太平飯店 (Closed)

農曆年假的心情仍未平復，除了逗利是之外，找不到任何返工的理由，唯有搵間好少少的餐廳，食一餐好來振奮自己。來到滷水精品店太平飯店，因為佢哋嘅滷水食品頗出名，而且門口仲有張「貓頭鷹」推薦的貼紙，所以無論如何都要試一試。首先係腩肉湯米，味道偏淡，腩肉較肥，不過最令猴子失望嘅係個碗，崩咗一忽都照畀客人用，唔危險都失禮。跟住試下一碟特色食品蝦棗，簡單講就係蝦肉包芝士。本來意念唔錯，蝦味亦相當濃郁，只可惜煮嘅時間唔夠，裡面的芝士未夠溶，味道滲唔到入蝦肉，食落口明顯感到咬到一塊完整的芝士，芝士味全部走到口腔的一角。而且價錢唔平，一條蝦棗盛惠HK$ 118。最後當然係招牌菜滷水食品，點了個三拼（鵝片、元蹄及墨魚）。鵝片夠入味，元蹄肥瘦適中，墨魚亦爽口彈牙，味道沒有一般滷水店的濃烈，食完唔會口乾。不過千萬不要遺忘放了在底部的豆腐，口感夠晒香滑。不過好味還好味，這碟三拼也不太「平」，多謝HK$ 198。

之前食過佢地即叫即整既芝士蝦棗，一試難忘。外層酥脆，裡面啖啖芝士同蝦肉，果陣食唔晒打包返到屋企宵夜仲咁好食，可惜今次去到已經賣晒，唯有試其他野食。糖心蛋：好香酒味，加上甜甜既軟心蛋黃，幾好食。滷水墨魚：哩到既滷水最出名，每次黎都一定要食。墨魚滷得好入味，又唔會過咸或者帶苦，個味岩岩好，啲墨魚又唔會好老好un。滷水腩肉飯：有滷汁送飯好開胃，啲腩肉肥瘦適中又滷得入味。不過，我就唔太鍾意腩肉陣豬除太濃列，如果解決埋哩個問題就100分喇。炸蠔餅：即叫即炸好有誠意，味道尚可，炸粉太多，下次唔會再試哩個。服務態度好，特別係負責近門口果邊枱既短髮阿姐，就算幾忙(食食下有兩班廿人既大陸客衝左入黎)都保持親切有禮同工作效率，抵讚！

旁邊就係北角站出口，間中仲有啲旅行團經過，所以店外都幾繁忙。店面較細，擺枱較逼，但喺非繁忙時間都算坐得舒服。亦見幾多人買外賣。滷水鵝片 - 張墊枱紙話係底脾肉，所以好珍貴。滷水汁味道啱啱好，唔會越食越鹹，可惜係今次明顯片薄咗，而且墊底嘅肉都少咗，感覺冇咁抵食。海蜇拼墨魚 - 依然好味，特別係墨魚，但以前用鵝片嗰款圓碟裝份量較多。方魚肉碎粥 - 好足料，今次米同水嘅比例啱啱好。因為有時會多水少米唔夠飽，有時就少水多米食到好飽。蠔餅 - 都幾油，味道一般，同以前食過另一間嘅蠔餅無得比。

叫咗個鵝飯點知我見到個廚房佬用微波爐去加熱立刻冇晒胃口食都冇食就走去買單冇下次浪費我64$因為我從來未見過滷水鵝飯要用微波爐去加熱好心俾啲心機去做唔好做咁多菜式連一碟滷水鵝飯都要用微波爐去加熱乾哂叫人點食真係好冇誠意以後唔會再嚟希望你廚房佬俾啲心機做好每一樣餸唔係得個快就叫ok連飯都要攞埋去微波爐加熱真係想食都食唔落真係嚇親人鵝嘅顏色又黑完全係乾晒叫人點食啊希望老闆睇一睇教下啲員工唔好乜嘢都微波爐加熱因為食微波爐野易有癌症架

真心好吃，口水雞好特別辣味，糖心蛋有酒味，真係好特別好正！鵝肝好好味！侍應非常親切，又體貼！安排坐位會體貼客人需要！因為我有BB車，其實係比較麻煩，唔係間間鋪頭都可以入去食飯！值得一讚👍🏻

平時訂位排大隊，今天第一次特意早點去。點了滷水鵝胼鵝掌，見到餐牌有大眼雞，寫住要預訂。問了說有貨，難得吃到馬上點。加多一碗方魚肉碎粥，可以啦！主管阿梅姨話現在大眼雞難得食到，正！滷水鵝鵝肉香甜，與別不同。韮菜豬紅看上去好吃，二個人沒法點了。打包鴨舌回家吃。梅姨話下次訂位搵佢。

是有用心做的。 price also reasonable. 烏頭, goose liver and goose wings very tasty, pig stomach pepper soup not good, think the stomach not washed thoroughly. overall, will go again

同事推介 所以lunch一於黎試試佢！叫左叉燒煎蛋飯同蠔同泡飯，lunch黎講$125都唔平唔貴叉燒唔算惹味，煎蛋都唔特別香口，一般茶餐廳水準蠔仔泡飯有鮮味既，不過份量都幾小，男仔就應該唔夠飽喇～北角黎講，呢個價錢應該有更好既選擇吧...

