たまご園 (荷里活廣場)

Open Now

Now Closed

今日嚟到鑽石山搵嘢食。見到呢一間日本餐廳，裝修好靚，餐牌網絡都好吸引，就入咗去食。😃$3入邊選擇非常多，有前菜，主菜，甜品都有好多選擇。😚特別嘅係佢成個餐牌都係用雞蛋做主題。我哋叫咗一個薯仔沙律，黑松露意粉，玉子燒，仲有個焦糖燉蛋添！😄薯仔沙律上邊有一隻半熟蛋，仲有沙律菜。菜都好新鮮。黑松露意粉上面都有一隻溫泉蛋，撈埋一齊黑松露味好香。玉子燒總共有五隻味，每隻味都各有特色。魚蛋本身嘅生熟程度啱啱好，好滑。最後一個焦糖燉蛋個甜品本身都好滑好好食😋

早前搶到1折卷買左呢間餐其廳卷！$10買到$100，好抵！所以就去左呢間餐廳獨自食個lunch！叫左呢款燴雞肉蛋包飯 $88！加$15有埋西湯同沙律😍個雞好嫩滑！一人份量黎講都算幾多雞！個蛋好滑好香，賣相又做得好靚！配埋醬汁好好食🤤🤤

開會前約了同事一齊吹水食飯。不為談工作談是非，只為未達成上次未能光顧的心願。那次是新開張，我們6個一行人打算試試，誰知1130已滿坐，唯有轉場。幸好今天二人有位了。朋友推介要吃蛋都飯。本來我也怕自己吃不完這麼多，最多半碟，誰知竟然KO了大半餘5口左右，叻午市原來包餐湯和沙律，不錯

偶然經過發現這間店，蛋控的我當然要試一下😁這間以蛋來做主題的餐廳，裝修上當然也有不少蛋的裝飾，很可愛！ 菜單上有很多‘’蛋式‘’，如玉子燒、蛋包飯、三文治，還有生雞蛋伴飯 😳…. 便問問職員們，才知道這裏的雞蛋是從日本沖繩縣直送過來，經過紫外線殺菌，並通過了食品安全最高標準，所以可安心食用。🤩因蛋太容易飽，所以只點了三款：玉子燒！濃濃蛋香，口感鬆軟，十分好吃芝士明太子筷子捲，金黃色的蛋漿配明太子捲非常美味Soufflé pancake, 很香很fluffy，大愛還有很多都想試試，下次必定再來

雖然味道和口感不錯,但是下單時間長達45分鐘.而且附近有一間餐廳,雖然價錢多一點,可是味道和口感都完勝這個滑蛋吉列豬扒飯.但是飲料味道好很多,各有各好吧......

小妹鐘愛Pancake, 見這間餐廳的食物圖片相當精緻, 便特意約定朋友一起前來用餐。餐牌上有招牌玉子燒，牛油果生雞蛋拌飯看來又那麼吸引，於是便一併叫來吃。既厚又熱騰騰的玉子燒是很不錯的！可惜個拌飯實在讓人失望。個飯「凍冰冰」，不好吃！兩個甜點Pancake是可以的，下次有機會再來只會點Pancake 好了！

鑽石山都開咗Tamago-EN😍我已經幫襯左兩次😬早前去元朗分店覺得環境相對細，但黎到鑽石山覺得餐廳環境大啲，枱與枱之間好闊落，坐得好舒適☺️整體味道唔錯，蛋控可以不停encore😘1️⃣海鮮蕃茄忌廉蛋包飯 $108 依款海鮮蛋包飯，海鮮份量好多，有蝦同魷魚圈，蝦肉食落好爽口，旋風蛋都好滑好薄包住啲炒飯，配埋蕃茄醬食落好夾😋2️⃣吉列豚滑蛋丼 $88 依款吉列豬扒炸得好香脆，炸皮都好薄，食落啖啖豬扒，有滑蛋同洋蔥配合，食落有啲油膩，飯既份量好多，起碼有碗半飯😂整體不過不失。3️⃣燴雞肉蛋包飯 $88 依款燴雞肉蛋包飯，雞肉份量都幾多，雞肉食落好嫩滑，仲配有西蘭花伴碟，整體唔錯。4️⃣Tamago-EN親子丼 $78依款親子丼食落啲蛋唔夠滑，雞肉亦有少少偏老，雖然份量幾多😂但覺得依款麻麻地。5️⃣南蠻炸雞 配自家製他他醬 $58推薦依款南蠻炸雞，黎到見到個份量好抵食，味道💯炸皮食落香脆，唔會好乾，入面既雞肉仲係熱辣辣，雞肉食落好嫩滑好多肉汁，配埋他他醬，超好味呀😋6️⃣士多啤梨奶昔 $48 依款士多啤梨奶昔飲落好重奶味，入邊有好多士多啤梨肉同用咗生雞蛋去整成既奶昔，飲落完全冇腥味，推薦😚

