價錢貴又不好吃 叫了奶茶和咖啡好難喝喝了一口就沒有喝下去了下次我不會再選擇這裏

跟團去旅行最慘就係要晨咁早出發，今次又係晨早5:30就要到機場。 同導遊報到後，取了自助行李code 後，相約了半個小時之後再集合。 趁著有少許時間，去太興來個快早餐。 門口位看見有個十分簡單大餐牌，大家入到第一時間先找到張枱坐。 在出餐位有另一大幅有通粉港式早餐相，點知去買票時才通道，時間太早餐㕔什麼也未準備好。 終於要了五香肉丁麵加腸仔滑蛋及奶茶，五香肉丁是原本的味道，但麵多肉丁少。 蛋就炒得十分香滑，非常好味。 腸仔也是一般貨色，皮脆但冇肉味。

去完旅行返到機場諗住食個午餐，就去左太興食嘢果到員工服務差到勁👎🏻，食物質素又差一個四寳飯要$八十幾蚊，價錢一啲都吾係問題，宜係難食到嘔！可以説街邊一串魚蛋仲好過它！

今晚又是夜機返港，只能在1號客運大樓搵食。唔知食咩好，未食過機場太興，就試試看，結果令人失望。未講食物，淨講環境同服務都輸比格離兩間餐廳。排隊買票、排隊比票、排隊取餐、再搵位，完全係food court 既形成。其實而家好多新既food court 都唔洗排隊比票同排隊取餐。同樣價錢，食格離兩間餐廳，至少坐得舒服，唔洗走來走去。四寶飯（燒鵝、叉燒、紅腸、咸蛋）一個人食又想享受到多種口味，當然會選四寶飯。落單果陣，同職員講要「肥叉」，單都寫左，但最後都係瘦得可憐。味道竟然同舊普通豬肉差不多，不知所謂。燒鵝得幾粒，用「粒」去形容是準確度的，重要唔好食，皮又硬。自己去拿包酸甜醬撈飯就算了。原味凍奶茶味道都夠濃既，因為無落冰，就咁將奶茶雪住。但奶茶唔夠凍，比常溫冷一點....唔知係雪既時間短定雪櫃唔夠凍。一句講哂，不配叫做「太興」。

去旅行喺機場攞完wifi蛋走左去就近的太興食早餐，叫左個炸菜肉絲湯米多士炒蛋set配熱咖啡($36), 炸菜肉絲聞落好香，食落味道都唔錯，米粉比平時一般的米粉爽口、炒蛋香滑鬆軟、多士軟熟、咖啡亦好香滑，所有食物的質素都幾好不過份量都偏少，炸菜肉絲湯米得半碗，加上炒蛋同麵包可能因為太鬆軟，食完唔夠一個鐘就開始肚餓了。另外食嘅時候覺得呢個餐用左太多即棄餐具，如果刀叉有需要用塑膠的話或者可以考慮將裝多士同炒蛋的膠盤轉做紙盤，就可以環保D。

今天去接朋友機，因為延遲問題，無論朋友和我都餓到一個極點，天寒地凍情況下，決定先吃飯再出市區，於是選了太興，朋友是菲律賓人，當然想食些中國食物，我介紹他吃燒味吧。 原來在香港出世至今的我，見識真的太少了，市區內太興雖然貴，服務水準都正常，但機場的太興真的不同，不和它計較價錢，餐牌就得幾款，set好不可以改，還要自己排隊，取餐輪候位置狹小，站着都迫迫完全不知這個餐是誰先？ 亂來的……還好食物是熱的，點了咖啡牛腩$64咖哩牛腩很熱，最難得有幾件牛根，牛腩很軟腍，如果咖哩汁可以辣多些會比較好，本人覺得甜了些，咖哩份量都大份，可以配多過1碗飯。 像日本甜咖哩味道見到有燒鵝set, 當然點燒鵝，燒味可能真的份量少，飯其實很鬆的，所以吃幾啖就吃完，燒鵝好食但細件，油雞都好細件，我們2人分享，我夾了3件燒味已經感覺不好意思，因為太細件又太少；相反咖哩牛腩很多，算做拉回點分，2個人分享2個餐可以，如果一人配一個餐，食燒味飯應該會不公平，太少了。寫出來希望太興集團，可以檢查一下，其實怕浪費應該可以讓客人選少飯，飲品好應該可以少甜，很多地方都已經有服務，取餐位置問題，我覺得要加感應器，客人回坐位等，出餐時

