台灣麵

Open Now

Now Closed

自己本人好鍾意食台灣嘢 ， 今日同朋友一齊就去咗沙田呢一間台灣麵度食 ， 入面啲裝修都是是正正，坐得都舒服。 而且店裏面啲服務員態度都幾好， 都會同我哋介紹下佢哋啲招牌菜， 又或者邊一類食品比較受歡迎， 感覺良好。台灣紅燒牛肉麵:咁我就叫左佢哋個招牌麵， 呢個台灣麵我覺得麵質彈牙，因為我自己本人鍾意食粗麵，麵整體都唔錯，而佢個主角牛肉就係我最欣賞，因為佢個牛肉 有少少肥 ，再加上有少少牛筋， 自己覺得呢啲先係極品。 不過順帶一提就係呢一個麵會有少少辣。酥炸花枝丸: 呢個花枝丸，我覺得個花枝丸幾彈牙，同埋煎起上嚟有一浸幾香嘅香味，所以我都幾鍾意食呢個花枝丸。 因為佢煎炸得唔算太燶，恰到好處。紅油抄手: 呢個紅油抄手，皮薄餡靚， 色水 鮮豔， 令人食指大動 ，另外 佢有少少辣， 比較適合我嘅口味， 所以呢個紅油抄手我得整得唔錯。最後我飲埋呢一個菲芒鳳梨水果茶、 同朋友傾咗一陣計就走啦。 我覺得呢一間餐廳可以再去試因為佢價錢平民， 而且個麵亦都唔錯，所以如果下次我再嚟呢一間餐廳，我都會再order佢嗰麵。

平日行過沙田第一城見到這家台灣麵已經好想試這家的招牌雙排雙格餐，今天來找朋友，終於有機會試啦！只需要六十多就可以一次過食兩款口味的台灣麵或飯。在餐牌中任選兩樣，有超多選擇配搭，麵底又可以再選擇有拉麵、粗麵、乾拌麵........，還有飯類可雙拼！一次過滿足我2個願望，平時愛食肉燥飯和牛肉麵的我可以大快朵頤了~我點了紅燒牛肉湯麵拼炸雞髀飯，而朋友就點了滷蛋豆腐肉燥飯拼台灣牛肉麵，飲品分別點了一杯熱胚芽奶茶和一杯熱椰香芝麻奶露。♥️紅燒牛肉湯麵拼炸雞髀拌麵紅燒牛肉湯麵味道比較質樸，單純就是用好的醬油及好的食材來呈現牛肉麵的原汁原味，牛肉使用了半筋半肉，軟爛而入味，配上粗麵口感一流~~炸雞髀拌麵酱料調得味道合我意，有肉燥和蔥花香味带點小酸爽，雞髀炸得外脆裡嫩，份量好多啊~~♥️滷蛋豆腐肉燥飯拼台灣牛肉麵滷蛋豆腐肉燥飯，印象中的肉燥飯總是油膩膩的，但這家的肉燥飯拿捏剛好，濃濃的古早味肉燥飯配上蛋黃鹹香入味的滷蛋，炸的鬆脆的豆腐，可以吃上好幾碗飯啊！好好味呢~~台灣牛肉麵湯汁中融入牛肉、洋蔥、五香材料的精華，看似濃厚的湯汁，嘗起來卻是非常溫和的口感，清香濃醇的湯汁中帶著一點辛辣的香氣。♥️配上一杯熱胚

位於鬧市中的平庸餐廳，食落卻有意外收穫！豆漿有豆味，唔會死甜，好飲！望落去非常吸引，好豐富呀！粗麵非常好食！肉碎同醬料份量拿捏得相當好！油菜睇落好普通，但係都相當好食。再嚟介紹埋個酸辣湯，酸同辣嘅份量比例都剛剛好，酸得出色辣得開胃！冇得彈！紅油抄手竟然出奇地唔辣！？有少少意外，但係都其實幾好食，只係差咗少少辣。補番個近驚俾大家睇清楚個酸辣湯，淨係睇圖都知非常之足料。牛筋腩就正常，值得一試。小食方面相當開胃，非常之好食。最後講返餐廳範圍都令人坐得舒服，枱與枱之間都有足夠嘅空間。餐牌都好企理乾淨，賞心悅目！

今晚夜收工係屋企附近食，簡單d搵間食開既台灣野食，疫情嚴峻，所以入門口要探熱，噴消毒液，另外鋪頭一半既枱都Block左。 因為中意呢間台灣野選擇多，價錢又平又大碟。今晚兩個人叫左一碗雙拼（香酥雞扒撈米線配台式豬腳肉燥撈新竹米粉）$65、鹽酥雞$42、滷大腸$38。中意呢間既撈米線好滑好夠味，雙拼60幾蚊有2樣種類，又大份又好食😋一半豬腳都有2舊，炆得好入味，新竹米粉加埋滷肉汁索晒味好正，另外鹽酥雞$42好大份有大約8件，滷大腸份量都多仲洗得好乾淨。有時簡簡單單食一餐都幾好。

