魂 (Closed)

呢間餐廳，除左「正」之外，都只能用「很正」嚟形容事不宜遲，重點嚟啦。食物方面：朋友叫左呢個青龍拉麵，感覺比其他拉麵健康。(不過拉面本身就好邪惡嘅XD)湯底味濃，嘗到豬同菠菜嘅味道。我自己叫左火魂拉麵，因為本身就鍾意食辣。估計平時喺譚仔食十小辣嘅朋友，都可以食到呢個。唔會好辣，主角仍然係豬骨味湯底濃郁，份量飽足，食得好滿足呀！不過要講我最欣賞嘅地方，係服務態度。服務方面：有耐性初初打電話去訂位，我表示需要雙人座位。店員好有耐心解釋有邊幾種座位我可以選擇。比起平時聽唔到佢講咩就收線嘅訂枱電話，呢個舉動已經加分。親切及勤奮我同朋友因為三年冇見，所以坐耐左。店員仍然不厭其煩咁酙水，酙左4-5次，講真我自己都唔好意思。但店員一次黑面都冇。加上好主動地比佐料我地，令我覺得佢有考慮我地嘅需要。可能去得太多服務唔太好嘅餐廳，所以有啲誇張左，但因為呢個服務態度，我會願意去多次。(仲有係toilet乾淨)最後埋單：祝你去到嘅時候用餐快樂！

小巷裏也有好吃的拉麵。這裏點餐是用一部平板電腦來點餐的, 非常方便和先進。拉麵款式有好幾款, 而我就選擇了青龍拉麵。另外再追加木耳、溏心蛋。小食方面，我們點了日式枝豆伴海鹽和一客炸雞。飲品方面，我們點了一樽原味波子汽水和一杯熱桂圓紅棗茶。熱桂圓紅棗茶味道比較甜, 紅棗味不算太突出, 但因為今天不太舒服, 所以飲一杯熱飲可以舒緩喉嚨的不舒服。我很喜歡在拉麵店或日式小店叫一大碗枝豆當小食吃。青龍拉麵的湯底是菠菜湯, 拉麵充分吸收到菠菜湯的味道, 質感較為杰身，很好味。拉麵上還有粟米、木耳、紫菜、香蔥、溏心蛋和叉燒。 溏心蛋是半流心的，蛋白很嫩滑。 拉麵質感微微彈牙。

波菜拉面，賣相不錯，料亦很足湯底雖然係「結」，但無咩味道（我揀湯底濃到係中），但值得一讚係隻蛋好心朋友叫的辣拉面，他點了小辣，但完全不辣，愛吃辣的可能要點大辣了，他的評語也是湯底太「結」，面好像漲了餃子很好食！很脆有肉汁，是在日本食到的那種。另外，值得一讚是服務十分貼心如果能改善一下湯底就更加好了

原來太子警署附近，酒吧街當中有一間拉麵店 ! 整體感覺猶如去了日本吃拉麵，雖然只是小店一間，但店員的服務都不錯啊，就來個簡簡單單的 !餐廳採用IPAD菜單點菜，只要自行點選喜愛且想吃了，自行下單，就可以了 ; 而拉麵方面就有 4 大款，所以選擇不會太多太煩惱除拉麵外，小食一定不能缺少 !  今晚我和友人就選擇了日式炸雞塊及日式豚肉煎餃子 ~太極拉麵 $99 - 於IPAD點選拉麵時，同時其實也揀選了自己對你的拉麵的調教及喜好，例如湯的濃度及麵的肉硬度等等這款太極拉麵以香濃黑蒜油作湯底，上面鋪了一大塊豚肉，豚肉之上更有一點極度香濃的蝦膏，令整碗拉麵生色不少，如果喜歡重味濃味一點的朋友，這款拉麵就絕對適合了火魂拉麵 $99 - 這款就跟上面的太極拉麵大有不同，因為它的湯底是用豚骨煮製，味道相對沒有蒜味的那麼重但仍然香濃的它，帶有一點微辣，邊吃拉麵條再邊喝點濃湯，太幸福了兩碗拉麵中的糖心蛋更是一絕，喜歡吃蛋的朋友就知道了，吃糖心蛋的那份滿足感，蛋黃漿滿佈你的口內，真的無法形容，這裡的糖心蛋確實做得高質素日式豚肉煎餃子 $18，這個餃子CP值夠高，3件才$18，本件都是即煎，非常香口當中的配料

