但馬屋 (創紀之城五期(apm))

Open Now

Now Closed

知道APM開左間但馬屋好耐，一直都無去試過。今日難得係APM附近做完野，就黎試下！７點到都要等一陣位，係門口等位果陣已經問定你要咩湯底，原來一人一鍋，入到去坐已經放好哂俾你，一坐低就可以食。.🍚日本產黑毛和牛放題套餐牛的質素真是好，每片牛肉上面都有好靚既雪花紋，但質素真係有啲浮動，有啲好靚好有油花，有啲就麻麻地有啲乾身！所以抽唔抽到啲靚牛都係睇大家好唔好彩啦！日本產黑毛和牛放題套餐本身心諗都有啲貴，但食完就覺得超值，牛同豬好高質，雪花好靚，出面拎既食物亦好豐富，菜都有好多種，醬料齊全夠用。.🍚雪糕雪糕係四種味道嘅Häagen-Dazs雪糕任食，今晚有朱古力、雲呢拿、綠茶同咖啡。.總括然而，全部都好食，上牛既速度好快，一人一鍋乾淨衛生，選擇多，優質，以自助火鍋嚟計係貴精不貴多，絕對有下次。

但馬屋60分鐘定量套餐（$99-169）60分鐘放題套餐（$159-279）90分鐘放題套餐（$179-319）一人一鍋湯底千夜鍋甘露鍋藥膳麻辣鍋美肌鍋意式蕃茄芝士鍋⭐️自己食自己個鍋，可以揀自己嘅口味，又唔使食人哋口水尾，唔食牛嘅都唔使自己成鍋都係牛味。任食自助吧蔬果(娃娃菜，生菜，蕃茄仔，羽衣甘藍…)菇類(冬菇，金菇…)丸(墨魚丸，流心貢丸，腸仔，魚板，魚豆腐…)麵(烏冬，公仔麵…)其他 (豆腐)雪糕 - Häagen-Dazs (士多啤梨，綠茶，西瓜士多啤梨味，芒果）冇酒精飲品 (可樂，烏龍茶，OOHA)本身我哋都唔係好肚餓，同埋入嚟係為咗食雪糕，所以叫咗兩個都係嚴選牛肉豚肉盛合午市定量套餐（$99）。湯底我哋都揀咗甜豉油，正正常常係安全嘅選擇。啲牛同豬都大大片，每碟大約六至八片。平時我鍾意食牛多啲但係今次豬好食過牛。第一片食牛其實唔算鞋颯颯，但係食埋豬就有啲對比。啲豬食落比較林。食完一碟然後加埋出邊自助吧啲食物其實都好飽。環境都算乾淨，座位同座位之間嘅空位比較窄。

⋆⁺₊⋆.但馬屋.但馬屋嘅一人火鍋都真係幾吸引✨一人一鍋都唔會有尷尬嘅feel!而且佢哋嘅湯底比起其他火鍋店都好似健康啲～比個名吸引而揀左美肌鍋ㅋㅋ湯底唔會話太重口味！而且佢哋提供嘅配料都幾多~o(〃'▽'〃)o幾推介去試吓啊♡︎♡︎..⌫ 但馬屋 (創紀之城五期) (觀塘)觀塘觀塘道418號創紀之城五期(apm)4樓22號舖..#觀塘咔嚓.

今日天氣開始轉返涼，而且加埋毛毛細雨。打邊爐可以話係不二之選。想打邊爐但又唔想晏晝打。喺呢個環境之下唯有叫外賣。今日點左日本產黑毛和牛北海道夢之大地豚組合。原價$169，用某個外賣app落單享有$154優惠。本身我諗住呢個套餐會唔夠飽，但少年我真係太年輕了。分別有一盤八至十片黑毛和牛，再搭多有一盤豚肉同雞肉。然後仲有一盤蔬菜搭雜丸嘅組合。拎出嚟嘅時候我都打咗個突。隨餐點仲送飲品添。今次我點左藥膳麻辣鍋。餐廳亦都好貼心咁樣俾咗醬料拼盤，分別有蒜蓉，辣椒，蔥同埋芫荽。醬汁方面就分別俾咗兩支芝麻醬同醬油。仲有多個烏冬添。和牛牛味都好香濃。豚肉就一般般。雞肉都唔似坊間打邊爐咁樣鞋恰恰。整體來講我係食唔晒。價錢都好優惠。可以一餐當兩餐食。但係如果醬油俾多一兩支會比較好啲。因為食到後段已經冇晒醬油點啦。希望餐廳係呢方面可以改進一下啦。

