大利清湯腩 (Moved) New Location

2008年7月16日下午12:20 同同事去食, 上次已經覺得好難食, 不過老細話去咪去囉! 我要咗清湯腩走湯走青, d腩好油, 但奇怪係一d都唔香, 又un. 姐姐又無禮貌, 早d執咗佢罷啦!

叫左一碗清湯牛腩河$24味道好淡　可能清湯係咁牛腩味道不入味而且肉質硬　但硬的程度可以接受唔痴牙但不是真係咁好味道另外魚旦河$20，魚旦真係好普通，可能因為不是主打。

15/6/2008 約3pm多謝openrice既戲飛,響金鐘睇完行去灣仔逛逛黎到已經很肚餓,一碗坑河,媽媽要一碗坑腩米單併多d食送囉,雙併反而少d食送,冇咁抵媽媽的坑臟米黎到變左做河,因為太餓所以冇換一開始試個湯,很入味,真材實料冇得騙人坑其實第一次食,因為係OR睇食評先識呢樣野肉連住少少根,又唔錯喎,媽媽的腩同樣好諗好入味之後食哂成碗飲哂d湯,飽飽,完全唔需要飲水有機會會再去,或者試埋天后果間...

昨天與男友想起好耐無食過, 咁就去食啦, 首先入到去, 人人有水唯獨我地無! 跟住座低叫野食, 男友要牛腩米, 我就叫坑腩魚旦米, 此時我身後有一男人經過, 仲好無禮貌同埋惡咁話 "無坑腩, 得普通牛腩" 跟住就走左, 我真係"啤"一聲! 野食無之前咁好味, 牛腩都仲okay, 魚旦實到不得了, 好難食! 到最尾有新客人來, 就立即有水飲, 我地食到最後都係無既, 我同男友以後都唔會去呢度食, 情願去潮城食, 又好味呀姐又好!

日期：2008年5月24日　一路都未試過食哩間既原因係以為佢，只係有得食牛腩之類既野．原來都有岩我食既，咁就同男友入去試一試喇！雲吞米：有５粒，多蝦少肉，都幾好味啊！魚蛋牛腩麵：都無”簡”味，湯底都ok，牛腩好夠焾身，魚蛋彈牙．

http://tkocell.mysinablog.com今日出咗去吃吃位於京都戲院旁推門入去看看人數寥寥叫了一碗清湯牛腩河試試不消一會兒大嬸已經端在你面前雙手緊緊托着銀盆露出那顆唯一的金牙說：「係未清湯牛腩河？」湯河賣相一般如衣衫襤褸的老翁把湯水往口一送味道淡淡像白開水牛腩味道不濃肉質較硬不是那麼被推介般的好味道 http://tkocell.mysinablog.com

28/04夜晚同A小姐,M先生同W小姐去灣仔掃賃,掃完見肚餓,A小姐話依度未搬前D野食OK,可以一試,SO入左去食大家姐話牛腩幾好食,so叫左4碗牛腩麵d牛腩ok既,講真麵就唔多得啦衛生唔掂,幾污穢下想起以前返工食九記是日又有人請客

今日同老公出外走走....佢專登帶我黎試清湯腩!二人叫咗雙併牛肚牛腩(要求坑腩時, 亞姐唔知講咩, 無再追要), $38, 金錢肚入味夠腍, 牛腩有幾件係坑腩, 當然好味, 但有三兩件好瘦好硬! 腩汁蘿蔔, $10, 好清甜, 身子差唔多食得, 不過, 都食咗兩件, 灼菜心, $13, 無咩特別! 一碟白飯, $10, 一碟米粉, $10, 米粉既湯都幾好味! 我見有個男人叫完咖哩牛腩飯, 再黎多碗牛腩河....真係好食? 我未試過九記, 只去過大埔既華姐, 印象中, 華姐既都差唔多, 不過, 呢度既蘿蔔真係幾好食!環境就麻麻...洗手間既地下好滑, 廁所水用水喉沖, 枱與枱之間都幾闊, 人唔多, 冷氣好夠, 所以食湯粉時幾舒服!

