大圍合發雞粥 (Closed)

囂張的太子出品已經冇乜特別，普通小菜款式，可以講入求其一間飯店都食到。不過態度就其差，由其太子，有型過古惑仔，一張8人枱話要坐12個人，仲要我已經6個大漢竟然同我講要坐埋一邊留返搭枱，我話咩年代，一張8人枱竟然仲要搭枱？跟住講多兩講就有個小朋友樓面好有型咁話，你叫20個餸咪唔洗搭枱囉！嘩真係立即爆燈（我一講20個餸，一定知我邊個😅）即刻忍唔住堅拍枱，囂張的太子立即走過嚟好有型咁叫佢同事行開，等佢處理，我當初都以為真係處理，點知原來真係九唔搭八播音機，我講一句，佢就答一句公司規矩要搭枱，同太子既對話入面，我只感覺到小學雞，最後有樓面呀姐打完場，食埋最後一餐幫襯合發既飯

同朋友行完大圍新商場，一支公開車去睇下附近有咩食，去到積存街見有錶位，泊好諗住行去強記食晚飯，點知原來已經執咗，隔籬合發阿姐話有位唔使等，即管一試，點知原來要行樓梯上一層。言歸正傳，諗住都係叫返以前強記嘅菜，乳鴿一隻，中規中矩雞粥就出事啦，粥底疑似係冷飯，一嚿一嚿黐住晒，雞就似下欄嘢，一半係雞頸雞翼尖，骨多過肉，中下豉油王炒麵，麵身炒得比較冧唔夠乾爽西蘭花斑片，走油班片變成粉漿厚過魚，又係中下總括來講，大排檔環境衛生預咗比較差，不過無下次

黃昏六點幾兩個人入去食嘢, 全間舖得一張枱有人食緊, 但係叫我哋要搭枱坐, 然後我哋唔肯, 坐咗另外一張細枱, 又叫要坐埋一邊留番兩個位畀人坐, 當堂已經有啲唔高興。跟住有另外兩個客人入嚟, 即叫人哋坐落嚟我哋張枱, 人哋二話不說即刻走咗去。然後我諗咗兩分鐘我都起身走埋。呢啲服務態度真係趕客

黎到呢度緊係叫雞粥係吾係好好味？雞粥。。偏淡。。無乜肉差吾多全部頭頭尾尾位韭菜豬紅。。普通滷水鵝件。。斬得太細件太薄。。味道ok黃金鮮魷。。不錯。。好多咸蛋乳鴿。。一流推介。。正豉椒鵝腸。。惹味

久違了的沙田大圍食店、久違了的宵夜。我家老闆其實想吃強記雞粥，但這歷史餐館，終於也躲避不過時間的洗禮，現在已易手為「大圍合發海鮮飯店」，我們也就樂於一試。鹵水鵝片 $148 – 傳統潮州冷盤味道未見突出，很久沒有吃到令我味蕾有特別反應的鵝片，近年漸漸對它失去興趣。酥炸腐皮小棠菜 $95 – 平時少吃小棠菜，加上酥炸蔬菜這個烹調方法對我來說有點新鮮，香口的炸物令我有點驚喜，感覺有點像在吃素蠔餅。方魚肉碎粥 $138 – 對吃潮州粥長大的我來說，這個有點悶。豉油皇炒麵 $70 – 這是一個很特別的炒麵，是特別甜!!! 甜得接近糖醋麵的甜。

