台灣麵

Open Now

Now Closed

二人套餐盛惠$188✨✨呢個套餐好抵食三款前菜，兩款小食，一份肉躁時菜，一個主食，兩碗麵或飯，加兩杯野飲🥂前菜有三款，醃青瓜，火腿豆皮，同海帶絲。每款都有好多，又好味，香得黎又夠味配微辣，醒胃👍🏻👍🏻👍🏻小食有好多款揀我地揀左紅油抄手同鹽酥雞紅油抄手冇紅油，名不符實但又幾好食😂😂有7大粒雲呑，韭菜餡，配酸醋葱花，特別！鹽酥雞大粒，有6、7粒，有沙律醬伴碟，望落好似好唔夾咁，食落又ok🐥肉躁時菜好大碟，交俾相片自我說明💁🏻‍♀️主食叫左台灣牛肉牛肉好入味，好淋，不過擺得耐凍左就冇咁好食，所以記得趁熱食！總括而言，我地叫到成枱都係野食，加埋特飲，食到好飽，種類又多，埋單每人100蚊都唔洗，真。抵食👍🏻👍🏻👍🏻推薦推薦！唔特別大食既人三個人食都夠食呀！

我與小孩在星期日下午1時半左右於元朗教育路「台灣麵」午膳，當時手推嬰兒車，入餐廳後抱起小孩泊下嬰兒車在職員指示的位置，並坐在入口處旁的卡位上，點菜後小孩眼睏睡著了，因卡位旁空間闊落，於是我便把嬰兒車放在身旁把熟睡小孩放車內，吃了十數分鐘後，一位男性職員，掛住優質服務標誌的名牌「主任 」表情面露不悅並以極不友善的的語氣態度向我說:「我地呢度唔放得bb車，你自己負責小心望住，我地員工出菜睇唔到你架車」，明顯暗示如小孩被燙傷我不可追究，還是暗示他的職員送菜不會留意環境? 他如此「兇惡態度」的善意警告，教一個女人帶著小孩如何繼續安心用膳? 作為餐廳主任為何不是轉告其他員工小心不要撞到嬰兒車? 或是為客人安排一個更合適坐位? 反而用不友善的態度叫客人自己負責。及後餐廳進來兩位年老客人，這位主任目無表情詢問他們幾位? 老先生說兩位，我看著他完全沒有查看餐廳其他座位，直接用不禮貌沒尾音的態度回應客人:「兩位一定要搭枱坐」，客人猶疑一下，欲轉身離開餐廳，他沒向客人說聲不意思就背向客人離開，其後再有另外兩位客人進入，另一位女性職員也是沒有查看空位，直接目無表情的告訴客人兩位一定要搭枱，客人結果如同上一對

斷斷續續幫襯咗夗十幾年，點解仲會間中食，係因為佢個台灣麵真係好好食，通常食十次，只有一次失手，失手原因係有時會淥得較淋，唔彈牙，但佢個湯底整得Ok , 咸淡適中，豬扒，牛肉都好食，滿意，但個拌碟椰菜點解唔可以整好食d呢？還掂都擺出嚟，其實以往佢連呢個椰菜都整得好好食，好多年前會叫佢比多d菜添嫁，但近呢一倆年，個椰菜可以講係難食，有陣怪味，有生嘅感覺，你係唔會想食佢，比咗好多次機會佢，但次次都令我失望😑我真係希望佢做翻以前嘅水准！

「台灣麵」------------------------------元朗一向都大把好野食, 但有時去親都想食返呢間牛肉麵! 真係食左N次必食一：紅燒牛肉麵啲牛肉真係暫時食過咁多間最好味🤤麵質口感👍🏻湯底加左辣油好正（如唔食辣可選原味牛肉麵）熱奶茶同珍珠奶茶好味, 就算是熱珍珠奶茶都同樣出色。而家人中意飲佢既百香果茶, 仲有椰果咬!第二必食: 炸花枝丸！每次送上都熱辣辣，配上特製既醬汁, 好重蒜味架但好好食。要經常親親既情侶就要諗下先啦

