太元樓

Open Now

Now Closed

探完親戚，便到附近醫肚，見這間新開張又有85折，便二話不說進內。當時只是六點，但已經坐滿八成客，看來這店也很受歡迎！來到上海飯店，當然唔少得小龍包！一忠四個！小籠包的餡也不少！一個人食哂，正值得欣賞是小龍包層皮，簿得來不黏底夾上來時不會因黏底而破爛整個小龍包可以完汁完味連湯放入口咀嚼，超好食！再來排骨擔擔麵！排骨看上去平平無奇，但吃入口就很香口，加上一點也不油，是我喜歡的那種呢！麵配上紅色湯底，初時擔心很辣，入口才發現只有少少少少辣，而且微微花生醬味也蓋了不少辣的感覺，所以不用擔心味道不錯的上海菜店，如果我家附近有就好了

這間位於北角、新開張的太元樓，幾乎每個星期五和週末都爆滿，所幸我及早訂位，晚上七時到達，經已坐無虛席。先來朋友最愛的冷盤水晶肴肉（$78），啫喱彈牙肉質爽口，口感新鮮，不像普通食肆擺放很久的冷盤。而且味道清新，不會死咸。抵到爛的妙齡乳鴿（$28）雖然只有四小件，價錢真係超吸引，加上師傅冇因為係特價小菜就放軟手腳，炸得皮脆肉嫩，又不會太多油，味道咸香。又一抵到爛之選的小籠包（$38）。這裏的小籠包質素拍得住上海的佳家湯包，真係皮薄餡靚，又多湯汁，個人感覺比某米芝蓮更好。香軟小米糕（$42）應該係比較傳統嘅小海小點，我同朋友都冇食過，味道類似港式馬拉糕，不過冇咁甜，帶點米味的清香，好軟身，不會蒸到濕哂，不錯。奶油津白（$68）個人覺得麻麻，唔夠火腿咸香，不過朋友們幾鍾意。奶油味好濃。上海年糕（$78）就一致覺得係正常水準，略嫌唔夠入味，但好煙靭。有碟唔記得影相嘅黃金蝦（$108）最正嘅先忘記影相，咸蛋黃汁超香濃，掛到汁，味道唔會太咸。重點係啲蝦炸得超香脆，但入面嘅肉剛好熟，我估唔到食黃金蝦都可以外脆內軟朋友連殼啪埋添呀！其實朋友連我3人，冇人食紅棗，但老闆推介加上出面冇見過，所以叫左黎食。

朋友嚮炮台山一間新開業的京川菜館食過飯後，對其讚不絕口不下三次。因此，今天放工後特意過黎幫襯。果真開業不久，現在仍然做緊新張晚市85折及堂食乳鴿$28作招來。見到隔離枱個沙窩雲吞雞，好大份又滿滿的，所以也order了一客。份量多之餘，最重要還是要好味道，這道菜我最欣賞的是雲吞，完全吸收了雞湯的精華，yummy yummy !!既然有乳鴿優惠，無理由唔試㗎，係咪? 食過就知皮脆肉嫩，而且很香口。如加少少淮鹽仲會惹味D添，正呀！賽螃蟹主要材料，除了蟹肉便是蛋白，所以很滑溜，入口還有啖啖蟹肉味，正呀！！

最近發現在北角附近有間新開張京滬菜~ 太元樓, 其實喺嗰邊 唔係好多京滬菜, 所以幾有新鮮感。花雕醉雞~ 醉雞係上海美食之一, 用上盛嘅花雕酒浸泡四小時以上, 食落嘅雞肉酒味香濃, 肉質嫩滑, 而且相當入味, 才稱得上餐廳推介之一, 也是每枱客人必食之選。賽螃蟹~ 無人不知曉, 也是上海名菜, 用蛋白做主菜配以瑤柱絲青豆及蝦肉, 蝦肉新鮮彈牙, 加入瑤柱絲可令口感豐富, 更加使餸菜有特色, 味道可口, 營養豐富,老少咸宜。奶油津白~ 又名绍菜, 鮮甜清香冇''揸'', 而且係用紹菜最中心嘅部分, 所以非常夠嫩, 濃滑奶油香, 但又不會覚得太肥膩, 清清淡淡, 最啱健康人仕, 多食無妨。幸好我一早訂了枱, 若然不是, 就要等後半個小時或以上。 不可不提, 晚飯時間乳鴿特價推出, 手快有手慢冇, 今次我就慢咗了,下次再黎!