大圍附近想食啲地踎味濃嘅港式小炒，呢間係其中之一。無論門面定室內裝潢，四隻字：其貌不揚。然而，味道係正常，某啲餸菜有驚喜。講到呢度，腦海浮現篠田步美，外表雖然唔吸引，但副偈真心一級棒👍🏾。驚喜嘅，例如：$138一窩嘅蠔仔肉碎粥，夠4人食。食蠔仔粥，最驚鹹得制，但合發就啱啱好，加上蠔仔份量好足料，都幾滿意。😋正常嘅，例如：$90紅燒斑腩煲，有生菜底、燒肉、豆腐作陪襯。勉強要講，油咗啲囉，但食呢類餸菜，好正常。$100椒鹽鮮魷就要扣啲啲分，幾乎冇椒鹽味，要靠點汁提味，而且份量不足，唔多抵食，#cp值低。🙅🏾‍♂️打到結尾，覺得用篠田做比喻，好似過譽咗，算啦。

朋友食過這間大排檔話好正，今日專登帶我哋去試吓， 6:00開門，唔夠5分鐘已經坐滿客人。正宗大排檔格局，大大張圓枱。餐牌只有三張，一目了然，仲有一啲時價海鮮。韭菜豬紅，豬紅好滑，韭菜夠味冇渣。滷水拼盤，真係好多不同的料，唔會太鹹。金衣鮮魷，即係鹹蛋黃鮮魷，鹹蛋黃包住新鮮的魷魚，味道甘香，好食，可惜份量並不多。大排檔不能少的小炒王，好香口，份量都好足。椒鹽九肚魚，雖然份量不是太多，但係啖啖肉，入口香脆。蠔餅，差唔多枱枱都會叫，分量很大，蠔仔很多，酥脆，香口。六個餸+4支啤酒，買單726。正宗大排檔風味，煎炸嘢非常好。進餐時見到有很多客人不停地外賣。而且餐廳外都坐滿客人，非常熱鬧。但係最好6:00去到，如果唔係真係有排等位。

我路過大圍唔知食咩好 是但去食個炒小菜呢間合發幾年前去味道還可以點知今日完全係中伏！好耐未試過未擺入口已經喺度爆粗點咗個清炒勝瓜 唔係啩 唔通我點錯咗上湯勝瓜？再睇真啲原來係油浸勝瓜 啲油仲要黃撳撳咁嘅色咩料先 ？而家啲油咁鬼平 ？見到碟嘢已經唔開胃結果我要倒杯茶落隻碗度 每一舊清洗乾淨先放落口，但係依然好難食！ 另外再點左個魚雲煲 ，一上枱就已經覺得魚雲沾得太多生粉，但可能味道好食呢試吓先啦一咬落未熟嘅 🫠 仲有個雙椒炒豬腸 豬腸完全有雪味而且好難咬開再試其他蠔仔粥呀乳鴿啊 嗰啲都不值得一提為咗不想浪費食物勉強自己吞下去但係真係好難為自己 好難食好難搞！一定冇下次

由於要去沙田的緣故，聖誕節要在沙田大圍附近吃飯😅為了避免常常到沙田市中心吃飯，今次和女朋友到大圍食暖笠笠雞粥😍好像以前強記已經倒閉，所以今次去附近合發雞粥😚兩個人分別叫了：雞粥》》35蚊一大盤雞粥，十分之抵食，雞比粥更加多👍👍乳鴿》》可接受，正正常常xo醬爆鵝腸》》想不到會有我最喜愛的西芹，我吃鵝腸比較少反而吃西芹比較多😂😂蠔餅》蠔餅就比較多粉，最後只係吃蠔仔啤酒今次聖誕節大餐是有史以來最平一次只需要300蚊😂😂🎉🎉

特登去上水揸車去大圍食雞粥點知原來強記執咗笠？？？得返呢間合發因為太肚餓所以無再慢慢揀食邊間一入去就叫左一碗雞粥 一碗蠔仔粥 一隻乳鴨先黎左碗蠔仔粥 湯加生米黎既？？？即刻叫佢退左佢 佢一句唔好意思或對唔住都無講過 唔緊要跟住再黎多碗雞粥 稀到。。。。雞湯加幾粒滾爛左既飯我同我老公個一下就算幾肚餓 我地食完隻乳鴨同碗雞粥啲雞就立即起身埋單走呢間野真系無下次！！！！

