多賀野 (新城市廣場一期)

Open Now

Now Closed

今日去食拉麵，見沙田呢間幾多好評，再決定去一試。呢度無論沾麵定係拉麵，麵條都好好食，有小麥味，又彈牙，又唔會煮太耐，淥得啱啱好。不過湯底就麻麻哋，無論沾麵同埋拉麵兩款個湯底都比較淡，所以成個面都會比較清淡。糖心蛋能夠做到流心，生熟度啱啱好，但係都唔夠入味，叉燒亦都係同樣嘅問題，送到上嚟嘅時候好靚仔，不過食落去都係冇乜味，整體來講呢間餐廳啲嘢食係唔夠味，冇傳說中咁好食炸物就一般般啦唔通我真係咁重口味

因為每日攝取卡路里係有限嘅 呢個價錢食呢個質素 好過食啲平但味道差嘅拉麵🍜行新城市廣場唔知食咩好 決定食呢間拉麵餐廳內好多兩人自閉位 但啲侍應都好take care到每枱客人推介⚡️招牌醬油叉燒拉麵叉燒肥瘦相間 兩塊嘅size都幾大口感軟腍又保持到肉嘅質感 肥而不膩醬油湯底整體味道清而不淡 濃稠度啱啱好 飲落好油潤舒服要配合仲煮到有少少流心嘅溏心蛋 同啱曬掛湯嘅拉麵 大量嘅蔥 食曬一碗真係好滿足😋 高卡路里都好值得！不過份量比較啱女仔食 男朋友就覺得有替玉就好啦🤣

1。服務好好 好有禮貌2。食飯好一般。炸物亦都冇其他食評講到咁好食3。麵份量細 好肚餓既話唔好食呢間4。因為用餐時間得60分鐘，waiters見你一食完就立即收走5。食食下有蚊食左一次就算，冇原因要再幫襯。

之前同朋友係新城市廣場午市覓食，走到底層，發現除左中庭一大堆食肆外，角落頭收埋左一間拉麵店。好快被帶領入座，內裡裝潢很雅致，令人感覺放鬆。我自己很喜歡鹽味拉麵，所以一黎就揀左粟國塩味拉麵。🍜湯底濃淡得宜，咸香出色但唔會死咸，亦唔會過份油膩，係我理想中清爽嘅鹽味湯底。麵身小麥香氣非常吸引我，而且唔會好快變軟，係本人喜歡嘅口感。至於配料，個人認為叉燒略肥，畢竟個人只喜歡瘦肉，但燒過之後香氣幾出；當中以溏心蛋最為吸引，加上白芝麻鋪面，更有層次。朋友點嘅多賀野醬油拉麵，大家都認為幾唔錯，尤其麵嘅小麥香氣令人回味無窮。另外，我地仲叫左真澄柚子酒。柚子味好香好突出，同酒味都幾融合，兩者平衡，順口好飲。店員介紹及服務都非常好。整體用餐體驗都覺得好滿意，

成日食拉麵，沾汁麵比較少食。今次同男友晚餐揀左呢間多賀野，出名食沾麵嘅連鎖店。叫左黑松露沾麵，極上蟹皇沾麵同日式炸豆腐。先黎個炸豆腐，外脆內滑，面頭有少少辣味明太子，味道豐富。越食越開胃！沾麵份量唔細。個汁重有蠟燭熱住。。松露好香好濃豬骨湯味。個汁味道唔錯，不過油脂極豐富。食兩啖已經有d膩。配料方面菇天婦羅同半隻溏心蛋，雖然唔知係咩菇。不過好好食。脆得黎又鮮味而另一款蟹皇沾麵。魚湯算濃郁。不過好普通。。雖然有鮮味，味道同麵X武藏嘅魚湯有d似。。只係多左d蟹肉同蟹糕。。🤦🏽‍♀️配料炸軟殻蟹炸得非常出式，鬆脆好食，又唔會太乾。炸物非常出色，成餐最滿意。沾麵大大份，麵質彈牙掛汁。係唔錯嘅。個湯汁味道就比較遜色。。不過用蠟燭熱住係細心嘅價錢唔平，偶然一試就夠了🙈

