台灣麵 (Closed)

叫左個牛肉麵，櫃枱較年輕長頭髮圓面的女收銀員態度極度惡劣！黑口黑面呼呼喝喝！入嚟買野食得罪你阻住你？我有講唔該我有比錢的！剛巧有2個男食客在店內走出來，聽到他們也是在說這間店的服務簡直一流(#曲，中間夾雜著粗口)牛肉麵牛肉夠淋，但牛筋勁硬2舊也吃不到，麵條像未熟，盛惠60元！

買咗戲飛係九展睇夜晚9點4果套雷神奇俠4, 未入場前當然係九展搵埋野食醫肚。見到呢間台灣麵餐牌多選擇，價錢又唔貴，套餐連野飲都係五十幾蚊一個，就坐低試下。紅燒牛筋牛腩新竹米粉，真係有一半牛筋，一半牛腩，肉質好淋易咬，完全吸晒煮牛腩果啲汁的香味，新竹米粉幼細爽滑，湯底有小微辣，尚可接受，牛肉味好濃。紅燒牛肉麵，麵條夠粗，煙韌易咬，食晒一碗都幾飽，牛腩大舊淋身薄荷奶茶，是晚珍珠賣晒，薄荷味出眾埋單都係123蚊兩位，抵食之選。

九龍灣呢間早餐，食過幾次，每次水準都保持到，比周邊餐廳算得上好食，怪不得時常滿座，價錢比外面店舖貴幾元，但杯台式冰咖啡已經值番，外面 "貢茶" 已經要廿零元吧，值得推薦 香煎雞扒，豬扒，脆皮，肉不乾，豬扒夠厚又有骨，十分美味，附多士麵包，改牛油多士需要加一元，但熱騰騰，脆口。。早餐時候的沙爹牛肉麵，都不錯，(但試過食下午茶時就很差。。。@_@), 最讚是任何餸料都可以改選，米粉，通粉，麵等，好過好多餐廳，乜都不能轉。

今日同同事食lunch, lunch度度都咁多人，我哋都等左5至10分鐘先有位。台灣三寶麵（牛展，牛肚，牛筋), 連餐飲$61，凍飲+$3男同事話份量都ok,似係上海面既質地，味道正常。湯底唔算好特別有台灣面果啲風味。紅燒牛肉乾伴面，單點$48女同事話乾伴面都幾好味，個面撈左啲汁食落唔會太dry。牛肉都淋，容易食。我就食左椒鹽排骨乾伴面，單點$45 豬扒大大塊，都好入味，不過佢炸就比較多油。面比較淋，硬身些少會好啲。同場叫咗個花枝丸，$24/6粒佢個丸有蒜味，我對有蒜味既丸冇乜興趣。唔係我杯茶。

其實我幾鍾意九展，睇戲仲可以免費泊車，但唯一較差係佢冇一間好食嘅餐廳，包括呢間台灣麵！首先，我唔係第一次食，所以我知呢間勉強話好食就係呢個紅燒牛肉麵！因為尚叫筋肉分明！但d麵真係好無誠意！唔剪開d 麵，啊姐仲要話呢d麵係咁㗎！你咬開佢law個湯底味精就可以肯定！杯飲品甜到爆！我男人個餐更差！餐牌話係咸酥雞脾，我只見到一隻剪到乾曬嘅雞脾，個麵我形容為滾水煮麵！無味！珍珠奶茶比多4蚊，但d珍珠味道好怪！咩都唔好食！

係附近睇戲，順手食埋飯。簡均咁多間，決定食台灣野，好可惜，失望到爆，最失望係豬手，一食落去，俾d豬毛喆到，當然唔係整損個隻，係完全放唔入口。當然肉燥飯無台灣咁好食。菜白烚，無油，無鹽，岩想食清d既人，算叫平衡返。肉燥豆腐滷蛋飯，豆腐一上枱，已經唔開胃，果然，食左之後同預期中咁，唔好食，就咁炸兩炸無調味上枱牛肚絲，得個咸字，最後要過一過水，沖淡味道先食得晒燻蹄不過不失，但海蜇食落有沙仲要同單點飯餐一樣咁貴，$56

