多賀野 (新城市廣場一期)

Open Now

Now Closed

兒子與女友約我們吃飯，高興也來不切，畢竟兒子長大了，他有自己的工作意向和時間安排，經常不回家吃飯，作為父母的只有在背後默默支持，偶爾能和他一起吃飯，當然是開心的。他選了這家拉麵店，説是他想去多時，約我們一起同來，既可以見見我們，也可以多點幾款食物分享。餐廳的裝潢以木為主，部分座位相距接近，餐牌價目以拉麵較進取，而其他的不算貴。多賀野醬油拉麵，既是有名的拉麵店，當然要試試在店每天新鮮製造的麵條，湯底鹹鮮而不膩，叉燒軟滑，脂肪入口即溶，唐沁蛋黃橙深色，煞是吸引，蛋香迷人，麵條頗爽彈可口。極上蟹黃沾麵，兒子漸漸愛上了吃蟹，他想吃便由他，一大盤端來，盛著各樣東西，有小爉燭把有蟹膏的湯暖著，麵，炸軟殻蟹及蟹肉，蟹羔，把一箸麵夾起，放入湯內浸一浸才吃，味道是不錯的，惟麵很冷，湯不算滾熱，沾後變得溫溫，店長留意到我們的反應，建議替我們將湯加熱，效果較好，加了蟹肉蟹膏吃，當然更加好味，軟殻蟹炸得香脆，大家都喜歡這沾麵。蒲燒鰻魚定食，是我點的，因我最愛吃鰻魚，百吃不厭，鰻魚味道甘香，醬汁深深把我吸引，永不超生，配一口熱飯，是人間美味，定食還有沙律，確是超值。自家製吉列和牛芝士丸，上了麵包糠炸的和牛丸，外

Happy Friday, 同同事出去試下呢間拉麵.多賀野醬油拉麵 - HKD128 湯係好味既麵係彈牙既肉係林+JUICY既但呢個價位SET 得都真係有D高! 如果平番廿蚊我會覺得值D...

好一段日子無嚟過新城市廣場喇，因為新界一向唔喺小弟搵食嘅集中地，入到嚟食嘢不外乎喺有啲特別事或特別活動。今次朋友開到聲，就入嚟一轉食拉麵，地點原來喺晌日本榮獲東京米芝蓮推介及得過全日本拉麵大獎嘅過江龍「多賀野」，其實佢哋晌香港落戶嘅第一店喺晌尖沙咀，不過，就未幫襯過。今晚就有機會試吓佢哋手勢。 嚟之前都擔心好多人排，不過，可能地區關係，又加上閒日，唔需要點排，但內裡亦已經有唔少客。室內嘅裝潢都幾靚，以木系為主，有和風嘅風格，但又幾時尚摩登，天花嘅燈飾亦有特色。 鍾意佢哋編排啲枱櫈唔會好「密質質」，加上柔和嘅燈光，感覺幾舒適。而餐廳最入嘅位置，有個廂房，可以坐到8個人，依家疫情關係，就間為幾張枱啦。 而近入門口左邊，就喺開放式廚房，睇到師傅們不停煮麵及製作各種食品。其實，隔離有個房，喺造麵工場，佢哋嘅麵條喺每日新鮮現場製作，亦喺店家嘅賣點之一。 所以，晌餐牌頭幾版，都有特別介紹自家亮點，如所得嘅獎項、堅持自家製，拉麵、湯汁都喺日日新鮮製作，喺日本人做菜嘅匠人精神。故此，定價方面都較為進取。 枱上除咗放上基本嘅醬油、調味料之外，更有獨立包裝好嘅毛巾、一次性圍裙，呢啲咪服務質素囉！喺就喺有啲

