太元樓

Open Now

Now Closed

今次係我第二次嚟到太元樓 ，講真第一次嚟食 真係食到一肚氣 ，因為嗰日係元旦1月1號， 餐廳基本上乜嘢都賣曬 ，淨低嘅都係貴價嘢 ，最慘係啲侍應完全唔識應對 ，唔一早話畀個客聽有啲乜嘢係冇嘅 ，結果兩次三次係咁落單冇呢樣冇嗰樣，真係令人食到好忟憎， 所以本身我已經決定blacklist佢， 但係今日老公話想試多次，咁我就同佢一齊去食啦。 今次乜嘢都有喎，特價乳鴿、甜品、 炸嘢全部都有 。我今日試咗賽螃蟹春卷、 排骨擔擔麵、 上海粗炒、炸乳鴿 、桂花糕、小籠包。 賽螃蟹春卷好熱辣，而且裏面嘅餡料好嫩滑 。排骨擔擔麵好有驚喜 ，個擔擔面呢有適當嘅 辣味， 淡淡嘅花生醬香好出色，炸 排骨都好鬆化， 外層好香脆 。小籠包皮薄多汁。 桂花糕亦都好有花香，而且仲唔會死甜添 。其實乳鴿都幾好食㗎，肉質好有味道，但好可惜炸乳鴿最精華就係個外皮要脆！！但係竟然係淋嘅！！ 除咗乳鴿之外，其他其實都好滿意。so far其實已經改變咗我blacklist佢嘅睇法啦， 下次希望佢個乳鴿都可以改進一下啦！

女朋友落order要食上海野，一search openrice都係d連鎖店，難得見到有間排名都幾高又新開既鋪頭，即刻起行揸車過海去北角！未夠七點已經要等位，好彩都唔係等得太耐！但想嗌28蚊乳鴿已經賣曬了，下次要早d黎！味道：兩個人黎，咩都想食，嗌到要take away，佢每樣野都好大份，個前菜比我想象中多左double呢！首選賽螃蟹春卷！好足料，而且春卷非常脆，實在好好味！次選小籠包，湯同肉都有鮮味，個皮唔厚，做得相當好！其他食物排名不分先後，都係做得唔錯但唔算好突出。擔擔面：好香口，d面係滑身且彈牙！但略嫌唔夠花生味。口水雞：d雞好滑，有成十幾件，相當抵食，但對於我黎講有d太辣。XO醬炒椰菜花：椰菜花有d太淋，但個醬夠香可補救。西湖藕韵：個味係好食既，但切得太薄，d料一夾就跌出黎。最後有一道菜唔會再點，就係熏蛋，煮得太熟又唔入味，好似水煮蛋咁，唔合格！環境&衛生：新開既所以d野都好乾淨，餐廳好大，d位都坐得幾舒服，細心睇d杯杯碟碟全部都有襯過色，好有心思既一間餐廳！服務：服務好好，雖然人多，每個職員都好忙，但仍然很好服務態度！抵食：兩個人嗌到攬住個肚，先至$381，物超所值！

今晚來到北角呢間新開不久的太元樓食晚飯，係主打正宗上海菜的餐廳。入面環境光猛舒適，人多满座。酸菜魚，$158,即煮熱辣辣，湯底夠酸同辣，味道濃郁，酸菜份量都多，魚肉切得薄，十分嫩滑，入口軟稔。小籠包，$38,皮薄餡靚，一咬開有好多肉汁流出，味道香甜，豬肉餡味道鮮甜。高湯浸白菜仔，$68,白菜仔新鮮爽脆，吸收晒清甜的湯汁。甜品叫咗個杞子桂花糕，$40,桂花糕味道清甜，入口嫩滑。薑茶湯圓，$38,芝麻餡味道香濃，湯圓皮薄而滑，入口煙韌。

