古早台居

Open Now

Now Closed

2021.12.09旺角返工放lunch係好開心😃因為周圍都係餐廳🍴今日同同事去左比較新既商場T.O.P foodcourt睇下有咩好食😋 一落左扶手電梯就先搵左位座低先，之後就兜左一個圈最後揀左呢間台灣餐廳💁🏻‍♀️滷水雞腿麵🍗🍲雞腿🍗大大隻係另上所以唔驚變淋，而麵質幾彈牙！另外有少量蔬菜🥬同一半隻滷水蛋🥚湯底亦足味！香酥大雞扒肉燥飯香酥大雞扒堅大塊同脆口，另可選擇沾上酸辣醬食用！肉燥足夠，唯飯質一般！黑糖珍珠奶茶🧋甜度、奶味同茶味都適中，奶味略重，幾啱我口味。珍珠軟硬度適中，少少咬口但軟，啱啱飲到尾就食哂珍珠👍🏻黑糖珍珠芋泥鮮奶🥛甜度適中，攪勻後嘅粉紫色好吸引😍芋泥唔會過量到飲到好膩，珍珠同樣軟硬度適中～最後仲買多杯外賣🥡芒果🥭綠茶🍵俾同事等佢都有得甜下🙂

最近先知，旺角TOP地庫原來有foodcourt。foodcourt黎講，呢間味道都算ok，價錢相宜。✨味道62分，環境63分，服務63分。.🔸紅燒豬軟骨肉燥拌麵($51)豬軟骨幾入味，咬落拌麵麵質都唔會太稔，另外跟左碗湯汁比你有需要可以落少少撈。.🔸鹽酥雞肉燥飯($46)鹽酥雞唔錯，炸得脆，炸皮薄又香口，肉質稔。飯撈肉燥都好好送飯，味道ok。.🔸黑糖珍珠奶茶(+$16)茶味夠，但好甜，可以嗌少甜。.🔸手作紫薯鮮奶(+$18)超甜😆紫薯有淡淡既香味，整體還好。

放咗工係旺角附近行街，發現原來地鐵隔離既T.O.P. 商場最底層有個food court，入面有好多唔同種類既野食，我地黎度呢間古早台居古早台居以台灣食物為主，野食同飲品價錢都比較親民食物叫咗鹽酥雞肉燥飯同紅燒豬軟骨肉燥拌麵，鹽酥雞份量都算多，鹵蛋幾入味；豬軟骨肉質偏淋，拌麵湯同麵分開上，可自己調較份量野飲叫咗珍珠奶茶同黑糖珍珠紫薯鮮奶，黑糖珍珠紫薯好好味，紫薯打得好滑，飲落唔會有違和感，珍珠就比較硬身

出開去旺角行街，知道T.O.P地庫有個美食廣場就提議友人不如喺到晚餐用膳。行左一陣決定食台式野所以就喺 古早台居用膳。望見餐牌選擇挺多，有古早小食、肉操拌麵或者魯肉飯系列，價錢相當實惠！鹽酥雞肉燥飯鹽酥雞大大塊炸得外脆內軟，肉燥除咗肉碎之外亦都有一粒粒的肉連埋汁撈埋一齊食好味，分量十足抵食！滷水雞翼台灣麵滷水雞四隻整得好入味，同麵係分開上，湯底好濃唔會過咸，份量都好足夠：）黃金芋圓球微熱芋圓球香甜可口，個人幾鐘意呢款：）蚵仔煎蚵仔煎唔算細，入面都幾都蚵仔熱珍珠奶茶天氣轉涼來一杯溫暖的熱珍珠奶茶最好不過，珍珠有咬口奶茶如果個人喜歡少甜會更美味青蘋果綠茶正宗的青蘋果綠茶味道，大大杯清涼解渴😆

