犇殿台灣火鍋 (東港城)

Open Now

Now Closed

凍冰冰，打邊爐最好不過。而湯底更是打邊爐嘅靈魂。鴛鴦鍋：刈菜蚵仔鍋 x美日凝膚牛乳鍋奶白色的牛乳鍋口感幼滑，內𥚃以素菜為主，而另一刈菜蚵仔鍋絕對係驚喜之作，其味道清新，有蚵仔鮮甜的味道，非常推介。放題有90分鐘，任叫任食，我哋揀咗個澳洲特選牛肉，感覺都好夠食。自助區除咗有一般的醬料，最吸引我的，就是這一系列的台灣夜市小食。當中炸物和滷肉飯是最能吸引我的。台南鹽酥雞非常香脆，並能保持溫度，滿有台灣風味。地瓜丸內有我最鍾意嘅芋泥，相當不錯。香煎餃子外皮趣卜卜，唔錯唔錯！澳洲特選牛肉肉質嫩且油花分佈均勻，肉汁澎湃、肉質細嫩，令我們不斷追加。牛胸爽看似油膩，但口感非常爽口，入口有嚼勁。美國豬梅花肉片多汁和肉嫩，肉質帶甜，沒有豬羶味。台灣鴨血及逢甲米血糕一般鴨血好多餐廳都可能有得點，鴨血鮮味及嫩滑口感。米血糕則有軟中帶硬的Q彈層次感。另外魚青滑、海蜆、福建燕餃及響鈴卷都係我大推嘅食物。除咗有飲品區之外，餐廳仲有雪糕及僱員甜品，所以一餐真係可以吃得好飽。

上次去過坑口呢間犇殿覺得唔錯，今次係食90分鐘澳洲M9純和牛放題～除咗和牛仲有好多食物選擇，台式小食，鹽酥雞，台灣腸係我最愛😍 仲有台式甜品，煙韌芋圓跟各種配料👍🏻 入座前已揀好湯底，今次揀咗桃膠士雞美人鍋，烏龍茶菌皇湯，兩個湯底都真材實料～本身已有好多湯料，味道鮮味濃香～海鮮盤有鮑魚，大蝦，扇貝，蠔，海蜆，相當豐富，海鮮海水味濃都幾新鮮👍🏻 唔使點任何調味料味道都OK神仙牛肉牛肉薄切一片片掛起，美觀又方便夾👍🏻 呢個牛肉口感超軟淋，牛味濃郁，幾高質，可惜同海鮮盤一樣都係贈送，唔係任食的🙈蔬菜區都有好多選擇，唔使怕啲牛太制😂 生菜，白菜仔，羽衣甘藍，蕃茄任揀～ 最近冇乜點食菜，所以我就係到食返多啲啦！🤣🤣餐廳環境舒適，地方闊落，員工充足收盤快👍🏻

呢間餐廳主打台式火鍋，之前試過九龍灣分店過既午市火鍋，都算ok 。今晚踏單車經過將軍澳分店又想試下食下佢晚市。入到去坐低點左個湯底，之後就用QR code 落單，之後就行左去自助區取火鍋配料，自助食物選擇唔算多，而食物同醬料無用蓋蓋住，衛生一般。牛肉方面：第1 round既牛𣲙得黎帶鮮紅色。雖未至於去到入口即溶既地步，但都算係正正常常既。之後到第2 round 既牛黎到，望落去d牛係溶晒雪而顏色係偏瘀黑色，仲有小小怪味添，估計係擺左起室溫太耐所至。