城市花園新開了間叫太元樓的中菜館，裝潢十分雅緻舒適，但價錢十分貼地，難怪新開張已經十分熱鬧，晚市時間座無虛席，用餐氣氛不錯～入座後先送上一道餐前小食涼拌青瓜，味道酸酸辣辣的很開胃新開張優惠期間，每隻妙齡乳鴿只是$28隻！超級抵食，點了兩隻嚐嚐～烤得金黃的乳鴿外皮油光閃閃，色澤誘人，入口皮脆、肉嫩、骨酥，水準不錯吃上海菜必點水晶生煎包，底脆皮薄，不會煎得很油膩黃金蝦很大一碟，足料份量，充滿鹹蛋黃的香，蝦身甘香酥脆當然不少得常點菜之一炒鱔糊跟韭黃同炒，鱔魚膩糯又不失彈性，醬汁味濃，鹹中帶鮮，吃起來很惹味這碟看起來很像卡邦尼意粉的就是奶油津白香濃的奶油全被津白吸收，非常creamy綿滑甜品點了紅棗心太軟，賣相太可愛了～～紅棗去核後釀入Q軟的糯米粉團，味道甜糯香軟，令人回味

自己同屋企人一直都好鐘意食上海嘢。不過喺香港嘅上海嘢食來食去都係嗰幾間連鎖店，可惜佢哋啲質素都開始變得參差。高級嘅上海嘢價錢又唔夠親民。好耐都未食過啲性價比高嘅上海嘢啦。 直到見到北角開咗間新嘅上海嘢，就急不及待去試吓！呢間太元樓唔單單係做上海嘢，佢主打係京川滬菜，嗰餐牌望落真係好豐富。第一次去見佢紅紙都未滅，應該係開張左冇幾耐。不過已經好多人，平日等位都要等左陣。不過好彩啲職員做嘢都好快手好快比到枱我哋。佢哋裝修非常之光鮮俾人一個好高級嘅感覺，比起同區嘅其他餐廳好好多，唔講仲以為係高級嘅集團式餐廳。餐廳上菜上得好快，唔洗怕餓親。點咗幾樣川菜同上海嘢。排骨擔擔麵嘅麵質真係好好，好耐冇食過咁滑嘅麵，時間煮得啱啱好，唔會太軟身，仲係好有咬口。嗰湯好夠味，又唔會太杰身。排骨都唔錯，唔會油。小籠包好食過出邊好多，要湯汁有湯汁，而且冇油膩感。我自己食四隻到仲得！小籠包嗰皮先正，夠薄身，不過一啲唔都易穿。點解我會知？因為夾嗰陣夾唔實，蹬咗佢落嚟都冇穿😂加十分！仲有不得不提佢嘅口水雞！真係好好味。出邊嗰啲得嗰油字。呢度一啲都唔會！口水雞嗰汁同外面食到嘅好唔同，一食就知一定係自家制，而且冇味精。大家一

北角多年前 素有小上海之稱，住在北角二十餘年，雪園的結業後，北角的上海菜便出現青黃不接的情況。許多小店以滬菜以主打，但食過既朋友就知道完全唔係果回事。太元樓以京川滬菜為主打，真係有辣 有唔辣 任君選擇！裝潢令到人行入去就有一種很舒服既感覺睇黎老細同設計師真係花左唔少心思去設計！野食方面真係唔會比果啲有車呔人介紹既餐廳差，睇得出食品係有心思、有要求、有水準！呢間餐廳好誇張連星期一至四晚上都座無虛席！好在屋企人有訂位，唔係又要餓住肚仔等了！今晚就同屋企叫左幾樣野食，加上呢間餐廳嘅服務貼心，係非常繁忙混亂的運作期間，都可以很快地安排到你想要嘅嘢俾你！總括而言，回食程度係冇一百都九十啊！

