譚仔三哥米線 (Closed)

我喜愛三哥店是因為米線量比較多，湯味清甜好喝，諗唔到食咩，我就會光顧三哥腐皮米線米線很多米線，熱熱有QQ 感，清湯白白比較濃，我喜歡。吃到一半已飽，但忍不住繼續清光光😄腐皮仲要有好多，食極都食唔完咁😆而且腐皮好滑手拍青瓜落單時想少辣油，姐姐幫我按單按了三個小辣油，印在單上，好攪笑。當青瓜上來時，想不到上面是放了如此多香料：香蒜辣椒，其實料是香口味豊，一點不辣，若果咬碎了辣椒子就會很辣。青瓜很爽口。

作為譚仔三哥忠實fans，就算黎到機場 都要食碗米線先上機🛩🛩🛩 今日又嗌左三哥酸辣，小辣，雞肉，魚腐米線😎 同凍檸茶🥃🥃🥃之前都食過機場呢間分店都唔錯🙈但係今次嘅食就退步咗😧 第一 :份量少左，對比起其他分店食開嘅份量呢度好似減一蚊小米線咁樣🤔🤔🤔第二 : 啲米線應該係一早就煮好咗嘅上枱嘅時候仲係一舊舊 要liu開返佢先至正常返，應該都係因為呢個原因所以啲米線比較腍 第三: 土匪雞翼都係一早盡整定，出嚟係微暖(雖然都係好好食😂😂😂 )最後可能因為太忙，嗌左走飲管都走唔到(試過其他店係得嘅，想環保下遮其實)🙊🙊🙊🙊

入機場送朋友機，順便行下Terminal 2，探下譚仔。原來有個湯底好好味，砂砂湯底，好似星洲喇沙湯，可加辣。我忍唔住一路食一路飲左大半碗湯，還有至愛土匪雞翼，勁好味。店舖內的坐位比起市區店更舒適，不會一張細枱坐七至八人，這裏更舒服。服務員也很有禮貌，整體不錯。

話說前果排去完美國旅行 日日食埋burger呀肉肉肉呀凍既菜呀果d野 真係好掛住酸辣米線果種陰陰濕濕既味道 返嚟香港第一時間就狗衝去食譚仔味道黎講 都係果隻味啦 間間譚仔三哥都一樣嫁啦😂今次叫左糊辣生菜腩肉米線 都係咁既味啦 鍾意食譚仔既人就會鍾意 唔鍾意既咪唔鍾意囉😂我敢保證呢間譚仔既阿姐既廣東話水平係全港譚仔之冠 完全聽得明呢度d阿姐講乜 唔似平時d譚仔咁 會令係香港土生土長既我懷疑自己既廣東話能力環境黎講唔差既 尚算坐得舒服

之後在附近有工程，因此就來到這一間譚仔吃東西。看到餐牌上，的確有機場員工的折扣優惠，只好望牌輕嘆。因此在這間譚仔裏邊，亦都見到有很多機場女子。有人還以為那個莎莎湯底是不是機場限定，但我好像有印象，上次在杏花新城，另一位一個人已經試過這個莎莎湯底，味道就好像甩晒一樣，帶有少許甜味的辣湯，又不像麻辣般嗆口。米線的份量好像沒有坊間那麼多，而且偏向普通，沒有什麼彈力。因點了蒜泥白肉，因此從沒有點腩肉就點了墨丸、炸醬。炸醬都是用小碗另上，味道少許辣味，正常。墨丸亦都有四粒，沒有太多墨魚粒粒在中間，味道普通。蒜泥白肉，成薄片裝的，就放在小小的碟子上邊，但肉的肉片較薄，上邊有少許幼滑的蒜泥，蒜泥的味道還有丁點兒辣口，因此味道也挺不錯。這間譚仔反很特別，因為平日的氹仔很多時候都有很多有口音的阿姐在工作。這間譚仔，反而只見店內有三兩名阿姐，認真忙碌。

平時成日都食譚仔，想試砂砂湯底好耐，但唔係間間譚仔都有，咁岩去開機場，順便去二號客運大樓譚仔三哥試下。機場店有米線套餐，包兩餸同一杯野飲，計返條數同外面差唔多。本來以為砂砂湯底會似叻沙既味，一試完全唔係，但都好好食，好有東南亞風味，正！不過正還正，我還是最鐘意普通酸辣既味道😋

去左兩個星期澳洲旅行，成日都係食埋啲Burger 🍔 Pasta 🍝 薯條🍟 ，食到嘴都歪埋，日盼夜盼就係好想快啲返黎Hong Kong，食返碗譚仔米線⋯ ⋯ 雞肉小辣凍檸茶！╮(￣▽￣"")╭一落機係赤鱲角機場就已經好肚餓，一行四人就推住個Grip搵食，竟然係T2比我地搵到機場三哥，唔係苗喬偉🤣🤣原來呢間三哥有一人套餐，兩餸米線加埋野飲先$45，抵啊，唔怪得咁多空姐都係到食！我係澳洲餐餐最平都一百蚊港紙，好耐無食咁平的野啦😋 即刻叫左雞肉腩仔小辣加杯凍檸茶😘水準同其他分店一樣，麻辣湯底一樣夠嗆夠麻，餸的份量都好足，諗起都牙癢癢🙈🙈

