台灣麵

Open Now

Now Closed

台灣麵這家台灣麵店位於繁華街區，裝潢簡潔且舒適，氛圍溫馨。菜單上提供多種口味的台灣麵，包括牛肉麵、酸辣麵、蔥油餅等等，滿足了各種喜好和口味的需求。他們的牛肉麵是必點的招牌菜。湯頭濃郁，牛肉片鮮嫩多汁，入口即化。湯底的味道深厚，充滿了牛骨的鮮香，配上軟嫩的麵條和彈牙的牛肉，味道更加出色。此外，湯中的配菜也相當豐富，有蘿蔔絲、牛筋、牛肚等，增添了口感的層次感。酸辣麵是另一道受歡迎的選擇。麵條彈牙有嚼勁，湯汁酸辣開胃，配料豐富。湯底的酸味和辣味非常平衡，不會過於刺激，讓人回味無窮。除了台灣麵，他們的蔥油餅也值得一試。蔥油餅外皮酥脆，內裡鬆軟，蔥香四溢。熱騰騰的蔥油餅搭配著醬料，口感香脆，非常美味。

與友人一起到置富第一城探朋友 ,其中一個節目係睇樓😆單位數目超過一萬，面積大小齊備.......，之後就在附近的商場找食見開新餐廳開咗間牛奶冰室好多人排隊餐廳都有冰火菠蘿包拉絲爆漿菠蘿…... 🤣不過太多人唔想排隊所以就去咗呢間連鎖店我哋叫咗兩個下午茶餐都係食香煎豬扒飯配珍珠奶茶$41醬汁可選咖哩汁、黑椒汁、鮮茄汁我哋揀咗咖哩汁因為咖哩汁有薑黃可以增強抵抗力吖嘛🤣 個汁傑傑地仲有啲薯仔同洋蔥煎豬扒大大塊又有口感仲要有肉汁，非常有誠意，絕對食得出係無用梳打粉處理過， 白飯係珍珠米唔算好靚配珍珠奶茶使唔使加錢🤪非常之抵奶茶茶底夠濃香滑， 珍珠煮得啱啱好煙韌q彈

🍽🧋下午茶＄39香煎豬扒飯可配咖哩汁／鮮茄汁／黑椒汁， 並奉送港式熱飲或台式熱飲今次揀咗咖哩汁及熱珍珠奶茶👇🥩豬扒份量正常，雖然唔算厚身，但係質地算可以，豬扒嘅味底有少少香茅味，唔錯； 咖哩汁微辣及有少少甜，味道幾香； 🍚飯嘅份量充足🧋熱珍珠奶茶嘅茶底比較港式，但茶味幾濃， 因為當日叫走甜少奶，所以茶味非常突出； 珍珠份量適中，質地偏淋服務態度就一般般魚堅總評性價比 4👍(以5👍為滿分)

好開心見到有雞扒肉燥飯食點知翻到屋企打開佢 肉燥飯係無肉燥火都嚟打電話去投訴 店員仲同我玩野係咁話美食平台都已經講到明係外賣自取講左三次個number加講左叫咩都可以同我講話睇唔到大家以後去食都要小心叫佢地check清楚先拎出嚟嬲到我死 白飯屋企都整到啦 我洗乜係你到買🥲重點係佢仲要問我幾次係咪無我話咁當然啦 大佬 我邊到有時間呃你然後淨係雞扒有咩味 搞到都唔想食難得諗住幫襯下 點知搞到咁以後都唔想俾機會你

今日再嚟呢度食過下午茶，根據上次經驗，今日好小心咁點嘢食，驚又中咗惡嘅落單姐姐。望落好似無上次個惡姐姐，不過人手都係好唔夠咁，但今日落單同上菜姐姐都比上次嗰個禮貌好多叫咗一個叉燒拉麵同酸辣湯麵，兩個都叫咗配炸花枝丸。酸辣湯麵ok，足料同好味，但叉燒拉麵感覺比較hea。花枝丸香口，但好似無之前咁香墨魚味，粉咗。加咗兩個餐7蚊叫台式飲品，中規中矩啦。整體個餐唔算大份，埋單96蚊，下午茶唔算抵食，過得去咁啦

