たまご園 (荷里活廣場)

Open Now

Now Closed

琴日去咗鑽石山地鐵站荷里活廣場嘅Tamago-En喺現場糖食嗌咗$88嘅疏乎厘班戟首先講吓餐廳嘅環境餐廳環境寧靜，偶有背景音樂餐廳嘅地理位置非常之方便，一出鑽石山地鐵站就係荷里活廣場荷里活廣場再上電梯就係Tamago-En接住落嚟我會想講一下食物嘅質素我認為呢一份疏乎厘班戟係物超所值班戟非常之軟身，而且有非常之濃嘅蛋味形容一下班戟嘅質感— 佢中間係含有非常之多空氣係非常之鬆軟嘅一種班戟唯一缺點就係食完好似一陣風咁樣因為佢嘅材料非常之輕身所以某程度上食完都係唔夠飽嘅然而我會話佢嘅甜度恰到好處佢唔係嗰種死甜，而係有蛋味同埋麵粉味糅合埋一齊嘅甜味每一啖都好似一個新發現，每食一啖都好似升咗上天堂咁樣但相對嘅缺點就係當食完成份疏乎厘，就好似跌返落凡間咁樣好似有一個夢醒返咁樣講完班戟嘅味道，我好想講吓附上嘅雪糕球附上嘅雪糕球係雲呢拿味雪糕球嘅雲呢拿味非常之重，但又恰到好處佢係比較濃嘅雲呢拿味，但又係唔會喧賓奪主取替左個雪糕嘅精髓— 就係佢嘅甜味同時間甜味亦都唔係死甜嘅我認為喺雪糕食完之後，千祈唔好嘥剩低溶咗嘅雪糕可以用疏乎厘班戟沾上嚟食一齊食嘅效果大概就係— 有牛奶味同埋雲呢拿味嘅疏乎厘班戟佢同時

呢間餐廳真係每次經過都見到有好多人喺入面食飯，今次係我第二次喺呢間餐廳食。我第一次食嗰陣覺得唔好食，但係上一次朋友A認為幾好食，所以決定同朋友B再俾多次機會呢間餐廳，行入去食多次。我一直都覺得就算人地覺得幾難食嘅嘢，我都可以將啲野食放得入口。但係今次就真係不行了。。。平心而論，雖然食物賣相真係唔錯，但係完全唔知道自己食緊啲咩。尤其係三文魚蛋白拌飯，淨係得拌飯素有啲味，每啖飯好似食緊無味道既cream，三文魚粒又少！叫左杯凍鮮奶咖啡，然後比左透明糖漿我倒入去，我就真係唔鍾意飲，唔好expect有Starbucks出面賣咖啡既質素。燉牛肉黑咖喱蛋包飯，係我覺得有咖喱味既蛋包飯，但係真係好普通既味道，溫度只係岩岩好有啲暖，一大隻碟得一細篤飯同7舊肉。臨走埋單個陣，有個職員仲每枱客都大大聲問要唔要叫甜品，我同朋友B想走都走唔切，一分鐘都唔想留係間餐廳到。總結而言，食物同餐廳質素唔值呢個價錢。

昨日（31/5/2022）又嚟鑽石山搵食，第一次幫襯以雞蛋為主題既餐廳。點了2份午餐吉列蝦滑蛋丼，有3隻吉列蝦，加咗蛋汁在面，仍脆口，配料有洋蔥，洋蔥應用咗日式調味料煮，甜甜地，送飯正。燉牛肉蛋包飯，汁夠味及勁多，好似湯咁，每粒飯都可以沾滿了汁，蛋當然好滑，牛肉太鬆，無咬口，麻麻地。跟餐有沙律跟餐蕃茄湯及味噌湯，蕃茄湯好濃，好味另點了南蠻炸雞配自家製他他醬，雞炸耐咗，個他他醬好好味。朱古力奶昔，都唔錯

餐廳位置鑽石山荷理活廣場，地方咁方便一定要去試下啦😍😍😍明太子三文魚忌廉蛋包飯個樣好吸引🥰味道不錯，玉子燒好厚好好食，白桃梳乎厘pancake正，喜歡入口即溶的感覺😋

行過見到呢間門面幾可愛，決定入去試下，叫左一個吉列豚滑蛋丼，同埋一份Tiramisu pancake。個飯既吉列豬扒不過不失，唔算脆，啲蛋好滑，味道都有啲過咸，反而個pancake 唔錯，岩晒最中意食甜品既我，梳乎厘都幾空氣，都有蛋香味，Tiramisu 味唔會太甜搶過蛋香，下次可以試下其他食物，賣相都幾吸引～

同老公試新野頗酸既蕃茄湯櫻花草莓奶幾好飲，隻色好少女🤩抹茶奶無咩特別對於男士嚟講唔多夠飽，漢堡唔夠牛味反而黑松露忌廉意粉唔錯，麵既軟硬度都剛剛好嚟呢度既目的就係想食甜品😆😆老公話係空氣餅，本身係原味，焦糖同埋tiramisu掙札左好耐，最後問店員邊款多人揀d，佢就答我各有各，不過tiramisu就無咁甜，焦糖比較甜，所以我就揀左前者。一嚟到就覺得佢dum dum下真係好qq，二嚟好有蛋香，三入面仲有煉乳好彩無揀焦糖🤭🤭係幾似食空氣，無特別喜愛試過就夠。