大概每一兩個月、想輕鬆打個邊爐的話我哋就會去食一次但馬屋，都食過不下五次嚕~ 食過觀塘𝙰𝙿𝙼同葵芳新都會分店，觀塘𝙰𝙿𝙼分店舖面相對細啲。之前有得喺𝙶𝚄𝙻𝚄 攞飛，但佢地而家停用咗🙁 午餐同晚市都有𝟿𝟶分鐘放題，有𝟹個套餐可以揀✨我哋食過不下五次，每次都係同一個𝚜𝚎𝚝同埋同一款湯底|ω•` )嚴選牛肉放題套餐 𝙻𝚞𝚗𝚌𝚑 𝙼𝚎𝚗𝚞 $𝟷𝟽𝟿/人 👨🏻‍🍳 🤳🏻甘露鍋 ❤️甜豉油味，其實即係壽喜燒個種味，唔會太濃~👨🏻‍🍳 藥膳麻辣鍋 ❤️我幾滿意呢個鍋，雖然食唔出藥膳味，不過佢個麻辣夠惹味~ 👨🏻‍🍳🤳🏻 嚴選牛肉 & 丹麥皇冠豚肉佢牛肉除咗第一次食同個豬撐得有啲遠之外其餘幾次食其實都唔錯，有牛味，會覺得係冰鮮或者好唔新鮮。而個豚肉我哋頭三次食都覺得非常好食，啲肉好嫩，都幾𝚜𝚞𝚛𝚙𝚛𝚒𝚜𝚎可以提供到呢個質素，當時覺得豚肉係好食過牛肉。對上一次食嘅時候豚肉嘅質素突然急跌😂，啱啱嗰次食就係每次追加嘅豚肉質素都比上一盤好😂所以總括而言覺得佢哋呢個套餐嘅肉性價比係𝚘𝚔，但係如果肉類嘅質素可以穩定啲就好了✨午市嘅火鍋配料選擇稍為少過晚市，𝚜𝚘 𝚏𝚊𝚛 啲配料質素都幾好~ 調味方面都多選擇，有花生麻醬

好耐冇打過邊爐，呢段時間打邊爐梗係一人一鍋最好啦！唔使食人口水尾！亦都可以試吓自己鍾意湯底！行過APM，又想打下邊爐，咁就上去四樓，咁今次用餐當然係午市啦！已經禁左晚市堂食！不過仲可以有放題任食嘅，價錢都算合理嘅！肉嘅質素就睇你叫咩肉啦！我個人就叫咗最平嗰隻！喺出邊都有好多菜嘅選擇，例如有油麥菜、羽衣甘藍等！仲有貴價小小嘅蟲草花都有，真係唔話得啦！肉片雖然就切得比較薄。但係質素都係唔差嘅！公道啲講，付出嘅價錢，得到應該要既質素，啲菜都算新鮮嘅！唔會有爛嘅！而且雪糕都幾揼本！都係知名嘅雪糕！真係唔話得啦

☞ 最近天氣凍❄️最啱就係打邊爐🍲唔想食太油膩嘅麻辣火鍋，所以就揀咗日式火鍋～價錢都唔算好貴，過吓個火鍋癮😋🍴北海道夢之大地豚肉放題套餐（$289）❖ 呢個set包咗日本產黑毛和牛、北海道夢之大地豚肉同埋澳洲穀飼牛，湯底有好多白蘿蔔蓉，令湯底更有層次👍🏻❖ 個set仲包咗啲年糕片，將佢淥大約半分鐘再包埋啲肉食，個口感好特別，可以一試。❖ 自己最推薦個豚肉，食落無咩筋，唔會淥完過熟搞到好鞋口，encore咗幾碟～😆❖ 之後出面再任拎配料，重點‼️有哈根大師‼️👅加分加分～

