台灣麵

Open Now

Now Closed

屋企人想食台灣麵，所以午餐就去食！我地一行6人，入座時先安排張4人枱俾我地，勁逼！之後有枱，轉返張6人枱俾我地！雖然落單侍應寫單時混亂，佢覆單又吾太清晰，但最後上枱的麵都沒有錯，好彩😅我地入座時間咁啱係早餐尾午餐頭時段，又可以叫早餐又可以叫午餐。早餐雞扒麵配多士午餐紅燒牛肉麵椒鹽排骨麵排骨肉質比較硬，味道亦不似椒鹽。香脆雞扒麵熱辣辣上枱，似乎係即炸，等的時間比較耐。香酥雞扒乾伴麵伴麵汁不錯！酥炸花枝丸

同朋友行街行到好攰啦，唔想再等位啦！店舖好大間，唔使等位就試吓晚餐🥣涼拌三小碟這前菜很夠凍，厚切榨菜片頗辣和濃味，好醒胃。紅燒牛肉麵紅燒牛肉麵湯底少許辣，牛肉有四大舊，半筋腩，有咬口吸晒湯味，一流👍🏻👍🏻黑橋香腸可配生蒜吃，腸的味道會更突出。不會太咸，而是挺香濃的一種肉腸味，還不錯。花枝丸熱辣辣，新鮮炸起。外面的椒鹽粉十分惹味。炸成金黃色，外面脆，入面彈牙 豬扒飯黎啦，都幾大塊， 但外表同我預期有出入， 我以為係鹽酥豬扒， 點知係成塊豬扒唔包任何粉就咁拿去炸。 炸出黎好乾身無咩油， 但塊豬扒好實好柴， 個肉燥飯又唔夠濕無咩汁…結果乾哽左一半就放棄了。 成個飯最可取係豬扒下面有大量既菜， 鐘意多菜既朋友可以考慮吓

琴日晏晝好想食澱粉質，所以就選了元朗教育路的台灣麵，其實呢間🎈台灣麵🎈都開咗好耐，我諗都有幾年，生意很好，都要排咗一陣啦👫，約莫五分鐘左右就有位喇，午餐都係嗰啲abcde，主食加杯飲品，價錢在50-60元左右，ok啦👌叫咗一個牛筋腩麵，同埋一個菜肉雲吞麵，因為對粗面有抗拒，所以我哋要幼麵，睇下張單原來呢啲幼麵叫做關廟麵，配豆漿飲品，只有凍冇熱👌牛筋腩麵($61)嘅湯底好濃，牛筋腩份量也絕不吝嗇，大大嚿，包食飽，還有一些咬口，確實不錯菜肉雲吞麵($54) 這個雲吞麵跟廣東式的雲吞麵很大不同，湯底都是用牛腩湯的湯底，雲吞方面大大粒，都ok😋，面就是用番上海麵， 如果一些食客是不食牛的，那就.....， 因為湯底應該可能是牛湯湯底，但不確定埋單$115, 不算太平，但環境食物都在水準之上，所以都算屬於可接受， 還有一點比較特別的，就是有一些雙併的， 碗的設計比較特別，是碗的中間有分隔的，可以將不同湯水分隔，洗到味道不混淆，嬴在细節👍

好多香港人都鐘意去台灣旅遊，又喜歡食台灣食品，本人都不例外😉今日揀咗台灣麵。餐牌食品選擇蠻多，身為牛魔王的我、當然要食牛肉麵🍜🔸原味台灣牛肉麵+ 飲品$61台式牛肉跟港式牛腩不同，每嚿厚切、軟淋之餘有點咬勁、筋肉相間👍🏻揀咗原味，不會像紅燒那麼濃味。拉麵幾彈牙👏🏻🔸白菜肉雲吞關廟麵+飲品$54一碗有五粒雲吞，選擇咗關廟麵。原來此是台南聞名的手工麵，食落麵條有彈性、QQ的、不錯。雲吞則一般。星期六要等位，但唔駛等好耐👍🏻