天氣寒冷，最啱就係同朋友去打邊爐烚吓烚吓！呢間火鍋店主要係卡位，座位闊落，企理乾淨，坐得舒服！落咗沙茶湯鍋底之後，我哋就出去攞啲小食嚟試吓，同夾吓其他火鍋配料。小食嘅款式有好多種，炸物有：炸粟米、炸香芋地瓜圓、炸餃子同炸雞等等！如果唔想咁熱氣，仲有皮蛋豆腐、芽菜、涼拌雲耳、滷水魚蛋、腸仔等等，任君選擇！火鍋配料選擇同樣很多！主要係蔬菜類（娃娃菜，菠菜，生菜、雜菇同埋大量雜丸）實有一款啱你食！我哋揀咗最平嗰個餐，雖然係平餐但肉一啲都唔差。朋友叫勻晒牛肉、豬肉同羊肉，每片肉都肥瘦均秤，油脂分布平均，食落口感軟腍，肉味香濃，所有肉類任食，真係啱晒一些食肉獸的朋！沙茶湯底很香濃，可以不用點任何醬料，淥完的所有食物已經好夠味！我打邊爐唔係好鍾意飲氣水，呢度除咗有氣水啤酒嘅飲品之外，仲有幾種茶任君選擇，我就揀咗桂花烏龍，有淡淡桂花嘅幽香又有烏龍茶香，非常之好飲！食完正餐之後仲可以食雪糕，超級滿足。可能因為聖誕節，所以連雪糕杯都好有聖誕嘅氣氛。

星期日下午既3點9已經截咗午市套餐，轉咗做晚市價錢都算，228一位再加一，啲牛得第一轉靚少少，第二轉完全唔惦，同第一轉差勁遠，食物質素其差，完左午市收得晚市錢又唔fill返啲野，啲侍應重好笑做到唔想做咁，唔會再幫襯呢間😡😡😡😡😡😡第一轉啲牛第二轉係瘀黑色，啲味重要怪怪地，唔知想點，係咪就執，咁都拎得出黎俾人😡😡😡就算第一轉當未解凍都重係鮮紅色，第二轉解左凍都冇理由係瘀黑色掛，😡😡😡😡😡😡😡😡😡😡😡😡😡😡😡

近年香港興起很多台式火鍋放題，這次我們來到位於將軍澳的犇殿試一試。這一間餐廳裝修得很漂亮，座位闊落坐得舒適，而且環境非常衞生乾淨。總共有八個湯底可以選，我們選擇了桃膠土雞養生鍋。這個鍋底在平時的放題火鍋店比較少見，上鍋的時候看得出非常足料，有差不多半隻雞和很多桃膠和其他藥材等等。肉類我們揀了美國特選極佳牛肉這個套餐，當中的上選安格斯牛肉和牛板腱都非常高質。牛肉的紋路很漂亮，而且油花很均勻。吃下去牛肉的味道也濃郁，非常好食。 而且這一間餐廳比較特別的是有一些比較罕見的食材，例如牛胸爽等。我們點的這個套餐還有其他海鮮等可以任食，墨魚仔，海蜆等，食材都很新鮮，而且還有海鮮的鮮甜味。還有一些特色的台灣食材，例如手工蛋餃，台式魚餃，米血糕，台灣鴨血等。這類型的食材都非常好吃！最後餐廳還有自助吧，有大量的新鮮蔬菜和丸類可以選擇。而且還有各式各樣的熟食，例如果皮蛋豆腐，餃子，鹵水牛，不同類型的涼菜～ 種類很多，很滿足～！

呢間台式火鍋吃到飽放題新開冇幾耐個時食過一次，覺得都幾好食。最近天氣凍咗好多，又係好啱打邊爐既時候，就約埋朋友黎食。平日夜晚都幾多人等位晚市90分鐘吃到飽放題有4個套餐，最平$228/位。我地揀咗可以任食和牛既套餐.🌟澳洲M9純和牛-美濃牛肉 $385/位套餐會附送一份神仙牛肉及東港海鮮盤有鮑魚、扇貝、墨魚仔🦑、牡蠣🦪、海蜆，鮑魚好爽彈，牡蠣都幾甜。神仙牛肉油脂分布好靚，肉質好滑，可惜得一份。🌟湯底有8款湯底，有辣有唔辣既選擇。我地揀咗台式濃香沙茶鍋，沙茶味濃，得好微辣。🌟任食多款肉類、海鮮、台灣美食肉類有澳洲M9和牛、牛肩胛肉、特選牛肉、美國牛板腱、牛胸爽、美國豬梅花、紐西蘭羊肉卷、阿嬤燒酒雞等和牛都幾靚，油脂豐富，食落夠軟滑，肉味都幾重。🌟海鮮鯛魚片、海蝦、海蜆、魚青滑、墨魚滑等。我地食咗海鮮盤，所以就冇叫到海鮮。🌟台灣美食鴨血、米血糕、豆腐、蛋餃、魚皮等就要係QR code落單。都係啲常見既火鍋配料，要食滑溜溜既鴨血呢到仲特設有台灣夜市小吃自助區，有唔同既涼伴、台式小炒、炸物同熱食。蔬菜類都可以係自助區自取。🌟飲品飲品有冷泡茶，款式會不定期更新，今日有四款玫瑰紅菜、白桃烏龍、桂花

