一碗肉燥 (TKO Gateway西翼)

Open Now

Now Closed

呢間台式餐廳開左係我屋但附近一陣，都食過幾次，今次先黎寫下食評，上次食都覺得吾錯既，今次也可以，我成日覺得呢間主食份量方面係一般正常量，通常我都係食小食飽既係套餐入面小食係有幾種，配埋野飲，60多，吾可以話好平，但是都抵既，因為加加埋埋小食同主食係夠飽而且係ok既。我通常簡辣肉躁，因為我覺得會比較野味，食落比較剌激肉躁麵要再加錢，上次食肉躁飯都好食，其實我都係覺得肉躁配飯比較夾，不過呢d睇個人口味。套餐入面既小食過一輪會改變一下，今次無影到張餐單，下次又係有點不同了，有一些要再加錢，有一些就不用，配餐吾洗錢既係冷熱蜂蜜紅茶，都可以，但紅茶有時放耐左會有點澀澀的，不過都可以接受。見佢呢排好像開11，做埋早餐生意，有機會可以去試一試。

星期日下午叫佐個套餐等成30分鐘先有，仲要唔催都唔上，一催就有。一上枱所有係凍。明顯係放佐好耐都冇人上菜。點食呀。本身想食台灣野帶有期望同新開先黎。而家唔會有下次啦

偶爾也會吃吃台灣菜，但在港以肉燥為主打的店不多不久前，在工作地點附近開了這家以肉燥為主打的專門店而且開張一段時間，午市和晚市都算多人光顧，今次就跟同事一起來試試吧！沒有預先在app取票，到店面才取票，候位時間約10分鐘午市餐牌，分成兩款套餐及單點菜式我選的那款是「一碗肉燥飯/麵套餐」有主食+肉燥+飯/麵及飲品約$50一份套餐～選取了的配搭是回魂黑豬醋軟骨原味肉燥飯，另加$7要了凍泡沫珍珠奶茶賣相都算可以除了豬軟骨及肉燥外，還有豆角粒及溏沁蛋，份量都幾大碗，女生吃完整碗就好飽！！豬軟骨份量多，質感軟稔，黑醋酸酸甜甜的，令人開胃肉燥份量適中，略有咬口，醬汁本身都香，但味道被黑醋比下去豆角粒略生，沒有味道，黑醋的味道較為強大，所以拌勻來吃，是以酸甜味為主多於肉燥香！肉燥的作用算是中和一下黑醋豬軟骨的膩溏沁蛋都夠入味，蛋黃流心～～凍泡沫珍珠奶茶，質素普普通通奶茶味道雖不香濃，但茶和奶的比例尚算取得平衝珍珠微微的煙韌，不會太硬身！雖然這店作為肉燥專門店，但個人第一次試，覺得主食的鋒芒較露～所以笑臉是給予黑豬醋軟骨的！醬汁的酸甜味恰好，好合我的個人口味呢

一早起身諗住隨便食個早餐，被呢間黃色搶眼、裝修別緻既餐廳吸引到，再望望餐牌，發現野食豐富、價錢又相宜，即刻入到坐低😊😊點左笏製沙爹牛麵，非常足料，沙爹汁香濃帶辣，好味過好多茶餐廳👍 餐飲點左無糖豆漿，新鮮健康😊之後上埋特色腸、台式多士同炒滑蛋，非常滿足👍 特別介紹台灣特色腸，要小心食，因為入面充滿濃郁既芝士，一咬就爆晒出黎🤣🤣如果大家唔食公仔麵可以轉米粉，因為餐廳採用正宗台式新竹米粉，幼身彈眼非常美味😊下次經開坑口，終於有指定餐廳食早餐😋

請先見諒😪我真係一個為食鬼啊，掛住食完全忘記咗為豬軟骨番茄湯面影相。我好鍾意食台灣肉燥飯，一見到以肉操為題嘅店，就即刻攞飛入去試吓食啦。當一日我嗌左一碗豬軟骨番茄湯麵(原味肉燥）同 香葉鹽酥雞精巧原味肉燥飯配金銀蛋唐生菜同香蒜台灣腸。佢先來左碗番茄湯麵，為食嘅我即刻偷食朋友碗麵，豬軟骨夠軟身，番茄湯雖然個味道有啲似罐頭番茄膏嘅味道，但係加埋肉燥醬汁，味道好食，啲麵唔會太軟有口感。佢嘅湯麵算係唔錯，如果去食，大家不防一試。而我就嗌左個套餐，賣相係唔錯嘅，但食落就好失望啦。本來滿番期待肉燥飯嘅我，食唔夠兩啖，就剩返啲白飯喺度，肉燥醬汁太少喇，唔夠撈勻晒成碗飯嚟食，味道尚可。而佢嘅鹽酥雞真係令我最為失望，鹽酥雞應有嘅脆皮同鹹香味，冇一樣野做得到，裏面嘅雞肉亦都較乾身，最後我都冇食晒啲鹽酥雞。金銀蛋唐生菜🥬就一般，不過不失。而香蒜台灣腸小食，食落去係凍嘅，完全冇香口嘅感覺。最後，越食越唔開心😫。嘢飲方面，佢有得俾你揀凍或者熱嘅蜂蜜紅茶。我叫咗熱嘅，味道唔錯，唔會太淡味，亦都唔會太甜。飲完個嘢飲先平復到我少少心情。如果要去食呢一間餐廳，我強烈建議叫返湯麵系列，起碼味道唔錯，唔會越食越唔開心。

食物一般不在話下，仲要顧住做外賣，外埋就一陣可以搞掂，堂食就由得你等，等到就等喇，上一個麵半個鐘麵未上到，下次有時間無野做就黎幫襯囉，任你坐！歡迎有時間人士隨便幫襯！

