台灣牛肉麵 (Closed)

讀中學時成日和同學仔過來九龍城吃飯，台灣牛肉麵是其中一間首選。所以今日見午膳時間經過便選這裏，點了當年成日吃的牛肉麵，來到湯太淡，欠缺牛的鮮味，今我非常失望，尖沙咀店的較好。但那麻醬粉皮則出色得多，可能夏天的關係，所以很易接受，而且那花生醬的香味也是我喜受的。最喜歡中學來幫襯的原因還有吃完有糖水送，很完整的一餐。

同男朋友仔去食dinner``去左我期待已久既台灣牛肉麵= ]叫左2人餐``好多野食!!食唔晒囉2個人首先每人一碗肉燥飯``唔係講笑好好食=3=前菜係海...好爽口...小菜係三杯牛仔骨煲+蔥爆羊肉前者我嫌鹹左d```後者真係好香+唔酸辣湯好似酸左d....雖然冇食到招牌牛肉麵''不過呢餐飯都滿足到我lu順帶一提.....佢d上菜前果d小食好好食XD

本來到九龍城食上海野，點知close左。與家人到「台灣牛肉麵」點了一個二百元以內的．二人套餐…選了『雞絲粉皮，酸辣湯，糖x魚塊，宮保雞丁，牛肉飯，陽春麵，2支可樂』由此我食量不大，因此‧︵。’3人也夠食〔雞絲粉皮〕＞＞有青瓜，個醬好好味〝一直想係屋企整，但都整唔到咁好味〞〔酸辣湯〕＞＞材料都算多，勝在夠酸我鐘意，辣就一般〔糖x魚塊〕＞＞超好味，因為我好鐘意食甜酸既食物〔宮保雞丁〕＞＞好多腰果又多雞〔牛肉飯〕＞＞唔係我食，唔清楚〔陽春麵〕＞＞湯底不錯，蠻香的〔2支可樂〕＞＞由於天氣熱，所以唔食糖水全部食物即整，唔錯…咁既價錢食到飽曬都叫底啦。

原本衝著牛肉麵而走入店，但結果被相片吸引下，叫了台式二人套餐。蠻豐富…頭盤是雞絲拉皮，不過不失，麻醬適中。細細碟，加埋爽口青瓜絲幾醒胃。跟餐有魯肉飯，一個字形容:咸。多肉原本好事，但咸到如此地步的肉，倒是令人食到一半的時候，想它的肉碎減半。感覺上，就如食鹽入口。另一問題，就是油，食完見到碗底一層反光…另有酸辣湯，可說令人失望。酸辣湯不酸不辣，已不知還否算得上是酸辣湯了。不過值得一讚的是，湯料夠多。主菜方面，有螞蟻上樹及沙爹牛肉粉絲。先說螞蟻上樹，配料是足，但同樣問題，咸。這個好一點，起初食不覺太咸。整餐最好的是沙爹牛肉粉絲，熱窩盛著，金菇、粉絲、牛肉互相配合相宜，牛肉熟度適中，粉絲完全吸收沙爹香味，跟牛肉一起送入口中，沙爹味在齒頰留香，值得一試。果然是牛肉有關的菜式好一點?作為甜品的紅豆沙，感覺一般，豆水分明。或許，下次有機會去的話，還是食牛肉麵安全點。

兩口子去到龍城已是九時多，不想大碗大碗飯吃落肚，轉而吃麵比較妥當。想一想，竟然從來沒來過這裏，可能是龍城有太多其他選擇吧...吃牛肉麵小弟通常會去福老村道嘅大婆，是次轉一轉口味也無不妥ar...二人麵套餐，有兩個小吃、兩碗麵、一碟油菜再加甜品，份量相當足，價錢亦相宜。响龍城揾食就有這樣的好處.....小吃當然要叫台式嘅鹽酥雞。新鮮炸起，點難吃都有個譜，稍嫌鹽下得不夠，亦無鬆化之感覺，水準只是普通....滷豬耳片頗爽口，入味程度還可以，用來送酒就最佳....主菜牛肉麵登場。一碗加辣牛肉湯底，另一個則是清湯，湯望上去頗對辦，但喝落又覺頗淡口，不夠濃味。對小弟而言，牛肉麵湯頭一定要濃才過癮。還是鄰街嘅大婆更對口味；可幸牛展片較腍糯，亦頗夠味，上海麵淥得不算過淰，有少許咬口，已算不錯....太座嘅清湯底就真的淡如水，還是吃自己嘅湯底相對較穩妥....太太吃完後不太滿意，小弟亦然。要吃牛肉麵，呢個"二奶"都係行唔通，還是返回"大婆"身邊la...