想過暖笠笠嘅冬天，打邊爐最應景，而今個冬季”但馬屋”為大家呈獻期間限定嘅”冬の白雪鍋”等我哋喺香港都可以感受初雪😍😍我們點咗兩個”北海道夢之大地豚餐”配期間限定湯底「冬の白雪鍋」 ，湯底味道鮮甜嘅鰹魚清湯底配蘿蔔蓉，而套餐可以任揀4️⃣款肉類，包括北海道夢之大地豚腩肉、澳洲產長期穀飼牛、嚴選牛肉同丹麥皇冠豚肉。除了肉類，餐廳亦提供多款丸類、香腸類、蔬菜，面類等等，但我哋無食太多，因為淨係肉類都夠晒飽肚🙆🏻‍♀️飲品都可以任揀，有汽水，無酒精飲品，甜品有Häagen-Dazs雪糕，我食咗4球添😂😂❣️小Tips:可以無限追加日本年糕片、野菜絲及北海道夢之大地豚腩肉。(唔好眼闊肚窄，浪費食物🙈🙈)❣️試後感環境比較細，食物質料中上，味道唔錯，而且一人一爐，感覺較安全，店員態度好好，上菜速度都好快，限時90分鐘，真心推介🙆🏻‍♀️

這個冬天，但馬屋推岀了以冬の白雪鍋為主題的北海道夢之大地豚餐，為大家帶來了來自日本的温暖款待，享用冬日甘甜的温暖滋味 💓🔸冬の白雪鍋以鰹魚清湯底佐以雪白蘿蔔蓉，猶如冬日裡賞雪般的景緻。蘿蔔蓉慢慢地隨湯化開，賣相特別之餘，味道亦十分清甜順口～ 這裏有個特別食法，可以將日本年糕片滾四至五秒，再卷起野菜絲與北海道夢之大地豚腩肉一同享用，口感煙煙韌韌，層次豐富🔹放題套餐套餐$289 可享90分鐘任飲任吃，無限追加日本年糕片、北海道夢之大地豚腩肉、野菜絲、澳洲產長期穀飼牛、丹麥皇冠豚肉、嚴選牛肉，肉類質素很高😋 有美美的雪花紋，啱晒食肉獸🐷🔸自助吧另外也可以出去自取蔬菜、丸類和飲品，選擇琳瑯滿目，有生菜、羽衣甘藍、秋葵、木耳、粟米、墨丸、脆皮腸、魚豆腐等，非常豐富！飲品方面有汽水、菊花茶、烏龍茶、清熱綠茶飲和新推出的維他氣泡檸檬茶～ 有氣夠爽💦🔹甜品這裡有任食哈根大師🥰🥰 有四款口味，分別是焦糖脆餅、藍莓、比利時朱古力和士多啤梨，挖球後還可以在旁邊加一個迷你鯛魚燒🎏 非常滿足

🎈平時打邊爐，我通常都係主要食牛肉😛但最近見到但馬屋新推出咗個冬の白雪鍋 - 北海道夢之大地豚放題套餐好似幾特別，除咗有主打嘅夢之大地豚🐷亦唔少得有牛肉食，所以我即刻book位嚟試下🤗🔸冬の白雪鍋 - 北海道夢之大地豚放題套餐 90mins 鍋內有大量蘿蔔絲，鋪上夢之大地豚，中間係白蘿蔔蓉，再加入鰹魚湯底，外表非常吸晴🤩店員相當貼心，介紹附送的年糕片只需輕輕煮5秒，再用年糕片包住「夢之大地豚」及蘿蔔絲再點少少醬汁就可以食啦😍大地豚甘香幼嫩、年糕片煙煙韌韌配上清甜爽脆嘅蘿蔔絲，口感非常豐富😋除咗以上食法，夢之大地豚就咁食都相當好味，食落肉味濃但冇豬羶味，肉質鮮嫩爽口😛原來🐷豚肉都可以係好味㗎🔺套餐任食四款肉類，包括北海道夢之大地豚、澳洲產長期穀飼牛、嚴選牛肉同埋丹麥皇冠豚肉🔺自助吧大量新鮮蔬菜，丸類同埋粉麵供選擇，當中非常推介🦑墨魚丸，非常爽口彈牙👍🏻😋🔺醬料區有多款醬汁，值得一提嘅🔞18禁辣醬😂加咗少少都辣到飛起🥵食得辣嘅可以去挑戰下😛如非，請勿挑戰😂🔺甜品區有迷你鯛魚燒同埋Haagen dazs雪糕，朱古力味最受歡迎😛🔺任飲汽水及Asahi 啤酒🍻💁🏼‍♀️其實我想講但馬屋d碗碗碟碟真

