竹虎京堂

Open Now

Now Closed

Megabox food court開咗間新派日式餐廳值得留意嘅係「竹虎京堂」同銅鑼灣好出名嘅「奈良上釜」都屬同一集團，同樣係用獨特方式煮飯，總之就係要試佢個飯啦！今次竹虎京堂主打就係佢個竹筒飯，另外仲有丼飯、天婦羅，蕎麥麵而竹虎京堂嘅米就特別用咗北海道，據講米粒比較大，米粒的水分消耗慢，煮出嚟嘅飯更有口感首先要大讚佢每一碟前菜，真係好精緻好好食啊（其實仲有個茶碗蒸，不過我換走咗）盒入面左上嗰款前菜勁好食‼️有啲爽口，口感極好竹筒飯味道⭐️⭐️⭐️（3分）用竹筒蒸特別健康，同時為咗突出飯香，無特別添加太多醬汁，食完個飯都唔會有罪疚感啊想有多啲味可以撈埋啲明太子食！而今次個比較濕潤，下次再試下會唔會好啲先附送嘅茶好好飲，絕對唔係普通茶包，一問之下先知，原來係用咗京都綠茶嘅荔枝綠茶茶葉🍃當中成份包含荔枝果實多酚、茉莉花、玫瑰花瓣。有助防抗衰老，減少內臟脂肪並維持血管健康另外要特別讚佢個小甜品，係我最鐘意嘅麻糬啊好滿足嘅一餐，又健康又好味

早兩日見到介紹講Megabox有竹筒飯食，咁啱同朋友出開去就梗係要試下啦。去到既時候大概係五點幾六點，未開始多人，我哋就喺Megabox行左陣再返黎。點知六點半左右既時候超多人排隊，佢可以揀喺舖頭入面食，或者喺Food Court到食。我哋見未係好肚餓，就決定等位喺入面食。睇左陣超厚既Menu之後，我哋就叫左月見雲丹、竹筒山葵昆布柱扇貝、北海道牛乳紅松葉蟹薯餅。超厚既Menu其中一頁。飲品MenuSet Menu月見雲丹：海膽幾甜，set既份量幾多。飯冇咩竹既香味，水份幾多，幾濕潤幾黏。竹筒山葵昆布柱扇貝：扇貝份量好多，幾甜。飯同月見雲丹差唔多，唔算特別出眾。北海道牛乳紅松葉蟹薯餅：超Creamy，牛乳味都幾濃，好食。座位幾舒適，店員好有禮貌。野食水準唔錯，Food Court價錢，抵食。到晚餐時間會好多人，想食既朋友可以考慮喺Food Court食，或者早少少黎排隊，避開最多人既時間。

昨天晚上過來Mega Box 購買家品，同事介紹有一間新開的日本店，特式是竹筒飯，在購物前就先來醫肚。看完菜單，竹筒飯款式很多很精緻，但我還是偏愛冷蕎麥面，我點了一個番薯南瓜天婦羅蕎麥面，賣相很好，價錢又不貴，很有在日本吃的感覺，餐具是用竹木的，十分講究。性價比高，難怪很好多人排隊！

📍九龍灣特色竹筒飯 -- 竹虎京堂🐅前幾日睇到網上介紹呢間喺mega box嘅竹筒飯專門店就覺得好吸引！😍所以今晚前幾日就同朋友去試下😍-------⭐月見免治雞肉竹筒飯（$68）每個竹筒飯餐都有五個前菜 茶碗蒸 同甜品🙈前菜有魷魚刺身 枝豆 蜆肉等等 味道正常~小編幾中意個茶碗蒸 雞蛋蒸得好滑嫩😝入面仲有野菌同鳴門卷🙈竹筒飯都幾出色 賣相特別 以長竹筒作為器皿 有竹嘅清香之餘 保溫效果都好好👍保證啖啖熱辣辣🙈免治雞肉同生雞蛋撈埋啲飯一齊食好滿足！💕💕甜品係芝麻麻糬 口感煙韌！👍為呢餐劃上完美句號😝--------總括黎講食物質素唔錯 有特色 而且價錢公道！💕店員服務有禮👍有下次！😝--------價錢：$68--------評分（10分滿分）賣相：8味道：8性價比：7回頭率：7--------餐廳地址名稱：竹虎京堂地址：九龍灣宏照道38號Mega Box 10樓4號鋪前往方法：九龍灣站A出口轉乘mega box shuttle bus