今日突然想食拉麵，就即search附近有乜拉麵舖，見到魂既評價唔太差就去試下。舖面好日式拉麵feel~店舖好先進，用電子儀器落單，咁我就揀左依個太麵👆🏻個賣相幾好，上面果💩係蟹味噌。個湯底好濃郁，有少少沾口既感覺。但個麵質真係麻麻，又唔掛湯！不過最差都係舊叉燒，又薄又‘蟹’,似阿媽煲完湯既瘦肉咁！失敗其實佢賣成百蚊一碗，但咁既質素真係唔得囉！雖然話拉麵既靈魂係個湯底，但其他都係缺一不可嫁嘛！唔會再去啦！！

週末晚上 行街行到差不多九點仲未食晚餐 小胖男友忽然拉麵癮起 拉左我去食魂夜深既魂仍然不乏座上客緊貼潮流 宜家食拉麵都可以用pad落order吃貨小妹點左綠色既青龍拉麵 湯底係袐制波菜汁配豚骨湯 一整碗都係濃濃既草綠色 好有新鮮感除左日式叉燒 仲有 矜貴既魚子醬同蟹肉小胖男友就點左普通既豚骨拉麵同樣吃貨既佢 仲極速食完一碗 再加左"替玉" (即係日本既加麵底)另外仲點左餃子同清酒煮蜆兩款小食都性價比高清酒煮蜆更係估唔到咁好味題外話 當晚招呼我地既果位叔叔態度非常有善同服務周到 加分

四五年前喺銅鑼灣食過呢間魂之後，覺得呢間拉麵店真係好好味，喺香港應該係數一數二嘅，同埋去排隊嘅人數都相當之多，鋪頭細細但係充滿着日本嘅風味，可惜鋪頭加租，唯有搬走，估唔到搬咗嚟太子附近，相當之近我呀！！今日食飯時間同朋友過咗嚟食啦，搬咗鋪頭連嗌餐都變咗電子化了，侍應俾咗部平板電腦我哋睇Menu，朋友嗌左太極拉麵，我就嗌左魂拉麵，同埋我哋每人加左一隻糖心蛋，其實都好期待呢本拉麵，因為真係好耐冇食過。。。。。誰不知，，，食拉麵梗係第一時間要飲啖湯，點知啖湯一啲都唔熱，我諗用溫暖嘅形容會好啲，試問一碗拉麵個湯底如果唔熱，碗麵好食極都有限🙅🏻‍♀️🙅🏻‍♀️🙅🏻‍♀️🙅🏻‍♀️🙅🏻‍♀️

最近沒有飯隱於是友人食拉麵去，今天在太子工作完後便到酒吧街《魂》吃拉麵。青龍拉麵 HKD 99 （秘制波菜汁、配豚骨湯、叉燒、玉子、蟹肉、魚子醬）拉麵最緊就是湯底，是精華所在。而今次菠菜汁加入豚骨湯底好香濃又滑，這個味道仍留在口腔內。叉燒很棯，有小小咬口，另外還加入了魚子醬提升了其味道！ 豚肉煎餃子HKD 18 煎得剛好，夠乾身而且皮邊位沒有燶，皮溥包著小量脂肪的豚肉以帶出其香味來。 桂圓疆母茶 HKD 20杯底有很多桂圓肉，味道略有小小甜但仍可接受。 有疆味但不刺口。

環境、用具乾淨，適合大小聚會 食物主打豚骨湯做湯底亦沒有味精拉麵軟硬程度適中又彈牙。火魂拉麵 HKD 99蕃茄辣汁配豚骨湯 （叉燒、玉子、三文魚肉）小辣 ：來一個新嚐試，紅卜卜的湯內裡有蕃茄加辣汁，而湯底主角就是每日新鮮製作的豚骨湯湯底。 效果不錯 ，湯底沒有被搶了其味道。叉燒很棯、三文魚肉很好沒過火喉，所有口感也很夾。 豚肉煎餃子HKD 18 餃子輕輕的一煎，沒有燶。內裡的豚肉脂肪比例合好。日本抺茶牛奶 HKD 20 熱飲，還用木製杯蓋保持著熱度，不錯。 奶味跟抺茶比例剛好又不是太甜。

