太元樓

Open Now

Now Closed

特意到炮台山女友家拿東西，為的就是到訪近排她家附近新開的上海菜，7點入座前只有小貓三兩隻，沒想到7點後坐無虛席還有好多人在等位！原來這裡在賣$28一隻乳鴿，每抬都可以點一隻。本來以為很鞋的賣剩貨，沒想到嫰滑非常，連翼位都烤得超嫰滑，超難得！這餐廳無論價格還是裝潢都是走家庭風，$158一個水煮魚？應該好細碟吧？一於試試！那個$158的水煮魚上桌時我有點驚訝，因為它佔據本來就很細的桌子的一大半！正宗水煮魚應有的嫩滑魚片，竹筍，豆芽，豆腐乾，腐竹都一應俱全，最驚人的還是那些既滑漏又煙韌的薯粉，根本夠2個人吃到飽好不好！辣度不算很高、是可以接受的程度，而且越吃越想吃，因為沒有辣到舌頭噴火的程度，一啖又一啖，好吃！風味豬寸骨則有像宮保雞丁，跟辣椒一同乾燒，帶點辣味跟咸香，微脆煙韌的肉質，還帶大量夏威夷果仁，又是一道越吃越上癮的小菜！吃到這裡，2個人都吃不下了，但菜還是得吃，點了一個上湯菜心，菜身巨大而且夠綠，不過，實在吃不完呢！一人百五蚊左右，飽到上心口！侍應跟餐廳都很新，可以進步的空間還是有不少，但CP值跟食物質素，我很滿意！

又係冇飯煮婦日，今晚唔想煮飯想出街食，咁啱前幾日係回家途中見到呢間上海小店開始試業，而咁啱今都想食上海菜喎，咁就一於去試下啦！入到去估唔到地方都好闊落，裝修設計簡潔，坐得好舒服。細過時食上海野必叫黃金銀絲卷，咬一口鬆軟無比，仲有陣陣嘅香甜味道，新鮮熱辣蘸著煉奶倍添滋味小籠包上枱時熱呼呼，外皮雖不是很薄，但口感柔軟，同時能承托包內肉汁，大家食時要份外留神，小心燙到嘴巴。窩貼底層嘅皮煎得酥酥脆脆帶點厚度，咬起來又脆又軟，口感豐富第一次食賽螃蟹春卷，外皮卜卜脆，內餡綿滑，真係食到外脆內軟嘅效果水晶肴肉口感層次鮮明，賣相精緻，佐以薑絲同鎮江香醋不但把味道提升，而且入口更是肥而不膩，好爽口招牌松子魚也是我食上海菜必吃的，炸完嘅魚唔會好乾身，糖醋汁的酸甜度適中，越食越開胃，來送飯就一絕！白色奶油襯托白黃色嘅紹菜，上面灑上金華火腿，簡單得來又健康美味雖然餐廳招牌仲黐住紅紙，但入面都已經八成坐滿，低調試業反應已經相當不錯。我地去嘅時候比較早，好彩Walkin仲有位啫，仲有仲有，新張期內乳鴿仲特價，眼見枱枱都點咗一杯，我哋都唔執輸！想食上海菜又多一個選擇了！

雖然住在港島東，但平時甚少到北角吃飯，不過老公愛吃上海菜，家附近的上海菜館都吃過，質素中上的價錢都偏貴。聽說城市花園開了一家新的上海菜館，價錢大眾化而質素不錯，下班後一於和老公去試一試。裝潢新派簡潔之餘又不失傳統格調，座位也頗寬闊。涼菜：黃金熏蛋還有些少蛋黃汁流出的溏心蛋黃，非常誘人，蛋黃上撒少許五香淮鹽，使熏蛋更香更濃。小籠包湯多汁濃，皮也做得挺薄，肉餡細緻飽滿，媲美不少高檔上海菜館。百葉小棠菜不知是否用百頁豆腐製的腐皮做成的，有豆腐的香，又有吃麵的口感，非常有趣。太元雞（半隻），有點像炸子雞，但撒了更多炸蒜、辣椒和蔥花，皮脆肉嫩滑，沾少許南乳醬更惹味。還點了一碟上海炒年糕，年糕煙韌，有冬菇絲、肉絲和椰菜，足料又大碟，但我們顧著埋首吃，已經忘了拍照😂老公說下一次要叫家人一起來，可以多試幾樣甜品，例如高力豆沙、拔絲香蕉，這次飽到傻，都沒有留肚給甜品😭

