台灣麵

Open Now

Now Closed

這也能開7間分店我也是服了台式凍紅豆奶茶。紅豆少得可憐還沒甜味雞肉湯面如清水雪雞絲無雞味及少少臭雞味低價烏冬做麵條雲吞也是中下水平食台灣店主要想吃紅燒牛肉麵但餐牌好像也沒有

今日去咗食下午茶叫咗牛肉麵食佢個牛肉麵都幾好食牛肉夠腍身麵質軟硬適中湯底亦都幾鮮甜整體嚟講都幾好食不過唔知係唔係因為下午茶嘅關係所以份量少咗啲啲如果大碗返啲就完美了

因為酸辣湯無單買，焗住買咗份煲仔飯套餐外賣，一返到屋企打開碗湯，得3份1咁少有無搞錯？本身個兜已經唔大仲要得3份1？？其實如果唔夠賣可以通知我，而唔係呃個客等我返到屋企打開先發現得咁少囉，好唔老實，點做生意？

這天收工已是九點半，大部分第一城的餐廳都已經打烊😴難得這間台灣麵仍在營業，便與同事內進吃個快飯。———————————————————————同事點了醉雞配湯米粉。米粉是新竹米粉，麵條幼細，軟硬適中，配以台式肉燥和滷水湯底，濃淡適中👍🏻醉雞份量多，每件雞都啖啖肉🐔但肉質較韌，雞味欠奉🙈雖然醉雞汁酒味濃郁，但雞件未夠入味，相信與浸泡時間不足有關⏱️至於我就點了香酥雞扒配蔥油拌刀削麵。刀削麵麵條粗闊帶點捲曲，蔥油香味十足，亦不會太濃或太油，與刀削麵十分配合😋香酥雞扒不像台式鹽酥雞般，有粉漿包裹着雞肉來炸，反而是用了生炸的烹煮方式，相比之下熱氣和油膩感都較少😊雞肉雖然未算嫩滑但仍有肉汁，雞皮炸得薄而香脆，算是合格水平😛———————————————————————兩個套餐還配有湯品和飲品，味道均屬正常。以幾十元的晚餐收費和這個份量來說，CP值尚算可以。

今日lunch去想食台灣嘢，所以去咗第一城食台灣麵～今次叫咗醉雞乾拌新竹米粉同紅燒牛肉肉牛筋湯刀削麵！醉雞都幾重酒味，雞肉好入味，而且都幾嫩滑，份量亦都唔算少！乾拌新竹米粉有啲肉燥同埋甜甜地嘅滷水汁，新竹米粉幾好食係幼身嘅米粉，唔會好淋，撈汁幾惹味～紅燒牛肉牛筋麵嘅牛肉同牛筋都好入味，牛肉有少少似牛肋條～牛筋好彈牙好好食，好重骨膠原，紅燒湯底有少少辣，好惹味，幾好食！刀削麵好煙靭，幾有咬口！份量都唔少！午飯時間都算多人，性價比幾高！

之前同啲同事嚟過食lunch,又試過食埋晚餐先返屋企。但係從早餐就係未試過，其實係唔知佢哋有早餐，同埋驚太趕，返工遲到。😅難得今日Dayoff，11點幾入到嚟，本來想食至愛雙格麵，點知喺門口見到咁嘅時間都仲有早餐，於是入咗嚟試咗個沙嗲牛肉通粉配雞扒，呢度可以選台式飲品，我叫咗熱珍珠奶茶走甜。先嚟麵包同通粉，個沙嗲牛肉通賣相就同一般茶餐廳唔係好同，我想等埋塊雞扒同奶茶，影張「大合照」，所以冇即刻食。影完相，先試牛肉通粉，呢度啲牛肉細細塊薄薄地，冇一層結結嘅沙嗲醬喺面，但係肉質鮮嫩，應該話呢個其實係鮮牛肉通沙嗲湯底，不過又幾好食喎。😋😋 雞扒好大塊仲幫你切開一件件，真正外脆內嫩，平時起皮去膏嘅我，受唔住引誘竟然連皮食咗兩塊。皮薄又脆，皮下見唔到脂肪（可能炸嘅時候，已經出哂嚟😂）。我仲將其中一件雞放喺兩片麵包中間做雞扒三文治，冇諗過啲麵包咁軟。以前只係覺得佢哋啲雙格麵同冬天啲煲仔飯好正，原來早餐都又驚喜。😋😋👍🏼👍🏼