是日同HONEY去開旺中SHOPPING，去到TOP商場的FOORCOURT，見到哩間都唔少人買野食的台式店，古早台居同HONEY點左個豬軟骨紅燒牛肉麵，鹽酥雞肉燥飯，黑糖珍珠奶茶同埋黑糖珍珠紫薯鮮奶，鹽酥雞肉燥飯鹽酥雞肉燥飯真的好大碗，碗內的鹽酥雞同肉燥份量都唔少，同埋有少少蔬菜食，另外佢的鹽酥雞真的好好食，炸粉唔厚又好脆身，幸好份量都好多，同HONEY食得好滿足~~肉燥份量都好夠撈飯豬軟骨紅燒牛肉麵豬軟骨紅燒牛肉麵都好大碗，闊身的麵條都好好食，口感好煙韌，另外有埋半隻旦同埋蔬菜，湯底好濃牛味，另外豬軟骨3舊斬都好大舊，味道唔錯，但比較起我同HONEY會鐘意食鹽酥雞肉燥飯多點哈哈~~黑糖珍珠奶茶同埋黑糖珍珠紫薯鮮奶黑糖珍珠奶茶同埋黑糖珍珠紫薯鮮奶都系跟餐買的，黑糖珍珠奶茶HONEY話不過不失，另外我點的黑糖珍珠紫薯鮮奶都唔錯，杯邊都有紫薯蓉，同埋好滑身，哩兩杯飲品都好抵飲!!

Top商場底有一個Food Court食嘢都幾抵，而且選擇都非常之多🐓香酥大雞扒肉燥飯 $48-雞扒份量真係相當之多-外皮炸得非常之香脆鬆化-雞肉都幾嫩-肉操份量適中 餸飯一流🐂紅燒牛肉麵 $58-有五大片紅燒牛肉配寬條麵-湯底幾濃幾惹味-寬條麵口感有少少似刀削麵-紅燒牛展夠綿冧👍🏻由於半價可以加配台式飲品，所以當然就加返兩杯試吓啦🍹手作紫薯鮮奶 +$18-杯邊充滿紫薯蓉-紫薯夠甜夠香-加鮮奶簡直一流總括而言，喺旺角鬧市區，呢間台式店嘅食物質素唔錯，價錢絕對抵食👍🏻

同事今日帶我試新嘢，唔講唔知原來Top地庫有個美食廣場，仲要有好多餐廳選擇，同事推薦食台灣野，因為價錢唔貴仲要份量足，仲可以半價加配台式飲品，去到已經見到檔口好多人等緊滷水雞翼肉燥飯$46有四隻雞翼，滷好入味，仲有半隻滷蛋添，肉燥既味道好似叮叮點心珍珠雞既味道，好熟悉既感覺，但覺得肉燥唔夠多，因為白飯好多，好快食哂d肉燥，如果細食既朋友建議少飯青蘋果綠茶加珍珠，好香蘋果味，配左珠珍都好夾一口鹽酥雞麵$46鹽酥雞好多，而且剛剛炸起好新鮮，麵既湯底好濃，似係牛肉麵既湯底，仲配有菜、蘿蔔、滷蛋，麵底煮得剛剛好，彈牙有口感，價得再食黑糖珍珠奶茶，奶味比較重，珍珠都多Q彈，不過多啲珍珠就好啦

成日行旺中+T.O.P.，一直都唔知T.O.P有food court，經朋友帶路下，今日第一次去，估唔到入面都好多野食因為好想食台灣野，我地就揀左呢間古早台居試下間野舖頭細細，原來野食有咁多選擇，價錢都幾平。我前面有3個人，等左10分鐘就可以拎餐，出菜速度都幾快>紅燒豬軟骨麵：豬軟骨份量適中，煮到好淋好入味，麵條好似自家製咁，彈牙又有咬口，差d想問下餐廳用邊個牌子😂>鹽酥雞肉燥飯：鹽酥雞都幾大粒，炸漿唔會好厚，岩岩好，肉燥唔多肥膏，食完都唔怕變肥豬，撈飯好好送飯，朋友話咁快就食哂。>肉燥生菜：生菜爽脆新鮮，冇諗過同肉燥都幾夾，返屋企叫媽媽試下咁煮先。黑糖珍珠紫薯鮮奶+黑糖珍珠奶茶：野飲跟餐都係加十零蚊，好過響茶飲店買，味道都唔錯，珍珠好好咬，不過覺得太大杯，最尾我地都飲唔哂。