食物質素同味道係乎合價錢嘅。只係4個人落單叫4樣野，其中3個人嘅野食到晒，大家食到中途問侍應，佢話好快到；到3個人差唔多食晒再問，我話如果漏單就取消。 經理話食物落左單嘅，等等。轉頭就話，廚房唔見單。一個大人2個小朋友食晒野準備走，要去另一地方，經理攞碟食物黎話free返比我。如果你一早道歉問我就唔洗浪費食物。另外，唔會black list呢間餐廳。嗯。。係一個不幸掛。。 但我唔會再幫襯。呢個係公司培訓、員工處事方式同基本禮貌嘅問題。

去鑽石山買野，路過見到Tamago-EN 每日指定有一款食物可以半價做外賣，仲要外賣自取有8折好抵食！本身都好鍾意食呢間既蛋，咁啱路過又咁抵就叫外賣！點左半價吉列豚滑蛋丼$44（原價$88），諗住半價可能會細份少少，但仍然係原本果份咁大份！ 滑蛋煮得好滑，炸豚肉肉質好嫩滑，而且好易咬，雖然層皮唔脆，但仍然好好味，推介！之前堂食都好鍾意點忌廉意粉，點左煙肉明太子忌廉意粉外賣自取特價$58。好鍾意佢有粒半熟蛋，撈完更creamy 更好味再點左南蠻炸雞配他他醬 $58～外賣始終冇咁脆，堂食好味d 😌

This is a nice Japanese restaurant with big plates of good egg wrap rice. The egg was very smooth and delicious. The rice is chewy and the texture was just well balanced. The seafood was fresh and yummy. The set was big and even a male adult can get full with just one set. In this perspective, the price was reasonable as the full set also include soup and you can add a little amount to buy one more drink. The environment was comfortable. The renovation was wonderful and lighting made people deli

過年食得太多糕，想食下其他甜品，今日為左個梳乎里再次幫襯Tamago。成個lunch 我地一行三人，食左一個明太子煙肉忌廉意粉，燉牛肉蛋包飯，抹茶鮮奶同士多啤梨梳乎里pancake。成件事，好幸福呀！

之前去到荷活廣場食過1次，今次第二次再試試...之前食肉醬意粉好好味，玉子燒都ok 今次試個燉牛肉咖哩蛋包飯😍賣相味道都好味嫁，牛肉燉到淋👏，唯一唔夠熱（我唔係要熱辛辣辣個種，微暖都好😭）室溫咁...汁係凍...唔係勞煩人再叮...點都好😅下次我會叫佢叮熱啲出泥🤣😂法式焦糖梳乎里班戟，好彈🤣家人喜歡😋👍另外叫左個草莓奶昔，清甜，有雲喱拿雪糕係頂🤩唔記得影，仲有個芝心雞肉漢堡兒童餐都ok職員態度有善，細心！下次都會再來🤭加油！

喂食Niki去搵好嘢食😋以雞蛋為主題嘅餐廳🐓🥚本身係蛋控嘅我又點會錯過呢？鰻魚滑蛋飯鰻魚跟蛋係絕配雞蛋味好香濃而且索晒鰻魚汁送白飯一流👍🏻以呢個價錢來講鰻魚份量亦都算多明太子三文魚忌廉蛋包飯明太子味唔算好重三文魚有啲乾身個人來講唔係太鍾意食原味梳乎厘班戟🥞我鍾意食疏乎厘pancake鍾意佢入口即溶嘅口感我覺得呢個pancake做到呢個效果同埋蛋香味都好濃郁以$68呢個價錢來講我覺得性價高綜合來講呢間係適合親子一齊嚟食嘅餐廳裏面嘅擺設都好得意我哋好似坐喺雞蛋裏面食嘢咁嘢食方面心水推介係原味梳乎厘pancake🥞

一向都好鍾意食蛋既我，見到喱間日式專食蛋既餐廳又點可以錯過🤤見到餐牌佢d玉子燒好吸引！燉牛肉蛋包飯主食今次叫左個蛋包飯試下，個賣相同佢menu係一樣，都幾吸引，個蛋望落好滑😍食落都好滑，不過佢個牛肉就有啲蘇蘇地🤔個汁食落都普通，冇咩特別。大阪燒風八爪魚捲喱個我抱住好大既期望去叫，當然食落去都冇令我失望，雖然佢入邊嘅章魚唔係好大粒，不過佢既蛋都係好滑，好香，配合埋大阪燒嘅汁，真係好好味🤩🤩

今晚同朋友一齊食飯，環境有特色，座位舒適寛敞。松葉蟹🦀肉玉子燒🍳玉子燒十分嫰滑，雖然只有三件，但三件玉子燒上面都好多松葉蟹肉，味道鮮甜，厚度十足，無偷工減料，值得推介。海鮮辣香蒜意粉有少許海鮮，例如：魷魚🦑及蝦🦐，香草🌿味濃，十分清新，意粉有嚼勁，油分平均，味道不錯。提拉米蘇梳乎厘十分特別，軟綿綿嘅梳乎厘中有脆卜卜既Oreo曲奇🍪，口感特別，個人比較鍾意原味梳乎厘多啲，梳乎厘幾好味😋

本來有商場coupon就去試吓，叫左蛋包飯，好令人失望，d飯好硬，味道又好淡，於是食咗 d 就走埋單時又話加多少少野先可以用coupon於是叫多少少野然後俾錢職員收左coupon但係碌卡照扣原價同佢哋講就話冇得改語氣差又黑面，道歉都唔想講以後都唔會再幫襯