鐘意食呢間的雙排雙格餐，餐牌係咁的。六十幾蚊就可以食兩款口味的台灣麵或飯。A 及B 款，任選兩樣，有成十幾重配搭，麵底又可以再揀有粗麵、拉麵、乾拌麵........，仲有飯！有選擇困難症者慎入 我相信佢既靈感來源自鴛鴦火鍋， 呢個時候唔使同人分享都可以食到兩個不同口味，推介。紅燒牛肉新竹米粉 + 白菜雲吞粗麵 $65My favourite, 紅燒牛肉大條厚肉又夠入味，好淋冇筋 ，湯底仲辣辣地，好鬼過癮。最愛配新竹米粉，可以索曬D湯，正正 ！而白菜雲吞，皮唔算薄但菜肉均勻，都幾好味。台灣牛肉粗麵 + 韭菜雲吞拉麵 $65朋友就食最傳統的台灣牛肉肉麵，亦係有兩大條淋滑入味的牛肉，湯底好入味，幾正宗。而另一邊是韮菜餃拉麵，三隻餃都脹卜卜好足料，佢話拉麵比粗麵更好食，下次等我試試先。熱薑母奶茶 跟餐 +$4尚算夠薑，熱辣辣，ok 的！凍豆漿朋友話唔會太甜，亦有豆香。佈置簡潔，亦好舒服。每人六十幾蚊，cp 高。

今日去左第一城附近探個friend，佢就帶左我去樓下商場試下呢間台灣面，晚市都幾多人下呢間野都算好多選擇，仲要任意俾人mix and match,第一次見到食湯面都有得雙拼，真係好特別，而每款既面都可以自由配搭，一定唔會唔岩食，我地各自叫左個雙拼餐，我就叫左紅燒牛肉拉麵拼椒鹽排骨干伴米線，朋友就叫左個滷肉蛋飯拼酸辣湯拉麵，佢d湯，拉面，米線同d送都係做得幾好，最中意個米線，好滑同撈個咪好正，我哋仲叫咗個椒鹽花枝丸一齊share每個餐仲可以加4蚊轉台式特飲，我要左杯凍嘅喊金桔話梅蜜，朋友就叫咗荔枝玉露，兩杯都唔錯

雖然疫情最近仍然持續，但無損我週圍覓食的決心，這天便去食台灣菜。菜單種類繁多，大路的台灣菜式也有提供，價錢由四十多塊起有交易，也算經濟實惠。我們點了一客紅燒牛筋牛肉麵和一客香酥雞批肉燥飯，其實全部也可自由配搭不同粉麵及飯類，配餐的話加多幾塊便可改配台式飲品，所以都很划算。紅燒牛筋牛肉麵湯底濃郁，帶一點點微辣，所以這天天氣寒冷吃感覺特別窩心。牛筋竟然帶點驚喜，做到軟硬適中（不喜歡那些過軟變得好像肥膏的口感），牛肉份量也算多，配以粗麵特別吸汁。香酥雞批新鮮熱辣炸起，十分香口，而且炸得乾身所以一點也不油膩，加上肉燥飯大大碗，非常飽肚。我們還叫了一個小吃榨菜腎片，想不到這樣的配搭也很不錯，鴨腎爽口，榨菜帶點微辣而且切得大大塊所以很有口感，下飯一流。這樣的價錢當然不會要求令人驚艷的菜色，但勝在性價比不俗，而且餐廳服務也很好。

  最近外出唔方便, 但是我地都要食野呀,而且日日在家也唔係辦法。所以，樓下或者家附近，就是最方便的食店了。今次來到沙田第一城，食下台灣野，開解一下鬱悶的心情。見到有好多款式，不過就被蕃茄濃湯及MIX AND MATCH吸引，第一次見食飯食麵都可以雙併~真係O岩曬我地呢D有選擇困難症的人。呢個就係台式豬手肉燥乾拌麵，併酥炸雞腿新竹米粉，兩個都好好食，值得一讚的是，豬手好入味，同埋火粉好爽口，好好味。蕃茄湯牛筋牛肉麵，個湯真係好濃好香，牛筋牛肉都好多而且大件，個碗睇落唔係好大，不過份量好足夠~一定飽呀!~套餐包熱飲，只需加$4，就可轉台式特飲，我個杯椰香胚芽奶露好香，其實我係第一次飲，估唔到咁香又滑，而且唔係好膩，非常滿足~另外一杯係芒果熱情果蘆薈，好FRESH~!!!都係好正