今日見呢度有位便直接入內食lunch, $48 有個豬扒肉燥飯(唔包飲品) ， 跟飲品要大約$60, 但我唔鐘意甜野所以都係決定散叫。 同行朋友揀左2合1 餐配咖啡， 即係酸辣湯配肉燥飯， 好似大約$68, 好岩樣樣都想食既人。咖啡先黎好靚喎， 朋友話幾好飲， 鐘意飲咖啡的話可以一試。 無幾耐之後個酸辣湯配肉燥飯便到了。 哇， 好大份其實都幾抵食， 而且佢地用既湯碗左邊同右邊係完全隔開㗎！ 兩邊食物唔會溝埋一齊真係好貼心。 酸辣湯勁足料好好味， 肉燥飯就係普普通通既肉燥飯無咩特別。最後我個豬扒飯黎啦，都幾大塊， 但外表同我預期有出入， 我以為係鹽酥豬扒， 點知係成塊豬扒唔包任何粉就咁拿去炸。 炸出黎好乾身無咩油， 但塊豬扒好實好柴， 個肉燥飯又唔夠濕無咩汁…結果乾哽左一半就放棄了。 成個飯最可取係豬扒下面有大量既菜， 鐘意多菜既朋友可以考慮吓

紅燒牛肉牛筋麵$54又到星期四就會想到又有新戲上畫，講起睇戲我地去得最多嘅戲院就係九展了~不過九展俾人的印象就係冇乜嘢好食，話說上星期我哋去九展睇kong skull island，睇戲前仲有15分鐘就諗住求其食啲嘢，平時多數食個M記就算但今次我哋真係試吓你間台灣麵。我哋揀咗個台灣紅燒牛肉麵同埋紅燒牛肉牛筋麵，落完order即刻就有啱晒我哋趕時間去睇戲本身抱住啦求其食啲嘢冇乜期望嘅心態，但以佢哋這兩個牛肉麵的質素來說又唔差喎～佢哋嘅牛肉是幾好的，大大件而唔係一片片的牛展，味道和口感都比較好的。麵條我哋揀咗粗麵，傳統台灣麵那種比較有口感。至於湯底都算幾濃味而且帶辣都幾香口惹味～兩款牛肉麵Overall來講其實唔錯的，係九展的是一眾新餐廳未開之前，這間都會係我哋睇戲前的選擇～

在忙碌的星期六，我們隨意在商場中搵一間食食午餐，其實那個時間已經是下午茶了。清湯牛肉麵麵是粗麵，黏黏韌韌，口感不錯。但牛肉就...可能本人食的那塊不是軟的，好韌 ，但家人食的是軟軟地的。熱珍珠奶茶 本人很喜歡台灣奶茶，飲時很滑，不會澀，最重要的是奶味 > 茶味。加上，珍珠又黏韌，又不會黏牙。鹽酥雞這是本人在這餐中最喜歡的，雞肉又大又軟，而且炸皮脆和薄。巨蜂提子蘆薈這個很甜，蘆薈好似提子的果肉一樣。日式叉燒拉麵這個重點是叉燒，很軟很香叉燒味。滷水豬頸肉沙律沙律同平時沒有什麼分別，但豬頸肉不太軟，有點韌。凍檸茶同荼餐廳沒有分別。