行開北角，突然之間見到哩間新開嘅上海鋪，因為招牌好光所以吸引去試下。環境簡單光鮮，menu好似平時飲茶d剔剔紙，好清楚。新開試食佢嘅乳鴿，真係新鮮炸，好多汁！小籠包皮薄，一口一隻，熱辣辣都唔錯。最最最好食嘅就係紅棗心太軟！佢用左桂花蜜糖，淋上紅棗糯米，又甜又香又熱，個蜜糖汁好味到我地再叫左饅頭，再舔蜜糖食，真係超級好味！🤤 鍾意食甜品嘅我地一款甜品係唔夠架！再加碗酒釀丸子，暖笠笠，細細碗啱啱好。雖然座落係住宅區，但係都吸引到好多街坊，價錢唔算貴，可以一家大細落樓試飯。唔錯唔錯，下次再黎試其他嘢食！

 週日，兩隻小魔怪不知所縱，晚餐不用理他們，兩老自顧自便是，逛街見這店新開，有很多花籃放在門外，看過門外價目，決定入內試試。晚上八時許，食客仍多，侍應著稍等一會，很快便有位，也不作他想。地方光亮雅潔，裝修新穎，似西餐廳多於京滬菜館。點餐紙只得一張，有兩頁，冷盤，小食，包點，肉類，海鮮，豆腐，蔬菜等，款式也算多。兩老這晚不想吃飯，點了水晶生煎包和小籠包，一碟肉絲兩面黃和糖醋魚塊便夠。小籠包一籠有四只，皮不算厚，肉餡多汁夠熱，相當好味，最喜愛是吃後不感到有味精。水晶生煎包，一碟三個，底部煎得金黃，有點脆，包的皮發酵得完美，鬆軟白淨，肉餡同樣多汁。肉絲兩面黃用了很幼的麵條炸脆，有別於有些潮州食肆用上湯，韭黃慢慢煨煎至脆，層次上簡單了一截，麵條上放了肉絲芽菜，茨汁另上，論味道也是不錯的，當作肉絲炒麵看待便行。糖醋魚塊，伴有青紅椒和菠蘿，魚塊上粉炸過，魚的肉質不錯，不腥不削，不是用鯰魚已是萬幸，糖醋汁酸酸甜甜，很開胃。本想點特價$28優惠的妙齡乳鴿，可惜賣光了。食物和招呼都不錯，有空會再來。

好食既野當然客似雲來啦, 喺城市花園平台地下呢間太元樓等左半粒鐘先有位安排到🙈坐低之後, 馬上就有碟青瓜同埋茶水👍口水雞 - $58好紅好香辣好多花生粒😍食落d 雞好入味好夠辣, 而且肉質都好嫩滑👍小籠包 - $3838蚊就有4隻新鮮蒸起既小籠包, 外皮算係不過不失, 一咬落去入面d 肉汁就咇晒喺口入面, 超香超juicy😍排骨擔擔麵 - $66擔擔麵個湯底好濃好香, 麵唔會太淋, 即刻酥炸既豬扒超香超脆🤤高湯浸時蔬 - $68食咁多濃味既野, 食個清清地既白菜仔即刻覺得個人健康番😂酸菜魚 - $158跟住酸菜魚都整好左喇😍個碟好大, 成個面都係新鮮魚片🤤酸菜味好濃👍腐竹先係精粹, 吸晒湯咁🤤杞子桂花糕 - $40好多杞子好靚呀😍桂花碎都填滿左成件桂花糕👍高力豆沙 - $13/pc呢款甜品好耐冇食過, 新鮮即炸再灑一堆白砂糖喺面, 好正🤤薑茶湯圓 - $36薑茶好夠薑味👍芝麻湯圓一咬開就流晒d 芝麻蓉出黎😋

我們沒有book位，walk-in 問有冇位，佢哋話冇book位full晒，其實我哋係明白。但係態度好差，眼神完全唔需要望你，完全冇理你。因為呢個態度，我應該下次唔會去幫襯。

