台灣麵 (Closed)

 又來食台灣麵公司附近比較近E MAX, 平時Lunch多數會來呢度食~貪佢方便~近期好鍾意叫貢丸粗麵, d麵幾有彈性~貢丸大大粒又好食~ 口感爽口彈牙個湯底有好多肉躁粒, 食落好惹味~唔會咁單調~

今日去 E max 睇戲,睇戲前就黎食下台灣面😁知道呢間開左好耐，但第一次黎食😁六點半入到去，唔算多人，仲有卡位坐～我叫左個雙并😁台灣牛肉面并豬手肉嘈飯，呢度加4蚊就可以有台式野飲我叫左個黑糖飲品有4-5塊牛肉～好足料，牛肉岩岩好，唔會太in~ 個粗面都唔錯～彈牙好味 豬手就好有膠質但個肉嘈飯就可以更好，肉碎比較淡味。 整體黎講 都唔錯男友叫左鹽酥雞扒粉面，份量好足！雞扒感覺太多粉～比較一般～面我就無試，應該同我個碗差不多。整體黎講，上菜快，服務都唔錯

又去九龍灣開會，真係忙到午餐都冇時間食，開完會，就去食下午茶醫肚。呢個商場下午茶選擇唔多，如果想坐得舒服d, 就只有Starbucks和台灣麵，喺冇很揀嘅情況下，只好去咗台灣麵。可能有一陣子冇來，原來佢已經換咗餐牌，選擇好似多咗1，2項，但是價錢就貴咗。以前點的B4餐，牛角包煎蛋火腿，已經升呢變了B3, 升咗呢身價都由26蚊變咗30蚊，10幾巴仙，都幾多。牛角包好似好油，唔係咁新鮮咁，不過都算大個。隻蛋就煎得好好，我喜歡這個，唔會太生，又唔會太熟，啱啱好。火腿都有煎過，都okay 。整體上就是太油和個包唔夠新鮮咁啫，其他都okay。

台灣麵這個雙排雙格麵幾得意, 可以選擇不同的食物, 麵底, 於同一碗麵, 岩晒我最貪心既人今次叫了雞排拉麵, 另一面係白菜餃子配新竹米粉,  麵來啦！雞排雖然不是同麵分開放，但吾到搞到雞排糊糊的口感盡失, 咬起來口感酥酥的有檸檬香味, 拉麵口感很好，爽口彈牙有咬勁真的好吃白菜餃子這種獨特清甜多汁的味道,帶出了最原始的菜香, 而新竹米粉比較細, 有米香味，而且把濃濃既雞排湯吸收, 好味

今排去九展多,下午時間唔想去阿信屋食麵就來台灣麵食下午茶, 這餐牌上下午茶差不貴三十幾蚊有交易, 今次叫了咖哩牛肉飯碟頭飯之中的經典, 牛肉幾塊淋上咖哩汁再加上一殼咖哩汁hea爆, 咖哩汁味道還可以, 椰汁味重, 應該是加熱太久所以牛肉比較硬, 跟餐的薑味奶茶十分普通味道求其, 死甜薑汁比較人工化, 整個餐完全食得出一種hea味道 不過咁講, 有你吃我有我俾三十幾蚊公平交易,各取所需, 無計.

係九展既食店選擇真係少之有少!! 度度多人，所以先簡呢間用餐~~😅環境感覺還好吧!! 叫左個雲吞面＞＜d雲吞就真係好好味😁😁但係d面份量太少，唔夠飽啊😢😢😭😭面條同湯底都淡而冇味!! 太心傷啦!! 👎👎 價錢不合理😳

$32 台灣招牌酸辣麵🍜🌶唔好睇佢平平無奇，其實佢酸酸辣辣好入味，岩晒重口味既人😈👍🏼d豬紅唔同車仔麵咁一粒粒，而係一條條，好過癮🙈d麵又好彈牙唔會林 下午茶仲包珍珠奶茶☕️大家去九展唔知食乜既時候不妨試試！

聽朋友說這幾天某服裝品牌在九展有一個開倉活動，所以今天收工後突意和朋友前來看看，完了之後便打算在這裡順便食埋晚飯才回家。朋友說最近在這裡開了一間新餐廳叫台灣麵，一碗麵可以試齊2種麵款，挺特別，所以便決定前來試試 。來到看了餐牌才想起以前已在荃灣分店試過 ，選擇了一會，便決定點叫台灣紅燒牛肉乾伴麵併韭菜肉雲吞新竹米粉、牛筋腩乾伴麵，另外點了台式飲品荔枝柑桔蘆薈。不消一會，荔枝柑桔蘆薈便來到，柑桔味有點兒蓋過荔枝的味道，而且愈飲愈甜，比較失望，下次需要另叫少甜才可以。不過很喜歡飲品加入了蘆薈，增加口感 。牛筋腩乾伴麵挺有驚喜，牛筋腩軟腍非常，大大件，十分入味，乾伴麵煙韌彈牙，值得再來一試。紅燒牛肉也非常好吃，肉味挺濃郁，並帶有筋位，應該是牛部分來的 。韭菜肉雲吞則普通，不過新竹米粉就大愛，米粉麵質幼細，但就不會太淋，仍非常爽口，不會一夾即斷，正 。總體而言，雖然只是吃粉麵套餐，但晚餐來說價錢不算太貴，而且一碗麵可以試齊2款口味，也算是挺有特色，會再來一試 。

