一碗肉燥 (TKO Gateway西翼)

Open Now

Now Closed

叫左…下午茶餐(台式煎餃子加炸雞翼)…三個字…伏…伏…伏…食完後，以為自己失去味覺…煎餃子=正常冷藏餃子味… 皮就韌到呢肉燥湯麵=湯無味炸雞翼= 無味道好似白烚雞翼熱蜂蜜紅茶= 只得水味

同妹妹黎午餐一人一份自選餐我要左肉燥飯配A菜同麻醬茄子整個套餐份量足夠肉燥飯味道不錯黑蜜豬扒唔會鞋口，都幾厚實！配菜可以多菜，感覺更健康！A菜即係生菜，用麵䜴調味，感覺新鮮妹妹食嘅拌麵味道正常可惜配嘅台灣腸勁薄片，而且比較實鹽酥雞亦不夠酥脆可惜

無預備想食咩既一日見到依間門面唔錯，就入黎試下台灣餐廳緊係要食牛肉麵而且依度似係肉燥專門店心諗質素差極都有限....肉燥湯麵配紅燒牛肉賣相正常的，糖心蛋不錯，讚湯底也是正常的問題黎啦，麵條比較硬身，未必人人接受肉燥普通到連味道都唔記得，未見突出....專門店應有既質素係咁？牛肉最大問題，一啖咬落去似罐頭貨色難道餐廳既紅燒牛肉同我認知既咁大出入？真係令我太失望.....杯蜂蜜紅茶反而幾好，但無影相總括黎講，我估飯類及雞扒會比牛肉麵更好....見到隔離枱都係食飯多以上食評只反映本人立場，如有雷同，實屬不幸

食物質素唔錯而且十分大份，很飽肚。最喜歡食川辣雞，雞肉不會太老！其他的配菜也不錯。而且餐飲十分大杯，總括而言非常抵食。餐廳環境方面都算乾淨，有做足防疫措施，值得一去。

本人惠顧坑口分店多次，發現以下問題，例如：飯套餐的份量有時太少，有時啲醬汁都好少。而間中，珍珠奶茶的份量只得七至八成，希望下次再惠顧的時候，可以改善一下。附相片以供參考。

台式餐廳好吃鹽酥雞扒飯 $55雞扒炸得有d乾，但肉燥加豆角，多汁送飯唔錯，很讚好燒牛肉蕃茄湯麵 $54蕃茄湯底濃，麵有咬口，牛肉足料，牛肉未夠牛味但夠淋。都正宗牛肉麵。

讚1.份量大，又肉臊又前菜又炸雞咁，六十銀有咁多野食，抵過其他舖2.肉臊入味，炸雞香脆，以連鎖店黎講算出色3.環境幾乾淨企理彈1.飯太爛太腍，凍茶係太甜，炸雞係有啲淡身

今天要工作，所以搵咗間快餐店食午餐。我一見到肉燥飯，我就想去食，因為疫情原因，太耐冇去台灣旅行了。入餐廳前，要量度體溫，做出安全指引，食得更安心。我叫左S7, 精挑細選套餐。1. 精巧肉燥飯（香辣）好好食，細細碗，唔怕食多左，不過如果可以自由要求，多或少肉燥就更好。因為我個人喜歡多肉燥。2. 香葉鹽酥雞份量係夠多，不過炸得唔夠香口，鹽酥味不足。3. 海苔蛤蜊湯好飲，夠飲。4. 滷水豬耳拼滷蛋好味，滷水加咗麻油，更香又正！5. 凍蜂蜜紅茶正常，冇少甜，都唔覺得太甜！蜂蜜的甜同一般茶記糖漿係有好大分別！蜂蜜正好多！

