德發牛丸粉麵

Open Now

Now Closed

Lunch time 自己一個快食，入到街市其求一間，點知瀨野。叫左一碗牛腩牛筋河，開頭食嗰時好餓唔覺，食到後尾，突然細味間發覺啲湯同牛腩好似少少酸，應該係變變地。返到公司四點左右開始黎料，以後不會再幫襯

午餐點了牛丸牛腩米，配杯合香園凍奶茶。牛丸水準保持，雙拼都是32元，可謂抵食，但牛腩只是碎肉，兼且個湯味精依然重手，建議下次食剰牛丸。另外合香園凍奶茶收15元，茶味香滑都好過好多老牌茶餐室，除了無冷氣，價格超值。

得知海防道街市可能要清拆， 去開尖沙咀食飯，都留返少少肚嚟食佢嘅牛丸，行到身水身汗一入到去 ，就有一個老伯叫我哋坐低，後來先發現原來其實係連住德發牛丸隔離嘅檔口 (合香園)，不過唔緊要啦一樣食到牛丸 ，不過埋單計數兩杯奶茶加一個咖央多士$5X，其實係貴過一碗淨牛丸！一睇杯奶茶已經知唔掂，冇乜冰， 而且飲落係鞋口㗎!咖央多(忘了影相)中規中矩 ，比較偏甜 ，入面嘅咖央普普通通都有啲椰漿味，但一定唔係我細個食過好好味嘅基隆街源源牛奶公司嘅咖央!主菜牛丸7/10，一碗八粒都幾大粒 ，但係食咗第一粒就已經覺得比較鹹， 我係鹹蟲都覺得咸大家自己諗下，但都有少少牛肉味，但係如果俾我揀我都係覺得 元朗嘅勝利牛丸係比佢好味，起碼冇咁鹹!總括來說 ，試過就算，唔會專登去食， 喺尖沙咀返工都未必會去食，因為環境實在太熱， 又不是特別好吃!

天氣熱, 我無乜胃口, 就照去熟食街市買碗牛丸米, 去我已經食過好幾次既德發牛丸到買, 但今次唔堂食, 叫外賣一位粗聲粗氣既阿姐準備緊我碗外賣時, 我發現有個外賣蓋吹左落地, 有另一個阿姐將佢執返, 然後想將個跌過落地既外賣蓋, 蓋落我碗麵到, 我已及時阻止, 話: 跌過落地喎!阿姐: 無呀, 個入面無掂到呀我就無信阿姐, 我理得係個底或個面跌落地, 總之都係污糟左我: 唔該換個另一個原本阿姐都照換另一個蓋既點知那個粗聲粗氣既阿姐即係話: 等我黎一手用返跌過落地既外賣蓋, 蓋落我碗麵到!我已阻止唔到, 亦我無同阿姐爭辯落去, 因為果個阿姐應該可以一拳打死我直至我離開左街市後, 我直接成碗野掉左, 因為我唔想為左呢$32而肚痾沒有最污糟, 只有更污糟街市地下唔係你屋企地下, 唔係3秒內執返就無問題外賣蓋跌落街市地下, 就算0.01秒都嫌多啦一個外賣蓋要你幾多錢?係你面前已經可以咁污糟, 可想而知, 係你望唔到既地方可以有幾污糟

返工返到職業倦怠，有時候真係好需要休息下射波好似好衰，咁唯有攞年假去放鬆下啦😩出尖沙咀地鐵站好快就行到海防道街市，第一次入去都有啲唔知訂🙉因為一入去首先並唔係菜檔嗰類，而兩三間係賣羊肉嘅檔啲羊頭呀，無頭嘅羊身就擺喺路邊都會有少少嚇親👀再行入啲經過條窄巷仔就係食堂地方，好似大部分街市咁食堂係幾間茶餐廳各自門口有檯，食邊間就行邊間門口咁嘅形式行到篤底就係德發牛丸喇咁菜式都好簡單嘅，主打牛肉嘅食品呢度嘅牛丸我同朋友只知道好出名，但未參考過其他食評，所以直到食到第一啖之前我地都唔知牛丸嘅賣點／缺點係咩😨原來呢度嘅牛丸係特別在佢有芫茜之類嘅菜碎喺入面做調味而我同朋友都係麻麻地芹呀芫茜之類偏重口味嘅蔬菜調味呢樣當然唔係德發嘅問題只係唔合我地口味🙏🏻牛腩唔錯，三十蚊算不過不失牛筋幾腍，但唔係好入味湯底唔係好覺話好味精嗰啲咁，所以唔叫野飲都無問題但都唔係特別出色，整體都係不過不失啦30蚊當食個快飯都okay嘅專程造訪就不必了