近排其實我就真係好鍾意食牛肉麵，但係講真我就真係比較鍾意幫襯小店，因為感覺上集團式果煩都無咩heart，中央廚房出菜，到餐廳reheat,但係有時候經過e間台灣麵餐廳都非常多人，咁橫掂都係台灣野食，就入去試下啦！入到去，職員見到我一個人，就安排左我去兩人卡位，無問題啦，跟住我就望下個餐牌先。睇完之後都超多款式選擇，我就當然選左我最愛嘅D餐紅燒牛肉麵再加多杯凍杏仁奶茶，咁等左5分鐘左右，野食好快就上枱啦！首先黎嘅係杯杏仁奶茶，係我咁大個仔第一次飲，味道非常夾，你可以好明顯咁分別出奶茶同埋杏仁茶味道，真係幾好飲，唔錯唔錯!跟住到牛肉麵啦，都係跟返自己習慣，飲啖湯先，佢d湯都好濃，夠熱，跟住就係食麵啦，麵條就稍為失息左，煮得林左d，完全唔彈牙，無口感，跟跟住就牛肉啦，佢牛肉份量都算多，而且切法係大大舊，食落去大大舊，好有口感，而且牛肉就炆到好林，牛肉就真係幾出色。如果麵條煮得好d就會好出色啦！下次都會再黎試下佢果個一個碗有兩款餐嘅套餐，幾有趣。

叫左一碗牛肉乾拌麵, 一碗牛筋麵, 2碗都好多送, 大大舊牛腩同牛筋, 牛筋炆得林, 牛腩都OK。但湯底太油, 雖然話係辣,都唔使落咁多辣油, 落左又唔覺係辣.... 乾拌麵的麵唔多, 因為好粗, 好似鳥冬。牛筋麵揀左一種幼麵, 唔記得叫咩名了, 係扁而幼的, 食落幾滑, 唔會太飽肚。

讀書時候已經食開, 難得分店多咗仍保持水準, 呢到並不是我食過最好食的間, 但都是上上之選, 扣分主要是呢隻比較硬身唔夠彈, 好處就係浸耐咗都唔會淋晒, 牛肉大大件分量又足燜得好淋, 不過有少少渣, 個湯不夠濃, 再濃DD就更好. 呢到坐得都幾舒服, 成日都有人, 但唔晒點等位就好正.

食台灣麵都食左好多年 由佢得2間鋪係元朗食到而家好多分店 佢既味道已經食到好熟悉 好啱個人口味 但將佢既野食分都係第1次 可能因為去得太多 早餐午餐下午茶晚餐時段都會去食過 今次就晚餐時段黎 叫左最鍾意既雙併粉麵 通常黎都會叫豆腐肉燥飯併雞腿或者排骨新竹米粉 再加碟時菜 每次食完都好滿足

整靚靚甲之前食翻個brunch先，男朋友仔帶我黎左呢度食，話黎過幾次，唔會虧待香港女蔡蘭喎！從酒店坐的士過來不算很久，星期日幸好不用等位都入得。小籠包32擺到好差，上桌咁俾客，真側目，即叫即蒸，四個大件，皮又穿，無湯汁，不過不失。紅油抄手32只是小辣，韭菜涵，份量剛好，比例ok台灣紅燒牛肉面57大大碗，牛肉香無肉腥，樣像牛腩，完全不肥，汁料可以，但其實完全不辣，面有咬口，量吃完好滿足。跟餐加4就有的胚芽奶茶價錢平，味道尚可。食後感：台灣菜，他至愛。我都ok鐘意食，新界食物好相宜。冷氣夠凍，街上太熱，有卡位坐，又不太嘈。

同朋友到餐館是為聚舊聊天，隨意挑了這家～台灣麵，身物質素還可以，而環境也適合我倆聊聊天，也不錯🙌🏼先講食物，我挑了招牌菜：正宗牛肉台灣麵，麵的口感偏軟，但我喜歡吃偏硬，不過牛肉很軟很綿很入味，令我吃完也不夠😋很想再試。如果麵質偏硬，我會更喜歡吃，始終台灣牛肉麵不能只吃牛而不顧麵。不過這只是我個人口味。而環境方面，我覺得坐得還算舒服。因為未算人多，下單上菜很有效率，也沒有趕人走，可以讓我們食得愉快之餘，聊得暢快👍🏼

We went to namsangwai and we found something to eat at Yuen long afterthat. This restaurant was a bit Cha Chan Tang style.Ordered the pearl milk tea. The pearl was good, milk tea was sweet enough. Also with a noodle. The soup was nice, noodle not too soft.