平時見多人幫襯又排長龍，以為好正，見到食評又讚好，叫左碗招牌鹽酥雞肉燥飯，加杯蜂蜜紅茶，成55元真係食得好吾開心，先講鹽酥雞，台式食品來說做得好差，雞肉冇味，炸粉很厚漿，炸得好乾，又硬又乾，雞肉又少，又有筋帶肥。去除炸粉有1/4碗咁多。肉燥不正宗的味道，半隻egg但係咬左一啖有少少似變左的味道酸酸地。飯量是多的，這個價錢不抵吃。杯紅茶不過不失，年初二冇乜店開，走入去食就仲伏。店內環境還可以，但係與隔離位太近，空氣不好，越食越熱。總体來說不合格，從未食過咁差的台灣食品

叫左碗炸雞扒麻辣肉燥麵，望落賣相好似幾好味。可惜食落既時候雞扒太多炸粉，肉既部份其實吾係太多。而手作麵既麵質就不過不失，但麻辣湯底就完全吾夠麻，整體黎講有點失望。

The first time we ate at Taiwan Bowl, it was only one shop in Cheung Sha Wan. It served basic Taiwanese style rice with mince meat or deep fried chicken or pork chop. We liked it enough but never did return as we didn't live near there. Lo and behold, while walking around Tseung Kwan O, we found another branch. It seems they've expanded since then! And so has their menu.They now have a different menu with an item that appeared to be like personal hot pot.The other menu is in the form of a check

嗌飛已經唔係大聲 遲咗少少應你洗唔洗好似殺咗你全家咁嘅 同我講咩「啱啱嗌你做咩唔應！」仲要兩條友對住我嗌 喂阿哥 食餐飯未入座就俾面色我睇？ 野食未食都覺得唔好食啦 係忙所以唔好語氣就請多啲人啦

今日難得見到一碗肉燥唔駛排隊，所以午餐就入左去一碗肉燥食。我同男朋友都係叫左一碗肉燥飯套餐，我就揀左很讚紅燒牛肉原味肉燥飯，佢就揀左好吃鹽酥雞排香辣肉燥飯。跟餐野飲係蜂蜜紅茶，叫左一熱一凍。很讚紅燒牛肉原味肉燥飯既紅燒牛肉很讚，煮到好淋，好易入口，唔駛咬都得。肉燥冇咩特別，有半粒蛋同豆角粒作為伴菜，但豆角粒好生，因為唔係熱既。鹽酥雞排香辣肉燥飯既雞排新鮮炸起，熱辣辣，有梅子粉，海苔粉同七味粉俾你自己落，佢最鍾意海苔粉。呢間雖然叫一碗肉燥，但最好食既唔係肉燥，反而係主食。

一碗肉燥都開左一段時間，但真係好多人排隊，見今次比少人等候，所以黎試一試。同屋企人叫左精挑細選套餐及麵套餐精挑細選套餐$59飯：精巧肉燥飯小菜：香葉鹽酥雞蔬菜：海苔蛤蚧湯小食：蒜香台灣腸餐飲：+$5檸檬紅茶成個餐用木盤盛載，肉燥飯都唔錯，但香葉鹽酥雞炸得較乾，同感覺沒味道，食完先見到有梅子粉、海苔粉同七味粉，加左可能好d。海苔蛤蚧湯都有幾隻蜆。台灣腸一般。很讚紅燒牛肉$54餐飲：凍蜂蜜紅茶紅燒牛肉麵，味精重，有牛肉、肉燥、豆粒同半隻流心蛋，牛肉炆得好淋身，肉燥放係麵上感覺好浪費，麵都幾煙韌，但量少女仕食夠飽，男仕應該唔夠飽。未食完太太同小朋友去左洗手間，有5個職員未問就想收拾，好尷尬。

喺佢新開張時試過一次，外賣，想畀多次機會佢，但佢水準難得地一樣，唯有寫一次食評。鹽酥雞扒肉燥飯，份量好足，睇圖就見到，亦都會見到雞排炸得好乾，驟眼落望粉亦都好多，直情見到一兩舊痴住件扒，飛起埋。食落覺啦太多胡椒粉，定唔知味精，個調味令人好口渴，有啲仲痴住條脷好耐搞到唔係好舒服。肉質當然一般，咁重嘅調味下都唔會食到有雪味，配埋個厚粉濃妝，食落個口感可想而知。其他配料無問題，嘢飲大大杯，叫小冰好似走冰咁，唔緊要。其他同事食嘅餐都畀埋大家睇。

中午經過見到間新開左一排既台灣菜 見佢有lunch menu就入去試下Menu選擇唔多 咁就要左一個紅燒牛肉肉燥面 同一個精選套餐平時食開牛肉面都係要湯面 今次就試下撈既 肉既份量都ok 但味道好正常 無咩驚喜另外套餐要左鹽酥雞 台灣香腸同個湯呢個肉燥就試左辣味 香過原味既好多 又唔會好辣台灣香腸同鹽酥雞個味道都幾似台灣既 不過個湯就hea左少少跟餐會有蜂蜜紅茶 都可以加錢轉其他飲品兩個人食左$122都幾抵食 但份量偏少 味道都好普通 唔肯定會唔會再黎🤔

今晚玩到太夜，周圍都冇野食，唯獨呢間仲好多人食緊，初次試食，比我既感覺系幾抵食，特別系套餐🤭有肉燥飯同麵揀，仲有兩個小菜，兩個小菜雖然佢影出黎好似好細份，起初都怕吾夠食，但原來都幾大份👍🏻👍🏻吾錯吾錯🤭員工服務很好👍🏻