北角城市花園個邊有一系列中菜，以為競爭好大？NO!NO!NO!最近開張的太元樓，短短開張期間，幾乎日日都座無虛席。酸酸辣辣的青瓜好爽口，再配香濃嘅茶，同三五知己傾下計，非常好！茶具精緻，新開張給人好乾淨整齊的感覺，乾淨對於食客是非常重要！餐廳夠舒適，而且燈光適中，唔會好多射燈射住好唔舒服，但又夠光，令人感覺精神。海哲頭每條都肥美爽口，味道恰到好處，唔會過於濃味，食到清甜嘅味道。朋友同我食極都唔厭，一人一條以為好快食完，點知食極都唔完，比起好高級中菜要百幾蚊細細碟個D，太元樓的確好味又抵食。干煽四季豆有D會整到超干，好梅咁，呢度色水都唔錯，食落都爽口fresh嘅。呢個會比較濃味，上海菜幾乎必order 的。松子魚見到都流哂口水，即刻拿起筷子夾黎放入口，松子魚酸甜正！最重要無骨，炸完又唔乾！掂！小籠包出色，咬落去好多汁，熱辣辣食真係無得頂！皮都算薄，裡面舊肉都鮮甜！乳鴿特價$28隻，超抵食！雖然肉唔算好厚，但皮真係燒得好脆，必食推介！

招牌都未正式撕開紅紙～姑姑已經食過兩次，覺得味道還不錯，便大伙兒來食飯 順手做節～妙齡乳鴿 $28 隻～ 是賣點，不知是否年紀太小 😆 感覺好瘦～ 冇乜肉，而且唔 Juicy ～ 是豉油皇，還是炸？ 飢詩分不清，總之皮不脆，鴿味不明顯～ 😶小籠包 $38～ 皮薄多汁的 😘雞絲粉皮 $68～千歲豆腐 $48～ 十間有八間食肆 都係用百福豆腐～ 不過通常都有少少誠意 切走個logo同啲坑紋 ， 好似呢個幫百福賣曬廣告嘅豆腐就係比較少見 🤣口水雞 $58～ 的確令人流曬口水～ 又麻又辣 👌🏿👌🏿樟茶鴨 $108 半隻～ 乾身 皮脆 有少少煙燻味 ， 這個比乳鴿出息多了 🤩還未正式開業， 已經有好多客人啦，可能太忙 質素跟平時 是有點差別～ 希望 他們可以再做好啲 💪🏻💪🏻～飢 point : 6 / 10#hungermarch #hunger #飢詩 #非飢詩

11月剛剛開張, 還在試業, 見新開張期間有85折，便入去試試。當時只是平日 6 pm，但已經坐滿7成客。整體野食熱辣辣, 菜色有好多選擇, 除了上海菜, 四川菜, 仲有八寶鴨、樟茶鴨等小龍包皮簿得來不黏底, 夾上來時不會因黏底而穿乳鴿略為少肉一點, 上菜時唔算太熱。太元雞juicy香口, 雞肉都算嫩，重點係個自家調既南乳醬。奶油津白鮮甜, 用紹菜最嫩既部分, 奶油味重。友人話薰蛋好入味, 不過太飽, 唯有下次先食質素不錯的上海+四川店，如果我屋企在左近就好了