知道k11有間米芝蓮拉麵店，長期大排長龍，今次喺沙田開第一間分店，梗係要朝聖一下, 當日唔需要排隊，十分開心，位置喺”鼎泰豐”旁邊, 餐牌選擇不多，只有幾款拉麵🍜🌈日式炸豆腐（四件）$48看似好普通嘅小食，真係有唔同，有驚喜，炸豆腐炸皮超級薄，豆腐十分之滑，加埋個鰹魚醬汁，不得了！🌟🌟服務十分貼心，已經預知食麵有機會湯汁四飛，提供圍裙，避免污染衣服， 大讚🌈芝麻香蔥叉燒拉麵$138🌶️有啲食擔擔麵嘅感覺，個人認為小小辣🌶️，同行友人話非常辣🌶️🌶️🌶️，一碗好味嘅拉麵，個人認為一定要夠熱♨️，呢碗麵非常之熱♨️，食到最後都係熱♨️，叉燒30%肥70瘦，比例啱啱好，好大塊叉燒，拉麵麵質零舍唔同，煙韌滑度比例啱啱好！🌈山椒香蔥叉燒拉麵$138🌶️味道有啲似酸辣麵，酸酸辣辣好醒胃，超級多蔥，好香口！ 米芝蓮拉麵當之無愧！

✿ 多賀野醬油拉麵 $𝟏𝟐𝟖呢個醬油拉麵既湯底好清完全唔膩 醬油既調味適中🍜配料有兩片半肥瘦叉燒、糖心蛋同埋紫菜🥚麵條帶小麥香 食落偏硬身 掛湯能力都唔錯呢度既員工服務態度都幾好～拉麵黎到之前會講解點食係最好味 之後亦都會問返食客滿唔滿意自己點嗰碗拉麵 遲啲都會再黎食喔!!

…. 心諗（3點幾4點下午茶時間當然要食tea啦！慳d ma，tea time wow 🤔但是老公想食😣）🥹點知有驚喜 ☺️正正下午茶時間餐廳唔多人可以慢慢食。極上蟹皇沾麵好滿足呀！睇得又食得，湯底濃濃蟹肉湯底，但初初沾麵湯底不夠熱（店員馬上幫忙加熱👍🏻）不過真係有d貴$188，仲要糖心蛋得半隻🤨！醬油拉麵👍🏻👍🏻👍🏻湯底清甜，一試愛上🍜，仲有一隻糖心蛋😋😋本人一向唔太識欣賞拉麵，因為覺得拉麵未必間間食得飽又貴又唔一定好食，日式叉燒好一般般所以… 真係少食。好彩今次沒有失望。☺️有機會可以再來試吓湯麵🍜

一家大小 這家拉麵🍜店最好，因為有兒童餐份量剛好 賣相吸引，配益力多 小朋友更開心🥳解決了家長幫小朋友諗食邊款多賀野醬油拉麵🍜住家製作嘅清湯底拉麵粗身麵條富彈性 靭力，湯底清澈鮮甜，而且一啲都唔油膩，醬油味都恰到好處，質素高搭配半肥瘦叉燒，肉感幼軟，配糖心蛋，超好吃😋自家製蟹肉薯餅 酥脆鬆化的炸皮，蟹肉夾住軟綿綿薯蓉 食到蟹肉 不是仿蟹肉般質感，非常可口😋日式煎餃子五件煎餃子，金黄色外皮🥟香脆可口，肉餡咬落去有豐富湯汁，味道不錯👍🏻香葱山椒叉燒拉麵🍜鍾意食濃味既我，試左呢個好似擔擔麵湯，大量香葱鋪滿拉麵🍜上面 惹味十足😍

安排入坐後，糾結緊食拉麵定沾麵之際，眼見隔離左右每一枱都點蟹皇沾麵‧就諗緊係咪要試一試佢，橫掂個人比較鍾意食沾麵。但頗貴,極上蟹黃沾麵$188計埋加一,，要成200蚊一碗。 一上枱，見到果set 野，以多賀野既定位，係值呢個價。配料方面超級豐富，有一隻軟殼蟹，青蔥,，筍，蟹膏，蟹籽蟹肉 。湯入邊有海閏蟹肉同埋蟹膏，一口蟹濃湯配上Q彈既麵條，回味無窮 。另外餐廳貼心位，知道啲湯會愈食愈凍，專登加咗個火㷫住碗湯，keep 住每一注每一啖都係熱的，加分。不過希望餐廳可以考慮一下比客人揀麵量, 對一個女仔黎講，份量有啲多，食唔唒就浪費了。