嚟到旺角有好多野食，但第一次去t.o.p食飯，我同屋企人揀左間台式食店見咁多人幫襯所以都諗住試一試紅燒豬軟骨湯面，豬軟骨大大舊，而且唔會太咸，連埋面湯一起食好夾係我鐘意食粗身台灣闊面，唔會太淋有咬口，鹵水蛋好入味，建議試一試另外仲嗌左鹽蘇雞肉燥飯，外脆內軟每一粒都好香口，店中係新鮮炸出而唔係擺咗好耐，所以非常好味仲有肉燥撈飯即時有總身臨台灣嘅感覺，份量算大份我一個人都唔太食得曬一個。紫薯珍奶，搖勻後好濃紫薯味，好香奶味，珍珠好彈牙，食完飯飲杯好似有甜品嘅享受既然係台灣，一定要試試杯珍奶啦茶香沒有被奶味掩蓋，珍珠彈牙，兩款飲品都好滑好香下次都會再試其他

旺角T.O.P basement全層foodcourt, 睇下有邊d餐廳先, 咦~ 好多高質小店(梗係唔係麥記, 吉野家li d hea野吧!) 我地揾左位之後target左li間抵食台灣菜.🧋香酥大雞扒肉燥飯鹽酥雞扒可算係食親台灣菜必點嘅item, li度嘅鹽酥雞炸到外脆內嫩, 媲美台灣夜市炸野風味; d肉燥除左碎肉之外, 我仲食到切粒粒嘅豬肉, 飯底更加係好大份嘅, 好抵食又高汁!🧋紅燒牛肉麵傳統台灣Starchy闊身麵, 湯底夠哂甜, 充滿牛肉精華, 估唔到店家嘅牛肉非常高質, 切得又厚身大塊又多片, 又一抵食好味推介.🧋青蘋果綠茶識飲一定係加珍珠呀, 跟飯仲要平咁多.🧋珍珠奶茶根據我朋友縱橫台灣咁多年經驗, li杯珍奶無論茶底, 奶味都貼哂地道台灣味道, 加上香QQQ珍珠同埋平咁多嘅重點, encore-able👌🏻.

喺旺角行街行到攰攰地又肚餓，就去咗T.O.P商場嘅地下food court搵嘢食，呢個food court環境幾好，都幾乾淨，野食選擇都幾多。見到呢間台灣餐廳有珍珠奶茶飲，今次就試吓佢。珍珠奶茶/黑糖珍珠紫薯鮮奶珍珠奶茶唔錯，飲落去有茶味，而珍珠都有咬口。 而黑糖紫薯珍珠鮮奶好靚， 亦都幾好飲，紫薯嘅香味再加埋濃郁嘅鮮奶，呢款飲品出邊幾少見，鍾意紫薯嘅朋友可以試吓佢。鹽酥雞肉燥飯首先份量夠大碗，鹽酥雞炸到脆卜卜，炸粉夠曬薄，食落好香口。另外仲配上左喺台灣必食嘅肉燥飯，個人推介呢個。紅燒豬軟骨肉燥拌麵肉燥拌麵真係第一次食，佢嘅肉燥的確唔錯，肥瘦適中再加上有香菇嘅味道，而紅燒燒軟骨係另外分開上，豬軟骨嘅味道就正正常常。