台灣麵作為連鎖餐廳，相信都唔洗我再作介紹😂平日午餐黎都係食碗麵多。但今晚唔算太肚餓，反而想用小食黎填飽個肚！雖然唔係主食，但肥肚感都十足架！熱食同冷盤都有唔少選擇，包羅萬有！______________________________🔸涼拌雞絲粉皮 $33拆開的雞絲份量有很多，麻醬亦不少，足夠攪拌整碟粉皮。食少少冷盤做前菜幾好。🔸酥炸腐皮蝦卷 $42等候時間差不多10分鐘，即叫即炸。腐皮夠薄，非常酥脆，蝦肉彈牙。豉油加上Wasabi，有點特別。🔸醉雞翼拼海蜇 $63花雕非常入味，雞翼夠大隻。海蜇份量多，對得住價錢。🔸紅燒牛肉關廟麵 $61雖然係主要食小食，但無個麵塾底都係唔得。麵底選擇多，我通常都會揀關廟麵或者新竹米粉。麵條軟硬適中，加上牛肉軟腍，很好的配搭。紅燒湯底夠入味，微辣更正！🔸檸雜玫瑰花釀 +$8 (跟餐)花釀系列都算係新品，賣相吸引，色彩繽紛。唔算好甜，檸檬加玫瑰味，香而清新，個人幾鐘意。🔸熱胚芽奶茶 $24另外傳統啲既台式飲品一樣有好多選擇。胚芽奶茶夠香，胚芽都容易沉底，建議攪拌先飲。．by VIN環境分數: 7.5/10食物分數: 7.8/10

今日下午去咗銀行辦完事之後已經差不多三點鐘, 係時候， 肚餓去食tea， 行下行下 ，又唔想食咁飽， 就去 教育路台灣麵😋打開餐牌都幾多元化喎，飯加埋麵、小食都有三十多款😍今次叫左日式叉燒拉麵咖哩湯底和小食酥炸花枝丸叉燒拉麵份量都幾多，有兩塊叉燒有咖哩薯仔， 咖哩味也不錯， 幾啱我條利👍酥炸墨魚丸也十分爽口彈牙美味🤩餐廳環境都幾舒適，坐位闊落 42蚊價錢， 食到一個豐富嘅下午茶餐 ，下次約埋多幾個朋友， 都可以試多一啲嘢食啦

台灣野應該港人都唔抗拒，所以去左台灣麵。有選擇困難加三心兩意既本人，見到個發光既menu！因為台灣野都有得雙併呀！不錯不錯 有飯有麵下次可以再試！豆腐唔知係咪健康style, 甜度較低 keep fit 女士岩飲呀！

今日下午茶時段嚟到元朗分店幫襯，入面有個名牌掛住叫Ling既店長非常有性格，問佢拎杯「凍滾水」，點知俾佢串「水係滾就滾，凍就凍架啦，邊有水會又凍又滾架，我唔明你講咩喎」。由細到大都知「凍滾水」係煲滾過之後攤凍既室溫水啦Fine~ 我當你後生可能無聽講過啦，同你講返咩係「凍滾水」，仲要拎杯冰到無得再冰既冰水嚟黑住面起晒鋼講：「我地呢到無咩凍滾水，凍水呀，岩唔岩？」（利申：做過2年中菜館飲食part-time，相信「凍滾水」個term唔陌生，亦經常有客問：可唔可以俾杯「凍滾水」嚟作為店長EQ咁低，態度又咁差，不如轉行/返屋企唔好做啦）不過，公平d講返句，事情起因都極有可能係自己有帶外來輕食入到店食，而店鋪本身亦無明確標示寫明「不准帶外來食物入內進食」，其實已經叫左店內野食，食物未到，以為好似其他餐廳咁消費左唔會理啦，所以食左小小外來輕食啦。然後，個店長走嚟提醒收起唔准食，費事令人難做，都即刻收起唔食啦，點知個店長又以9秒9既速度走多次埋嚟荒死無人聽到咁大大聲講多次：「sorry呀，我地呢到唔可以食外來野食架！」其實我聽到，都收起梗d野食啦，只係仲係張台上面姐，仲要點先滿意？你唔係expec

去完中旅社報團之後，一行出嚟見到右邊有間台灣麵，天氣熱辣辣就想坐低嘆杯台式凍飲，一入到去地方都非常寬敞，冷氣又夠，好涼爽舒服😌下午茶時段非常抵食平均都是$40左右，一坐低即刻叫杯餐飲凍嘅珍珠奶茶奶味非常夠茶味，但是珍珠就比較硬一點😢叫咗個手撕雞米線，米線嘅份量並不多，湯底有幾款選擇👍🏻我揀咗豬骨湯底，有少量嘅芝麻在雞絲上面，配左個小食，鹽酥雞一共三件，剛剛炸起，雞上面有一些椒鹽，非常夠味😀我朋友叫左個雪菜肉絲米粉，新竹米粉要另加$3😀量多！最差就的是服務質素，我坐低左45分鐘都未有職員過來招呼，我舉手舉了很耐才過來😭失敗

