一碗肉燥 (TKO Gateway西翼)

Open Now

Now Closed

一碗肉燥講到平靚正雞扒飯，即時反應已經係一碗肉燥😋😋。👦🏻平時同同事去將軍澳，基本上都係一定揀佢，即將為大家介紹😏。🌟好吃鹽酥雞排飯🐓🍚好吃鹽酥雞排飯對得住好吃兩個字，鹽酥雞排炸得香脆，唔會太油膩，雞肉嫩滑，咬落去唔會話太乾，值得一讚👍而肉燥就不過不失，正式台灣菜既發揮。最值得講既，係梅子粉😍，梅子粉加上雞排，酸酸甜甜，食落好惹味👍。利申：基本上👦🏻去將軍澳都係必食依間。

第一次食一碗肉燥揀左麻辣牛肉麵味道比較咸麵質煙韌另外又試左台灣腸.鹽酥雞肉燥飯台灣腸好快凍左要浸入麵先比較ok鹽酥雞好食炸粉唔多雞肉都算嫩滑另外又加錢配珍珠奶茶味道一般

同朋友行完山出到黎想食個早dinner傾下計，想平想好食又坐得耐🤡🤡🤡🤡最後俾朋友介紹去食呢間台式野，第一眼望落唔覺有咩特別，因為係1710左右的時間，店裡都無咩人入到去地方都幾大，位置都叫寬鬆👍叫野食款唔叫少，價錢大概60上下，重要係份量夠，行完山食都覺十分滿足

今日去開坑口，想食台灣牛肉麵，今日睇吓邊間好食呀，最後比我搵到佢。一心想食牛肉麵，但係今日唔知點解好肚餓，入到去就叫咗鹽酥雞肉燥飯，個雞真心炸得唔錯，佢仲有三隻調味粉，個辣既肉燥都超級好味。

今日午餐想食下台式嘢，就嚟咗呢間餐廳，一入去坐低職員就即刻過嚟招呼，鋪面環境清潔都滿意，點咗紅燒牛肉套餐和鹽酥豬扒套餐，兩杯珍珠奶茶🧋加配咗兩個小食，一碟蒜香台灣腸和鹽酥豆腐，果碗紅燒牛肉飯太過鹹，結果只食咗一半就冇食，而碟蒜香台灣腸好乾，完全食唔出任何味道，反而個鹽酥豬扒湯麵就幾好味😋😋塊豬扒肉質一啲都唔硬唔乾，碟鹽酥豆腐味道雖然淡咗少少但係都可以接受，反而杯珍珠奶茶入邊啲珍珠柔軟彈牙值得一讚😍😋

疫情前食過一次，事隔兩年路過想再食下，印象中係親民價，但味道唔錯既台灣食店。我地8點幾路過，餐廳唔太多人，好快就有位。坐低見有口罩紙套，都算貼心！叫左個套餐包飲品，熱檸檬桂花薏米特飲，飲落好舒服～精挑細選套餐咁多碟，都只係$64, 啱晒我地每樣想試少少既為食貓！😌加$2叫左香蔥肉燥伴麵，本身都鍾意食伴麵，個肉燥都唔錯😋！前菜小食有麻香豆芽雞、豆香唐生菜、蒜香台灣腸，再加$15叫左桂花果醋雞中翼，呢個有d 驚喜，酸酸甜甜，又有桂花香味😋另加$28點左香葉鹽酥雞，外皮都脆口，肉質都嫩滑，幾好味麻香芽菜我幾鍾意👍食完野埋單仲送摺裝口罩套，幾可愛💕

喺商場行左幾個圈，諗你諗去都唔知想食咩，然後經過呢間，發覺餐牌幾吸引，因為佢有好多選擇，亦都可以好多自由配搭，最終我哋就試一試，結果出乎意料之外地滿意！首先我哋叫咗一個煎紅豆燒餅同豬耳，自己一向都係燒餅發燒友，所以都幾期待，而最終亦都冇令我失望，燒餅外脆內軟，配合紅豆蓉味道相當之好，而豬耳略嫌份量較少，味道尚算可以。主菜紅燒牛肉麵味道十分理想，肉操味道並不會搶走牛肉主味，而且份量適中，留心蛋貫徹台灣傳統地好食，所以絕對值得推介。去到最後自己最期待嘅沙茶金菇肥牛卷冬粉鍋，原來有一碗肉操飯送，配合醬油，冬粉鍋份量相當足夠，材料配搭頗為吸引，如果大家肚餓嘅話，絕對可以考慮呢個。