Taiwanese Beef🐮 All you can eat♨️😋🥢💫..天氣正式凍啦❄️，又係打邊爐既季節♨️！今次黎到將軍澳分店既犇殿，一家台式火鍋店，設有4個grading 既90mins 吃到飽放題🥢。而今次一場黎到，一嚐最高級別既【澳洲M7純和牛 (美濃牛肉)．AUSTRALIAN FULL BLOOD WAGYU BEEF】$345呢個套餐最特別之處，加送神仙牛肉及東港海鮮盤一客😍！神仙牛肉🐮 雪花均勻，滿有牛膩香🖤，肉質嫩滑柔軟，賣相亦相當吸引呢 必吃！至於鍋底：揀選左【雙拼湯底】 +$30，2款都滋潤養顏，正值秋冬天氣🌀，岩晒女生們，打邊爐都可以繼續養生呢。🔸美白凝膚牛乳🔸桃膠土雞美人鍋火鍋肉類：🔸澳洲M7純和牛 (肉味濃 愈咬愈有肉香)🔸澳洲黑毛牛肩胛肉🔸牛胸爽 (油膩重 爽口帶肥）台灣美食：🔸百業豆腐 (跟一般豆腐不同，口感好Q 彈)蒸籠點心：🔸小籠包 & 奶黃包 (吃火鍋平日較少有，有趣）台灣小食：🔸宜蘭蔥油餅 、香芋地瓜圓、台式滷味、古早香腸、台式滷肉 配飯 當然唔少得台式小食，自助形式拿取，過過口癮喔！台式涼菜：🔸皮蛋醬油豆腐、麻辣雲耳、三杯豆芽開胃前菜，味道調配

這間任飲任食的台式火鍋店很久之前試過一次，覺得他們的牛和湯底都好正，今次就來到將軍澳分店試試！餐牌上共有4款套餐可以選擇，而我們揀選了澳洲M7純和牛的套餐，可以任食和牛之餘，還有多款優質牛肉和海鮮可以任食！這個套餐還會送神仙牛肉和海鮮拼盤呢！湯底有多個選擇，而我們選了一品酸菜白肉鍋和桃膠土雞美人鍋！酸菜白肉鍋湯底味道酸酸味味，湯底入面有大量酸菜和豚肉，另外還有蕃茄，令人十分開胃！而桃膠土雞鍋湯底好鮮甜，入面有桃膠和雞脾，打邊爐之前飲返一碗，十分滋補！肉類方面，牛肉的種類最多，有澳洲M7純和牛、澳洲黑毛牛肩胛肉、美國特選極佳牛肉、牛板腱、安格斯牛肉等，當中M7和牛肉質鬆軟，牛肉味濃，十分惹味！另外還有豚肉、羊肉和雞肉可以食到，雞肉是台式燒酒雞，雞有濃濃的酒味，而且肉質嫩滑，估唔到咁好食！海鮮方面有海蝦、蜆、海斑片、鯛魚片等，海蝦都幾大隻而且爽口鮮甜！仲有多款不同的台式火鍋配料，包括有鴨血、米血糕、台式魚餃等，款款都好美味！餐廳亦有自助區可以拿到熱食和火鍋配料！火鍋的丸類和蔬菜都可以在自助區拿到，而且款式都幾多！而熱食有台灣腸、台式滷水、滷肉飯、小籠包等可以拿到，而且味道都不錯！飲品方面有