師傅每次行過呢度都話點都要黎試一次, 皆因好似好好味, 終於今日的起心肝黎左呢度食午膳, 結果係……入到去都幾多人, 可惜係冇人招呼, 要自己行入去搵位坐底, 仲衰過茶餐廳服務, 但係你坐底後都冇人理你, 師傅就好彩少少, 咁有個伙計行過身邊, 咁就拿拿聲叫停佢落單! 呢間食店叫大利清湯腩, 應該d牛腩好掂啦, 所以師傅就要左碗咖哩牛腩米先!等左都成五分鐘到, 碗咖哩牛腩米先至送到! 師傅有少少意外係咖哩牛腩同碗米粉係分開上, 而唔係將d咖哩牛腩放米粉上, 感覺幾好, 於是乎師傅第一時間試下個湯底, 湯底都幾清, 冇咩味精, 可以; 再試下個咖哩牛腩, 咖哩汁好香, 一d都唔辣, 而牛腩就幾大件, 不過就幾鞋幾乾身, 仲好鬼死韌添, 加上咖哩唔入味, 唔算好味, 而師傅幾經辛苦先將成碗牛腩食晒; 薯仔就好腍, 可惜都係唔入味, 失敗; 米粉就普普通通, 冇咩特別!總括黎講呢間食店以牛腩為主打, 偏偏d牛腩又唔合格兼低水準, 你都咪話唔頂癮; 而服務又唔算好, 環境一般, 價錢都唔平, 廿四個大洋一碗, 仲貴過去再興食碟燒味雙拼飯, 質素又差, 絕對唔抵食! 喊臉比梗兼且冇下次呀!

佢搬左都未黎過，特登黎食。$24蚊碗？！嘩！D腩湯淡左咁多嘅！D河粉又厚，吸唔到D湯，D腩又唔淋，油菜凍冰冰！同檯有二位老人家也是特登黎試，佢地話，$24蚊都唔係腩坑…我地異口同聲都話-- 以後唔駛再黎lu！

水準時好時壞﹐但壞多過好。有次我食腩伊﹐女有食咖哩腩伊﹐D 咖哩又稀又吾夠未﹐伊麵似象筋﹐牛腩有過多蘇未﹐D 湯就OK, 吾直得專登走去食

2008年3月14日下午12:30 由於有d舊衣舊物要比救世軍, 所以我提議同事去呢間食. 我由佢響天樂里果時已經開始食架啦, 但係佢搬o左之後今次係第一次. 我叫o左腩麵, 同事叫左腩撈. 兩款一樣啦, 只係一個有湯一個無湯.我個人覺得佢好食過九記, 唔係佢高質素, 只係九記低. 我記得佢響天樂里初初開果時, d牛腩真係好香好香架! 幾年之後, 可能出o左名啦, 已經差o左好多, 依家佢d牛腩o既質素keep到…但係係差左之後o既質素= 無再差落去o羅! 好多味精, 食完個口好辛苦, 有少少麻疹.姐姐黑口黑面, 聲氣都唔係好好, 只係未到鬧人果個地步, 算啦! 反正無下次!

今晚叫o左個牛腩米d 牛腩超鞋!不過d 湯底真係唔錯,個米線都夠大碗o既但係$24實在貴o左d, 加上o個亞姐服務態度都幾差唔係幾值喇

記得幾年前食過大利清湯腩，質素尚可，但昨晚再試，竟然有失望的感覺，不知是人大了，口味轉變了，還是要求真的高了？牛肚+ 牛腩粗麵，湯底雖然算清甜，但不夠濃郁，牛腩炆得不夠腍亦不入味，牛肚亦只是普通貨色。清湯蘿蔔，蘿蔔炆得入味，夠腍又無渣，但有苦味。與九記相比，質素真的差很遠，所以應該沒有再幫襯的理由。

第一次食，清湯腩面ok啦，最好食都係蘿蔔，尤其係d汁，我飲晒，好甜，之後都無口渴