終於嚟坑口試到一碗肉燥啦！佢係大快活集團的，係咪黃店就唔確定，和你eat同和你pay都搵唔到😅·我地個時唔算好肚餓，又諗住試多啲就叫咗兩個餐👉🏻精挑細選套餐 $59·✨原味肉燥拌麵（+$2）、香葉鹽酥雞、腐皮雞肉蝦卷、金銀蛋唐生菜·肉燥拌麵好食，但記住叫原味，辣味試過好咸🙊，個麵都幾好咬😋鹽酥雞都正常，但上面有一堆蒜，個人唔太鍾意，冇咗會好啲😂小食就揀咗腐皮雞肉蝦卷，冇咩特別😂·✨肉燥飯、桂花脆魚柳（+$5）、海苔貢丸湯、滷水雞翼呢個飯真係少得可憐，接受唔到呢個份量🙄🙄🙄個時應該同佢地反映🙈改名半碗肉燥唔該😀而魚柳同雞翼都正常嘢啦！個湯有昆蟲叫侍應換咗佢🤷🏻‍♀️·呢間對我嚟講認真麻麻，係肉燥麵同鹽酥雞可以，但同區我會食返台北巷弄/桂花小幸/戀上台式料理等

一碗肉燥由於我好鍾意食台灣野，所以呢排係咁搵台灣餐廳🤣🤣🔥🔥呢間坑口，長沙灣同調景嶺都有分店❣❣.🔥好食鹽酥雞扒飯$55睇相都見到佢份量勁大🤣🤣淨係雞扒都夠我食🤣🤣啲雞扒炸到勁炸，而且啲肉汁都保留到好多😋佢仲有埋豆豆同埋半隻蛋再加滷肉汁❤❤而且味道都好好食，價錢就中等.未來我相信我會成日都食呢間🤣🤣🌟🌟因為我屋企附近就有，而且我真係好鍾意食台灣野！！！！！❤❤超級推薦大家去食下🌟🌟🌟

疫情之下就算係假期都唔算太多人，而入到去都唔需要同其他食客搭枱，可以安心用膳。《精挑細選套餐》HK$66精巧肉燥飯 + 香葉鹽酥雞 + 豆香A菜 + 脆蘿蔔糕 + 泡沫珍珠奶茶 (+HK$5)《下午茶餐》HK$42肉燥飯 + 香葉鹽酥雞 + 台灣腸 + 凍蜂蜜紅茶調味粉 （免費）肉燥飯：份量啱啱好，味道都唔錯，鍾意食辣嘅朋友亦都可以考慮嗌辣肉燥，但略嫌啲飯粒唔夠乾身。鹽酥雞：不過不失嘅一道主菜，但偏向乾身同埋唔夠熱。另外，如果覺得剩係食原味鹽酥雞會有啲口寡寡，可以問員工拎啲額外嘅調味料調味，當中包括七味粉、海苔粉同埋梅子粉，仲要係免費架，不妨一試！炸蘿蔔糕：味道同口感都一般，冇咩蘿蔔味，炸得好厚粉，同埋好油。豆醬A菜：食咗咁多肉類同炸嘢，食番啲菜平衡番就啱啱好。菜唔會太老，但如果啲莖可以切一切再上就更好。台灣腸：切得太薄，食落冇咩味，要靠蒜粒調味。蜂蜜紅茶 & 珍珠奶茶：呢度嘅飲品不過不失，比較貼心嘅係糖漿另上，客人可以自己調較甜度。珍珠奶茶嘅奶同茶嘅比例啱啱好，珍珠亦都唔粉，好煙韌。總括而言，呢兩個套餐對於未食午餐嘅我哋嚟講份量啱啱好，價錢合理，而且上菜都唔洗等好耐，係得閒落街填下肚

