譚仔雲南米線 (華商會所大廈)

Open Now

Now Closed

佳肉勿硯山少辣～等咗好耐，終於可以喺中環食譚仔喇！譚仔最近喺中環站開咗新店，仲充滿特色添！一入去就見到用寫咗 “譚仔話” 嘅牆，好有親切感🤪，再配合摩登裝修，仲有霓虹光管嘅裝飾，就算喺中環都無格格不入嘅感覺，仲有陣陣譚仔味添！ 新裝修多咗好多卡位, 同埋顏色用得好match, 帶住小朋友都冇問題, 唔會坐得好逼! 同埋最近疫情又嚴重咗, 譚仔姐姐上菜時都會俾口罩信封, 所以見其他客人都唔會將口罩周圍擺, 感覺比較衛生! 佢地仲新出咗川風香辣黑柏葉，一貫麻而不太辣嘅作風，好滋味！各位中環人，lun廚可以食譚仔喇！

最近譚仔喺中環開咗間2層嘅新分店，裝修新穎光潔，而且仲有早餐食添☀️！食附近啲早餐食到悶。點都要試下。.📍烘土匪蕃茄芝士三文治 （$31連飲品）第一次去譚仔唔係食米線😆三文治中間夾咗半溶芝士🧀仲可以揀炸醬/蕃茄做餡前者邪惡；後者清甜🍅表面用牛油香煎過🧈再加上土匪孜然粉食落香脆之餘都幾惹味😋味道真係比想像中夾好多絕對唔係伏🤟🏻仲可以加$6轉意大利品牌Segafredo嘅咖啡🥤譚仔忠粉可以去試吓😌.

土匪芝士炸醬多士 多士一上枱就聞到陣陣孜然香氣孜然粉鋪多士面 多士香脆 芝士加微辣炸醬做餡 可惜孜然粉食落香但冇味 同芝士炸醬完全唔夾孜然粉都係配串燒較好 尤其係羊肉 配其他食品唔易有加乘作用今次乘興而去敗興而回 下次都係食物演懶肉米線算

譚仔終於係中環開左新分店唔講唔知, 原來中環呢間分店係譚仔係香港開嘅第七十間分店, 難怪當年大食妹係英國嘅時候咁掛住呢隻香港嘅味道啦同其他分店好唔同, 呢間中環分店係有做早市嘅咁大家又知唔係譚仔有咩早餐呢? 大食妹一於帶大家一嚐<烘土匪芝士三文治(炸醬)>土匪雞翼就成日食啦, 咁土匪三文治你又試過未? 烘土匪芝士三文治有兩款口味, 一款係炸醬, 另一款係番茄, 大食妹就嗌左至愛嘅炸醬譚仔嘅炸醬配撘軟芝士同土匪調味, 竟然好夾三文治烤得好脆, 大滿足呀<家鄕泡米通粉>話明係大食妹, 一份三文治做早餐又點會飽呢加配碗家鄕泡米通粉就啱啱好啦呢隻長米通粉直係好少見, 口感淋身, 湯底比清淡, 幾適合做早餐<熱鮮奶咖啡>譚仔嘅早晨套餐都有奉送熱飲, 但早餐就係想飲好啲嘅加六蚊配埋杯熱鮮奶咖啡就更perfect啦呢杯熱鮮奶咖啡選用意大利品牌優質咖啡豆, 咖啡味道更為香醇

終於等到中環開譚仔啦！而且仲要有早餐，真係喜出望外！應該係第一間有早餐既譚仔(？)啱晒附近反工既打工仔，又多個早餐的選擇。🤩🤩 因為反緊工的關係，未有機會堂食，唯有叫住外賣先。由於塞係外賣盒，賣相未有好特出，所有野都塞哂係同一個盒到🤔第一次食譚仔的早餐，所以有啲選擇困難😅，兩個人一次過叫左三個餐。 ✦ 烘土匪芝士三文治🥪（炸醬）之前甚少食炸醬，連炸醬咩味都唔清楚無諗過加埋芝士又真係幾正啖啖芝士配上土匪的煙薰味食完絕對番尋味一個三文治唔會夠食🙈 ✦ B餐（多士+蛋+火腿/餐肉/腸仔+茄汁豆+雞扒）都算幾豐富既，味道中規中矩 ✦ A餐（多士+蛋+茄汁豆+家鄉泡米通粉）米通粉做得唔錯既，煙韌彈牙口感幾好加上蝦米同肉碎，湯底都唔差夠入味😊 有機會要試下堂食先！譚仔早餐真係食完有即刻再食既衝動🙈