第一次到旺角T.O.P. 地庫的food court食飯， 有幾間餐廳可選擇， 突然想飲台灣飲品，所以就試下古早台居。📋雞扒肉燥飯、 鹽酥魷魚粗麵、 黃金芋圓、 黑糖紫薯鮮奶和宇治抹茶鮮奶。📍鹽酥魷魚粗麵 ～ 惹味香口的炸魷魚， 粗麵的湯底很濃郁。 📍雞扒肉燥飯 ～ 酥炸大雞扒， 大大碗肉燥飯， 份量好多。 📍黃金芋圓 ～ 芋圓外脆內軟， 香口甜品。 📍黑糖紫薯鮮奶 ～ 紫薯味算濃， 大大杯紫色飲品很迷人。 📍宇治抹茶鮮奶 ～ 有抹茶味， 鮮奶味偏重，鍾意抹茶可以試下。 又平又抵食的台灣菜，可以一試😄。

今日同朋友係旺角搵食 搵到去TOP Mall 見到地庫有個Food Court 就落去兜個圈 見到呢間台灣野都幾平 一於試試佢鹽酥魷魚鬚麵 $48 🦑湯頭好香濃帶小小藥材味 魷魚鬚炸到好香脆 佢呢款唔同平時椒鹽鮮魷咁 佢偏向似天婦羅嗰隻 麵質唔會太淋鹽酥雞肉燥飯 $46 🍚呢間個肉燥幾好食 送飯真係一流 我同朋友食到冇晒肉燥得番飯要叫多個肉燥生菜撈落去🤣 相比起肉燥 鹽酥雞球就普普通通唔太鹹炸得脆脆地咁 可以講肉燥先係主角肉燥生菜 $18 🥬同朋友用肉燥撈飯 唔夠撈就叫多個肉燥生菜諗住撈d落個飯到 拎個陣真係嘩一聲 d肉燥多到夠送飯之餘都夠撈埋個生菜 $18蚊一碟咁既菜係旺角可以用超值黎形容。黃金芋圓球 $21外面炸到脆脆地 入面好似芋泥咁既質地青蘋果綠茶（跟餐）$10 🍏🥤黑糖珍珠奶茶（跟餐）$16 🧋兩杯飲品同普通珍珠奶茶鋪既野飲差唔多 冇乜特別總括黎講 呢個價錢可以係旺角用呢個價錢食飽兩條友 可以用超抵黎形容P.S. 肉燥真係好好食

旺角T.O.P.商場最底層foodcourt都幾多唔同類型嘅食店，雖獨一間係食台灣野，午市時間見到好多人排隊，望見餐牌又幾吸引，魯肉飯、台灣麵、肉燥拌麵都有，幾多選擇，價錢十分實惠▪️鹽酥雞肉燥魯肉飯成碗望落份量好夠好足料，鹽酥雞炸到好酥脆，雞件大大件，啖啖肉！肉燥份量都好充足，夠哂撈飯，味道唔錯，配料仲有滷水蛋同小棠菜▪️蚵仔煎加多個小食，個蚵仔煎都幾大件，入面有幾隻蚵仔▪️滷水雞翼台灣麵雞翼有4隻，非常入味！麵條較粗身，好有咬口，同埋幾彈牙，湯底香濃，唔錯喎！入面仲有配料，滷蛋同菜～▪️冬瓜茶冬瓜味幾出，又大杯，跟餐只要半價就叫到，好抵飲▪️珍珠奶茶朋友話茶味都可以，珍珠較硬有咬口

首先我哋食咗台灣主菜台灣牛肉麵佢哋嘅牛肉好入口亦都好有質感 入口即溶 同埋佢哋嘅調味料亦都配合得好好麵條都唔係普通嘅面 好有口感好煙韌同埋我哋亦都嗌咗佢哋嘅主打飯 有好多台灣嘅小食同埋滷水蛋配合喺碗飯度 真係好飽肚的 仲有佢哋台灣當然就係好出名台灣飲品一定要嗌返一杯珍珠奶茶甜度適中可以同佢地講返甜度的 同埋我哋嘅珍珠煙韌 配上香滑奶茶 可以解到渴 仲要係大大杯添 仲有我哋飲咗佢哋新款嘅紅茶 甜甜地啱晒小朋友同後生環境好方便