台灣麵早餐同下午茶份量都真係太少！野食味道唔差！點左手撕雞米線配鹽酥雞再加凍芒果綠茶！先講手斯雞米線，雞份量算ok但個麵份量半個麵都冇！雞唔會太乾淨淨！米線亦夠滑但有少少淋過頭嘅感覺！鹽酥雞反而很不錯！炸得剛剛好！好入味同惹味但又未至於好熱氣個種！但只得3粒咁大把！反而野飲份量就好大杯而且味道不錯！芒果味夠得黎亦有少少茶味！不過咁少份量以埋單38蚊計又真係貴左d！始終下午茶係時間上已經唔係peak hour!平左係因為時間亦相對唔同左！如果平左十蚊8蚊但份量相對少成半我覺得lunch 同dinner仲抵食law!

九展戲院早餐$40，所以我地晨早流流就黎到九展買飛等睇戲啦！早上時段有開鋪的餐廳不多，我地就隨意入左台灣面食野啦！餐廳侍應「好快」咁幫我地安排坐位，「好快」咁催我地落單，但啲食物就黎得好慢，仲要係好粗魯咁掉碟食物上枱好無禮貌友人點了港式早餐，正常茶餐廳味道（即係好普通），亦都同正常茶餐廳一樣咁多油，食完超口渴厚蛋士做得較好，烤得香脆，一半塗上朱古力醬（食得出係某N字頭牌子的產品），另一半係超厚花生醬，好味！

同老公去星影匯看戲 ,在回到少女時代前都食番過晚餐 , 這兒餐廳選擇唔多 , 我們選擇了一間台式風味餐廳 , 入到去仲撞到熟人添 ! 我倆叫了兩個餐  , 一個日本feel d ge 台式拉麵 , 有獅子狗, 日本魚旦, 配滷水雞奕.另一個係台式排骨滷肉飯 ! 正體來說不過不失! 我特別欣賞他們的飲品, 珍珠奶茶買相唔錯 , 偷飲了老公一啖, 好味唔太甜 , 而我就叫了熱蜜桃綠茶 , 好香 , 入口淡淡的蜜桃的香味, 令你好想飲完飲 ! 結賬$108 , ok 唔太貴 ! 

同BABY行完九展 上面個運動展 行到有D累就搵個地方嘆個TEA 抖下 由於我唔係好肚餓 而BABY就好想食碗麵所以叫左花枝丸 同一碗白菜肉雲吞撈麵....佢個麵 口感好特別 好好咬 又唔會覺得好厚粉 加埋D撈汁 正D白菜肉雲吞索左D撈汁 亦都好好食花枝丸 炸得脆口珍珠奶茶正常唯一缺點係 碗麵等左好耐 隔黎同我地一齊入座落單 都食完 我地等左7個字都未到 仲吹左三次單真係呢到要扣分

頭先約朋友去咗九龍灣睇戲，諗住睇戲前去食d嘢先。呢個商場都幾多嘢食噃，我地就去咗台灣麵tea一tea吓先。d下午茶都有好多花款喎，除咗粥之外，粉麵飯都有齊。朋友要咗個黑椒汁豬排飯連檸茶，而我呢，就要咗份好似早餐嘅下午茶喇，有牛角飽，火腿，流心蛋，手撕雞米線加珍珠奶茶。2個人都是幾十蚊，好抵呀！杯珍珠奶茶，d奶味和茶味都好濃郁，但係如果可以有多d珍珠嘅話，咁就好喇。牛角飽就略為多左d油，未食望落都好似有d溜。加6蚊，就可以有碗手撕雞米線，d米線都幾滑，okay咁啦。嗰個黑椒汁豬排就略為多汁左小小，但是味道還可以的。

大人黎展貿睇車, 是是但但搵間野食, 就揀左最多人既台灣面.其實呢間台灣面荃灣都有, 但我一次都無食過, 今次竟然去到九龍灣試 雞肉蕃茄湯面 ~ 蕃茄湯幾濃又多料, 雞肉唔鞋, 面質亦好彈牙, 唔錯! 好味!炸豬扒豬骨湯拉面 ~ 呢個係日式既, 豬扒都正常, 炸得唔算好油, 拉面都正常.整體係普普通通又一餐.

辦公室地下，由一個荒島變成半個美食廣場：759、SUBWAY、麥當勞、STARBUCKS，還有台灣麵。開店前從OP食評的了解，只知也是連鎖店，好像很多選擇，但評價一般。老實說，我多數在這裡吃早餐，今天也不例外。叫了個美式早餐：炸魚柳加腸仔奄列，另加一個沙爹牛肉通粉，牛油方飽，連一杯凍檸茶，連$1外賣費共$39。魚柳頗大塊，炸得香脆，炸粉不算厚，奄列份量也大，配菜是牛油粟米，味道尚可。沙爹牛通的牛肉我覺得麻麻地，有點靭，但沙爹湯香辣惹味。檸茶味道正常。是有點貴，不過這裡勝在選擇多，不論是早餐還是下午茶，反而午飯雖然多選擇，但覺得不值這個價錢。如果不介意因人手不足久候食物，這是個不過不失的選擇。