紅燒牛肉麵 正! 有人話味精, 我有理冇理, d 湯又spicy 又好飲, 我就全碗飲晒佢! 正!!!!瑞士雞亦, 等好耐, 0個晚 落大雨, 無咩人都等咁耐???? 咩理由.. 不過唔食由自可, 一試再食多一趟, 我怕肥都要食埋雞皮... 又一個字.. 正!!!! 因為只叫了兩樣野食.. 所以好 cheap.. 埋單 hk$100 都唔使缺點: d 前菜 有頭髮... 差d 咁啦. 所以我叫佢收返啦, 我唔食!

又是十九幾年沒來的食店,上一次來,正好是剛開業的十三年前,現今就比個門口招牌寫住"十三周年"吸引入去.九點半打後,菜單打八折,一個人來,當然吃店方的招牌牛肉麵.有清燉同紅燒,我要後者.湯底色水深不見底,味道頗為濃郁,但味道單一,沒有大婆或毓民般沉厚複雜.牛展很肥,肉質鬆化.麵條都幾煙齦.索味力就不大強.如果吃牛肉麵,都係在毓民吃得較稱心.同大家政見相若無關,政治同味道不能混為一談.哈哈.

今天，星期一，1430時與家人三人行到此試食，人不多6成滿但竟要搭枱，地方細樓底低環境迫夾坐得並不舒適，算吧啦，點菜試食：1/. 牛根牛肉麵：牛根彈牙爽口，牛肉有咬口，麵質一般，但全碗麵衰在湯底---勁咸鹽水湯底，失敗(3分)；小食-烤夫一般(6分)。2/. 燥肉飯：燥肉汁OK (7分))；小食-口水雞翼一般(6分)。3/. 無骨雞+鮑汁生菜+白飯：唔掂勿試，睇餐牌好靚仔以為類似海南雞之類另一鎮店招牌菜，上枱原來凍食無雞味(3分)；但係個鮑汁生菜就出哂位，鮑汁香濃與生菜絕配，幾塊鮑片彈牙有鮮鮑甜香，讚(9分)。4/. 3杯豆漿無豆味太甜(3分)。侍應服務非常一般，得果6成客我要叫幾次先有人寫單。全部嘢差不多食哂，個鮑汁生菜仲未到叫個侍應幫我跟一跟，佢木口木面答我"就嚟嫁啦"，跟著企定定無幫我去厨房睇睇，好似明知鮑汁生菜一定最遲出場，比佢吹脹，的確約5分鐘後上枱。埋單等咗10分鐘，最後自己行出去櫃面攪掂，失敗。應該無下次。

星期日同我男朋友去了這間"台灣牛肉麵",個鋪面幾靚, 好整齊, 所以我地都選擇了呢間!!而我地2個就叫左個108既二人麵餐, 可以簡2個小食, 2碗麵, 同埋有一個菜, 一杯特飲(特飲要加$, 好似9蚊)!!!我地小食簡左一個炸貢丸同一個鹽酥雞, 2個都係炸, 不過我地完全都唔覺得油膩, 因為2個都好香口, 炸得岩岩好, 好好味!!而麵款, 我地2個都簡左"紅燒牛筋牛肉麵"真係好好味, 牛肉同牛筋一D都唔"銀", 岩岩好, 又唔係好"林", 而麵又好彈牙, 個菜就係蒜蓉白菜仔, 連呢個都整得好好味, 真係一流, 連我男友都讚口不絕!!~叫左杯"菠蘿盧會特飲" 好飲, 不太甜!!埋單連加一都係136, 我覺得非常滿意, 下次會再去~~~~