一向都鍾意食火鍋😍，今晚同老公有事來到坑口，於是就係附近搵野食🥢見到呢間犇殿台灣火鍋📍任食火鍋一向係我選擇，仲要係台式，所以決定一試呢🌼-一樣有幾款餐可以選擇，我地今晚就揀左美國極黑牛三叉🥩任食火鍋當然要以食牛為主!🥩🥩湯底方面我揀了御膳麻辣鍋🌶辣辣地最過癮😋呢個湯底開頭食既時間唔算辣，但當湯底滾耐左，會愈來愈麻同辣，唔算食得辣既朋友要留意呢‼️-食物方面，都係可以以QR CODE選擇📱同埋都會有蔬菜、小食同甜點自取呢✅食物方面，我試左好多唔同食材呀🥩包括有⭐️美國牛板腱⭐️美國特選極佳⭐️上選安格斯⭐️台式魚餃⭐️牛胸爽⭐️魚青滑⭐️台灣鴨血⭐️老街蜂巢豆腐特別推薦美國牛板腱同上選安格斯🥩這家的牛肉每塊都好均勻，色澤紅潤😍而且厚薄一致，色落啖啖肉🥳而且唔會太硬，推薦!仲有牛胸爽，第一次食呢，口感爽滑又得意😁-台式火鍋配料當然要食台灣鴨血同老街蜂巢豆腐😋加埋麻辣湯，真係更過癮同惹味!🧡另外都食左魚青滑，彈牙好食，值得試呀!✅-而在店內仲有好多蔬菜同唔同種類可以拎，特別想講仲有台式小食，一定要試!‼️有台式香腸，烤物，都係新鮮熱辣，好驚喜🍠特別大推炸地瓜球同台式香腸🥓食落完全係誠意之作，絕對對水準呢❗️-而甜

犇殿台灣火鍋名字中有三頭牛，主打各式牛肉，另加不同台灣地道小食，就算還沒得飛去台灣，都可以回味一下。美白凝膚牛乳鍋是夜湯底選了美白凝膚牛乳鍋，湯鍋奶白色，內有秋葵、杞子及本菇，湯味甜滑又不會影響食材本身的味道。美濃牛肉套餐包多款牛肉，有贈送一客的神仙牛肉，及最貴的澳洲M7純和牛、澳洲黑毛牛肩胛肉等。等待火鍋再次滾起前，先取台式地道小食，熱食有暖燈照著保持溫度，台式滷味及古早香腸有特別器皿保持溫度。神仙牛肉神仙牛肉用架掛起，感覺比較矜貴，牛肉雪花平均，切成厚薄適中的一大片，放入湯中很快見熟，肉質鮮甜嫩滑。澳洲M7純和牛澳洲M7和牛有一定的品質保證，牛肉有一股鮮味，味道香濃，肉汁豐富。澳洲黑毛牛肩胛肉牛肩胛肉油脂分布均勻細緻，肉質厚實軟嫩，能品嘗到牛肉本身的美味。美國豬梅花豬梅花味道不比牛肉遜色道，濃郁鮮美，肉質鮮嫩香醇，久煮也不易變老。東港海鮮盤海鮮盤中印象比較深刻的是海蜆，海蜆肉質好比鑽石蜆，肉質非常爽脆鮮甜。自選蔬菜有比較特別的花生芽，樣子像一根特大火柴，白灼嫩莖爽脆清甜，花生部分帶堅果香氣。