中午12點半去餐廳叫了碗雙拼面，因坐得近出餐處，看見有一名正在吃感冒藥的員工(因她向水吧拿水時自稱感冒)，然後又打哈痴，和用雙手捽鼻水，但沒有洗手或消毒便去送餐，之後見佢拿了一個口罩，但佢戴了一分鐘便除下，不停說戴了口罩好焗於是便不戴，之後不停用手捽鼻涕，恐怖到一個點。。。。。。。我吃了一半便不吃走了，希望公司會注重衛生常識。。。經理見到都沒有阻止，也沒有叫那名員工戴口罩。平時見男經理都好像不太理會員工不知道為何吃評被退回，要重寫。

估唔到第一城都有台灣野食，台灣麵的分店我在荃灣食過一次，味道幾好食，所以毫不猶豫就入去食野了....最欣賞係佢的雙拼選擇，一次過可以滿足哂我兩個願望，既食牛肉麵、又食肉燥飯，仲有其他選擇可以自由配搭，真係幾好！叫左客台灣小食，花枝丸！好食仲叫左客紅油炒手，略嫌佢辣左少少....呢間似乎無荃灣分店咁好食，雖然有少少失望，但野飲方面就一d都唔失色！叫左一杯珍珠奶茶同芒果紅茶，芒果紅茶幾好飲！珍珠奶茶就係d珍珠少左少少者....

之前都有食過呢間嘅下午茶，今日就決定嚟試試佢嘅早餐，其實佢嘅下午茶menu同早餐menu都好類似，價位亦分別不大。今次叫咗兩個餐，一個係A4嘅吉列魚柳配腸仔奄列，魚柳略嫌炸得太乾身，同埋落太多粉去炸，比較熱氣。 腸仔奄列就普普通通，只係廚師腸。另一個係B4嘅白汁蘑菇雞絲奄列配牛油方包(轉多士+$1)，呢份奄列味道唔錯，又有肉食。多士都幾香脆，幾好。至於跟餐嘅兩杯嘢飲：一杯係凍咖啡，不過不失，落多啲奶應該會好啲；另一杯係凍蜂蜜柚子茶，太甜，完全飲唔落。😰

沙田呢間野，職員態度好惡劣，編位就自己左調右調，落錯單仲要鬧返你轉頭，未食完都催你走。完全當你老馮俾錢幫襯，仲要受氣，千祺唔好去食呢間第一城台灣麵，請我都唔再去，除非有被虐狂

剛巧下午茶時段經過第一城，揀咗間有下午茶又唔係貴嘅餐廳，台灣麵都好多分店但係就一間未試過所以就試吓去啲台灣菜。下午茶都好多選擇而且價錢唔貴，揀咗個豆卜滷肉飯，要有杯熱椰子台式奶茶，表面上呢個價錢都算係抵因為又有滷肉飯又有台式嘢飲。奶茶先到，係好重人工椰子味，奶茶其實就唔係好feel到，好淡淡然。豆卜滷肉飯個豆卜係炸出來的，好有煎釀四寶風味，滷肉好瘦，好鞋，小小鹹味，白飯好林，成個配搭係食得好辛苦， 最後一半都食唔晒。基本上我覺得依個係港式滷肉飯加煎釀三寶。30幾蚊唔係貴但個質素真係一個伏。

食咗一個台灣三寶麵$65包凍O tea點知麵量勁少，牛肚唔淋，有味精湯底而且仲要走飲管，我見隔離枱有珍珠奶茶，真係好慘，完全唔抵食，仲要收咁貴，員工服務差，冇問我就有人答枱

係附近返工放lunch諗住買個飯食下就黎左呢間首先 店員(啲阿姐)服務態度好差我一行入去就話”外賣要等喎” 我心諗咁我都知 等左一陣佢黎落單叫左個台式滷肉滷蛋肉燥飯(D9) 本身係麵黎既但佢餐牌寫住可以轉飯就轉左 野飲加荔枝紅茶然後我等左陣發現佢落錯左單做滷蛋豆腐飯 咁我好聲好氣同佢講”唔好意思原來你落錯左 我係要D9個個” 佢答我:”咩D9呀你頭先話滷蛋豆腐架喎咪幫你落滷蛋豆腐囉” 我回佢”我話要滷肉滷蛋轉飯喎 我由頭到尾都無講過豆腐兩個字😂”之後佢先死死地氣改返比我服務態度差都算啦 個飯簡直係難食啲滷肉係就咁一舊舊勁大無切又乾又韌又無汁 極難咬同個味有小小”縮”味 仲要我叫滷肉滷蛋飯 佢無比隻蛋我。。唯一okay既得杯荔枝紅茶 不過都係糖水一杯一句講哂 以後唔會再食