以前番中環偶然都想食到譚仔，終於等到佢中環開分店喇😭💛店有兩層，坐位挺多，環境舒服。牆上有特色霓虹燈同譚仔呀姐專用口音既文字做主題😆✨我重點推介佢地既早餐，有別於一般茶餐廳早餐，價錢亦相當平。早餐配搭：🥪 烘土匪芝士三文治（炸醬）未食前以為佢會係微辣醬，點知食落好有驚喜，同溶左既芝士好夾，三文治烘得外脆內軟👍，仲有芝士蕃茄口味可以揀添！🍲 家鄉泡米通粉有點似狗仔粉，但味道唔太濃，恰到好處，有菇、韭菜、肉碎同蝦米😋☕️ 熱鮮奶咖啡選用左意大利品牌Segafredo既優質咖啡豆，飲落香濃。✨ 額外追加：🐄 川風香新牛栢葉牛栢葉好爽，雖然每舊有點大舊同多辣醬，但食落好刺激。🍆 涼伴茄子及🐷麻辣豬耳茄子同豬耳都爽口，辣度可接受，豬耳排得好靚似花，份量好多🙈🐥 土匪雞翼一如既往既惹味🤤

🥪早餐E: 烘土匪芝士三文治（乍醬）$31⁣麵包烘得夠脆🤪，流心芝士同乍醬有啲似輕盈版咸牛肉🥸，加埋面頭嘅”土匪”調味粉，咀嚼多兩啖會有“譚仔土匪”after taste，係估唔到咁夾👀。⁣⁣🥣家鄉泡米通粉（+$7）⁣米通粉有微微煙韌感，係我地幾鍾意嘅類型😬，配料有蝦米同肉碎，加埋麻油夠哂香🥄。⁣⁣🐟脆肉鯇木瓜鮮魚湯米線🧡 ($43)⁣魚湯比平時嘅清湯更清更鮮，仲食到魚味☺️。脆魚片口感超驚喜🤩，係想像唔到咁爽口、冇腥味，入口索索聲，好似食緊牛栢葉咁，超推，大推🤣！⁣⁣☕️熱鮮奶咖啡(+$6)⁣一覺訓醒冇野比飲杯咖啡更醒神。譚仔用上意大利Segafredo嘅咖啡豆，味道幾香醇😽⁣

位於中環的三層譚仔分店，推出了中環店限定早餐set，令譚仔從此不再規限於雲南米線，中環打工仔有口福了！限定早餐烘土匪三文冶系列有炸醬芝士或蕃茄芝可以選擇，三文治灑了土匪雞翼的香料粉，炸醬與芝士味道非常搭，土匪雞翼迷必試！早餐set也可加配家鄉泡米通粉，是通粉的延長版，口感比想像中煙韌很特別，配上冬菇和肉碎粒，帶給你們滿滿的新鮮感。當然不少得新一天的第一杯咖啡！喝杯意大利品牌Segafredo的Cappuccino，上班族就可以有個醒神的早上啦！除了早餐外，早前推出的脆魚鯇木瓜魚湯米線亦很值得一試。味道清新，很有媽媽煲湯的感覺，如果追求比較健康不太濃味的湯底可以一試。小食方面一定不少得期間限定的川風香辣黑柏葉！辣度超額，激發了味蕾的最高境界！中環店的時尚裝潢還有不少打卡位，猜不到譚仔分店也可以打卡吧！

譚仔雲南米線 (English name: TamJai Yunnan Mixian) is a fast food noodle shop known for a hearty yet inexpensive meal of rice vermicelli noodles in a spicy soup base. With branches throughout Hong Kong, I was a bit surprised to learn that they didn’t have a shop in Central, an area with a large office lunch crowd. Until now, I see.The Central branch is larger than other shops. It has two floors with a hip modern decor.Something else that was different than other branches is breakfast! When I heard abou

嗌外賣腐皮雞肉，腐皮碎哂嘅，好似煲過嘅腐竹糖水果D咁碎。+$6嘅雞肉碎濕濕地只有3~4舊仔。感覺被呃錢。同埋比起其他譚仔嚟講，佢味精特別重，食咗條脷痺痺哋同埋特別頸渴。

