台灣麵 (Closed)

成日經過荃灣都見到台灣面，但一直都未有去試，感覺都是一般般，結果今日到左九意灣，決定一試。選擇都算多，最特別有一隻叫法好適合好似我呢隻有選擇困難症既人，鴛鴦食法，一碗分兩邊，每天可以拼唔同款式，面或飯亦可下次來一定會試吓今次叫咗牛腩筋，配關公面，面彈身幼身及好滑，推薦但如相片所見，油量都算多，牛腩都算大舊，一碗麵共有四舊都唔錯加錢配碟肉燥油菜，只有油麥菜揀，多油多汁，味道尚算可以$90有找，都可以再試

今日午飯係九龍灣，見到呢間台灣麵勁多人排隊買外賣，於是就試下。叫左豬頸肉肉燥飯，有點失望。豬頸肉唔熱，有幾塊仲有點硬。肉燥少。杯熱檸水勁苦，檸檬唔新鮮。唔係太滿意，唔抵食。見到其他人點的麵好似吸引d，下次要試都係試麵算。

帶三隻小鬼去睇戲，再去逛手作市場，呢間餐廳朋友之前食過話ok，雖然要行遠啲！去到唔使等位，入店內比咗卡位，桌椅比較窄，加上樓底低，比較嘈雜！大家揀好食物，阿姐店員落單，店員比較急促！之後食物好快到！鹽酥雞酸辣湯新竹米粉（$40）欣賞炸物另上！鹽酥雞酥脆鹹香，肉嫩口！好味！酸辣湯材料足，豬紅絲嫩口唔腥，荀絲爽脆，米粉幼身掛湯一流，可惜米粉應該撇水唔夠，啲水令到湯底浠咗，酸辣都大減，失色了！蒜香雞翼干拌粗麵（$40）肥髀食，雞翼香口，肉嫩帶肉汁，好味，粗麵好像烏冬，撈埋啲甜甜地醬油好味！椰菜爽脆！炸豆腐雪菜肉絲米線（$36）炸豆腐皮脆肉嫩，可惜灑唔夠鹽，唔夠味，失分，雪菜好多，醃到剛好微鹹，雪菜仲新鮮，米線彈牙滑身，雞湯唔味精，整體好味！奶油脆豬（$26）賣相白雪雪失色，以為烘唔夠，點知外脆內軟，奶油香甜，好味！珍珠奶茶（跟餐加$4）肥髀飲凍檸茶（跟餐加$3）表妹飲凍鹹柑桔蜜（跟餐加$4）酸酸甜甜，味道唔假！好味食物ok,但店員唔專注，任何年齡嘅店員都柴娃娃咁邊玩邊做，大聲講笑，對我哋攞下碗仔（小朋友多少不免）唔太理啋，好像阻到佢哋咁，感覺唔多受重視！而且朋友落單時叫了胚芽奶茶少冰，阿姐覆

今日想去九龍灣國際展貿中心既outlet行下，但去都真係無咩野行，得幾間品牌係開左，其他好多都未開，行左陣決定食埋少少野睇場戲先走！橫店一場黎到！食肆都唔多，唔想食McDonald就去左佢隔離間台灣麵食！叫左碗蕃茄牛肉麵（粗麵）再加熏蹄海蜇！黎到真係呆左，碗野簡單到，少少蕃茄湯，加幾塊牛肉！仲衰過茶餐廳！

去emax睇戲真係好正，因為有4個鐘免費泊車，開場前梗係搵d野食下啦，周圍都鬼屎咁多人，揀左食台灣野，2點半排都要排20分鐘先入得，無法子啦，emax餐廳選擇少嘛！可能因為人太多，我又坐門口，招呼完全feel唔到，連落單都要我搵紙筆寫完遞比佢..好生意到呢...滷蛋豆腐肉燥飯:  滷水味麻麻地，飯量多，都夠熱，本身以為佢大把單都唔方熱，但都OK，豆腐我以為都係滷水既，點知係炸豆腐，我覺得有d格格不入，所以豆腐係完全無味既！肉燥我預計係普通既肉粒，免治豬肉，但佢係好似肉絲咁，個感覺怪怪地，仲有d菜，又硬又"叔"，呢隻菜我真係麻麻..老公叫左茄子肉燥飯，茄子都唔錯，幾林，我中意佢飯同餸分開的，碗飯上面都仲有肉燥，唔怕份量少！但係呢間野啲員工態度，有待改善啦，唔係好趕客架！

用來做蒜泥白肉的豬肉都幾香豬肉味，但係好似切得厚咗啲，令到肉同埋醬汁之間的比例大左，薄返起碼三分之一就好。個滷水雞翼都煮得幾淋，幾入味的，不過上菜時覺得佢唔夠熱，可能係一堆咁煮好咗放係度。朋友叫咗個肉燥飯share，肉汁都幾香濃，碗飯仲好大添。另外一個朋友叫左碗麵食，我無試食，但係見到都係好大碗，所以呢度啲食物份量都幾夠。總括來說呢間野唔係好驚喜地好好食但係都算係合理價錢之中幾抵食的選擇。