其實先前，從來沒有入過來這個熟食市場，原來正式名稱叫做海防道臨時熟食市場。裏面有幾間茶餐廳，而這一間就是德發牛丸，旁邊有間茶鐺，吃牛丸就幫襯德發；要點飲料奶茶咖啡☕️咖央多，就幫襯旁邊的茶檔。德發牛丸，好像已經聽說過不少次，這次一試，點了淨牛丸，友人則點了一碗麵，因為不太肚餓，唯有吃碗淨牛丸。牛丸都算彈牙，比起元朗的「勝利牛丸」更加爽彈，吃牛丸就不是為了吃其滑溜。牛丸的質地比較粗糙，但是內裏香濃，還有點香菜在中間。但是這個湯底比較普通，雖然比較清，但是好像還有點味精的感覺。以遊客的角度，來這裏試一下牛丸，感受一下這種熟悉市場的氣氛，也是不錯。但作為本地人，這種牛丸，試過一次就夠了，下次我寧願喝奶茶、吃咖央多。

海防道熟食市場，尖沙咀區打工仔嘅隱世食堂，入面有幾間食肆，不過，堂食環境出左名一般，反正天氣依然咁熱，今日就黎德發外賣一碗牛丸拎走！凈牛丸（外賣自取價$31）雖然我外賣，但即使隔左15分鐘後至食，上湯依然夠滾。主角牛丸感覺冇以前咁彈牙，都算有牛味，索價$31一碗都唔算平。仲有，以前我好鍾意食呢度嘅辣椒油，不過今日我拎左一小包，發覺辣椒醬換左了，而家類似豆瓣醬，冇咁好食。個人感覺，德發牛丸水準下降了，而且冇以前咁好食呢。

牛丸味精唔少食到好口渴同出風疹 （本身味精過敏人士）牛丸可取為夠口感其餘對湯底 米粉就不要抱太大期望咖央西多 不太特別咖央太少 反而同一般西多分別不大環境夠地道大排檔特別適合快食人士

最近天氣真係愈黎愈熱，熱到食慾都有少少減低…呢個時候我又諗起經常黎嘅德發牛丸，位於海防道熟食檔入面，長期都好多人幫襯，我都係其中粉絲。不過熟食檔只有風扇，通風又唔係咁好，所以我夏天都好少黎，對上一次已經係幾個月前。好多人都鐘意食佢地嘅米粉，唔係唔好食，只係個人比較鐘意麵嘅口感，冇蜆味，唔會煮到好腍身。牛丸都係一貫爽口，彈牙，真係好好食油菜我通常點檸廉~而家咁熱，我又大汗，恐怕要入秋我先頂得順可以再黎了！

媽咪成日話呢間野陪住佢大以前一係尖沙咀行完街就必定要黎食所以今次經過就帶左我去試下聽就聽得多 又睇下佢d牛丸係咪咁把炮牛丸河 ($30)waaaaa 地道老字號牛丸河牛丸好彈牙好爽 咬落去仲有d熱湯泌出黎真係好爽口好好味個湯唔會得味精 反而好清好甜另外仲嗌左都係出名既咖央多士($13)醬都算係夠多 多士夠厚 但唔會太林身面頭都烘到脆卜卜不過略嫌唔夠熱如果一烘熱即食應該會更正夏天咁熱 最後飲埋杯凍檸茶真係成個人爽哂