我一向好鐘意食台灣面下午茶，自從我鳳琴術執左後去左教育路食，最近飲品換左個杯細左，我一向叫走冰都正常size, 今日再叫走冰，只俾三分二杯，太差了。不加價但少左感覺很差，下午茶餐40元以上，也不算便宜，何必再扣減飲品

🍽香酥雞排麵 轉 新竹米粉新竹米粉係我最愛既麵線類 米粉保持住幼3同有嚼口 加咗肉燥唔會冇味 但今日既肉燥咸咗啲雞排有剪開 炸得又好 加上有椰菜 可以清清啲咸味🍽椒鹽排骨飯食物一上枱，嚇親原來排骨係豬排嚟味道好咸，嚿肉好硬又薄但好好嘅係，佢會配一啲椰菜椰菜多油，但清甜，好味碗飯超大，味道都係偏咸，但台灣菜嚟講算正常雖然知道台灣野偏濃味，但無諗過會咁咸🥃荔枝柑桔蘆薈味道幾好 唯獨冇咗柑桔味 敗筆🥛凍豆漿豆漿無豆味，但有濃厚感夠大杯，偏甜普通餐廳配嘅豆漿味

早排既周末，經常要一大早就陪呀媽出去千色附近辦啲事😢所以亦多左好多機會係教育路一帶搵食。食粥同點心食到厭既呀媽，提議食呢間台灣麵，本身我想一人一碗既，但我媽不知哪來既想法，叫我點一份主食一份小食share~仲話一陣要係教育路掃街🤣咁好啦！我地點左三寶麵，啫係牛腩、牛筋、牛肚三寶，揀左粗麵，例牌走青💁🏼‍♀️台灣三寶麵 💰HKD 61跟餐轉台式特飲珍珠奶茶💰+HKD 4牛腩入味而且夠淋身，牛筋膠質感好強、味道濃濃，牛肚乾淨爽口👍🏻👍🏻麵質就係正常水準，唔會淋到爛🍜值得一提既係👉🏻佢個湯底好重牛肉味，但又唔會太咸，呀媽喝住我都繼續chur住飲曬🙈牛牛既三寶麵黎講，佢唔算貴，而且份量足料！我下次會堅持一人一碗😂唔要咩share囉🤭酸辣鳳爪💰HKD 35至於鳳爪，我咬左一口之後發現，咦，無骨既，跟著掂都唔敢掂碟野😂🤭呀媽可以獨享，佢話少少酸但完全唔辣，不過質感爽口，唔介意無骨既話其他人食用上係幾方便既😂但我介意🤭🤭總結係，牛牛麵類，絕對有下次🐮😍🐮😍

基本上係全日套餐，同一個價錢，大概$50至$60一位，套餐包基本飲品，台式飲品好似加幾元而已。另外可以加錢叫小食。與媽媽一起，食豬頸肉肉燥飯，及紅燒牛肉肉燥飯。 豬頸肉爽口，唔韌，薄身食起來不覺得膩。紅燒牛肉煮得林，夠入味，少少辣， 肥瘦適中，唔會太鹹。兩碟均會附上一點點蔬菜，感覺幾好，肉燥飯偏大碗，細食或者女士可以叫小飯，飯就不過不失。飲品胚芽奶茶，很多胚芽，正!但稍為偏甜。之前試過食炸花枝丸小食，唔錯， 很香又炸得唔乾，不過今次食唔曬，所以冇叫。鍾意呢度嘅環境， 卡座位為主， 地方夠大，即使一個人嚟食飯，有時都未必須要搭枱。服務正正常常。

咁啱經過，見有少少餓便入去試下，佢有好多選擇，叫咗兩個下午茶餐，同珍珠奶茶。鹵水雞翼沙律，雞翼冇乜味，沙律薯仔居多。珍珠奶茶冇味。酸辣湯麵很好，夠味道。炸白菜雲吞夠熱夠脆。食物都可以的，但如果服務再改變一下就更好了。

環境佈置得唔錯比較光猛，有卡位比較舒適，座位嘅距離都比較寬闊，不錯嘅感覺可惜服務員態度就麻麻，人流唔算多，但係要叫幾次服務員先來落單早餐選擇都比較大眾化美式早餐選擇咗黑椒牛扒。可以轉腸仔奄列牛扒都比較難咬，煎得太過耐香煎雞扒 賣相麻麻多士因為熱辣辣。新鮮出爐好有口感。早餐份量唔夠飽重可以升級加多＄7可以多個麵雞絲米線味道＄7就唔好要求咁高啦杯凍檸茶就麻麻啦，有少少苦澀味＄86埋單。價錢都算便宜，味道可以有所改善多元化選擇