我是九龍貿展的稀客，總覺得那處沒有地鐡直達不方便，今晚來，為的是暗中作樂 Concert in the Dark。下班後匆忙趕來，幸好有多家食肆可以醫肚，似乎這家台灣麵最像樣。簡簡單單，一人一碗麵，應該不礙時。紅燒牛肉麵顔色深褐對辦，似牛肉高湯，入口味道濃郁，嗅到牛肉香，可以接受。意想不到是三大片牛展肉，筋位份量不少，有筋有肉的口感就是最好，淡嫩不膩，富彈力有咬口；麵條亦富彈性，整體滿意。可惜本來印象良好，欲被味精破壞，晚上口喝得不得了，這一家，不值去了！海瑞貢丸麵另一碗麵不及前者，湯頭明顯淺色，相比之下失色於牛肉湯，貢丸亦只是一般，本以為是漿爆的一款，有些失望，整體不過不失，可惜味精同樣濃！本來牛肉品質不俗，估計是從台灣入口的冰貨，可惜味精過重，大失所望！

唔齊人，就算有勁多枱都唔畀入，一個人，就算有勁多位都逼你搭枱，你話唔想，個經理就會爽快送客，完全係「食就坐，唔食就罷」不知所謂服務態度。特別係個經理，大大聲趕客走，仲大大聲講已離開客人壞話。

d野食完全無味，麵質唔知點、肉燥飯只得一茶匙仔又要無味、配菜椰菜唔知熟未....只係得d牛展食得下。仲要價錢唔平，甚至可以話係好貴。伙記態度惡劣，我絕對唔會再幫襯。

今晚同男朋友去九展睇我地期待好耐既日本樂隊睇show之前梗係食野先九展唔多選擇，睇show好多地方坐滿人見依度有空位，所以黎左依間台灣麵我地點左：-台式豬頸肉肉燥飯 $52大大碗肉燥飯，用珍珠米煮肉燥肥瘦均等再多啲肉燥就更好最欣賞就係豬頸肉既分開上而且旁邊有好多菜夠晒營養均勻 -蜂蜜柚子茶 跟飯餐加$4都好大杯，少少不足之處係無連同隻匙羹放埋杯令到底部的柚子食唔到 -台式咖哩牛根腩飯 $57咖哩唔係好濃郁既咖哩汁味道帶點辣但牛根只有一條其他係淨牛腩再多啲牛根就好啦

睇完早場戲，梗要食返餐好牛筋腩麵啱曬我地咁早食午餐牛腩好入南乳味，而且幾大舊牛腩肉質鮮嫩，已炆林，不刄牛筋好滑，有膠感粗麵不太粗身，麵質不錯，帶少許彈牙湯底濃味，會麵吸收湯味，不錯

又來食tea又叫芝麻奶茶好香啊！真係百飲不厭貢丸好彈牙雪菜米，d米粉食落幾爽喔好味!近近地，有時放工好餓會來食個tea。$36 簡簡單單食個tea，唔貴&味道唔錯!

某日和太座在 國際展貿中心 出席完 " 宗教研討會 " 後, 便在展貿中心的 台灣麵 Taiwan Kitchen 吃午餐 ~Menu ~紅燒牛筋腩麵 (要關廟麵) 跟餐飲 $54先呷一口湯, 湯底味濃香, 嚐不出有味精, 亦不覺油膩 ~牛筋烹調得不夠腍, 也未夠滑嫩, 仍大有改進的空間 ~牛腩實在是過硬, 而且咬落黐牙, 這是不應出現的情況 ~關廟麵亦是比較一般, 略嫌軟了些許 ~ 餐飲 -- 凍鳳梨綠茶 (另加 $4)味道是 4分酸 6分甜, 清涼透心, 但不甚解渴 ~ 總括來說, 食物水準不高, 服務態度也不好 .... 算是一般 ~本篇完 ~

兩支公假期的活動，去九展睇早場前入去吃個豐富早餐雞絲米線，雞鮮米線爽滑火腿粟米腌列，料多豐富，濃濃蛋味 最喜歡這裡的熱檸茶，濃濃的茶味配上鮮檸檬，精神無比邊食邊聽學友的歌聲多寫意兩個食飽飽，拖住睇早場，兩公婆的浪漫

放工之後趕到6pm之前叫個tea食近近地去左呢間台灣麵呢間我平時lunch成日來, 超級多人~!tea呢個時間會好d, 可以輕輕鬆鬆放慢腳步慢慢食~我叫左滷蛋肉燥蛋粗麵+芝麻奶茶滷蛋肉燥蛋粗麵好好食, 滷蛋整得幾入味, 肉燥好香, 最正係D豆腐脆卜卜, 但唔會好油。 芝麻奶茶好鬼香, 餐飲差唔多次次都係叫呢個, 芝麻味好出, 但奶茶味唔會俾芝麻蓋過左, 兩者味道好平均。