上星期六夜晚黎食，九龍城的夜晚好旺，要上樓上坐．　要左：1.牛肉麵2.雪菜肉絲湯年糕3.南瓜餡餅4.小籠包牛肉麵好出色，又香又淋，好有肉味，個麵少少辣，麵身煙un，好味～相比之下，雪菜肉絲湯年糕比較淡，不過個人覺得清清地，幾好，不過年糕始終都係無平時係街市買既咁好食南瓜餡餅係一道甜品，外面係橙色既，內面有少少蓮蓉．好甜，亦好油．小籠包好遲好遲先上，食完所有野先有，都知道不妙．小籠包有四只，個樣一睇就知係雪左好耐，一ｄ都唔新鮮，用筷子一夾就散，可能係雪得太耐．味道嘛，當然係雪味啦．下次都係食牛肉麵穩陣ｄ

25-7-2007同3 個同事0黎食lunch, 佢0地推介牛肉麵, 醉轉彎同涼拌茄子, 就試0下牛肉幼麵同醉轉彎啦.牛肉幼麵... 湯底唔掂, 超鹹, 不過牛肉非常出色, 好腍, 完全無渣, 肉味濃. 幼麵一般, 唔夠彈牙.醉轉彎, 只係醉雞中翼, 連轉彎位都無, 印象即時打折... 唔夠凍, 唔夠醉, 仲有d 雪味, 唔掂!亦試了同事的涼拌茄子, 個汁好得, 酸酸辣辣好惹味; 仲有蒜香四季豆, 豆幾爽脆, 不過d 蒜味就唔多夠喇.環境乾淨光猛; service 無特別.埋單$30, 平到笑... 都有成6, 7 年無幫襯過, 今次再0黎都不過不失啦.

同朋友經過九龍城就去呢間台灣牛肉麵度試下而且岩岩2:30 係下午茶時間d 野食平好多...紅燒牛肉面都係$20 碗我地仲叫左個$8 涼拌茄子同埋$10四川口水雞同埋菜肉雲吞$162個小食都好味..涼拌茄子我次次都會叫...口水雞好辣..但係我朋友話好味岩岩好..菜肉雲吞就麻麻地..成間店有2層但係得一個侍應..其他果d 唔見哂...有1個d 態度仲好差..落單..答人野既時候都唔會望人而且個樣好串..個牛肉麵等左好耐叫左幾次都冇人理..有幾張枱d 人都發脾氣一d就冇人埋單..一d 就咩野食都未有..人手非常唔夠...好在我地唔係趕時間..因為太多人噪..個收銀都出埋黎幫手..最後終於黎勒...牛肉好香好味..d 麵似係手打果隻麵..都唔錯wo軟硬岩岩好..唔錯唔錯..埋單都係$54 2個人...好抵...如果下次唔趕時間會再黎食

牛腩和牛筋很入味, "淋"得來又有牛味, 不愧為招牌菜. 但麵底和湯底則比較失色. 排骨麵也差了點. 吃這店, 一定要吃牛.

學生餐一個小食,一碗麵, 汽水or 特飲(菊花蜜),糖水(紅豆沙or 紫米露)幾抵食但身為牛肉麵館, 牛肉麵一般般無特別好食

傻鬼忙到不得了佢都陪我睇醫生真係多戲曬曬曬醫院係九龍城附近, 所以我地2條友選了此店食午餐. 好彩1時前入座唔係真係要等位...2個人每人叫左個$28午餐一個麵食+小食一款..我叫左個台式排骨麵+涼拌茄子; 傻鬼叫左台灣牛肉麵+竹筍...不過個竹筍都算幾差下有d似罐頭貨式, 涼拌茄子都幾凍下不過味道算ok啦..可惜係佢地既麵食真係唔算特別正仲叫台灣牛肉麵, 我令願行多一條街去大婆牛肉麵仲好味過佢...結論係只此一次下不為例