最近返工見到有間新開業不久的上海菜店，所以約屋企人做節食飯。在店門外寫了星期日至星期四都有85折而乳鴿做特價28元一隻都很吸引呀。點了一些小食，賽旁蟹春卷、小龍包、鍋貼、煙燻蛋、炒鱔糊。做得不錯，小龍包很薄皮，但唔易穿，正，賽旁蟹春卷我都係初次嘗味，很特別，不錯。太元雞再配上南乳醬以及妙齡乳鴿，兩者皮很香脆呀再點了水煮魚，份量十足，不太辣就岩晒我屋企人，小小辣吊下味最好不過👍🏻整體都做得好好呀！滿足，謝謝！！而且份量足，價錢合理，難怪咁多人等位

這間專賣上海四川菜的餐廳，雖然只開業兩星期，但已經大排長龍，晚上要預早訂位。這裡菜全部即叫即做，食材亦很新鮮。小蘢包皮薄又多肉汁，又不易穿，是近年食過最有水準的。海鮮湯配料十足，有魚肉，蝦，蛋白，喝一口就知道很足料，一個人喝完已吃不下其他菜。主菜點了上湯豆腐，豆腐質地很滑，充滿酒香，非常有驚喜。另一道是這裡的招牌，松子魚，用上大條桂花魚，炸得魚肉一排排，魚骨也可以吃，配上酸甜汁，非常醒胃，送飯一流。

這間位於炮台山的上海餐廳，雖然位置在內街，個門面裝修非常光鮮，經過都被吸引住。頭盤方面，點了炸乳鴿，即叫即炸，外面非常香口，還有大量肉汁。賽旁蟹春卷，是這裡的特色菜，裏面吃到啖啖蛋白和蟹肉，十分清淡，多吃也不覺飽。醉雞是最有驚喜，餐廳用全雞腿製作，有花彫酒香外，也吃出雞肉鮮香味，份量也很大，係回本菜。主菜點了蒸魚頭，上面布滿紅椒，色彩鮮艷，令人很有食慾。魚頭很大，要3-4人才可吃完，大魚魚香味很重，又滑又啖啖肉，配上辣汁，送飯一流。

太元樓門面不算很顯眼，內裏空間也挺大，有卡座亦可以獨立包廂，擺設處處滲出中國風。水晶肴肉口感分明，佐以鎮江醋和薑絲，肉鮮不膩。小籠包熱辣辣，皮薄饀靚、湯汁豐富。1/4隻砂鍋雲吞雞足夠四人用，湯底頗清甜；雲吞是我最愛，雲吞皮好滑，肉饀亦新鮮。揚州炒飯有不少配料，蛋、叉燒、雞肉、蔥花，飯粒分明乾身，味道不俗。金粒豆腐薄薄一層炸粉包裹著嫩滑豆腐，不愧為招牌菜。太元樓以家庭客為主，菜式份量也較大碟，新開期間妙齡乳鴿$28/隻，好抵食。

北風呼呼吹, 大條道理可以去食多啲嘢, 強身健體嘛!我見就快過冬，要早啲出去揀定地方食飯， 今日同朋友去咗有小上海之稱嘅北角區食京滬菜。呢間舖叫太元樓，你睇吓連紅纸都仲貼住，新店開業! 見到門口有張海報寫住新張期內妙齡乳鴿每隻特價28蚊，好吸引喎!以為食early dinner唔多人, 點知一推開門, 已經坐咗七成客啦，咦? 有料到喎! 呢度地方幾闊落，大枱細枱乜嘢組合都有，特別有我最鍾意嘅卡位添! 一坐低阿姐就放低一碟涼拌小青瓜，好爽口带微辣， 後來埋單先至知道原來呢碟前菜係免費㗎，超值！我信餐牌推介，叫咗一碟水晶肴肉！肴肉製作工序都幾多吓，呢度用嘅豬手材料新鮮，整出嚟嘅肴肉有頭，豬皮凍嗰部份入口即溶，配埋薑絲加浙醋，一啲都唔肥膩！朋友食親京滬菜一定點呢一味， 哈哈，餐牌 都有推介喎， 就係招牌松子魚！朋友話呢個餸又係工序多多，自己好難整; 佢話好味嘅松子魚要結合幾大元素: 材料新鮮、刀工好、油炸時間長短同埋茨汁酸甜度要拿捏恰當，各樣配合，先至能夠做到酥脆甘香，酸甜惹味嘅松子魚。今日食到啦，酸酸甜甜好開胃! 見到隔離食生煎包，賣相都幾靚，我哋都叫咗份試吓。生煎包皮薄底脆，唔油膩！食