最近天氣開始涼了，很適合吃火鍋，朋友推介了這家新開不久的火鍋任食店 犇殿台灣火鍋，於是訂座今晚來到將軍澳的這家分店。餐廳環境寬落，座位舒適，服務週到有禮。我們選了澳洲M7和牛晚餐。先有台灣美食自助區，有多款熟食，鹽酥炸雞，炸芋球，豆腐，雞翼等，十分吸引。台灣香腸，魚蛋，蘿蔔等，入味而鮮甜。甜品區有芋圓，仙草等，可以加配料，自製自己喜愛的口味。還有哈根迪斯雪糕，韓國雪條等。蔬菜自助區款式眾多，粟米，生菜，白菜，娃娃菜，皇帝菜等，還有丸類，魚蛋，墨魚丸，南瓜等。海鮮拼盤新鮮鮮甜，有海蝦，蜆，青口，墨魚仔，生蠔等，肉質彈牙鮮甜。雙拼湯底桃膠土雞美人鍋和美白凝膚牛乳鍋，滋潤而美味，清甜可口澳洲M7和牛牛肉切得夠薄，雪花油脂分佈平均，肉質嫩滑香甜，入口即溶。澳洲M7純和牛.美濃牛肉肉質較厚身，嫩滑有咬口，牛肉味香濃。墨魚滑，彈牙爽甜，咬下爽脆。還有響鈴，鴨血，雞肉等。牛胸爽爽脆可口，沒有油膩感。

朋友推薦話呢間好食就去左食，佢話一定要食神仙牛肉，所以我揀左最貴個個plan，佢會有一份牛同海鮮送，湯底我就揀左沙茶湯，好香仲有陣胡椒味，呢個湯食牛肉都好香帶點胡椒香味，個人幾中意食牛爽，不過要注意既就係個湯食耐左會越嚟越濃 所以要keep住加水

本身已經久仰這間台灣牛肉放題火鍋的大名，再經幾位曾經試過的朋友大力推介下，今日剛好經過坑口站就試試這間分店吧！既然經過幾位朋友大力推介，所以一試就放心試款最頂級的澳洲M7純和牛套餐!套餐已經囊括了餐廳所供應的牛肉，當中當然包括主角澳洲M7純和牛，還有套餐獨家奉送的新鮮牛肉及東港海鮮盤。等待牛肉上檯前先出去逛逛他的自助區，有趣是提供的都是台灣夜市能食到的小吃，包括了地瓜丸，宜蘭蔥餡餅，小香腸，香煎餃子和最愛的鹽酥雞等等。味道絕不馬虎，炸物都酥脆可口，款式甚多，不經意每樣拿點已經填滿盤子。飲品區應有盡有而且設有雪糕區。當中最欣賞是自助醬料區，有坊間比較稀有的腐乳醬，烏醋，麻油醋及剁椒醬等，總能調出適合您的口味。主角澳洲M7純和牛終於上枱了，油花紋本身已經非常吸引，肥瘦適中，而且很欣賞店舖的大方，每一塊都不是誇張的有手掌那麼大，基本上淥五至六秒已經可以放入口，一放入口有花四濺，不是那種一味非常飽濟油脂，反而有一點肉的部位有咬口，但亦都一咬即化，牛味香濃。而這個套餐奉送的海鮮盤用料了都非常新鮮，尤其欣賞當中的大海蝦，爽口彈牙鮮味十足。另外附送的神仙牛肉更加是驚艷，非常的香滑，牛味加倍的香濃，雖

台式火鍋一向係我至愛😍 今次去咗將軍澳犇殿食～ 場地幾大，張枱超闊落可以放到好多嘢！我地叫咗澳洲黑毛牛肩胛肉套餐，食90分鐘，都只係$295一位，超抵食😆 自助區好多台式食物，鹽酥雞，台灣香腸，仲有魚蛋，味道夠地道好美味👍🏻 各種蔬菜，蕃茄，翡翠苗，猴頭菇，選擇多多，食材新鮮。 台灣丸就只得兩款。湯底揀咗美白凝膚牛乳鍋，濃稠牛乳味道好濃郁，鹹中帶甜，幾特別～ 澳洲黑毛牛肩胛肉極大一片，牛味濃郁😍 牛胸爽，口感爽脆👍🏻 鯛魚片，海班片好嫩滑😆 海蜆大粒又鮮甜，連續叫咗好幾次👍🏻 台灣燕餃，皮薄餡靚鹹鮮豬肉餡👍🏻 魚青滑，彈牙惹味😆