週未, 心情愉快, 想食過靚早餐。去左第一城台灣麵食個full set早餐,貪佢有台式熱飲。一入門口冇招呼冇帶位, 待應好得閒在傾計,但係就時運高睇我唔到。我唯有自己搵位, 是但選一個位坐, 反正不滿坐。要下單, 仍然沒有待應理會女, 只見三個待應一直傾計。要杯水,一共叫了三次先有人理。忽然有個穿深藍色衫的人（經理吧）叫我起身換位, 本來很少事, 但佢態度極之差, 話我一人坐大張抬, 夾雜不禮貌語言。我即時火起, 入來的時候明明你不理我, 所以我先自行搵位。要我換位唔該有禮貌D, 我冇欠你的呀。好嬲, 不會再去這間餐廳!  唔使講, Blacklisted !!

沙田一城台灣麵，食物不過不失，環境就真係一般，係正3個廁所隔離，餐廳仲要係開放式，當有人出入厕所，經常一陣味，飄來夜來清香，枱與枱之間非常狹窄，服務態度差就唔使講㗎啦，全個－城都知，老細最好喺11點到11:30去睇吓，不停趕客，仲要發客人脾氣坐低幾個字，眼見肥姐已經成功趕走五班客，厲害厲害，倒米壽星。11:20已經話冇早餐食，佢勁過老細啊裏面大把位都要你坐門口啊，相信呢間生意一落千丈之前見早餐錢11:30前都要等位，而家大把位，相信好快加入呢個3000執笠食肆名單，唯一推介係啲牛扒的確係幾好食，冇乜梳打味牛肉又淋又滑。

話說我同我啲frd 去吃嘢 我就手機落單 我啲friend費事煩 叫一個侍應嚟囉單，跟住佢哋落咗個學生餐 話唔使飲嘢 跟住佢突然來一句 有水果茶喎，台灣麵啲嘢咁貴，咁梗係睇吓幾錢 睇緊嘅時候冇5秒 佢就嚟一句 未諗好就唔好嗌我過嚟啦😒 跟住就開咗 跟住再嗌番佢過嚟，落完單，佢問我哋使唔使分單 當時見佢咁串都已經燥燥地 我就話是但 到買單嘅時候 我一個人去埋單 跟住個男人婆又來一句 又話分單 最後一個人嚟買 玩嘢啊 咁我梗係串佢啦 我話我都冇話分單 我話是但喎 跟住我都唔係幾記得 真係記得佢最後講咗句 我記住你啦 ！ 真係當場笑咗😂

話你知，我今次去咗間尋常巷陌中嘅台灣麵店，一啖啖實操出奇嘅美味，真係嘆為觀止咁樣！🍜 我嗌咗標榜嘅椒鹽排骨肉燥撈麵，嗰塊豬排嘅香氣瞬間襲佔晒我嘅味蕾，酥脆得黎唔膩口，佢嘅配角——粗麵仲要做到筋道而唔會糊化，真係掂晒！肉燥嘅味道更加係濃郁而帶點家常滋味，一個字—正！同行兄弟就點咗個酸辣湯配鹽酥雞嘅刀削麵。嗰個鹽酥雞炸得啱啱好，外皮香脆得嚟不乏肉汁，夠曬惹味。幾口下去，朋友笑容滿面，咁樣美味嘅組合，真係無得彈！最後，我仲試咗杯豆漿，呢個味道真係平易近人得黎又唔會過甜，一啲都唔輸嗰啲專門店嘅水準。貪食嘅我一時三刻就將佢流失乾淨。😋哩間麵店完美詮釋咗「平民美食，星級享受」，每一次來都有種「食咗還想食」嘅衝動。下次，你又不妨試試，搵日同三五知己一齊嚟嘆吓，保證歎指回味！👍