大年初二，多數食肆仍然未啟市，落街食早餐選擇唔多，沙田第一城亦只有連鎖餐廳營業。睡醒後，早上9時前，商場內選擇得3個：O麥、KF雞、台灣麵。唔想食西式嘢，於是只好揀台灣麵，豈料水準大大不如預期。沙爹牛肉麵-沙爹牛肉：份量僅有3塊，有花生醬味，質地頗韌及嚡口，猶如用湯浸淋的華O牛肉乾。沙爹牛肉麵-麵：普通大光麵，看起來硬身，但吃下時感覺到底下煮得太淋，變成一球麵團。雞扒：雪藏味極重，雞皮味道如吃生雞皮(但雞肉是熟的，無安全問題)。多士：看起來厚度正常，但吃時乾如柴皮，要特地加$2。台式奶茶：味道正常，不會太甜，茶味稍欠。但杯身無抹乾淨，拿起來黐手。落樓埋單盛惠$42。價錢及質素不成正比，如第一城其他小店有開，它們會是比台灣麵更佳選擇。

沙田第一城既正常水平睇食評話呢間服務麻麻，但可能我嗰日早放lunch, 所以12:45就入座，仲有位揀，阿姐既態度都唔錯，又會推介下食物成個餐$78(lunch黎講我覺得偏貴，但係第一城都冇乜得揀)78蚊包一款主食，一個小食，同一杯飲品，主食我揀左鹽酥雞肉燥拌麵，小食係麻辣鴨血，飲品係金棗青檸桂花茶拌麵份量正常，唔會太乾鹽酥雞有5舊，粉唔算好厚麻辣鴨血其實唔辣，好適合食唔到辣既朋友飲品有驚喜，少少酸味味，好refresh,份量係等同出邊買一杯正價台式飲品，所以飲唔曬要拎走

這間店已經食過好幾次，每次都覺得唔錯，今天又再次光顧店舖裝修簡潔環境都幾好，而且空間足夠，不會太迫，坐得舒適花鵰醉雞卷魯肉飯（可選麵）魯肉飯全部瘦肉，如果是半肥瘦，相信會更加美味和邪惡醉香雞很香酒味，咬落都有很濃的酒味，而且啖啖肉，全部都冇骨麻辣鴨血，很入味，微辣，比平時食開的雞血結實，所以更有口感滷水雞腎，正常味道椰香芝麻奶露，很香，飲落每啖都有很濃很香的椰香和黑芝麻味，而且芝麻感覺都幾健康，值得推介

今日又去咗第一城食嘢，地下間台灣麵都都算多去，佢早餐都多嘢食，計埋份量價錢算抵，不過今日嚟食tea。唔知佢太多人定點，舉咗手5分鐘都無人理，一嚟就一個好惡下嘅阿姐，我話要2個C1餐，佢好大聲話“選咗麵先啦，你好趕咩？！”， 好啦，咁我選完麵先再叫一個C1，然後跟佢講嘅次序，我先叫一個麵，佢又話“咩餐呀，你唔叫餐唔知你點咩”……我嚇到想叫擔擔湯底都唔記得……D嘢食嚟咗都無咩胃口喇，再之後個咖啡又漏咗單嘢食好正常，嘢飲都好正常，地方都好正常，但我成餐都諗緊啫係叫麵先定叫餐先……同埋個阿姐有時行過都仲聽到佢唸唸有詞又唔知講緊邊個煩，嘩！都唔知下次仲去唔去呢度食好。

外賣左個豬頸肉肉燥拌面，外賣速度係幾快。不過食物真係好一般，一睇賣相已經唔係好開胃，仲要都幾乾下，面質食個陣已經淋曬，又唔夠味。豬頸肉睇圖都知有幾乾，唯一好既地方係豬頸肉份量都幾多囉…咁樣要$60幾，自己決定值唔值得啦..