今日係坑口做野，得好短時間lunch,經過見呢間唔洗等位，决定入去快快趣食個lunch先。入到去員工都有禮貌，坐低已經比咗口罩纸信封比我👍點餐纸都唔太多套餐，但價錢算經濟。🥣一碗狂滷套餐滷水套餐 $58有鹵水豆腐，鹵水大豆芽 (雙拼)鹵水大腸，鹵水雞翼呢度鹵水都夠哂入味，大腸夠腍，豆腐都好滑，可惜雞翼肉質比較鞋🍋檸檬桂花薏米特飲(熱)唔覺有桂花味，成杯好淡口呢個價錢算平，所以都唔會太高要求，起碼比其它又貴連鎖店好食好多，如果趕時間，會選擇呢間食😆

記得呢間一碗肉燥啱啱開張嘅時候，真係超級多人排隊，基本上如果想食晚餐嘅話，六點前排唔到隊都唔使旨意食到🤣🤣都唔知好彩定唔好彩，依家冇咁多人排隊，就變相易啲可以食到我最愛嘅鹽酥雞排啦😍我叫咗鹽酥雞排配燥底蕃茄湯麵～每一次雞排黎嘅時候，我都會落好多唔同嘅粉，包括紫菜粉、椒鹽粉同埋梅子粉，當中我最推薦嘅就係梅子粉，酸酸甜甜好開胃🤗雞排炸得好Juicy，熱辣辣食最好食！-佢嘅蕃茄湯係比較淡淡嘅蕃茄味，唔會話好突出，反而唔會搶咗肉燥嘅味道～麵條嘅質感都係比較有咬口嘅😆

每次來坑口經過都覺得餐廳設計很可愛😍，但食肆太多，一直沒有機會食。今晚終於來試一試。大眾化價錢，加上睇咗食評，自然期望不高。很喜歡店內嘅設計及一致性，員工服、餐具、紙口罩套、鉛筆、餐紙也很可愛，很欣賞設計師和經營者的用心。令人感覺開心而期待食物。鹽酥豬扒比想像中好😀，肉燥和蛋也不錯👍🏻，但鹽酥雞扒真係炸得太硬，雞肉還是可以的，小食餃子都好乾，呢兩樣像做好放咗好耐。員工嘅服務比想像中好，友善地帶位，看見有人要兩杯水，亦放下手上工作，禮貌地盡快提供服務，俾好多所謂嘅餐廳好，起碼冇當睇唔到。職員也貼心，主動等到主食差不多食完 ，才送上甜品（雖然有啲難食，丸子好像還沒有煮熟）。但一定要講：員工真係要多㸃培訓！戴眼鏡的年輕女員工抹枱的方式惡劣，Covid 開始後已經冇見過咁差，不用店內提供清潔用的清潔噴霧，還把桌上食物碎掃到地上，沒有掃到地上的竟用餐紙蓋上就算😤，然後隨手將布放回，唔知抹布一晚會唔會清洗消毒一次！當時佢都唔忙，真係沒有諗過那麼年輕竟然衛生程度那麼差，雖然我覺得呢啲應該唔使教，但竟然係咁，唯有培訓啦。幸好男員工經過，把枱上剩餘的食物拿走，亦把櫈移好才帶入食客。我明白做飲食業係辛苦，