今日（星期日）去Megabox同屋企人食飯，5:30pm行過見到「竹虎京堂」仲有大枱，即刻衝入去食！我哋有8個人，4大4細，再晏啲就好難搵位！佢哋有三張BB凳（Ikea嗰張），俾我哋用咗兩張😅😅竹筒西京比目魚 $88竹筒明太子赤雞 $68竹筒豚角煮 $68竹筒蟹肉蟹味增 $148赤蝦帶子海膽小丼 配熱烏冬 $108番薯南瓜天婦羅蕎麥麵 $68帆立貝及北極貝 $78三文魚及吞拿魚 $98價錢算合理，個竹筒飯睇落好細，但其實都真係食得飽一個正常人！如果你好大食就難講啲。試咗咁多樣，最正係個比目魚！其他都ok啦！不過不失！招呼好好！賣相精緻！坐得舒服！Good👍🏻

上網見到有人分享呢間主打竹筒飯的餐廳所以專程去試下！可能因為位置比較偏 係mega box仲要好入既位置所以我地星期六中午去都唔多人一去到就有位坐😁首先俾我地飲既綠茶係有荔枝味 好surprise我叫左個三文魚竹筒飯係日本定食咁 有幾個小食、茶碗蒸同一粒紅豆麻糬竹筒飯好好食 係我鐘意食比較淋既飯而且每一啖都好有味 三文魚好多每一啖都有三文魚 好足料男朋友叫左明太子雞味道都好好 不過個人覺得三文魚更出色呢間價錢唔算好貴有機會再黎呢頭行街都會再去食！

前排見到food court 有新既日本餐廳裝修緊，一直好期待佢開張。今日黎MegaBox lunch ，見到虎竹開左張，一於試下！Menu 都幾多選擇，除左熟食外，仲有魚生丼。由於佢係food court 範圍，除左坐係餐廳入面，仲可以係出面食，大家想食唔同餐廳都可以！今日就叫左炙本三文魚左口魚邊小丼，78蚊一個set, 除左主食外，仲有一個帶子邊小食，熱烏冬。刺生新鮮，三文魚都算肥美而且燒過十分香口，左口魚邊有口感，再配埋醬汁，唔洗點豉油都好夠味，魚生上有小小沙律菜同蝦米，配搭魚生食可減低肥膩感。烏冬比較一般，可能預先煮定，有啲淋。整體黎講，食物質素好，而且賣相都十分精緻，但如果份量可以再多啲就完美。

放假去了magabox逛街，7時多去咗呢間日本菜，去到在溜冰場旁，呢間新開嘅日本菜餐廳食晚餐，唔使等位坐二人枱，喜歡店內面積雖然不大，裝潢回應到竹筒飯的主題（竹燈罩、竹蘺芭、竹形杯）餐牌食物都以日式定食為主，主菜款式好多，總有一款揀到啱心水，而我揀到我的最愛⋯⋯蠔🤩柚子杜蠣（$198）價錢已是店內最高價位的定食頭幾名了，因為有四種煮法的蠔，賣相擺盤幾精緻，先講前菜，蠔刺身：用醋汁點浸，好鮮又酸酸的開胃海草好味魚片麻醬沙律正常炸蠔：是失望的，雖然賣相放在竹籃子精緻，炸漿太厚，蠔太細，雖然蠔肉是新鮮嫩，但相對厚厚的炸漿殼，完全不平衡！失望！燒蠔：略燒得過乾，水份不夠，蠔味淡，一般蒸蛋：比平時見嘅大碗啲，蛋好滑，有日式上湯嘅味道，不會過甜（太蛋蒸蛋都似食甜品）蝦肉爽口，鮮菇正常蠔竹筒飯：汁煮蠔肉我不知道是否同飯一齊煮，只覺得略為老咗啲，喜歡食蠔豉的人會喜歡，好有食蠔豉或金蠔嘅質感（個人不喜歡蠔豉）飯值得讚，索晒調味汁嘅味道又唔會太爛，仍然粒粒分明！調味又不會太重手，同飯本身味道平衡到！好味甜品：哈蜜瓜糯米糍：皮煙韌但餡嘅哈蜜瓜醬非常假，好怪！寧願你比翻紅豆/抹茶/芝麻呢啲安全嘅味道！店員有禮