冬天打邊爐不可少 更不需要分日夜晚市無堂食 唯有約友人去但馬屋食午市一人一鍋 衛生 又安全..餐廳以木系和大地色為基調配搭木傢具 掛畫 像日式西餐廳的感覺由於是正值12點的時段 客人較多當天我們下了兩個期間限定的冬の白雪鍋 - 北海道夢之大地豚套餐 (90分鐘)在90分鐘 慢慢品嘗。店員態度友好又積極 上菜速度也很快而且有一顆熱情之心 會提醒我們 「需要打卡嗎? 如需要 可以拍完照再加湯 」。。白雪鍋是以鰹魚清湯底佐以白蘿蔔蓉鍋內早已準備好豚腩肉 野菜絲另外配上年糕片餐牌教學特別食法以日本年糕片卷起 野菜絲與豚腩肉一啖享用冬日甘甜滋味。。套餐食物包括可任食四款高品質肉類火鍋配料無酒精飲品及Häagen-Dazs雪糕。。🥩 肉類北海道夢之大地豚腩肉澳洲產長期穀飼牛嚴選牛肉丹麥皇冠豚肉🥘火鍋配料多款丸類、香腸類、新鮮蔬菜等二十多項選擇 更有麵類可選 必定能填飽肚子當然最後要配上4款Häagen-Dazs雪糕作完結

但馬屋 (觀塘)冬天點可以少得打邊爐，今日去呢間但馬屋係觀塘、葵芳、屯門都有分店。試咗佢哋新出嘅冬日主題套餐冬の白雪鍋 - 北海道夢之大地豚套餐。價錢係 $298/位。冬の白雪鍋係以鰹魚清湯底佐以雪白蘿蔔蓉，下邊係豚腩片同大量嘅野菜絲。店員介紹一款特別食法，以日本年糕片包住野菜絲同夢之大地豚腩肉一齊食。味道口感都好特別，年糕片軟糯，蔬菜絲爽脆，豬腩片食落都冇咁油膩。佢哋呢度係採用一人一鍋嘅做法，喺呢啲咁特別嘅時候，出街食嘢就要更注意衛生，食其他套餐仲可以自選湯底，湯底選擇都幾多。鰹魚清湯底清清地鮮味十足，淥蔬菜同肉食都咁正。食完年糕豚肉之後就可以開始打邊爐，肉類都係無限追加，有豚肉同牛肉。至於其他火鍋配料都要喺外面自己拎，基本嘅蔬菜、肉丸、粉面都有齊。另外佢哋仲有haagen dazs雪糕任食😚，打完邊路食雪糕作為飯後甜品一流。。📍 但馬屋 (觀塘)觀塘觀塘道418號創紀之城五期(apm)4樓22號舖