忘不了的乳鴿上海菜不嬲都係我最愛中菜之一新開太元樓裝修雅緻，坐得舒舒前菜有開胃青瓜，好入味食上海菜唔少得前菜，一定要讚賞呢個海哲頭！因為超大碟超爽超抵食，出面個d好少碟，一人一兩條就無哂啦呢個真係超大碟，係必食之選上海野又點少得小籠包，皮薄湯濃！正！小籠包最怕厚皮，呢個整得非常出色！四季豆惹味唔會好辣，送飯真係好好味岩哂唔鍾意食菜既朋友奶油津白份量都多，整體唔錯，如果汁又多d就好啦！松子魚非常非非常好食！汁煮得好好，唔會太酸魚肉保持到嫩滑而且松子都好多，無慳皮最後，乳鴿真係好好食！個皮好脆好脆！唔算話好油唔會太肥！太元樓平日晚上都好多人食，證明有實力！

太元樓，一間新開張既京滬菜餐館。今晚同朋友經過就入去試下！餐廳環境時尚乾淨，仲有大房可以一大班人食飯，岩哂過年過節啦！餐牌選擇多而且款款都好吸引！我叫左生煎包，即叫即煎，外層卜卜脆，中間香嫩肉汁豐富，麵包皮唔會太厚，吸哂肉汁！東北小雲吞，雲吞湯香甜，麵粉皮薄餡料豐富，豬肉份量又夠多！雲吞好似我細個食果陣味，好正！牛油津白，香甜津白菜甜新鮮，朋友大讚！招牌海鮮炒飯，豐富海鮮好足料，炒飯乾身唔油膩，咸香又夠惹味！黃金饅頭，炸到卜卜脆，外層金黃，沾上煉奶，香甜甜蜜，饅頭香軟唔會乾身！蔥爆牛肉是我地爭食菜式，爆香牛肉非常滋味，醬油濃香牛肉非常滑溜，加上大量京蔥爆香，香味突出！相信下次會帶一家人去試下啦！

太元樓是朋友介紹新餐廳，11月剛剛開張，晚晚經過都好多人食飯！今晚特登帶埋媽咪去試下！黃金饅頭，每次食上海菜都必點！外層炸到金黃香脆，入口卜卜脆，中間好香軟，加上煉奶香甜可口，甜蜜蜜好滿足！東北小雲吞，香甜雲吞湯，加上粒粒雲吞，皮薄餡料多，中間肉汁非常豐富，外形唔係一向廣東式雲吞的造型，非常傳統！一口一粒充滿細細個婆婆包雲吞的回憶！生煎包是媽媽必點菜式，生煎包煎到脆卜卜，底下香口中間充滿肉湯汁，豬肉餡好豐富，麵包吸哂豬肉肉汁，非常滋味！蔥爆牛肉有大量京蔥，岩哂我口味，牛肉香嫩滑溜，炒到剛剛熟，保持幼嫩口感！醬油和調味非常足夠，好惹味！招牌炒飯，粒粒炒到好咸香，好足鑊氣，加上豐富海鮮粒，我食左兩大碗！媽媽話下次可以一家人去食飯啦！

去開北角探朋友，嚮城市花園附近見到一間新開的京滬菜館，有好多人聚於接待處等位，跟附近電器道門庭冷清的食肆形作對比。食上海菜又點少得小籠包呢？ 薄薄的粉皮將肉汁鎖住嚮裡面，原汁原味。沾少量黑醋更能帶出肉味平時酒肉多，要食番多d疏菜平衡返。呢碟火腿鹹肉炆津菜，多菜少肉，清清地不油膩，合晒我要求樟茶鴨很入味，外脆內嫩。最欣賞的是肉質不會太乾身，可以講有少少 'juicy' 添，唔錯豆沙鍋餅也是吃上海菜必叫之選，如果有埋高力豆沙就更加perfect，可惜經已沽清了，只能怪自己晏左黎攞位

今日見新開上海菜😍我又點會吾去食呢。。。兩個人叫到成枱野🤤🤤🤤🤤👍豆沙鍋餅-好脆口..唔會好似出邊食咁油豆沙餡不會太甜👍👍香辣蝦-真係大大碟，配啤酒食無得輸👍香口...香辣...新鮮小籠包- 皮薄餡靚 好多肉汁，值得一試太元雞-好香口，大大隻 100分🤤🤤👍👍👍鍋貼-皮薄餡靚-個底脆上邊軟👍🥟🥟🥟🤤上海排骨擔擔麵-淡淡花生味 好正宗嘅擔擔麵排骨炸得啱啱好，香脆。。。。。

family day,同老人家食，始終要揀番中菜先岩佢地胃口。 新開張，連紅紙都未拆。有啲菜式幾特別，例如上湯羽衣甘藍，香蕉拔絲，但係太夜去食，兩樣都食唔到。太元雞半隻，雞肉仲係好嫩，皮好脆，重點係個南乳醬。奶油津白:唔會太咸，奶油同津白又好夾，津白吸晒奶油，好滑好香。水晶肴肉 - 唔錯既，無根黃金蝦，蛋黃掛晒落蝦度，脆到可以食埋啲殼。五香牛展拉麵-不過不失，麵唔會太林，牛展都好入味，無根。環境舒適，夜食飯都仲好多客。完全唔似新開既餐廳。待應們都好熟手。