叫外送，除了喜歡叫上海菜，還喜歡叫台灣菜。今次就試一碗肉燥。叫了兩份精挑細選套餐B。每份套餐包括肉燥飯或麵，主菜、蔬菜、小食及飲品。我要精巧肉燥飯。 白飯跟肉燥是分開的，好處是如果肉燥是多油的話，白飯都不會變了油浸飯😄。 肉燥的份量可以自己控制。 我就吃剩些少肉燥，因為對我來說比較油膩。 喜歡它比較多冬菇，不是啖啖肉 ，口感不錯。 味就濃了些少。主菜要了蒜泥白肉。滿滿的蒜蓉底下，是厚切的蒜泥白肉😄。第一次吃蒜泥白肉是這麼厚身的😅。 可能台式的蒜泥白肉，跟上海菜的蒜泥白肉是不同吧!除了厚身，還很多油! 味道就可以啦! 這麼多蒜蓉都入味的。蔬菜選了豆香唐生菜。 其實不知豆香是什麼，英文譯作 Braised Lettuce with Taiwanese Pineapple and Bean Sauce.實際是什麼呢? 我見到有湯，有蛋黃，有蒜頭浸著唐生菜，味道似金銀蛋浸唐生菜。見不到也吃不到菠蘿😅。 不過金銀蛋浸唐生菜都好味道，只是菜浸得太腍了!小食我要了煎餃子。三隻細餃子，餡料足，味道不錯。她要鹵水雞翼。兩隻細中翼，味道一般。飲品大家都要熱柚子果蜜。倒出來的時候覺得很稀，飲的時候還好是有味

大快活發盈警今年盈利顯著下跌，大家有機會就多多幫襯啦，難得今時今日仲有大集團堅持！而呢間一碗肉燥屬大快活集團，都有幾間分店。店名叫「一碗肉燥」，當然招牌食肉燥飯😍套餐有小食主食飲品價錢，份量大份價錢算經濟，CP值幾好。餐廳裝修以鮮黃色為主幾搶眼，店面同餐廳內牆身都有肉燥飯卡通和豬仔圖案好可愛。💛黃店認證：屬於大快活集團。.套餐 $59包飯/麵、小菜、蔬菜、小食、餐飲👓肉燥飯本身都幾大期望話晒嗰店名標明左肉燥，但有少少失望😢肉燥調味還好，唔係乾柴瘦肉亦唔係肥豬膏，但質感偏濕糊似肉醬多過肉燥，唔夠乾身肉粒分明。肉燥醬汁太少唔夠撈飯，不過唔算好油膩個碗唔會明顯見到有滲油。對比下餸菜質素好過飯。評分：6/10👓香蔥肉燥拌麵肉燥醬，麵煮得比較漲冇乜口感，但肉燥麵好食過飯。➡️小菜👓桂花脆魚柳炸得幾香脆個粉好薄，桂花醬汁唔算好濃味不過係食得出有淡淡嘅桂花味，幾清香唔錯。評分：7/10👓香脆葉鹽酥雞炸得香脆唔乾硬，中規中矩嘅質素，味道就好夠啦因為明顯落咗好多椒鹽粉好夠鹹。評分：6.5/10▶️蔬菜豆香唐山菜/海苔貢丸湯▶️小食👓紫菜包豚肉分別有兩舊食完都佔咗少少飽肚位，紫菜包住舊豚肉再沾粉漿炸，可口不過同

呢間台式餐廳開左係我屋但附近一陣，都食過幾次，今次先黎寫下食評，上次食都覺得吾錯既，今次也可以，我成日覺得呢間主食份量方面係一般正常量，通常我都係食小食飽既係套餐入面小食係有幾種，配埋野飲，60多，吾可以話好平，但是都抵既，因為加加埋埋小食同主食係夠飽而且係ok既。我通常簡辣肉躁，因為我覺得會比較野味，食落比較剌激肉躁麵要再加錢，上次食肉躁飯都好食，其實我都係覺得肉躁配飯比較夾，不過呢d睇個人口味。套餐入面既小食過一輪會改變一下，今次無影到張餐單，下次又係有點不同了，有一些要再加錢，有一些就不用，配餐吾洗錢既係冷熱蜂蜜紅茶，都可以，但紅茶有時放耐左會有點澀澀的，不過都可以接受。見佢呢排好像開11，做埋早餐生意，有機會可以去試一試。

星期日下午叫佐個套餐等成30分鐘先有，仲要唔催都唔上，一催就有。一上枱所有係凍。明顯係放佐好耐都冇人上菜。點食呀。本身想食台灣野帶有期望同新開先黎。而家唔會有下次啦