今次一共嗌咗5個餸 雞粥，椒鹽鮮魷，乳鴿，上湯時蔬，蠔餅乳鴿同時蔬味道正正常常，但係比以前遜色好多椒鹽鮮魷就完全唔似平時食開嗰啲，太濕，完全冇炸過嘅痕跡，全部都係淋雞粥同以前比差勁遠，淨係食到胡椒味，雞冇肉，粥冇雞味蠔餅仲誇張，餅入面有唔知蛋殼定蠔殼，仲要唔係一兩塊，係每一啖都有other then 食物，佢提供嘅碗筷全部都好污糟，有飯或者豉油係上面，唔講以為冇洗過另外提提大家呢間野唔提供安心出行以外嘅選擇填紙仔比客人揀埋單500蚊，比錢買難食

從前住了一段時期大圍，經常踏著單車去買鷄粥食，記憶中有強記、新強記，而合發我唔肯定係咪以前食嘅一間。今次路經大圍購物，為食順便買碗鷄粥上車食，真係大開眼界，相信負責煮鷄粥嘅師傅一定心裏有數，粥內約有十件鷄，但每件都只是約一吋的鷄頭鷄尾，初時食都以為係一舊半舊係咁，怎知原來可以差到咁，全碗全部都係鷄骨，完全可'比美係'一碗齋粥，相信任可有賣鷄粥嘅地方，都唔似呢間合發咁過份，其實而加做生意做到咁唔老實，係好難有回頭。

凍烏頭天氣熱 叫個冷盤啱晒條魚尾位置會見到有個牌仔寫住元朗烏頭～來貨有質量保證嘅意思嗎有黃油 魚質滑都算啖啖肉 2-3個人食嘅份量 sauce入口略有少咸 好味～宵夜黎講 配碗雞粥都夠飽飽啦～

推薦指數：🤩🤩🤩🤩大圍一向多美食，其實食大排檔都好正好有風味！❤️今日黎到大圍合發，近油站，外面已經開左１０張８張木台～超有地道大排檔風味～正呀黃金鮮魷！滿滿的黃金（咸蛋黃）🥳一上木台已經香噴噴！新鮮炸起的鮮魷一Ｄ都唔油膩，鮮魷大件但唔會太韌，一口咬落去黃金味勁香，鐘意重口味香口的你一定要嗌呢個小菜。小炒皇小炒皇有芹韮菜花，蝦乾，菜圃，咸咸香香，😋用黎送飯食係一流！呢到的小菜份量好大，絕對係比一般小菜的ＳＩＺＥ更多🙂一定要多幾個人一齊SHARE先得!🍲沙嗲肥牛粉絲煲呢個一向香港人小菜心水之選~沙嗲肥牛配粉絲，大大煲勁足料！最鐘意佢配有菠蘿，甜酸合適，中和番肥牛的油脂！加埋沙嗲煲KEEP住熱辣辣，沙嗲味調得岩岩好唔會太咸～空口食都無問題！整體合發的小菜份量的確驚人，都算幾抵食！明白點解ＫＥＥＰ住咁多人排隊食，下次要再試其他款式的小菜先得～😇

合發雞粥-生滾滑雞粥($150)黎到大圍唔知食咩好所以決定食雞粥🤘🏻，雞粥一窩上超大窩，女仔可能6個人左右都夠食😂，粥都算煮得夠綿，唔算太稀，不過個粥就冇乜雞件，勝在雞件都幾多，唔會得啲碎件🤘🏻。-乳鴿($55)食雞粥唔少得乳鴿啦，外皮帶少少脆，入口有油香，唔會食落好柴，襯住佢熱辣辣時食就最岩🤣。-椒鹽白飯魚($90)唔少得要叫啲小食，白飯魚份量都幾多，炸得脆口，送粥食就岩岩好🤘🏻。