今日去玩元朗農莊玩了一個上午，到下午就離開！咁啱阿仔又訓咗，所以就搵間餐廳食下午茶，去到呢間！地方環境唔錯，入到黎招呼都唔錯，第一下感覺良好！一個下午茶餐，有凍咸柑桔蜜加配搶搶手撕雞米線及3件鹽酥雞！味道不錯，價錢又合理！真係幾好！整體感覺不錯，可以再來

3月27日晚有機會約了好耐無見的元朗朋友, 我們就行行下, 見到這間外觀不錯,面積頗大, 又多客人的 -- 台灣麵!菜譜滷豬耳 -- $32切得幼細, 咬落爽口, 有麻油味, 很香!滷水雞翼米線 $54 另加 $8 有一杯藍蝶花冰糖雪梨凍飲滷水雞翼和椰菜賣相欠缺誠意, 沒有驚喜, 椰菜完全無食過.米線上面的肉碎,不知為何, 由老遠傳過來時, 肉碎的酸臭味, 令人有點倒胃口,米線還可以.紅燒牛筋牛肉粗麵( 少辣 ) 加 $4 一杯凍珍珠奶茶.沒有想到少辣, 都非常辣.藍蝶花冰糖雪梨本來因為見到MENU很漂亮, 所以就加錢叫了一杯,其實如果要求不高的話, 是OK的.但卻又真的飲不出, 食不出是甚麼在內, 只有甜甜地的感覺,及見到一粒粒好像奇異籽的東西.凍珍珠奶茶 加 $4與一般珍珠奶茶無異.其實,如果只是久不久, 住在附近的街坊食一餐, 或一大班朋友眾腳的話, 又不是差到不能入口,只是, 若對飲食有一定要求的話, 就未必能滿足,越來越對飲食要求高的香港人了!

有時我都有幫襯這間臺灣麵，因住附近貪就腳，但一向都覺得的樓面和負責收錢個肥女人帶眼鏡既士頭婆態度差，好似唔優做甘。係我衰，今日仲去幫襯食下午茶。我帶住兩個細路入去，手推bb車因瞓左覺，否則我會放bb車係收銀處，她見我推住bb車就一定要我坐最尾最入最四人枱，我要求想坐出的的枱她話擺唔到bb車，甘我唯有照坐。叫了嘢食，中途個細路瞓醒驚大風於是我自行搬了過去隔離張兩人枱度坐，而另一個細路仍然坐係張四人枱繼續食嘢。無幾耐個士頭婆即肥身材載眼鏡個女人走黎大聲和粗聲粗氣同我講唔可以甘坐要我坐蕃張四人枱度，話我地三個人坐六個位，我話我俾番兩個位你（即四人枱其中兩個位），因張枱四個位，但已放了bb車和有一個細路坐，所以我話我俾番兩個位她，當時大約黃昏六點幾，整間鋪既坐位未滿，仲有好多空枱，但她話唔得，當然我覺得我係消費者，我都有權選擇座位坐，我地三個人都有消費，三個人都一直係位食緊野，而唔係霸住她張枱玩，所以有什麼理由我執好的物件俾番兩個位她都唔得？雖然我一大兩細幫襯，都食左147蚊，而唔係叫一個三四十蚊既下午茶坐人地四個位，自己霸人地甘多位都唔好意思！當時我只不過因個細路瞓醒個位大風而搬左另一張兩人

元朗既台灣菜選擇不多，偶然經過試下呢間先。格局同服務態度都與茶餐廳無大分別！紅燒牛肉麵既牛肉夠腍，合格如果個湯底再濃d同加多1條菜就更好啦跟餐送熱飲或凍豆漿，凍豆漿無加冰，淡淡豆味不算太甜。朋友則叫左個肉燥豬頸肉飯，珍珠米飯粒飽滿軟熟。可惜肉燥好少唔夠喉，而且豬頸肉唔夠腍，唔夠入味，唔好食只勝在米飯大大碗份量足。跟餐+$4杯胚芽奶茶，一d茶味都無，而且好淡，可說是成餐飯最最差既東西