睇完戲，搵地方食飯，成個商場死氣沉沉，得地下果層有啲人氣，求其搵間食。去到哩間台灣麵，諗住坐低有人service，唔差得過隔離M記同759。入門口企咗陣，冇人理冇人行出嚟，個侍應裡面“咀廟廟”望住我，我就講兩位啦，佢指住左邊嘅檯，冇帶我們入去。當時我望到全場只有五至六成顧客，又已經晚上八點幾，最重要係星期日晚，都唔會多人㗎啦～ 我們自己行咗入去，揀咗張4人檯，我兩人都坐一邊座位，好啦～睇緊餐牌，侍應行埋嚟係都要求我們兩人對住坐，留番一邊其他客人坐，講幾次都係咁.....我明白，如果繁忙時間梗係坐埋一邊啦，但係嗰陣得咁少客，又冇排晒隊又唔係有人要搭檯，有嘅話我食食下你先叫我移位都唔遲吖，食碗麵要幾耐呀？唔係夜晚九點會爆滿嗄嘩？ 呢個咩場先，你估你開响旺角定尖沙咀呀？我們於是起身講: “唔食，走喇!!”，侍應重招招積積咁答我: “招呼唔到!!” 喂～而家唔係擺酒送客做新郎哥呀？招呼唔到??!!?? 呢班趕客嘅伙計冇得頂，個老闆真識用人又係冇得頂，如果執笠都要多謝呢班伙計，有生意好心就對客好啲態度啦！請必需嚴肅反省。

滷肉的質感軟熟鬆散，囗味較像中式魚香茄子的免治肉碎😂，味道特別，我頗喜歡哦。更伴上半隻糖心蛋和香菇，香菇菇味特岀濃烈，值得一讚😏而湯面為凹凸粗白面，麵質彈牙，充滿湯汁，很美味哦

收加一服務費卻冇任何服務可言。一入門口見到一個金毛阿姐好悠閒咁企係度同我對視。我就話：唔好意思 一位 佢好悠閒咁用頭指下另一個方向 話 ：自己搵位好後悔加1蚊轉多士 因為個多士唔熱而且係林既。五香肉丁米線係我自己失誤 應該預感到碗野係冇味既 雞扒個樣好掂但食落好干 最後係狂點茄汁先食到。薯餅不過不失 如果佢咁都失敗我都無話可說最後覺得最好味既竟然係粟米！其實45蚊既早餐 應該有更好既選擇

今早由於來九龍灣工業區工作，所以一早來附近吃早餐。Emax內有不少餐廳，看見台灣麵的早餐都算多選擇，就入去試下。早餐價錢雖然全部都30蚊以上，但其實好豐富算抵食的。叫了沙嗲牛肉麵，再跟一塊雞扒及多士，連凍飲品。沙嗲牛肉肉質還好，湯頭及麵質不算好行貨，好香濃沙嗲味，幾好味。雞扒都幾大塊，咬落都幾滑，唔算好油。配合埋多士和粟米，真係一個好飽又豐富的早餐。凍奶茶則普通，無乜茶味。整體而言是一個不俗的早餐。

總共叫左3樣嘢！最基本的台灣紅燒牛肉麵！麵係硬心的！湯勁似D公仔麵料包仲有豬頸肉肉燥飯和椒鹽排骨肉燥飯 豬頸肉同椒鹽排骨一個樣，豬頸肉好韌，椒鹽排骨得塊趴無骨，似雜肉扒多過椒鹽排骨！更毫無椒鹽味！肉燥飯又乾又無味。第一次食咁難食ge台灣菜！伺應服務態度差 一沓餐牌達落張檯度 又大聲話「卡位收咗啦唔開 一係坐出面！」雖然係平但係計埋加一服務費，但係整體來講性價比都係好低，以後唔會再食，亦唔會推薦朋友來呢間食...

尋日去九展買嘢，lunch附近冇乜嘢食，見台灣麵好多人食於是試下。唔洗等位不過要搭枱。坐底後叫左個香酥雞扒肉燥飯。等左大约十分鐘。雞扒好大塊，而且好熱，明顯是即整的味道都不錯，好香口。肉燥飯好大碗，而且都是熱辣辣，不過略嫌肉燥少左d。不過味道都是不錯的埋單$45，食到好飽，抵食