去新地方做瑜珈嘅緣故去咗超耐冇去過嘅鑽石山，唔知關唔關屯馬綫開左，個商場真係好多人！！😕😕 好彩一早用app拎定飛所以去到等左10分鐘度就入得✌🏻✌🏻.碎金鎗魚腩生雞蛋拌飯 ($65)喺門口已經俾呢個個樣吸引左，因為怕太寡嘅關係就加埋吞拿魚蓉，不過嚟到嘅時候見到吞拿魚嘅份量就有少少驚訝，因為真係僅僅夠圍住個蛋黃一轉😅😅 不過個蛋白泡泡真係好fluffy都ok，蛋味算重連埋飯素同埋醬油、飯嚟食，成件事都算唔錯。不過如果偏好濃味或者中意多餸嘅，呢個就未必啱你了.親子丼 ($78)另外都叫咗親子丼，雞肉算嫩滑而且件數都幾多，而蛋本身加左醬油煮，唔錯但相對嚟講比較普通。值得一提嘅係佢地會俾啲柚子胡椒你，平時連埋壽司食就試得多，甘樣配飯食真係第一次😳😳 但又出其地夾，令碗飯嘅味道特別番啲 🤔🤔.法式焦糖梳乎厘班戟 ($88)食完兩個主菜之後本身對個pancake冇咩期望，但點知又比想像中好食！蛋香味重，焦糖醬唔會太甜，而且pancake口感都好鬆軟，性格比絕對算高！🤤🤤.整體嚟講其實唔差，經過其他枱見到蛋包飯好似幾正咁！再唔係食飽飯淨係過嚟食個pancake都得 😆😆

たまご園🇯🇵🥚(附上雞蛋超人🦸‍♀️）—————————————✨燉牛肉蛋包飯 $118啖啖都有醬同埋雞蛋好正啲飯是雞肉炒飯啲燉牛肉都有啲咬口啲汁撈飯正呀有啲蘑菇可以叫添啲雞蛋仲應該加咗奶 好滑要try try 👍🏼👍🏼 ✨鐵板芝心雞漢堡餐（忌廉汁）$118原來是雞漢堡完全唔aware😂😂怪唔之得食落口好滑一啲都唔鞋蛋黃在飯上可拌 而白在鐵板上躺平啲飯都係雞肉炒飯都好味 會帶啲西蘭花同水烚蘿蔔仔拌碟忌廉汁撈飯食都gd gd !✨芝士明太子筷子卷🥢 $38一串好味喎！大阪燒+小丸子+pancake 嘅味道蛋黃又唔係完完全全流心 唔會吉到周圍都係蛋液入面有芝士亦都食到極細條嘅薑絲好味喎！✨熱玫瑰香濃朱古力🌹 $32一上杯嘢嘅時候已經聞到極香嘅朱古力味飲落去好濃好飲又帶啲玫瑰咁又唔會話好甜👍🏼👍🏼好飲喎！細細杯已滿足的高汁飲品呢！好睇好食推薦❤️❤️❤️❤️❤️✨

今日係荷里活商場睇完個早場十一點幾就開OpenRice 睇下附近有咩好食！掃左陣就見到呢間幾得意，就即管去試下去！1130準時開門成為第一枱食客，所以可以揀卡位坐！仲有雞蛋攬枕陪坐Tim!唔洗半個鐘餐廳已坐滿人！今次兩個人叫左一個lunch set 咖喱燴雞肉蛋包飯$88 +是日西湯-蕃茄湯（另可以揀麵豉湯）+沙律+熱班蘭無花果香檸$30蕃茄湯好好味😋沙律細細杯作前菜好開胃！而咖喱雞肉蛋包飯外貌吸引，但溫度是微暖，而且雞肉是不新鮮的！有待改善！而杯特飲幾得意幾暖胃！另外點左一個小食 - 芝士明太子筷子捲$38呢個又睇得又食得！雞蛋超好味！當然最後唔少得甜品 - 白桃梳乎厘班戟$78震騰騰好得意！味道都唔錯！雖然埋單要加一服務費，不過持有戲票會打番9折！所以睇完戲黎呢間食野都唔錯嫁！