聖誕節例牌要去沙田新城市天台影吓燈飾，平日晚上特別靚，影晒相打完卡老公就帶我去搵好嘢食，佢話好想試吓米芝蓮嘅拉麵，一早上網搵到 多賀野 Takano Ramen 🍜 就連門口都特別有氣派。門口等位嘅時候，已經見到拉麵店嘅威水史，來自東京的 多賀野，連續4年東京米芝蓮指南推介！Tabelog 全日本拉麵大獎！Ramen Walker 多年日本最優秀拉麵！絕對稱得上日本人氣過江龍 ，排隊等一陣都係值得嘅。米芝蓮級數的服務超班，驚店長推介下我們決定食 signature 沾麵，「多賀野」的沾麵確實 ichiban 👍🏻極上蟹皇沾麵 $188Premium Crab Tsukemen Ramen門口睇咗介紹先了解到著名的多賀野中華風沾汁，不是坊間常見稠湯，這點很重要。我習慣食麵之前，首先必定要品嚐一啖湯底，果然有驚喜，味蕾都為之一振！點解可以咁好味？原來多賀野嚴選豚、鴨、雞、海鮮等天然食材，每日在店內新鮮熬製的沾汁；所以入口不濃稠、不油腻；而且每一啖湯頭都有獨特的清新和鮮甜味道。蟹皇 的元素多次出現在拉麵當中，蟹迷必食推介！擺盤跟日本傳統一樣，前方有一隻炸軟殼蟹，入口炸得卜卜脆，蟹肉甘甜、蟹膏

我和A先生也愛食拉麵，早前去左多賀野食野。我選了極上蟹皇沾麵，A先生點了豚鴨沾麵。沾麵的湯係較濃味，用來沾麵最適合不過，麵質彈牙有口感，掛湯也不錯。為了保持湯的熱度，以蠟燭座上檯，吾怕越食越凍，這方面諗得周到。軟殼蟹夠脆身，另有蟹膏和蟹肉，可以混入湯中。食完後可以同侍應講混入清湯，最後飲多幾啖湯就完美。小食點了三款，包括自家製吉列炸蠔，日式炸豆腐和富山白蝦。吉列炸蠔炸粉適中，蠔尚算大隻，蠔味不俗。富山白蝦這個佐酒小食味道不錯，若蝦大隻一些更有口感。一口氣食左兩款較濃味小食，日式炸豆腐中和一下，豆腐非常滑身，好好食。

入到黎叫咗個香蔥山椒叉燒拉麵、極上蟹皇沾麵首先山椒叉燒拉麵 又麻又辣 食到牙床都震抖材料方面：師傅落咗好多榨菜，將香蔥切絲，令到更容易同麵條混合，口感軟淋淋。由於啲湯充滿辣油，所以都唔建議飲晒🙈至於個極上蟹皇沾麵，一直有火烘住，保持溫度。沾麵湯汁有豬肉熬製，仲可以食到部分嘅肉，肉質依然嫩滑，整體味道非常鮮甜。材料有半隻溏心蛋田竹筍、香蔥、炸蟹、另外有蟹肉加蟹籽，同埋蟹膏另上。但係可以將成隻蟹毫不猶豫咁食晒，唔會浪費每一部份。至於蟹肉同蟹膏都非常新鮮，肉質唔會霉，蟹膏唔會腥。唔需要額外調味，都自帶少少鹹味。感覺上店員同老闆都好有heart，好關注食客嘅意見，好有禮貌。不過係座位有少少迫，定價都係稍為高。

之前喺K11 musea見到呢間沾麵都想試宜家沙田都開左 見近近地就去食下😋見到佢係米芝連嘅所以都有少少期望星期六六點去到等左15分鐘左右入坐佢d位幾特別 有塊木板可以拉埋 望唔到對面今次叫左一個拉麵 一個沾麵 一個小食個沾麵湯佢用個爉燭仔熱住但都冇咩點暖到 都係好快凍平時食開嘅沾麵湯都比較濃但佢呢度就好淡叉燒亦都冇咩味醬油拉麵亦都好普通炸雞算ok整體嚟講食物一般 百幾蚊一碗唔抵食環境同服務就都可以應該唔會再食

沾麵來講，個湯太甜，叉燒唔入味，個蛋又係冇乜味，個面幾好食但係份量唔夠，食物方面唯一優點係佢熱住個湯。環境方面座位非常鬆動，服務殷勤，嘢食速度上得好快。但總體來講對唔住佢個價錢。

星期五下午嚟到沙田新城市廣場搵食，見到有間新開嘅拉麵店，就去試吓先！單人匹馬好快有位，Waitress姐姐好有禮貌，見我一袋二袋就畀個箱我裝著。應該係啱啱開業，同埋人多，所以叫完拉麵都要等大約20分鐘先上到拉麵，飲住茶等拉麵。我就叫咗個醬油拉麵，嚟到時賣相好吸引，最香係個叉燒，油香十足，仲要表面輕輕燒過，引咗啲豬油香味出嚟，食落好滿足。半熟玉子，食落好入味，麵條彈牙，加埋隔離嘅蔥食，就無咗叉燒嘅油膩感。而湯底比較清淡，普通但食落岩岩好，我會講配料比較出色。

