大圍合發雞粥 (Closed)

年初二晚同朋友Happy 完, 黎左大圍合發雞粥食宵夜, 當時十點幾, 呢度差不多滿座, 都幾旺! 當晚食左:1.一窩雞粥(幾大窩, d 雞都幾滑, 味道亦不錯, 但成$90, 唔平)2.椒鹽白飯魚(幾香口, 唔錯!)3.豉汁蝦碌(好食, d 蝦煮得好有豉汁味, 抵讚!)4.馬拉盞炒芥蘭(唔錯, 不過份量少左d!)總結: 其實一年都有幾次黎呢度食宵夜, 味道依然唔錯, 幫襯得過, 呢晚食左$298.相片可參考:http://www.fotop.net/thxdtsdd/eat

星期日同朋友去到大圍，打算食個晚餐，見到這條街泊滿車，又坐滿人，便試下。我們叫了一碗雞粥(店員勁sell話好味)、一隻乳鴨、艽菜豬紅、豉油皇炒麵、一碟普寧豆腐，2個人食到真係好飽，食物尚算大碟。先講雞粥，粥沒有什麼雞味，似是煲好粥再後加雞返熱，而且雞有點肥…佢話自己出名雞粥，所以非常失望。乳鴿都幾好味，因為不是bb鴿，所以有心理準備d肉質不及bb鴿嫩，但勝在夠多肉同新鮮，燒得頗香口。苟菜豬紅尚算ok，一來夠大碗(豬紅仲多過苟菜)，二來不是太辣，三來加了炸蒜粒，所以非常香口。豉油皇炒麵都是該店的“名菜”，上枱時還以為不是太好味，因為顏色很淡，以為沒有什麼味道，但食下去又幾好味，因為不是太咸，而且他是即刻炒，又多芽菜(已去除頭尾部份)。普寧豆腐是最貴的一道菜，不過好太碟，豆腐夠滑，外皮又脆，又不多油。好味!總結: 除了雞粥，其他都算好味。而且價錢不是太貴。

未食過佢D小菜, 不過夜晚去合發食宵夜都ok既, 點心雖然款唔多, 但味道唔差, 個豉油王炒面好香口, 不過就油左D, 佢出名既雞粥就一般, 都幾重味精味, 不過夜麻麻有野食o係大圍算係咁, 好過食神果D既, 又唔洗下下麥記

bad impression~雞粥好水又冇味~ 條魚又乾又'鞋'~ 仲有一碟唔知係咩野,等左9個字都唔o黎~ waiter冇誠意幫我地跟, 又態度差~ 地方又唔多乾淨~ 總之就不知所謂啦~

首先想講,今日天氣非常咁熱, 有三十幾度, 去度呢間o野,見到裡面無乜位(要搭檯), 以坐o係門口出邊d位, o左十分鐘都無人理我地, 舉手佢\\\地又好似睇唔到咁, 興興地諗住幫襯第二間, 行到側門有個伙記終於見到我地, 話樓上閣樓有位同有冷氣, 事旦啦, 咪上去咯.上到去柯打左炸小唐菜, 唔知乜乜倉魚一條同埋間o野o既牌菜:\\\"雞粥\\\" 2碗.等左10分鐘左右, 雞粥送到, 不過唔係兩碗, 而係一大鑊(兩個人點食呀?) 於是叫左佢\\\換.味道方面呢.... 唔知係咪米貴, d粥稀到好似水咁, 而雞呢, 唔滑, 又無雞味d, \\\"孩\\\"到死, 仲霉霉地, 好大陣酒味(好明顯係擺\\\得耐要搵酒去辟味)食完晒d粥, 終於到倉魚出場, 炸到嚴重乾身, 一d肉汁都無, 本來出街食飯, $60一條魚唔算貴, 但整到咁難食, $30都俾多佢\\\啦.食完條魚等左好耐都未有炸小唐菜(由入間野開始計, 大約等左45分鐘), 我地就問伙記, 條友好鬼串咁話: \\\"炸緊呀, 小唐菜又炸耐d架\\\" <-- 大佬, 45分鐘, 人都炸熟啦. 等多幾分鐘, 滾滾地啦, 咪落

這裏的叉燒包很大,每碟有2個,腸粉更是即做的鴨腳圠和曉賣,大包,排骨盅頭,春卷及鹹水角也是特別推介。茶介$2小點$9,中點$10,大點$11,特點$13不用加一, 十分便宜