叫左個餐叫好食鹽酥雞扒套餐，但好難食。第一，雞扒出面炸到過曬火，入面中係凍冰冰，面粉一團團都未炸熟。第二，個肉燥飯，肉燥無肉味，飯無飯香。第三，調味粉罐入面無粉啦，又無職員檢查就羅俾客。 中要服務差，上餐慢（等左差唔多半個鐘先有得食），又上錯次序（隔離後到先上餐，同一個餐）。 今日經過，坑口，見樓上隔離左右食肆都滿座，唯獨佢有好多位，心諗假期又多人又未食午餐就入去試試啦，點知一試就出事，食如其名，間野可以搞到你未食已經燥底。 用點餐紙叫左個“好食鹽酥雞扒套餐”（$56蚊真係好後悔）,點完餐收到叫餐收據，就等食（心諗好快姐又無咩客）,點知等左5分鐘，職員行埋來（女人來）問我可唔可以讓座，轉坐其他位（因為有客唔夠坐），我心諗都正常可以，食物又未到，只係飲緊野姐。 等左15分鐘，餐又未到，反而隔離（剛剛讓座俾佢個班食客）,同我同一個餐，俾左佢先。我即刻叫職員（女人）幫我跟跟個餐點解咁耐中未到，跟住個職員諗左一諗答：雞扒要炸。我又同佢講，隔離後到的已經上左餐食緊。跟住個職員行埋去出餐枱到問一問個類似經理個人，跟住又無

話說星期日諗住食個晏,周圍都好逼人, 全部食肆都要排隊,所以周圍行下, 睇下邊度唔駛排隊...行下行下見到間以為"元X壽司",點知原來係台灣菜黎!!初頭我同肥妹仔都無乜期待,我地兩個叫左一樣既牛肉麵,不過佢叫原味湯底, 我叫左麻辣湯底!!碗麵一黎梗係試下個湯頭先!!我個碗牛肉湯濃, 仲有少少麻辣!!食落好盞鬼過癮, 仲有少少酸菜吊味!!最正係D牛肉, 塊塊都好鬆軟!!有種入口即溶感覺!!另外條條麵都可以掛實D湯!!真係好正, 再加埋個糖心蛋同肉燥!!成碗麵即刻昇華晒!!優惠期間可以免費UPGRADE珍珠奶茶!!最正係自己加糖水, 可以控制甜度!!以呢個價錢食到呢個質素!!我覺得真心抵, 會成日去幫襯!!去唔到台灣旅行, 食碗牛肉麵都好丫!!

今日又去食台灣嘢，最近都食台灣菜 🤤今次依間一碗肉燥可以揀辣或者唔辣嘅肉燥，辣肉燥應該係10小辣嘅程度。檸檬薏米水好飲! 我再加多個蒜泥白肉，不過冇影到，因為唔好食，唔推薦

台式料理一碗肉燥之前已經堂食過幾次，都覺得食物質素唔錯今次見到外賣自取有優惠，就買返屋企慢慢食估唔到都仲keep到食物水準晚市外賣自取全單九折優惠（優惠期有限，請自行聯絡餐廳查詢詳情）🍗好吃鹽酥雞排配原味肉燥飯（$56/ 9折後$50.4）配飲品凍檸檬桂花薏米特飲外賣份量都唔少，而且鹽酥雞外賣返屋企食都仲熱辣辣，而且keep到香脆😍👍肉燥份量亦都夠撈飯，仲有啲香菜送飯不錯😆🍜台式冷撈麵拼鹵水拼盤（$60/ 9折後$54）配飲品凍檸檬桂花薏米特飲冷撈麵相反冇肉燥飯咁出色，但都好食麵條質感偏硬，有咬口但唔知係米因為凍食冇咁入味鹵水拼盤都正常發揮

叫左兩個外賣，等左30分鐘，問店員點解等咁耐，佢話因為我地係兩個餐，其他係一個餐所以會出先…… 因為兩個餐，佢可以skip 10個number叫號俾一個餐先……極差服務安排……鹽酥雞肉燥飯味道正常，雞排好似好大塊咁，但其實係一塊雞排打橫切開，食皮多過食到雞肉……蒜泥白肉肉燥拌麵份量少，似兒童餐，蒜泥白肉的豬肉酥味極濃，難食……完全不能入口……總結：出餐次序十分奇怪，唔會跟先後次序，一個餐優先，所以如果叫多過一個餐，最好分開叫，會快好多。味道方面不要有任何期望。