離上機還剩一段長時間，十時多又未售賣午餐，乾脆吃早餐，這個時候見太興仍有許多座位，價格又相宜，就決定點餐。雞扒珍寶腸多士餐($35)，雞扒只有半件，但肉挺嫩的，珍寶腸是烚的，多士略略烘過，脆脆的，這個價錢連一杯熱飲算不錯。炒蛋($8)是加點的，量挺足，有兩隻蛋，算是滑嫩，套餐加上這個就吃飽了。跟餐熱奶茶，太興的冰鎮奶茶很有名，熱奶茶也不錯，挺香滑，和悠閒的早晨很搭的飲料。剛好在我點餐後，餐廳就截止早餐時段了，幾位店員故意等我的點餐，也很有禮貌，有機會再出境時會再光臨。

晨早 8 點機到札幌，全個機場太興最早開檔，無選擇照食啦。我還以為去錯地方添，先排隊買飛，再去水吧取食物？變左大家樂、大快活快餐店，自己奉餐、自己取餐具、自己取調味料囉，價錢是否應該比其他太興低一點才合理呢？雞扒腸仔多士配黑椒汁 4 號套餐，散叫一份炒滑蛋。個盤細到加多隻細碟都不可能，我唯有將份炒蛋自己倒落碟雞扒度啦。多士腍劈劈，濕氣非常重，所以被女友厭棄，唯有由我消滅。將微暖無味炒蛋躺在濕腍韌多士上進口，淡淡麵包味混上弱弱蛋味還接受到。廿成熟焗雞扒十分結實，幸好不乾不硬，沾上辣黑椒汁都幾惹味滿意。脆皮斯華力腸散發著微溫，最好食就是您。肉碎粥併糯米雞 5 號餐，超中伏 ﹗肉碎粥的豬肉鬆完全無味道，雪藏貨還要沒有醃呢。粥底除了極重花生油味就沒有其他，硬食幾口要放棄掉低，真的受不了 ﹗糯米雞比 7-eleven 不相伯仲，部份糯米硬掘掘又乾爭爭，餡料只有叉燒、肥豬肉、臘腸，雞肉都無件呢。味道咸而不香不甜，食兩口又要棄掉，好浪費啊。兩個餐 $110 大元，勁貴勁難食 ﹗帶著傷心的情緒上機去，到日本先食餐好既補數。

去完十日旅行返到香港，因為搭廉航無飛機餐食，九點幾出左入境大堂好肚餓就搵下有咩食。咁岩見到太興係附近就食太興喇。本身諗住食乾炒牛河，不過售罄⋯⋯嗌左呢個咖哩牛腩飯。首先佢用個煲仔上碟我覺得好驚喜，因為我以後係碟頭，仲要係熱辣辣嘅。咖哩汁好香，唔會太辣又有少少辣味，感覺良好。牛腩炆得好腍好好味，佢仲有幾舊牛根，都係十分腍又帶少少煙韌，勁好食。然後到呢個咕嚕肉，相對無咖哩牛腩咁好食，不過佢算好唔錯。啲肉唔會好多粉，炸得個皮好脆之餘，裡面嘅肉好腍。整體而言，一直以為機場嘅餐廳會特別難食，點知一返到香港就有驚喜。雖然價錢貴左啲，不過機場食嘢特別貴是常識吧，重點係佢好食！絕對推介比落機肚餓想食返中式飯嘅朋友！