一早知今晚星仔公司周年晚宴，難得有一晚free time，當然要搵定節目，所以預早定了到舊同事家探bb，順便再一起晚飯。朋友就住在北角，他介紹附近新開了一間上海菜不錯，正所謂猛虎都不及地頭蟲，我也沒有意見。＊＊＊＊＊＊＊＊＊＊＊太元樓是一間新派上海菜館，全店以淺灰色做主調，感覺素雅，桌椅擺放則有點像茶記，因為左右兩邊都是卡座，中間則是四人桌。點菜紙一頁兩面選擇都幾多，包括冷盤、肉類、海鮮、豆腐、蔬菜、湯、飯麵、年糕、包點、甜品和飲品。水晶生煎包($48)生煎包奉上時熱辣辣，肉餡富肉汁，只是略嫌包皮有點過厚。涼曬白肉($72)木架上掛上一片片的白肉，架下的碟子上則是粉皮，賣相明顯有花過心思。白肉都幾多，入口微涼，本身沒有太多調味，重味的朋友可蘸隨白肉同上的醬汁，鹹鹹辣辣。粉皮很滑很薄。辣子雞丁($88)辣子雞丁呃Like一流，雖然驟眼看都幾多辣椒，但如果不專挑辣椒吃，其實又沒有想像中辣，辣度大約在小辣和中辣之間，雞丁辣得惹味又不會太油，中間還有很多腰果。奶奶芽菜肉末炒飯($68)炒飯炒得夠乾身，粒粒分明，值得一讚是不會太油，不過只見到肉鬆，就不覺有芽菜。

今晚遲左收工，口痕痕想去食中餐。因為工展會關係，唔想去銅鑼灣天后同人迫餐死。見好耐都無去北角搵食，就決定揸架車去城市花園果邊睇下有咩岩食。去到附近停車場泊好架車，就沿著和富道行下搵下有咩好野食。行到去添好運附近，見到有間野零零捨捨光猛，感覺好乾淨，好eye catching。我估新開無幾耐，早半年黎果陣都唔覺眼有呢間野。就行去睇下有咩好食，有上海野，有四川野，感覺良好就入去試試。就咁睇價錢，一啲都唔貴，不過唔知份量有幾多。妙齡乳鴿 $28見佢做緊特價，28蚊一隻，真係無理由唔叫。又幾好食，咸度適中，太咸搞唔掂。賽螃蟹春卷 $36賽螃蟹就食得多，賽螃蟹春卷就真係第一次聽，第一次食。食完有驚喜喎，幾得意，唔差喎。小籠包 $38一籠4隻，一人2隻。其實間間上海野都有小籠包，想知個師傅技術，試一試個小籠包便知龍與鳳。呢間師傅得丫！酸菜魚 $158見都有好多四川野食揀，無理由唔試。見佢水煮魚同酸菜魚一樣價錢，不過見酸菜魚有隻👍🏻，咁就試酸菜魚喇。出符意料嘅大碟！全部野都好入味，魚份量岩岩好，不過配菜太多，食唔晒😂螞蟻上樹 $68試埋螞蟻上樹，所以就唔叫其他粉麵飯。炒得火喉岩岩。XO醬炒椰菜花 $

這間環境裝修比一般的京川滬館子骨子一點的「太元樓」開張不是太久，光顧當天，雖然恭賀店舖正式開張的花牌仍在店門外擺放，原來已經吸引了不少客人幫襯，生意滔滔，這夜早到的我雖然可找到一席之地用餐，遲來的客人便唯有耐心等待了。 兩夫妻吃的東西雖不算十分多，都算豐富。 不是免費奉送的小食「辣青瓜」（$18）先行送上，刺激刺激味覺，喚醒沉睡的味蕾。館子為慶祝新開張，推出限時優惠，「妙齡乳鴿」（$28/隻）每檯可叫一隻，當然要試一試。這妙齡乳鴿無疑是細隻的，肉並不多，不過味道就還過得去。 很久沒喝過「酸辣湯」（$38/位）了，叫來一碗試試，湯中材料不少，熱度足夠，但酸度和辣度我就覺得可以再強些，會更加好喝。「奶油津白」（$68）是上海館子的經典素菜選擇，好一段日子沒吃過這菜式的我吃得津津有味。「糖醋魚塊」（$88）的魚塊炸得偏乾和硬，雖然有開胃的糖醋汁可補部份不足，仍是這晚餐最令人失望的菜式。「排骨蛋炒飯」（$88）卻甚好，蛋炒飯份量多，飯粒乾身又夠味道。豬排炸得明顯比魚塊好，肉質軟熟不硬之餘，還有少許肉汁，我覺得味道不比名店「鼎泰豐」的差，甚或還更加好，但抵食度就明顯優勝，我與太太都甚感滿意。 來

