譚仔三哥米線 (Go Go Mall)

Open Now

Now Closed

想食麻辣米線首選會揀三哥！今次去咗GOGO Mall呢間分店，呢邊人流比較少一般都會坐得比較舒服！好多三哥分店都要求嘅搭檯，但呢間分店就冇呢個問題！不過我去到都比較夜啦，八點幾，上菜都算快。兩個人叫咗兩碗米線，一個細土匪雞翼，同一個布甸。米線唔會太淋啱啱好好，呢間嘅麻辣都冇特別辣，算係適中！第一次試食芒果布丁，入面仲有啲椰果，可以揀配提子汁或者柑橘汁，我哋揀咗提子汁，甜甜地嘅提子味唔會太假！食辣嘢配個凍布甸都幾適合！土匪雞翼係用三哥積分換嘅，800分可以換三隻雞蛋！埋單2個人共110！

真係離哂識。比盡19:15已經落單 ，因為20:40仲未有得食，要埋單話cancel，廚房個四眼呀姐先話依家煮。中間催咗好好好多次，多謝哂，你食埋我個份喇不如。我都知個場好滿 過咗成大半個鐘先催你第一次單應該都好有耐性喇掛？亦唔關樓面事，都好意幫手跟下。奈何係廚房被人催咁多次係咪都醒水自己係咪有野唔妥？ 外賣就係咁出，堂食唔駛KPI就係咁hea，單都扔埋喇實係。見住隔離枱已經係遲自己入嚟好多但都埋埋單真係好過份，即係廚房無咗張單又唔出聲。催一碗等如即席落單比你整一碗 仲要啲野係錯 ，算，照食 。另一碗？ 再等多20分鐘都仲未出現 。真係好好老脾比你玩咗咗差唔多個幾兩個鐘，個四眼呀姐唔該你做樓面定做廚房都好，都唔係第一次，激嬲熟客真係非你莫屬

三哥譚仔其實間間味道到差唔多，但人手方面就差好多，一去到夜晚時段仲會出現疊單情況，所謂遲來先上岸，等碗米線等左40分鐘！味道黎計都無乜太大變化，所以食既係一種回憶！

平時屋企無煮飯既話，就會想平平地食三哥🤣最鍾意之前期間限定嘅鴨血米線，配上麻辣湯底簡直絕配🤤平時無鴨血就會揀食普通一餸米線（少米），個人覺得女仔食少米都已經夠飽，埋單40蚊都唔洗。

係#米線關注組 見到有人推介@tamjai_samgor 嘅新品#煳椒肉骨湯 。但佢推介post 下面嘅comment 全部都話勁難食。bili.blu 本住挑戰嘅精神，就係十二月嘅第一日挑機。💋煳椒肉骨湯米線加墨丸 $54原來就咁叫煳椒肉骨湯米線就有豬扒同老油條。先講個樣其實唔差。個豬扒有勁多黑椒，食落唔柴。至於個勁多劣評嘅湯底，叫三小嘅我覺得同平時嘅煳辣差唔多。而且佢最少都要叫五小。。。。話個湯冇味嘅朋友，可能平時真係食得太重口🤣🤣🤣🤣🤣個麵最大敗筆係個老油條到。個廣告寫話好索湯。但個老油條硬到浸完湯都仲係勁硬🤣🤣總括嚟講，唔差但我下次會叫番煳辣。不得不説，雅都譚仔質素好過時代個間好多。

這去兩三年，疫情下想尋回麻辣的味道，就會食這間的米線！牛肉麻辣五少：一上菜，你就會見到牛肉多到大足滿，麻辣味足！蒜泥白肉：可以叫蒜泥，豬肉夠薄，配蒜泥食真係好香！這間舖頭坐座多，又大都坐得舒服！

三哥譚仔都食咗好多年了，最滿意係有得食薯粉！同啲配料都新鮮好味。不過呢排食親都好唔掂，最搞唔掂係啲辣度。每次堂食食酸辣湯粉，我都要叫中辣/小辣。叫親外賣都送漏嘢，仲要我哋自己行去拎。好記得上次叫外賣食三小辣，送到嚟成碗好油，好似食緊中辣咁，食到人胃痛肚瀉。今次叫5小辣先食番以前bb辣。好似呢碗叫咗5小辣，一樣係成碗紅色，好多辣油。真心覺得佢哋啲辣度係亂嚟另外就係份量，麵愈來愈少，都食唔番以前質素了，如果有得揀會幫襯其實麵檔，唔洗咁貴都食到好食又大碗嘅薯粉了。

牛肉唔鮮嫩，米線比以前少左，以前佢係比較多米線既一間，而家一碗都食唔飽，不過酸辣湯底幾欣賞，因為出到酸菜味，而且酸菜冇以前咁大大片，而家係小片左，配翻個湯唔錯，而且唔會搶左食材既味道