很少牛丸店能做到這麼彈牙，好像彈波般的彈性。雖然不算大粒，但大小反而剛剛恰到好處，整粒放入口，可以感受到在口腔內彈吓彈吓，一不小心，隨時彈出口外！牛丸肉味濃郁，內有蔥及陳皮，很香口及很爽口，也很有新鮮的感覺。是日油菜選了菜心，也很新鮮，但略為多了一些油！環境方面，大排檔都預了會是怎麼樣，穿著得太漂亮的人士，或者不太方便。這裡沒有冷氣，加上在橋底，只有風扇，通風不太夠！怕熱的人士，夏天要自行衡量了。但這裡重點是牛丸。泊車資訊：如駕駛前往都頗為麻煩，附近沒有咪錶停車位，最近的停車場是國際廣場或新太陽廣場，步行大約五分鐘路程。但停車場費稍貴，分別是$50一小時(國)及$30一小時，最低消費兩小時(新)，停車場費還比一碗牛丸粉貴！如在尖東泊車搵食會好一點，幸好最後也能品嚐到很美味的牛丸。

以前在尖沙咀返工，好多時會去德發吃牛丸米粉，但lunch時間不是每次都有位，要等，因時間關係 ，好多時見太多人等就掉頭走。好多年後的今下午3點，路過海防道街市，好奇睇德發還在否。依然在，立即叫碗食。牛丸大大粒，彈牙，平滑，肉味濃郁，最喜歡蔥多，令湯更惹味，$30碗，在尖沙咀唔算貴。

有時放lunch但又唔太餓, 想平平地食碗麵, 係尖沙咀原來有得揀一碗麵只是$30，雙拼同價, 就係熟食街市既德發牛丸但行過其他熟食檔口, 會有人同你講: 食牛丸呀? 呢到呀 其實佢地唔係德發, 想混血摸魚, 唔係咁好去到德發, 有次想搵個兩人位, 阿姐話要等等, 咁等啦, 見有一位吉位, 就等埋隔離個位, 點知阿姐又俾其他人坐左, 係有D 嬲, 而且環境不太好, 但德發牛丸的確係好味又彈牙, 湯底清澈但味道濃而且雙拼同價, 叫左牛根牛丸米, 牛根份量都幾多, 又淋, 但牛丸只有2粒實在唔夠喉而單拼有5粒牛丸, 下次都係叫單拼食多幾粒牛丸 

不少時候都會到尖沙咀與朋友飯聚，但尖沙咀食肆普遍都偏貴。據聞海防道街市內的德發牛丸價廉美味，海防道街市經過無數遍，卻從未光顧過街市內的食肆，聞名不如見面，決定一會這裡的牛丸。一碗麵只是$30，雙拼同價，當然選雙併多試不同食物，最後點了牛腩牛丸米。牛丸彈牙、肉味香濃，果然名不虛傳。牛腩賣相不太吸引，但食下去又腍又入味，而且份量頗多，有驚喜。這裡的牛丸確實高水準，既地道又抵食。不過位於街市內環境的確很麻麻，怕不乾淨的人應該接受不到。

今次覓食來到尖沙咀，閒時最愛乘渡過小輪過海，一來可以欣賞風景，二來價錢又化算。尖沙咀美食很多，今次來到德發牛丸粉麵，位於海防道臨時街市的熟食檔，多次經過這街市也不知道內有乾坤。我身旁是荒廢的空地，漆黑一片，環境實在不理想，很怕會見到小昆蟲及小動物。小檔很地道，雖然環境不太好，但食客很多。粉麵米一律$30，雙拼同價。我點了牛根+牛丸米，而朋友點了牛什+牛丸米，可以試多款。牛丸大大粒，好吸引，而且很彈牙，偏淋身，而我比較喜歡『南記』的牛丸。牛根不錯，很入味。反而牛什很一般，大多是牛肚，但有點老很韌。吃粉麵愛配辣椒油，放在枱的調味料痴痴淋淋實在不敢用。整體來說，還是不錯的，不過礙於環境衛生問題，不知會唔會有下一次呢？