今次約咗朋友係呢間食飯，點知我個飯嚟錯咗，等到我朋友食完我個飯先到🙄·✨吉列豚滑蛋丼 $88豬扒有4大舊，算厚身，而個蛋都生生地，唔會太熟咁，整體係好食嘅😂可能太餓啦😂·✨鰻魚滑蛋丼 $98朋友反映有一兩舊有少少骨😅·✨明太子三文魚忌廉蛋包飯 $98餐牌望落吸引，影相出嚟又冇想像中咁靚，不過都正常味道嘅😌·✨法式焦糖梳乎厘班戟 $88班戟🥞幾有蛋香，味道不錯🤣·🌟味道都ok，係要等咁耐嗰下真係唔掂，講完都仲等咗好耐先有，其實整錯係咪應該即刻整返比客人呢😿

有水準既玉子燒🔥想嚟呢間主打雞蛋料理既日式餐廳好耐喇！餐廳以日本蛋作招徠，成個餐牌以至裝潢都以雞蛋作主題，蛋控真係唔可以錯過。🍳 招牌玉子燒相比起5款特製玉子燒，其實叫無加任何配料既招牌玉子燒，更能夠食得出本身既味道。外層唔會煮得太老，食落香甜鬆軟，味道同口感都剛剛好，幾推介！🍅 蕃茄湯+沙律味道偏酸同杰身，都幾開胃。沙律拌埋芝麻醬，則夠哂清新。🍝 煙肉明太子忌廉意粉意粉都幾大碟，仲毫不吝嗇地加左好多煙肉。吉穿最頂既生雞蛋，蛋漿撈埋忌廉汁一齊食，味道更香濃。🥞 白桃梳乎厘班㦸賣相幾靚，震tun tun得嚟空氣感幾重，入口亦充滿蛋香，白桃就相對普通，同埋啲cream可以落多少少。

來到荷裡活廣場搵好野食，行了一圈，見到呢間有甜品，而且仲要係我最中意的鬆餅，一埋位我就急不及待叫了餐，因為menu 寫住鬆餅要等25分鐘，我梗係拿拿聲落單先。 等候期間，見餐廳好多客人用餐，好多人都係叫咗興雞蛋有關既食物，無錯‼️呢間最出名係佢地雞蛋🥚，沿用日本雞蛋，一定香濃好味，可惜我真係想食甜品😆 餐廳裝修好有日本既感覺，以雞蛋為主題，座位舒適寬敞♥️♥️我餓住肚仔，真係足足等咗25分鐘後先上到鬆餅🥞不過賣相好靚，我叫咗「🍓士多啤梨鬆餅」賣相好靚💕味道：鬆餅真係好鬆化，同我之前係日本好出名果間鬆餅有得揮，溶化係嘴裡，感覺真係好幸福🥺🥰注意‼️🍓🍓好酸，呢度扣小小分🙈下次會想試下佢既滑蛋飯🥚整體好評⭐️⭐️⭐️⭐️

鑽石山廣場有免費泊車所以特登過嚟試一下。原本只想食pancake，後來見到有午餐都幾抵，有沙律有湯，就叫兩個午餐加嘢飲，另加一個pancake。三文魚生蛋飯+ ice chocolate 香草大蝦意粉+ caramel latte Tiramisu pancake 個三文魚飯聽講個樣係幾靚，但我見唔到已經撈左，都OK濕濕地。但杯凍朱古力就超甜好普通。大蝦意粉好油，食完好油好肥膩。caramel latte 上面一大舊cream，可能咁個樣好睇d…飲落去ok.Tiramisu pancake, 比起個圖差好遠，因為上太細舊，唔抵食，個pancake蛋味係夠重，係好味的，如果大塊厚啲就好極了。另外不喜歡係pancake中間加咗Oreo，有少少多餘，可能想pancake高d….也有可能諗住tiramisu 有餅係中間，但係用左Oreo就更加甜過龍。

呢間Tamago-EN都有幾多分店，主打食雞蛋菜式呢日黎到荷里活廣場見到新開張，就試下一餐雞蛋晚宴當日有一款期間限定特飲：紅寶石朱古力，誘人既粉紅色，好香朱古力味，混合埋莓果既酸甜味，好過癮水果茶亦清新香甜，水果新鮮，而且好大杯！煙肉明太子忌廉意粉(配慢煮蛋)，忌廉配上雞蛋，令到意粉更加creamy濃郁微鹹既煙肉更添口感，亦平衡返整體既油膩感海鮮蕃茄忌廉蛋包飯，蕃茄同蛋味道非常夾，外圍既蛋細滑而且豐富海鮮份量都好多法式焦糖梳乎厘班戟，一上枱就見到兩塊班戟彈彈下，非常鬆軟蛋香味十足，甜度適中，入口即溶，高質