今日入到機場，經過譚仔三哥，就入咗去坐低叫左牛肉魚腐重慶酸辣。重慶酸辣湯底比普通酸辣湯底更加惹味，但又唔會太辣。三哥嘅魚腐十分有咬口，加上唔係好洗等位，令到今餐十分滿足。

新年假梗係去過旅行 臨飛前梗係要食過我最愛嘅米線啦 估唔到機場都有譚仔三哥米線 梗係狗衝去食 而且都唔係貴 呢度套餐兩餸加嘢飲都係45蚊 我就叫咗個雞肉豬潤米線同出麵食嘅味道一樣 再加埋三酸五小辣 不過呢度啲米線煮得邊爐湯底同出面嘅一樣夠曬酸辣豬潤同樣地爽口濃味 回味無窮 超正去旅行都唔駛心掛掛住香港啦

去完旅行咁多日，最掛住就係譚仔。最近竟然俾我發現機場2號客運大樓原來有間譚仔三哥。一落機，就即刻衝過去食啦。價錢同出邊差唔多，唔會貴好多，而且仲有套餐。＄45叫咗一碗兩餸嘅酸辣湯底米線，仲包埋嘢飲，都算幾平。但我略嫌機場嘅酸辣湯底舞出電嘅香濃，但離鄉別井左咁多日，有碗譚仔食下都已經非常開心了。由於餐廳唔算好大，所有行李箱都放喺餐廳外面，我略嫌有少少危險，不過好彩行李入邊都冇乜貴重嘢所以就有得佢啦。最後有少少唔開心，杯華田飲到底竟然有粒檸檬核，衛生程度有待改善

本人絕對係譚仔三哥fans，一個禮拜至少有一餐係食譚仔先😋離開香港數天，返黎嗰陣係飛機到突然譚仔癮發作，真係好想食。於是落機攞完行李即刻狗衝左去三哥，坐底就嗌得！機場三哥的譚仔，閒日下午茶不多人，客人大多數都係香港人同空姐地勤。今次我嗌左三個餸，雞肉豆卜墨丸三酸同一杯凍檸茶！果然好快就到。我忍唔住狼吞虎嚥，十五分鐘就食晒啦！黎三哥一定要嗌三哥酸辣，米線加埋酸菜一齊食真係好過癮！不過我最好奇既係，點解單餸豆卜有七舊，兩餸有四舊，三餸得返兩舊？🤔

As a super Tam Jai fan, I have almost tried all the foods shown on the menu. And I found only in Terminal 2 in HK airport we an try the Singapore type soup. It's quite different with other. Although it is a bit heavy taste, trying it few month once is really nice, especially when I just go back to HK from Singapore and I am still missing Singapore food!

終於輪到我去旅行喇！好感動😭😭但開心之餘都唔可以忘記食野，喺等候上機既空檔，我地一行三人就決定食碗麵，當做解決午餐加下午茶。兩點幾去到，等左三個字先有位。裡面環境有點迫，可惜無影到相做records.上面既係餐牌，價錢同其他分店無咩分別。朋友叫左呢個，魚蛋一咬即刻散哂，完全無彈牙口感，失望...呢個係我既，魚片頭好有咬口，奈何牛肉有點煮得過頭，比較硬身最後輪到另一位朋友既，魚腐比想像中更有魚味，總體來說都還好可能實在太多人幫襯既關係，啲姐姐講野都比較燥，不過呢個價錢想喺機場食碗麵，除左呢度都無其他了。

因為返工同平時活動的地區多數都係冇譚仔三哥，所以一直以來都只係食過譚仔。不嬲都係忠實 fans，嚟到機場知道有譚仔三哥，雖然喺 T2，離我閘口好遠，都一於去試下。望著 menu，唔知係米先入為主，不過硬係覺得佢地復雜D，套餐又冇墨演同我最❤️的竹笙😕涼拌皮蛋個醬汁幾好，D虎皮青椒正，但係皮蛋就麻麻，有D膠個黃又唔流心，感覺皮蛋質素唔係咁好。蒜泥白肉鹹左D，整體都唔錯，蒜泥夠多，肥豬肉夠薄。土匪雞翼返而唔係好夠味，唔係好香，不過夠熱，加分。可惜喺手快有手慢冇的情況下唔記得左影相三哥重慶酸辣米線雖然佢有加酸菜，但真係同譚仔冇得比，個湯水汪汪，完全唔夠入味。完全冇食酸辣嗰種起勁感，都幾失望吓。個炸醬都ok嘅，正常。其實真係唔知係米因為機場，所以 hea D，但係我都係乖乖食返我的譚仔，你地又點睇呢？

最近病了，有點感冒。想吃點有湯的，就吃米線吧！在機場工作，米線的選擇真的不多無懼感冒，照吃麻辣三小辣 雞肉勿演😆小米線還可以減＄1 雖說每碗米線的額度都有出入，三小辣對我來說算可接受，再辣一點小辣已是極限勿演依然彈牙可口，沒有雪藏味道雞肉嫩滑，份量夠多同事點了雞肉牛丸米線小辣沒有走米線吃不完😂牛丸彈口但有雪藏味道偷飲了他的凍檸茶，不苦澀但偏甜其實機場吃東西不算貴，特別是2號客運大樓。我自己都很喜歡到那邊吃午餐，優惠大份