一個人晚餐，繼續支持小店，這次選了在太子的日式拉麵店魂。拉麵店小小規範，但也肯花費資源在自助點餐系統上。服務人員親切地向我介紹點餐流程，並介紹他們提供的拉麵款式。拉麵基本只有四款湯底，主要都是配上叉燒和玉子。選定湯底款式後，就可以選擇麵質、調味和配料。經服務人員介紹下，我選了小辣硬麵質的火魂拉麵。拉麵店的吧檯稍為間開了一個個座位，讓一個人來吃的食客會感覺比較舒適及有私隱，坐著坐著，拉麵店亦真的有幾個一個人來吃拉麵的食客，一個人吃飯，就是特別愛看周圍的人和事不消一會，服務人員就捧上我的火魂拉麵。火魂拉麵其實是蕃茄辣汁配豬骨湯底。湯底非常香濃，雖說湯底加了蕃茄辣汁，但蕃茄辣汁與豬骨湯的味道融為一體，蕃茄味沒有搶去豬骨湯的香味，而且小辣的辣度對我來說剛剛好，很合我的口味硬麵質夠夾口彈牙，烹調時間掌握得恰到好處，叉燒夠稔滑，温泉蛋亦處理得很好，實在令我非常滿足我加了點薑到拉麵中，與拉麵小辣的口味很匹配。飲品我點了日本玄米抹茶，喜歡杯的設計令茶在吃完拉麵後喝仍能保持温熱。微甜的玄米抹茶口味亦調得剛好

餐廳環境都幾似去咗日本🇯🇵嫁自己拉麵🍜自己落青龍拉麵（$99）*麵硬度中，調味濃，多蔥*青龍拉麵🐲成碗拉麵湯底都係青綠色?? 大家會唔會🤷🏿黑人問號???.🙋🏻等草根妹妹為大家講解下啦(其實都係第一次食炸🙈)呢個青綠色湯底係由秘製菠菜 +豚骨熬製成，配料有一塊叉燒、玉子、蟹肉🦀、蟹柳、粟米🌽同魚子醬 。.菠菜湯底🥣豚骨味比菠菜味濃，唔太特別，不過感覺好似健康d😂 拉麵口感剛好，要讚下叉燒肥瘦比例3:7，食落夠滑口唔會乾用爭爭， 又唔會好油膩，係一般香港人可接受嘅程度，可惜只有一塊🙈。玉子都好流心嫁，仲有魚子醬 超。級。超。級鮮!!!提提大家可以係ipad上自己選擇拉麵硬度等等日式豚肉煎餃子（$18）一客3件🥟草根一家4口子所以要叫夠2客先足夠呀，煎得外皮脆，餡料都幾多，不過味道就淡左d。八爪魚波波（$18）八爪魚波波同樣有3件🐙波波粒内有八爪魚碎，口感都幾彈牙ORION沖繩啤酒（$24）

之前喺銅鑼灣返工想試吓時已經發現已經搬咗去太子，剛好今日同朋友夜D去太子飲嘢，上網搵過原來開咗喺酒吧街附近，終於可以一試！好多拉麵店仲係用緊紙筆嘅方式落單，呢度已經用平板電腦落，按食物位置仲有各種拉麵嘅簡介，真係好方便！店入面仲有提供一人座位，好有日本feel~朋友點咗太極拉麵，已經比上面嘅蟹膏金箔吸引咗~湯底用墨魚汁混豬骨湯製成，味道唔太咸好清，有墨魚鮮味，配以半肥瘦嘅叉燒同溏心蛋，唔會太肥膩! 麵質方面佢揀咗中，有彈性所以好有咬感，而佢邊食邊不停飲湯，最後竟然飲晒😂而我就叫咗青龍拉麵，即係菠菜汁配豬骨湯，睇落好似健康D，上枱時先飲啖湯真係好清，完全無草味！由於所有湯底表明無加味精，所以食完完全無口乾！(小插曲: 影完相望返選相發現唔見咗隻蛋，同店員提及返，都好友善咁補返比我)溏心蛋真係好有濃郁嘅蛋味，勁滿足！八爪魚波波剛炸起十分脆，食落肉質都好彈牙！因為我同朋友比較鍾意食菜，於是每人一碟支豆唔洗爭~ 支豆好爽配上少少鹽簡直一流！可以中和剛食完拉麵嘅口感~