雖然依家6點後禁咗堂食🙈但冇阻我想打邊爐嘅心情😌由其喺哩幾日咁凍，打邊爐就一流❤️一直都有去但馬屋打邊爐，鍾意佢一人一爐夠衛生，而且仲要係任食任飲❤️佢地最近新推出咗個冬日為題嘅「みぞれ 鍋 」，哩款邊爐係期間限定黎，用蘿蔔蓉模仿成雪咁，好特別🥰 佢一共有3個餐北海道夢之大地豚/日本產黑毛和牛及北海道夢之大地豚/日本產特選黑毛和牛及北海道夢之大地豚👍🏻 除咗汽水任飲之外哩個套餐仲連Asahi 啤酒都係任飲👍🏻 我地揀咗最基本果個北海道夢之大地豚，有豬肩/豬腩/穀飼牛/嚴選牛肉❤️ 我就最鍾意食豬腩同穀飼牛❤️ 豬腩油份適中，入口溶化👍🏻 穀飼牛牛味濃郁❤️ 另外隨餐會有三塊年糕，食完可以refill的 😌除咗以上肉類之外，其他配料都好多選擇好豐富✅ 醬料仲好特別，除咗平時嘅豉油，辣椒蒜頭嗰啲之外，會有昆布醬油，橘子醬油，甘橘醋，18禁辣醬🤟🏻打完邊爐當然要食返個雪糕先最完美，但馬屋提供嘅係Häagen-Dazs雪糕，仲有4款口味比你揀😋 食埋就岩岩好啦🤤滿足

作為香港人，要是不跑到外地，大概沒有多少機會能看到雪，先天氣候條件的缺失，自然讓我們對雪懷抱着美好而浪漫的想像。提起雪，又有否勾起你心中的美好回憶呢？是想起那個以雙手接上於漫天飛舞、雪花如柳絮隨風輕飄的伊人，還是與摯愛一同走在穿得一襲銀裝之雪地裡的時刻呢？在疫情肆虐全球之下，我們都只能透過滑手機，重溫這些片段，一隅隅的雪白回憶彷似更顯彌足珍貴。然而，今個冬季「但馬屋」為大家溫暖呈獻期間限定的「冬の白雪鍋」，留在香港也可「嚐初雪」，來場短暫的冬季戀愛之旅！環境：✨室內設計以清新自然的日系西餐廳為裝潢靈感，以白色和大地色系作基調，配搭木傢具和綠意盎然的植物，氣氛輕鬆舒適。服務：✨筆者當天用餐時間正值下午時段，客人較多，但店員態度友善積極，上菜速度亦頗快。我們點了兩個［北海道夢之大地豚餐 ］ (各$289)。食物：🔥 套餐✨可任食四款高品質肉類、火鍋配料、無酒精飲品及Häagen-Dazs雪糕。🥣 期間限定湯底「冬の白雪鍋」✨以日本の冬のおもてなし (中譯：這個冬天來自日本的温暖款待)為主題，暖心又暖胃！✨味道鮮甜的鰹魚清湯底配搭時令雪白蘿蔔蓉，猶如在下着粉雪的冬日裡，邊吃着熱騰騰的鍋物料理

最近同朋友去觀塘行街，黎左一間出名嘅日式火鍋店食下暖笠笠嘅打邊爐😍店內嘅裝修以淺色櫸木為主。座位都幾寬闊，餐廳主打一人一鍋。我地點左期間限定嘅冬の白雪鍋～北海道夢之大地豚套餐🐷🌸冬の白雪鍋🌸E個湯底都係第一次食，湯底係鰹魚清湯，最底層係野菜絲，上面有一片片嘅豚腩肉🐷仲有一個好似小雪球❄️嘅蘿蔔蓉。湯底嘅味道帶濃濃嘅鰹魚味🐟豚腩肉口感唔膩又帶蘿蔔嘅甘甜味。套餐仲有薄薄嘅年糕，都係特別，我地用黎卷起野菜絲同豚腩肉，口感有少少黏黏但又食都野菜嘅爽脆同豚肉嫩滑😋🌸澳洲長期穀飼牛牛肉肥瘦適中，牛味濃🤤🌸丹麥皇冠豚肉豚肉唔算太肥，味道帶鰹魚味，肉質較嫩🤤🌸自助區，有勁多唔同種類嘅蔬菜🥬同丸類😍好豐富🥰🌸飲品都好多選擇，仲可以加錢飲酒😍🌸甜品方面，有鯛魚燒同雪糕🤤鯛魚燒食落外脆入面有香香嘅紅豆餡😌雪糕都有4款口味可以選擇😍