同男朋友睇完戲就過到嚟呢頭食夜晚，見呢間新開中菜價格幾坻食又好似幾好坐就去試下啦(^^) 餐廳都係以中菜為主，主要係上海菜嘅，有點心同小炒揀，啱哂心大心細嘅人呀🙋🏻‍♀️🙋🏻‍♀️我就揀左個紅燒獅子頭🐡出面比較少有，番大陸就食得多！獅子頭整要時間，有2大粒👼🏻👼🏻肉好扎實，幾新鮮嘅，好有肉感食落！個汁唔會好濃，當然配飯仲好食💪🏻 另外係咸肉津白🥗🥗好大份下！咸肉都幾多，似係火腿咁，湯底清清地幾好飲🙆🏻‍♂️津白夠腍，吸哂d湯🤤🤤 龍井蝦仁係幾清新之選！蝦仁非常多，而且彈牙嘅，亦有d蝦嘅鮮味😋龍井味道都幾重，食完都唔會好膩💁🏻‍♀️💁🏻‍♀️

今日本來去北角食飯，點知行到城市花園附近突然落大雨，所以我地隨便入左一間餐廳食飯兼避雨。餐廳食京川菜，剛剛開業，環境都好新正我地order 左小籠包($38)，口水雞($58)，擔擔麵($48)，紫心蕃薯浸莧菜($78) 和上海炒年糕 ($78)，本來想試下招牌乳鴿($28)，可惜我地落單時已經賣完小籠包一籠4件，皮薄，裡面有好多湯汁，幾好食，不過要小心燙口口水雞分量偏多，雞幾滑，醬料夠麻辣和香囗，伴飯一流擔擔麵有濃濃的湯底，麵質唔會太軟，如果再辣D仲正浸莧菜屬健康之選，本來以為調味會好淡，但食落幾香蒜味和紫蕃薯的甜味上海炒年糕，大大碟，年糕煙韌，炒得惹味，幾有鑊氣試業期內仲有85折，性價比不錯 

北角一向都多餐廳，呢間新開嘅中菜館一直都幾多人嚟食，價錢唔太貴之餘又多選擇！一坐低就會有姐姐拎普洱比你，正常茶樓嘅茶咁，唔會太淡😋我地叫左一籠小籠包($38)🍽有4隻，皮薄多汁！肉汁爆多，好新鮮嘅🤤皮算好薄身，又唔會穿左👍🏻👍🏻 另外叫左獅子頭，有2大粒！有d大白菜同冬菇做配菜🥗🥗 個汁都幾濃縮，但唔會太咸嘅⭐️ 獅子頭就啖啖肉嘅，都幾彈牙！肉味十足，可以撈飯😺😺 炒鱔糊都幾大碟🐟🐟鱔魚肉幾多，同芽菜好夾😃😃 鱔糊味道幾惹味，甜甜地，而且有d麵一齊炒，食落都幾飽肚❤️❤️因為新開所以有某d菜式未有，希望遲下會食到🍽

位於北角新開張既京川菜太元樓新開張，於是抱著人試我試既心態去湊下熱鬧，星期六18:00已經大排人龍，好彩既係我有訂枱，有好多街坊o黎到已經話full booking要等。店內既餐具都係比較優雅，有d似翡翠玉石，古色得o黎又有點新派既感覺。先來小籠包4隻，小小既包點已經見到內裡滿滿既肉汁，慢慢夾起放入口，唔加任何醋汁已經滿口濃濃肉汁香，皮簿肉香。脆皮乳鴿($28隻)2隻，即點即炸，上枱仲係熱辣辣，皮脆而且肉嫩，小朋友都爭住要食，唔係淮鹽都已經好入味。瑤柱蛋白炒飯：瑤柱及蛋白都炒得很香口，飯粒分明，每一啖都有濃濃既瑤柱香氣，火喉十足。椒鹽黃金豆腐：豆腐炸得外脆內軟，豆腐依然非常滑，外層帶有少少七味粉，微微辣度又帶出黃豆香。黃金蝦：黃金蝦被滿滿鹹蛋黃包圍，蝦頭滿滿既蝦膏令整體錦上添花，唯一不足係如果蝦殼帶少少脆會更好。上海粗炒：鑊氣十足，每一條麵都非常入味，食得出師傅用心制作。

北角一向多野食, 不過不太集中, 最近城市花園新開既太元樓, 主打上海菜。喜愛新鮮感既老媽子當然要去食啦～餐廳選擇不少。水晶肴肉!$72肴肉作為小食冷盤 我一向十分喜愛!沾一沾醋, 一啖享受。黃金蝦。$108鹹蛋黃沾滿蝦表面, 而鹹蛋黃調味適中。蝦肉爽脆, 證明食材新鮮。五香牛展拉麵。$68牛展厚度適中, 拉麵偏軟易咬, 但不失彈性。但廚師可想想點樣擺盤!奶油津白。$68忌廉味湯底配津白確實可口, 加上金華火腿粒小鹹配合, 不錯。太元雞。半隻$108正如餐牌description: Crispy!脆口!雞肉嫩口。果然係招牌菜!