我家寶寶自從日本回來就好掛住嗰邊嘅拉麵成日嘈住要食拉麵，今日午餐就同佢黎到太子嘅魂拉麵店我自己本身就麻麻地食拉麵，因為覺得日式拉麵店嘅拉麵湯底都好油好咸但今次真係有啲改觀啊！午餐時間有限定嘅鏗魚湯豚骨拉麵($30)入面得一塊紫菜同3片嗚門卷，客人可以自己決定要加咩配料！我覺得咁樣幾好，點曬我鍾意嘅嘢都只係$80重點呢個湯頭係較為清淡，唔會太濃味，啱曬我～而麵嘅硬度，我一向揀硬，最鍾意拉麵啲口感帶點韌性！魂嘅拉麵係屬於曲粗麵，嗰樣有啲似韓國辛辣麵，不過當然味道唔同，食到最後都唔會浸淋曬，但掛湯力就一般。溏心蛋滷得入味，流心嘅蛋黃好甘甜，超正！加左帆立貝同八爪魚片都好鮮美，成個組合都係我鍾意，感覺唔錯！而寶寶的火魂拉麵($99)就係豚骨湯頭再加上秘製辣汁同番茄整成，佢揀左中辣，覺得一啲都唔辣，係度話早知要大辣～ps.不過佢本身都幾食得辣湯嘅濃度佢揀左中等，佢都係覺得湯頭唔夠濃，拉麵掛湯力唔夠強，話日本嘅拉麵正啲～但我自己就覺得日本嘅拉麵太重口味，各有各睇，有啲人食清淡啲就會覺得唔錯值得一讚佢地湯頭係唔會好油，食完唔會好油膩！有啲拉麵店成層油嫁小食方面，點左清酒煮蜆 $38同日本枝豆伴海鹽

約左朋友係太子附近行完街，見近近地就去試下想食左好耐既魂拉面～我揀左火魂，因為見佢係辣既，岩哂鍾意食辣既我，今次第一次就試小辣，面同湯都係揀適中。食落完第一啖既感覺係個湯真係好濃厚，辣度都岩岩好唔會搶左成個味道，但佢寫個湯有蕃茄，我自己就唔係好食到～個朋友試左啖湯都覺得好味過佢碗太極。面方面好彈牙，軟硬適中，係我鍾意食既拉面👍🏼佢個流心蛋都好出色！但可以再入味多少少，反而我覺得佢塊叉燒就唔係太特出，而且有少少薄。另外叫左個雞泡魚乾都好好味。總括黎講我都好滿意今日既晚餐～～

家住附近既我，因為太多野食係附近所以成日見到新餐廳就試。上次食火鍋，今晚見到間拉麵好似新開，就入去試下！入面既裝修正常日本風路線，不過舖算大位置都坐得幾舒服，晚餐時間黎岩岩滿座咁濟，幸好唔洗等佢係用iPad 黎點餐，食物選擇正正常常有拉麵、小食等等，都係傳統日本拉麵形式有既野咁火魂。拉麵 魂。拉麵賣相不錯，拉麵既靈魂係佢既湯底佢豬骨味濃，湯底濃郁，相信都烹調左好耐，而佢地拉麵亦可以揀軟硬程度，糖心蛋亦非常糖心，總括黎講都幾好味！清酒煮蜆酒味濃郁，但又冇蓋過蜆嘅鮮味，份量亦多，值得一試總括而言，食物質素及價錢都十分合宜，住附近既我，得閒都會過黎食下！值得一提老闆同待應既服務都好好，食得好舒服！