呢間舖位代替之前“豚”。看外表估食物會唔平，坐位有點窄。未試過都要入去試試嘅，不可以只聽聞。坐門口位，好彩門口叫飛呀姐唔太大聲，客人來來回回就管不了。整體服務不錯。日本人上菜，真係聽不明白，也因為忘記麵名。個人喜歡熱辣辣食碗湯麵，可惜呢間店暫未能帶給我這個感覺。湯麵不夠熱，便會感覺油膩。個人腸胃敏感，吃完1小時便要緊急辦大事了。味道方面只是一般。餃子都不夠熱，饀料一般。價格和味道比較，便感覺有點貴喔。鹽味拉麵湯底可以清一點。麵感可以軟一點。餃子價錢忘記了。厚厚熱毛巾很渦心，但真的不環保。

來自東京的多賀野，在日本榮獲東京米芝蓮推介及全日本拉麵大獎等殊榮，是日本的人氣過江龍。沙田分店是進註香港的第二間分店，人氣依然旺盛。被安排坐最入面的位置。座位設計很有心思，摩登中帶點復古。中間隔板可分開兩邊兩人位，拉開隔板便變成四人座位。粟國塩味拉麵（$128)最近才發現自己的腸胃受不了油膩的豬骨白湯。多賀野除了招牌沾麵外，亦有鹽味及醬油湯麵可供選擇，正合我意。吃麵先喝湯，一股鰹魚及海塩的鮮甜一湧而至，但絲毫不鹹膩。清澈的湯汁沒有多餘的油份，感覺清爽淡麗。看了菜單簡介，湯汁是以雞，豚，鰹魚等優質食材淆製而成，怪不得其鮮甜非一般拉麵店可媲美。拉麵每日在店內新鮮製作，並非工場來貨之流。拉麵中夾雜有一小粒一小粒的小麥，從未見過這樣的拉麵！感覺比一般拉麵有更多纖維,更健康之餘，麵質亦比一般的更柔韌和彈牙，即使放湯久了也不會變淋。配料方面也絕不欺場！有兩片大大塊的叉燒，叉燒做到肥瘦勻稱，有入口即化之感，肉質軟滑之餘亦不會過於油膩。溏心蛋富有醬油香，蛋黃呈半熟流心狀態，把蛋汁與拉麵拌勻同吃，份外滋味。另加入了不少洋蔥碎及蔥碎，有助僻腥提鮮。極上蟹皇沾麵（$188)揉合多種「蟹」的元素在拉麵當中，是

本來期待左好耐嘅一間餐廳，但食完之後發誓絕對唔會再去第二次。去到嘅時候見到好多人排隊、裝修亦都好靚，所以都好期待。佢嘅價錢亦都唔平，每碗麵都接近$150或以上。所以實在冇諗過佢竟然會係難食嘅。我哋叫咗兩本接近最貴嘅沾麵，亦都係佢最推介嘅兩款，一個係蟹黃沾麵另一個係豚鴨沾麵。你到嘅時候兩碗面嘅賣相都好靚，但係食落就完全唔係嗰回事。首先蟹黃沾麵，有一個炸軟殼蟹。我諗呢個炸軟殼蟹已經係成個面最好食嘅個部份，因為個炸軟殼蟹食落仲有少少蟹膏又唔會好腥都唔錯嘅，但係當我攞起注面沾落個湯嘅時候就發現出事啦，個湯一啲都唔熱，仲要都係有浸唔係蟹既甜味，似落左好多糖，食左未夠三分一，碗湯已經凍晒，佢個擺盤有一兜蟹膏同少少蟹肉，但係侍應完全冇講解到呢個要點樣食。到底係就咁食啊定係撈埋落個汁度一齊沾麵呢？我就兩樣都試咗發現都冇乜特別。個湯完全冇豚鴨味，剩係得甜味，令人十分失望。覺得最差嘅係，個湯唔凍唔熱，而味道亦都十分之淡，除咗甜味唔係太食得出其他嘅味道。個湯已經好淡，但係佢比嘅係粗麵，仲非常之硬，將個面沾落個湯嘅時候，完全唔掛湯，咬兩啖已經冇晒味，完全冇湯嘅味道，都唔知自己食緊乜。