見譚仔三哥出咗呢個水煮湯鴨血米線一段時間無辣不歡嘅我 今日終於揾到機會試下喇🥰水煮湯嘅辣度由五小辣開始起跳！！而個米線係跟有5塊鴨血同3舊豆卜😋今次我嗌咗中辣😋湯底方面真係有驚喜真係食到水煮嘅感覺同平時譚仔嘅麻辣湯底好唔同食落口真係比更麻更辣！！十分刺激🤩不過略嫌湯底有少少鹹🤏🏻食到最後有少少重口味鴨血份量都算適中 幾好食幾有彈性豆卜索曬湯底嘅精華 食落口淡淡麻辣湯超正！😍十分推薦鍾意食辣野又鍾意食鴨血嘅你試下話唔定真係會俾到驚喜你～個人覺得呢個價錢值過自己買啲鴨血粉絲返去整！😍

往年譚仔三哥新年都唔開今年破例，拜完年費事煮啦！路過叫埋外賣啦！新年有+1合理呀！仲可以以優惠價加咗小食同飲品胡椒辣10小辣味道依然好味米線滑脫脫揀咗配炸醬發覺唔係好夾！🤣🤣

本身就麻麻地譚仔或者三哥。雖然鍾意食米線，不過兩家個湯底都唔係我心水。屯門米線，我都係食開雲貴風同雲桂香。特別係腩肉同炸醬，有明顯既分別。下午茶時間去到，有好多位、唔洗等。只係點左一餸米線$33，糊辣加$1。10小辣，一餸揀左魚腐，有5舊，都算係唔錯，索足湯底既汁。個湯底乳白色，有腐竹、韭菜、榨菜，微微辣。米線既份量普通，幾爽口幾滑。如果有茶餐優惠，跟飲品有平 就更好。野飲$9跟餐稍貴。平時食開其他米線，都會點腩肉、炸醬，譚仔同三哥d腩肉不及其他有醃制&炒好的香口，炸醬亦不是粒粒肉碎，而是一pat粉粉蓉蓉的漿.......所以我成年無食過呢2間了。無論係譚仔定譚仔三哥都唔係我鍾情既米線。我喜歡既係酸辣小鍋米線。今次，主要目的係為換購肥蛙設計既利是封，真係好靚好得意~兩款各5包。每人限10包。$2/包，有六張。係幾抵既。知道三哥好鼓勵本地創作畫家，留意到之前有合作過傘同其他紀念品。非常欣賞呢種公關同市場營銷策略。

呢日去左食譚仔三哥，鍾意試新野嘅我叫左最近新出嘅花膠胡椒雞米線，揀左清湯底，再叫左杯特飲青蘋果梳打；.無骨胡椒雞加上花膠，覺得呢個配搭好夾啊，好味👍🏻我自己本身就好鍾意食花膠，含骨膠原，又有美顏作用，岩哂女仔食，一碗麵都有三大塊👍🏻😆胡椒雞都幾入味👍🏻同埋欣賞佢係無骨胡椒雞，因為我懶，無骨就岩哂我喇🙈.青蘋果梳打，青蘋果果蓉加梳打，加埋少少青檸汁，唔會好甜，少少酸又幾開胃；再加上台式愛玉，有咬口😁

譚仔食咗好多年，質素永遠有保證，每次嚟都係食酸辣湯底。疫情期間唔使點等位。 不過建議都係堂食好食啲。魚片豬潤酸辣米線，熱檸茶超鍾意佢哋勁多餸，酸辣程度仲可以自由選擇，豬潤我每次都叫，真係好香好好食呀😋😋😋 魚片唔鞋口，都幾爽脆嘅。

今日中午去咗試食譚仔三哥最新出嘅酸辣撈薯粉$39。聽講會送圍裙，但譚仔阿姐冇俾我，我就費事問佢拎。賣相其實真係幾靚。面頭有蔥花，青瓜，雲耳，薄脆同豬耳。因為本人唔食芫茜，所以走咗。一嚟到就聞到好大浸酸辣汁嘅香味。勁開胃勁醒神，夏天最適合食啲酸酸辣辣嘅嘢。辣汁預設左係5小辣，本人覺得岩岩好，唔會覺得太辣食唔到。但覺得略嫌偏酸。可能我食得太心急，無撈得好徹底。溫馨提示：酸辣汁會沈喺碗底，要不停撈不停食。

顧住做food panda生意就唔洗理堂食既客人咩等左45分鐘先有得食隔離都係 仲要趕時間臨住吹下D呀姐又惡：吹都冇用架 冇用架：出唔切就係出唔切：得兩個人對三哥好失望都明想賺多d但係有問題係咪要停一下外賣呢 當食都唔做掂既時候而唔係比班呀姐做到燥 鬧食客得失仲支持你既街坊值得咩短期內唔敢亦都唔想再黎雲南米線仲有好多選擇...今次真係好失望仲有野飲呢家要加9蚊真係