最近Megabox新開張的日本料理，以日式竹筒飯為主打，近來已來試吃兩次最近一次點了竹筒鰻魚飯套餐，鰻魚燒得很香，而且比算厚身只可惜他們飯的份量很少而其他配菜均只是不過不失只有蒸蛋算是比較滑及可口因為早知份量不足，另外點了北海道牛乳紅松葉蟹餅，只是味道真的一般且價格極貴對上一次光顧是試業期間點了熱烏炙本三文魚及左口魚竹筒飯套餐，好長的名字，火炙的魚都處理得不錯，香而不膩配合口感不錯烏冬，可以一試整體感覺還可以，只是價格偏高

睇到廣告介紹有抵食抵玩兒童流水烏冬餐，點知原來淨係得晚市先有，廣告上無提，而且大部分係定食，無乜散叫選擇。我哋下午茶時間去到BB無得食流水烏冬冬，咀仔都扁曬⋯唯有叫其他嘢食，叫咗三份餐同兩個小食，不過都唔係咁吸引，味道一般，應該唔會再去炸芝士年糕 - 芝士味好香，呢碟燒蟹蓋 - 幾香，都可以南瓜蕃薯天婦羅凍烏冬定食 - 天婦羅、烏冬好食嘅，係個汁；冷麵汁同天婦羅汁味道差不多一樣燒牛舌定食 - 味道可以，不過好癡牙，食完之後要清潔一輪柚子牡蠣定食 - 一般

新開的餐廳有堂食位置或外賣係food court食座位都舒服但不算闊午餐兩個人比較易搵位堂食叫左明太子燒雞竹筒飯味道不錯 鹹甜適中有配幾碟side dishes 蒸蛋好岩我口味 不是熱 是暖的醃蒜頭係出奇地好食無蒜頭個陣臭味 仲要好爽口不過餃子皮有點硬其他小吃味道都可以呢個水準配呢個價錢真係算不錯了入坐提供杯茶有陣濃濃荔枝味好香個人覺得好好飲另外見到好多人都叫魚生飯配冷/熱烏冬都好吸引還有天婦羅蕎麥麵 （但見唔到有食緊）下次再去試

於Megabox溜冰場旁開了一間新的日本餐廳，座位舒適，所以決定試一下！一坐下，職員即遞上餐牌及熱荔枝茶，淡淡甜甜的荔枝香，入口清新。餐廳有不同選擇，包括竹筒飯、刺身、其他小食等由於我同朋友不算太肚餓，所以每人點了一個竹筒飯套餐。餐廳店內有大字海報稱用上日本北海道大米，信心保證。每份套餐包括主食+竹筒飯、前菜數碟、餃子及蒸蛋。豚角煮竹筒飯：豬肉煮得十分入味。肉跟脂肪得比例各一半，令口感十分豐富，軟滑但亦充滿咬口感。飯的確是用上日本米，形狀圓圓，Q彈有勁，有少少竹的味道。其他前菜有魷魚、昆布等，均不錯。朋友所點的鰻魚竹筒飯：鰻魚大片，厚身，燒汁味濃。總結：食物味道不錯，再來Megabox的話，會再次試試其他菜式。

知道懷石料理都糸的的式式，食樣多過食味，誰知今日試左呢間，份量絕對食得飽，味道可能淡口一D，至於食材方面也絕對新鮮，配搭埋D林林種種既配菜，出奇地match，特別推介一個全蟹肉竹筒飯及一個海膽竹筒版既dinner set，主菜吾洗講，蟹肉加三文魚籽加醋壽司熱飯，另一款蟹肉換左海膽，入囗那種鮮加埋口爆三文魚籽白米，重需要講野麼？另外吞拿魚腩也一絕！略嫌只是在Food Court裏其中一店，舒適度一般。總結值得一試。