寶貝爸爸乘夜機返台，在機場將行李處理好托運，時間尚早，想吃個early dinner，剛好未過太興的下午茶時段。不過呢，這裡的下午茶menu內容及價錢和市區分店是有很大差異。menu部份，有小菜、麵食，多士甚至燒味飯; 價錢呢，基本上是市區的正價價錢。先叫了一客椰香咖喱牛腩及一客叉燒燒肉雙拚，連飲品一百三十多元。這裡是以快餐的方式運作，無侍應服務，要先行找座位，再自己購票及往櫃台自行領取食物，部份需時製作的食物，會派發響鬧器待餐點預備好時再憑響鬧器領取。店員和在市區分店的主要分別是，相對較年輕及能操多國語言，不過態度部份個人覺得真的很一般。所見即所得。份量基本上和市區分店沒有太大差異，不過真的是偏少。男生而言是未必夠飽的。燒肉叉燒飯：水準跟市區分店沒有太大分別，大致ok，只是份量真的是偏少。椰香咖喱牛腩飯：比我想像中好，至少咖喱味算是香辣，牛腩也算軟稔，但要挑剔的話，就是飯菜熱度不足及以薯角作為咖喱配菜有點奇怪。結果，最後叫了午餐肉炒蛋公仔麵，個人覺得只是一般，而且同樣的份量偏少。刻意再來的機會﹖應該不會太大吧﹖

我是機場的員工，今天非常之肚餓，咁就入咗去食啦，叫咗個燒肉油雞飯$67，點知中伏！好彩冇叫燒鵝燒肉飯，因為燒鵝仲要加多＄30 !好啦，我等吓等吓碟飯終於可以攞得，咁你都知我肚餓架啦，見有飯咪食囉食食吓諗住食肉嘅時候一揭開，啲雞皮包住啲雞骨啲肉少得可憐，燒肉得兩舊，啲白飯仲要我自己攞出去叫佢加多啲，點解無人覺得有問題架啲咁樣嘅份量？你哋冇知覺架？由於我食速太快，所以冇影低碟飯個樣！永久bad list呢一間！機場分店以後唔食！

東京玩五天後，今天終返港。現在已經八點的時候，有點餓，於是去了機場上的太興。日本的美食雖然美味，心底仍掛念港式餐廳。今天我品嚐了「乾炒牛河」，乾炒牛河是我最常吃的廣東菜，一般在餐廳吃到的乾炒牛河都略帶油膩。太興的牛河比較健康，沒有那麼油，鑊氣足，乾身，上色均匀、芽菜爽脆、牛肉夠味夠嫩但不失嚼頭、粉不黏不散、葱相對發揮作用，衡量油膩感覺。太興一向是給人住家菜的感覺，加一點鑊氣，给我更像燒烤的感覺。她們選的牛肉應是牛柳的部分，把筋膜切掉、挑到，保證每一片大小厚薄都要一致，炒的火候也足夠，所以她們的牛肉炒得嫩口，而且不失嚼頭，足滿牛肉味，唯件數得幾片，但味道十分濃厚滋味。吃完之後碟子上面的油非常少，可見她們的牛河是頗乾身，沒有一大㰙油的混合物大量粘著在米粉上。又要乾身又要上色均匀就非常有難度，太興㕑子應記一功，技法就非常棒，值得信頼。今次歸來的晚餐令我更愛「太興」。

叔仔由澳洲回來了！無業游人民的我，當然義無旁貸要去接機；當日一早送完囝囝上學，就帶同妹妹出發去機場了～感恩這次飛行不但沒有延誤，甚至還早了降落，十時多成功接機！搭了那麼長程的飛機，應該又累又餓，離開前先於太興吃個早餐，重溫一下港式風味的早餐吧～沒想到機場的食物及定價都與市區很不一樣，所有早餐$40起跳，而且美味的多士不返供應，只提供餐包；我愛的茶走也沒有，只有選點熱奶茶。三份早餐，就盛惠$135了，又是自助形式，不太物有所值啊。由於食物真的太頹，都忘了拍照，下圖只是由叔仔及妹妹的合照crop出來... 總之味道與誠意都與市區差一截，一點稱不上好吃，純粹飽肚兼有個地方聚聚聊天。算了，遲幾天再一起吃頓好吧。最後題外話：機場中某水晶牌子的聖誕佈置挺美，大家經開不妨慢慢拍拍看～