今日同屋企人五個人去咗呢一間餐廳食晚餐，服務質素不知所謂。咁B類餐廳，五個人就分咗兩張枱，一張坐三個人，另一張坐兩個，唔係黐埋一齊。咁正常比餐具同水都應該會分開兩張枱俾，但依一間餐廳竟然醒到俾晒五杯水同5分餐具去兩個人嗰張枱度，然後要個客自己特登去將啲水同餐具攞去比另一張枱。(隻杯仲要係崩既)然後我食食下野嘅時候停咗一陣，佢就過嚟收咗我份餐具，我問佢攞嘅時候佢竟然要我自己攞過一份。。。 係唔係玩嘢啊！然後再講下啲食物質素，佢肉燥飯勁濕勁咸，都唔知係咪用海水煮。然後塊豬扒都一樣係頂級咸，食多幾餐相信可以去隔離間醫院睇吓個腎啦！ 無論服務質素定食物質素一間餐廳都俾唔到一個合格嘅分數，絕對唔會再嚟中伏！😡

這間台灣麵會重覆光顧很多次，都不會厭嘅餐廳，牛肉麵裏面的牛肉非常之淋，一啲都唔韌，麵有多重可以選擇（米線、米粉，幼麺，粗麵），本人較喜歡粗麵比較煙韌，當天選擇了牛肉飯，加酸辣湯，味道都很好，加幾蚊飲品可升級轉珍珠奶茶，它的珍珠奶茶也很出色，茶味和奶味到剛剛好👍🏻

📌手撕雞米線：點解唔點牛肉麵，因為反正都唔會食到正宗台灣味、咁呢個應該比較唔會伏🙈湯底同雞都有啲咸、米線就都係譚仔果種、湯就淡淡地。📌珍珠奶茶：應該叫做珍珠粉勁甜奶茶🥲好粉好甜呀，應該走甜都冇得改善個味道。📌酥炸花枝丸：呢個就幾好味又彈牙！或者可能佢既其他小食都可以試試。

《紅燒牛肉牛筋肉燥飯》雖然餐牌預設係配麵，但餐廳都好貼心可以改配肉燥飯/米線，十分照顧每個食客嘅需要。牛肉炆得相當之淋，配埋醬汁，辣度適中，令人胃口大開。遺憾嘅係牛筋太韌對於牙齒無咁好嘅我嚟講，實在係咬唔開咬唔斷跟餐附送飲品一杯，我就揀咗凍豆漿。一嚟豆漿可以解辣，二嚟豆漿含有豐富營養。而「台灣麵」嘅豆漿好重豆味好香，值得推薦《滷水拼盤》內含豬頸肉、雞翼、雞腎、豬耳、豆卜、滷水蛋等等。整個滷水拼盤醬汁唔算太濃，適合一啲唔食太重味/鍾意淡味嘅朋友；豬耳爽口，但唔太入味；雞腎嘅味道唔太討好。

由於附近經濟型餐廳唔算好多，呢間台灣麵成為咗我嘅飯堂，好喜歡食佢既早餐。不過我次次都係食到一半先醒起我未影相，所以未能提供食物完整相片，今次呢啲相係食茶餐時候影的😅比較欣賞佢嘅早餐，因為選擇好多，價錢亦都好經濟，飲台式飲品的話也不會另外收費，所以喜歡早餐叫熱珍珠奶茶😆茶餐推介：- 識叫一定係叫粗麵底 ，口感似烏冬，夠煙韌。 - 肉燥麵 & 擔擔麵 都ok ，因為佢本身麵質好，只要個湯底係濃味餸，就唔會出事- 晚餐既話，揀唔到可以試下”雙排雙格餐”f好岩選擇困難症人士🤣不推介：日式叉燒拉麵，酸辣湯麵湯底：滷水雞翼麵個湯底唔錯，好濃但係日式叉燒拉麵就好難食因為個湯底無味，最好叫濃味餸嘅湯底早餐推介： 煎雞扒 脆薯餅炸得好出色飲品：熱珍珠奶茶，珍珠夠軟亦都甜甜地，不過就有啲甜