在五年前我們一群人到上海當交換生到五年後的今日, 有人已經成家立室他介紹我們到他家附近吃上海菜, 說有當年在上海的味道我們三個就相約下班後好好聚一聚這家新開的太元樓近城市花園, 位置方便, 而且在試業期間星期一至四85折!看餐牌就知價錢實惠!乳鴿$28/隻, 必叫!炒鱔糊-$108上海菜必吃的一道菜, 鱔肉夠爽口, 不會過甜, 不會太油膩, 師傅做菜高超!上海粗炒-$78炒得夠鑊氣, 但感覺味道偏淡, 最好叫職員給豆瓣醬, 混入粗炒中, 味道就剛剛好, 好吃!腌篤鮮-$88這是湯來的, 很多料, 鮮甜無比, 雖然有咸肉, 但都不會令湯太咸, 味道剛好, 而且份量多, 每人有4碗!乳鴿-$28/隻皮脆肉嫩, 現時還可以找到$28/隻乳鴿不容易呀!總結菜式富上海味, 價錢適中, 環境服務都不錯, 懷念上海時必來也!

之前見太元樓勁多人都話好好食就同女朋友山長水遠甘走左過去試下(因為本人住新界😂)不過好彩都不枉我甘遠走去食因為真係好那好食我地2個人本身叫左小籠包 太元雞同鍋貼但係但小籠包真係好好食所以一食左第一隻就即刻叫多籠 到最後飽到痴線小籠包入面真係爆湯 個皮夠薄餡料夠多皮薄得黎就算用筷子係個頂到夾起 都吾會穿 吾會流晒啲湯出黎淨係依點巳經證明到廚師功夫超凡太元雞個味好夠 另外仲有個南乳醬可以點 可以有2種食法鍋貼 餡多剪得夠脆入面好多肉汁

今日去北角城市花園睇樓，睇完樓唔知食乜好，經過呢間貼左紅紙既餐廳，阿囡被隻乳鴿吸引住，拉左入我地入去食晚飯。黃金薰蛋，有薰過既香味，糖心蛋灑上淮鹽，入口醇香美味。妙齡乳鴿，開張優惠28蚊，點都要叫返隻黎食喇，皮脆肉嫩，又香又惹味。辣子雞丁，勁多辣椒，雞丁嫩滑，腰果香口，辣度適中，雞丁分量超多。杞子桂花糕，清甜桂花香。紅棗心太軟，呢款上海甜點，每次食上海菜都必點，紅棗去核夾住糯米粉團，甜糯香軟風味十足。

去朋友屋企之後去佢附近食個晚餐，啱啱見呢間新開嘅太元樓，就入去試咗。由於兩個都唔太餓，就叫得比較多小食1. 薰蛋和蔥油海蜇皮海蜇皮味比較淡，但好爽口，份量都幾多。薰蛋都好流心，好正2. 小籠包小籠包皮真的很薄很薄，而且多汁，必食推介3. 五香牛展份量很多，而且有香濃醬汁配合，很開胃，停不到咁吃4. 海鮮豆腐羹十分十分驚喜，清清地但又很鮮味，有很多海鮮，而且豆腐一絲絲的，廚師功力深厚，必食推薦5. 紅燒乳鴿這個乳鴿有點細，但燒得很香6. 手撕雞雞十分滑，醬汁可再濃一點會更好整體來說，食物味道不錯，份量也很多，價錢亦合理。唯一須改善為員工對公司的態度，可能新開未上手，期望下次會有改善。