成日聽男朋友講佢公司附近新開左一間餐廳食上海菜，連佢老細都話好好食。佢又知我好中意食上海野。所以佢今日就帶我過泥食🥰🥰我過到去炮台山都差吾多6點，係炮台山b出口行過去，係城市花園地鋪。門口有大大招牌寫住太元樓！可能時間較早，餐廳望落去無乜人。餐廳環境裝修好光猛，牆壁上都放左古代裝飾品。。坐低侍應就會送上手拍青瓜同一壺茶。青瓜好好食，好入味，一舊一舊放入口就俾我食哂餐牌有一張前後既紙，入面都有好多選擇。心大心細既我，好多都想食🤤🤤最後點左以下食物👇🏻👇🏻👇🏻小籠包:一籠有4粒，小籠包雖然吾算好薄皮，但一望都見到有湯汁！而且小籠包上面既一摺摺都吾同，明顯見到係人手即製！一食落去湯汁咇出泥，肉餡好香無雪味叉子燒餅:一份有2條，原本我以爲有一份肉碎可以自己放入去。原來呢個只係燒餅，肉碎就額外要單點啦。。但係我地就甘食燒餅，好酥脆！仲係熱辣辣咖，上面滿滿既芝麻，所以好香好好食！乳鴿：見做緊優惠28蚊一隻，中意食乳鴿既我怎可能錯過，點左2隻！食落去個皮脆卜卜咖,吾油，仲有啲肉係嫩滑，一啲都吾鞋，而且吾咸。。呢度乳鴿做法應該係用鹵水汁浸熟，而吾係煲熟，所以先可以keep到啲肉係嫩滑。男朋友見我甘中意

今天經過北角城市花園，見到呢間裝修得好悅目，再望望個menu,價錢都好ok,決定入去試下。我們在晚上九點左右才到，所以不用等，被安排到一個梳化位上。好闊落的座位，加上成間裝潢得光猛，玫麗，餐具也好亮麗，已經有種好好的感覺。見到menu,好多都想試，而且價錢都不貴，跟一般平民化的上海菜差不多，所以我們可以叫多幾様試下。我們兩人叫了：1. 小籠包基本上，呢係我在上海菜館必叫的，因為實在太喜歡食小籠包，而且可以用呢個作為比較下上海菜館，大概知邊間較好食。夾上，一囗咬，好多湯汁，好鬆軟，熱辣辣咁，真好美味，冇令我失望。2. 酸辣湯呢個也是我必叫的上海菜。它不是太辣，反而多些酸味，好醒胃，料又好充足，好不錯！3. 嫩雞㛱麵呢個也我多叫的，因為清清地，又有菜又有雞，價錢通常都平平地，又飽肚，又有管養又好味。呢個做得非常好，麵好滑，菜和雞配料好多，湯底好濃郁，一啖一口湯麵連菜肉，真好正。4. 上海粗炒呢個又是我必叫的。它做得好好味呀！麵又吾會太硬，最好味的係冬菇絲，好厚好軟，肉絲也粗大，味道好好呀，我不停不停地食，好快食光。5. 紅燒乳鴿當然要叫下呢間餐廳最抵食嘅菜- 紅燒乳鴿 $28。上枱時，熱辣