完咗聖誕之旅，晚夜晚去太平食返餐潮州dinner兩人叫咗四道菜！環境舒適，服務員態度良好！非常親民有禮！初時見到啲廚師都係後生仔，開頭都擔心質素，但食完之後，水準一流，絕對係消夜之選！

今日lunch第一次呢間食，原來就係ibis hotel附近，我同朋友都搵咗一陣路，好彩去到都唔係好多人，價錢相對比較便宜，大約四十幾蚊都有一個飯加嘢飲，不過位置距離我公司就遠咗少少，我自己就落咗一個鹵水鵝片同埋鹵水墨魚片飯，我朋友就叫咗一個鹵水鵝片配鹵水豬手飯，但睇落賣相好似我朋友嗰啲吸引好多，所以如果下一次嚟食嘅話我都會叫佢嗰一款~而且份量都好大份，味道都不錯，可惜d飯凍左少少，、另外我自己加咗我8蚊要一杯凍咸檸七，但係個杯勁油！好似洗唔乾淨！所以我成杯嘢飲都冇飲到呢方面我覺得佢哋啲配套設施碗碟要洗得比較乾淨少少比較好lo~

食物好有水準!所有服務態度好!正正我喜歡這間食店!大家值得去試!所有服務員好勤力!態度好好!我喜歡食猪大肠！我给食物80分!工作人员工作態度90分!物超所值!正正

睇咗飲食男女又中伏了， 掛住阿鴻小吃徒弟嘅名，開嘅鹵水鵝店 ，今日特登坐車嚟食 ，真係吃一驚。 中午叫了三個午餐，方魚肉碎粥， 分量得普通飯碗咁少，連bb仔都唔夠食 。跟住叫咗個鹅片拼大腸飯同埋鵝肉拼大腸飯，飯份量足夠的，但啲肉好似鞋底咁硬，又好喊。最慘就係叫咗一個72蚊嘅海蜇拼鹅腎， 又鹹又硬。今日一定要寫出嚟去舉報一下飲食男女的稿， 欺騙食客， 都係睇番openrice好啲。服務員阿嬸不用講，你懂的。 地面鋪滿油，着住對防滑鞋都好警瞓低。呢啲咁冇誠意嘅餐廳 ，應該多啲食客誠實今日報導一下好啲

和松鼠大人的朋友約局，一行四大人一小朋友想了很久。。。。最近在國內打滚得多，不想吃廣東菜友人老公不吃牛羊，所以今次吾選西餐本來想食去明星冬瓜盅，又話無 (可能吾合時掛)幾經波折，最後找了這一間：太平飯店我地叫左：方魚肉碎粥 (碗)，夠分四小碗豪仔肉碎粥 (碗)，同上煎豪仔餅；扮 Pizza麻油海浙兩面黄 ; 又扮Pizza 炒芥蘭 (小小咸)鵝片例牌 , 姐姐漏單，發現後立即補上1)食物基本上不錯，但小炒選擇不多，始终是潮州鹵水為主，下次可以試下芝士虾棗2)有禮貌，加茶水快，無話迫人叫套餐或者食完馬上趕人走

路过揾地方食早餐，冇諗過 食鵝嘅鋪頭會有早餐食，仲要係好食！叫左個歐陸早餐，選左雞扒加煎蛋配麥包，份量好足，絶對唔係煎蛋仔，佢地冇放汁，好原汁原味，奶茶都好滑，D姐姐仲好nice ,下次要再黎～

晚市二人套餐 $288加一前菜 涼拌青瓜爽口 夏天作餐前小食 胃口大增小食 貴妃雞肉質較實 比較遜色鵝片拼盤滷水拼盤係呢間餐廳嘅主打鵝片 夠入味又腍 肥瘦適中 有鵝香墨魚同元蹄 爽口豬頸肉 紅腸 豆腐 吸引哂滷水 正粥麵 乾蔥叉燒鮑魚汁撈面用上鮑魚味撈幼麵 味道唔太鹹唔會太油 保持到乾身爽口口感上面鋪滿乾蔥絲 提昇香味金蒜高湯時菜(菜心)菜心夠嫩 用金蒜高湯浸過之後味道夠濃 唔洗點蠔油都好好食另外再order 左兩樣野醉香溏心蛋蛋用上用上鴨 食落特別香而且用花雕浸左好耐 帶酒香溏心方面 除左隻蛋黃半熟口感外仲鋪左層焦糖係面 再拎去過火燒一下香味同甜味去左另一層次 必食酥炸蝦棗將蝦肉打成蝦膠 再揾腐皮卷好拎去炸外皮酥脆 入面好彈牙 值得推介