在沙田附近想攪日本野食，search openrice見到呢間沾麵，見唔洗排隊挑戰一下。一個人坐Bar檯，點了豚鴨沾麵，麵唔算多，小肚嘅我啱啱好，湯頭偏清甜，味道OK，直接飲都可以，個人覺得配沾麵可以濃啲啲，佢湯碗下面有個小蠟燭保溫，但湯放低時已是暖嘅狀態（冇出煙)，小蠟燭都救唔到。最驚喜係配菜，我本身唔特別喜歡溏心蛋同筍，佢呢兩樣都做得好好，筍沒有我怕的”壓”味，溏心蛋好入味好好食，高水準！加埋松葉蟹肉蟹籽沙律(冇特別)同埋可樂，埋單$279

食咗個期間限定黑松露沾麵，一上菜就聞到好香，賣相同味道都好好，職員加茶加得好勤力，仲會時不時過黎睇下有無碟要收，環境唔錯，係同隔離枱坐得有d近，其他都好好，會再食

值得一讚平日下午食午餐，環境乾淨，坐位都好舒服。食物上菜速度夠快，味道唔錯。最值得一讚嘅係全部職員都好主動，有個女職員服務態度好好，會經常主動斟茶俾客人一定會再次幫襯！

可能因為拎米芝蓮嘅係日本店不是香港店，令我抱住食到米芝連質素心態去試呢間野 服務態度都幾好，尤其是係經理（睇衫似係）真係好有禮貌好可惜 我同友人食左豚鴨沾麵同醬油拉麵2個都對食物好失望好失望叉燒係好食嘅，但係湯底同麵真係好普通，我覺得係阿信屋買即食拉麵都好食過佢個湯同麵，友人係食醬油拉麵，平時食拉麵佢都會食哂，都係第一次見佢食唔哂碗麵（剩下分量如圖）而今日成餐個重點係沾麵個汁！個碗係暖的，但個湯汁出奇地係同室溫的！本身個麵已經係凍，再加埋個唔熱的汁，食左幾啖真係食唔落，見到佢張溫馨提示話可以叫店員加熱，咁我地就叫左加熱啦等左10幾分鐘 出黎溫度同頭先一樣樣 說好的加熱呢！？其實加熱緊果陣因為我地坐得近廚房 我好早已經睇到個微波爐顯示END 我都有諗會唔會係用微波爐加熱？ 所以同完佢講仲係唔熱，佢幫我地二次加熱我就望住個微波爐，原來係加熱2分鐘，所以第一次係加熱左2分鐘 係個爐等左8分鐘先拎出黎？呢間野前台服務方面係有米芝蓮質素，但係後台廚房食物質素就認真麻麻如果呢個價錢，我會覺得食周x，x色不如歸，別x神，x生懸麵，蘭x都會滿足過食佢

之前去過K11 Musea的多賀野吃過一次 覺得幾好味😋中間客廳的位置仲可以隔住玻璃睇師傅拉麵小朋友都覺得好新奇 係咁望住今次一家過來沙田 知道這邊都開左間多賀野就過來試下等左十分鐘度就有位 係裡面卡位 環境好靚很有日本的感覺🍜拉麵我們叫左3份👉🏻多賀野醬油拉麵 x2👉🏻香蔥山椒叉燒拉麵紫菜唔係好脆 叉燒一般 咬唔爛 最後都沒有吃完 湯底可以 香蔥山椒也不會很辣👧🏻一份兒童套餐👉🏻主食揀左迷你溏心蛋叉燒丼 配魚餅 餃子 士多啤梨窩夫 益力多 沙律可能因為係拉麵專門店 飯就唔會好吃得去邊 飯好乾 叉燒偏硬 小朋友都唔想吃 可能嗰時揀拉麵會好啲～小吃兩樣👉🏻自製原味炸雞👉🏻日式煎餃子不過不失 兩間鋪的味道一樣