之前偶爾午餐時間都有食下呢間，以60幾到70幾價錢午餐黎講分量大，而且味道不錯叫左平時食開既椒鹽排骨肉燥撈麵（粗麵） 62蚊豬排分量好多，平時其他餐廳可能得1塊，呢間例牌會兩塊，調味配麵剛剛好，而且都切好曬，方便進食。我最喜歡配粗麵貪比較有咬口，而且面唔會淋曬，都有麵既筋道。麵同肉燥既分量都好大方好多，撈麵絕對夠。今日飲到平時一直都無既豆漿，味道有D似百福豆漿，唔會太甜，都有都味。另外，同行朋友叫左獨食餐 72蚊係酸辣湯配鹽酥雞刀削麵鹽酥雞炸得剛好，不會太乾，炸粉也不多，朋友表示好食最後，呢間午餐真係算抵食,如果食量細，真係可以打包一半食多一餐，推薦。

好耐好耐之前食過呢間野一次，已經唔係好記得味道如何，今次再嚟到第一城，諗唔到食咩，又試吓先。星期日下午嚟到，咁岩唔洗等，但好滿座，都好多人食。雙拼麵幾特別，可以揀2樣送，連麵都可以揀2款，可以試得多啲。個蒜香雞翼雖然浸咗落米線度，都仲有啲脆，米線係肉燥米線，湯底淡淡的。招牌牛肉粗麵，呢隻粗麵好食，唔係真係勁粗好似一條條麵粉個種，牛肉算淋，冇乜筋，側邊有少少但都好淋，個湯底係平時牛肉麵湯底，都幾香。韭菜雲吞干拌麵雲吞個韭菜味好勁，肉算彈牙，都幾大粒。拌麵睇落好乾但好彩下面都有少少汁炸得幾脆，香花枝味紅油抄手，有韭菜同普通豬肉2款，少少辣，唔係好酸，少少黑醋。

其實成日出出入入第一城，都係第一次幫襯食物其實還好，但「排骨」就無骨係幾好既（對於唔鍾意有骨既me)但服務真係去到最後嚇親我我埋單既時候見到一位中年女士坐左四人檯，個待應阿姐叫佢讓位俾後面遲嚟既另外兩位女士。都算啦，又相隔唔夠一分鐘，同一位待應阿姐又叫中年女士再換位。結果中年女士離開咗無幫襯。其實呢間餐廳想賺回頭客，定想人地記得呢啲咁既服務呢？雖然唔係影響我呢一餐飯，但十分令我有壞印象對於我呢啲有時焗住自己一人食飯既人呢啲餐廳我真係唔會再幫襯食個飯好似食到被人趕嚟趕去，為咩？

自從發現佢個二人餐，周不時都會同男朋友去食，因為分量都唔少。雖然加咗價，但係計返落都抵嘅。二人餐可以叫2個湯，1個菜，1-2個小食，2個主食同2杯台式飲品。我哋叫咗鴨肉羹、酸辣湯、肉燥小白菜、榨菜腎片、皮蛋豆腐、牛肉牛筋刀削麵同牛三寶粗面。鴨肉羹都幾濃郁，同埋有啲鴨肉，唔會太重口味幾啱我。而酸辣湯就有酸甜辣嘅口感，入面有豆腐同木耳。而小白菜煮得啱啱好，唔會太軟身或者爽口，加埋香嘅肉燥，每一啖都好滿足。榨菜嘅酸辣味同嫩腎片嘅口感好配合，可惜今次嘅榨菜太多，無乜腎片。皮蛋豆腐我就一直都好中意。豆腐嘅滑嫩口感同皮蛋嘅鮮美味道完美結合，食落既清爽又開胃。重點係牛肉牛筋刀削麵同牛三寶粗面。呢兩道麵食都有彈牙嘅麵條同好多配料。牛肉同牛筋煮得軟嫩入味。而牛三寶粗面就有濃厚嘅醬汁，加埋牛肉、牛筋同牛肚，真係算幾豐富～嘢飲我就幾推薦椰香胚芽，真係好香，又唔太甜，好好飲~ 可惜太飽飲唔曬

返完教會同家人食個下午茶，最近天氣熱，自己又鍾意飲台式飲品，所以就去咗第一城嘅台灣麵。見到下午茶餐牌有好多唔同嘅配搭，總有一款啱口味，有沙律，湯麵，小食，飯。。。睇完之後可以自己用手機落單，我地就揀咗炸魚沙律加肉燥米線，蕃茄手撕雞米粉，白菜雲吞，雞翼，油菜，熱芝麻奶茶，熱檸檬柑桔，芝麻椰奶。全部食物分量都足夠，小食就得兩粒或兩隻，如果唔夠就要額外叫，但下午茶價錢相當合適，自己亦非常鍾意。