今日嚟咗沙田新城市廣場一間新開嘅拉麵店食午餐，嚟到都要排隊等一陣，入面坐滿晒人，店員安排咗我哋坐角落一個比較靜嘅位置，環境舒適，乾淨企理又衛生，👍🏻服務態度亦非常貼心，店員會自動為顧客添茶🍵，亦會主動提供牙籤/紙巾/抹手巾等等用品多賀野醬油拉麵 🍜湯底有清香醬油味而不膩，亦唔會太鹹，😍拉麵爽口彈牙，😆叉燒肥瘦適中，入口口感軟熟，不過如果可以再燒香啲就更好，糖心蛋帶少少甘甜，有蛋香味，糖心嘅效果亦都做得唔錯 山梨縣洋梨汁🍐；完熟水蜜桃汽水🍑：山梨縣洋梨汁味道清甜，生津解渴，飲得出係100%嘅果汁；完熟水蜜桃汽水酸酸甜甜，飲到好香嘅水蜜桃味😋日式煎餃子🥟：餃子外皮煎到好香脆，內裏軟熟多肉汁，配埋特製嘅醋汁好夾😜豚鴨沾面：😘廚師好細心用蠟燭暖住個湯底，湯底味道香濃，唔會太咸，餐牌寫住係用鴨雞同魚淆出嚟嘅；沾面嘅面質比較實，唔似拉麵咁爽口彈牙，個人就比較喜歡食拉麵🍜自家製吉列炸蠔🦪：呢個吉列蠔非常酥脆🤩，外脆內軟，食嘅時候仲係燙口嘅，蠔嘅肉汁同鮮味都鎖住咗，配埋特製嘅醬汁，好似係鰻魚汁加沙律醬，味道非常夾，酸酸甜甜，中和返炸物嘅油膩感芝麻辛辣拉麵 🌶好少食到辣味嘅拉麵，呢個拉麵帶少少麻辣同麻油

其實我個人對於日本拉麵要求是比較高的，欣賞的角度也較常人更為刁鑽一些。我點的是醬油拉麵，我給湯底的評價為“淳厚”，淳厚並不是單純的像我吃過其它的拉麵的多油多鹽而造成的油膩感，而是不會因為過分油膩而齁，也沒有過分寡淡的甜，給我一種應該是小火熬制後湯底獨有的細微的顆粒感和鮮香的滿足感。叉燒很厚，很大，個人感覺要是薄一點就更好了。因為一口吃下太容易滿足，PS：純屬個人習慣，我平日吃拉麵總是要小口的吃叉燒，總覺得要把叉燒留在最後吃才有意猶未盡的樂趣。雞蛋應該算是一個小亮點吧，我個人是比較喜歡這種7分火候的雞蛋，硬度適中剛好可以夾起，蛋液也不會在夾的過程中太多的流出，一口吃下時也不會像10分熟的雞蛋一般的澀，既有固體的質感也有液體的絲滑，及其適合我這種角度刁鑽的拉麵客。

呢間拉麵店喺尖沙咀K11 Musea開嗰陣已經想試，而家沙田都有分店，喺正我樓下仲使諗嘅。聽聞日本店係米芝蓮餐廳，咁第一次就試吓佢嘅招牌「多賀野醬油拉麵」啦。食拉麵之前飲啖湯先，係走清淡路線嘅味道，有淡淡鰹魚香，又有雞湯微鹹，加埋醬油味，層次豐富但又唔會好重口味。同平時食開濃郁嘅豬骨湯拉麵有另一番風味，鍾意清淡口味拉麵嘅朋友仔會鍾意。之後試個麵，呢度餐牌冇得揀軟硬度，但我覺得個硬度係適中嘅。麵身偏幼，口感都煙韌，仲有少少麥香味，幾好。拉麵仲有兩塊大叉燒係最驚喜，真係超大塊，肥瘦適中，咬落好鬆化，唔係好柴或者成口油，女仔都啱食。仲點咗個蝦小食，份量以小食嚟講都ok，啲蝦唔會炸得太乾太油，脆卜卜咁送酒一流。呢餐都幾好食，不負米芝蓮餐廳之名，下次會再嚟試佢哋嘅沾麵。