今日午餐同同事孖住係中環食譚仔，點咗🥣碗大辣「脆肉鯇木瓜魚湯米線」啲脆鯇片好爽口鮮甜又彈牙👍🏻冇泥味又唔腥👏🏻👏🏻鐘意食魚嘅我，真係覺得佢好好食😋😻😻😻🥢！再配埋兩碟我嘅至愛～必點😉土匪雞翼同香辣惹味又爽脆嘅川風香辣黑柏葉，勁滿足🥰😍😋！呢間新分店仲有熱意式泡沫咖啡同熱鮮奶咖啡☕️飲，咖啡豆用咗意大利品牌Segafredo，係優質豆👍🏻味道濃香，飲落甘醇😍😋👏🏻👏🏻！

譚仔最近推出脆肉鯇木瓜魚湯米線，滋潤暖胃，非常適合冬天享用。脆肉鯇特別選用「蠶豆鯇」，肉質結實，片片爽口。至於木瓜魚湯底，清甜可口，不但有新鮮木瓜塊，更加入木瓜蓉，真材實料。除了吃米線，怎可以錯過譚仔的特色小食？例如招牌土匪雞翼，這是我每次到譚仔都必點的小吃。還有又軟又滑的涼拌茄子、爽脆彈牙的麻辣豬耳、四川風味的香辣黑柏葉......早上到譚仔中環店更可以買早餐，一嚐分店限定的烘土匪三文治 、米通粉...... 很方便附近的打工一族。

係中環返開工既你有無發現中環華商會所大廈，近巴士站個邊，有間裝修緊既譚仔呢！無錯啊佢地即岩岩係11月25號係中環開新分店，仲有成兩層、近200個位，簡直係大家既lunchtime 福星🤩🤩呢間分店除左有全新格局既特色佈置同打卡設計，仲會有中環店獨有既秘製譚仔土匪早餐，同一系列既新菜式！烘土匪芝士三文治(炸醬)($31)呢碟正！完全無諗過炸醬竟然同芝士可以咁夾🤩🤩個包仲要烘到岩岩好，脆脆的！烘土匪芝士三文治(蕃茄) ($31)蕃茄好清新，無炸醬三文治咁heavy，但個人鐘意炸醬芝士既衝擊多d~🤪🤪家鄉泡米通粉 (+$7) 湯底比一般茶記濃好多，有豬肉粒又有香菇😍，份量唔算大，但加埋份烘三文治+咖啡就夠曬早餐既份量！熱意式泡沫咖啡 (+$6)熱鮮奶咖啡 (+$6)咖啡正正常常啦～脆肉鯇木瓜魚湯米線 ($43)相信都唔少人食左架啦，清甜既木瓜配新鮮脆肉鯇，岩曬唔食得辣但又想食/要陪朋友食譚仔既人～溫馨提醒🔔佢仲有個燈，如果你夠膽挑戰大/特辣米線，會有姐姐幫你點亮個幾盞燈比全部食客知道你既膽量！譚仔雲南米線中環干諾道中21-22號 華商會所大廈地下至一樓

唔知大家食過譚仔早餐未😂原來譚仔第70間新分店喺中環🥳新中環分店限定早餐喺「烘土匪炸醬芝士三文治」同「烘土匪番茄芝士三文治 」🥪朝早7點就提供早餐咖啦🙆🏼‍♀️呢間一共有2層😳裝修好有特色，牆上有寫有譚仔配料嘅中文字，仲有由8千多個譚仔姐姐圖片合拼而成嘅譚仔畫🥰樓梯位刻有譚仔話嘅米線😙🍜脆肉鯇木瓜魚湯米線湯底有木瓜嘅甜味，加上有魚嘅鮮味，個魚湯底做得唔錯😛脆肉鯇脆卜卜同幾彈牙，唔會好榎！同埋好似無乜骨咁啊！不過食魚都喺小心啲好😇🥪烘土匪炸醬芝士三文治表面撒上土匪雞翼調味粉，烘過之後多士香噴噴，餡料喺炸醬、芝士同牛油，聽到嘅時真喺好驚訝🤣一上枱時見到餡料慢慢流哂出嚟，好邪惡啊😈味道喺平時米線配料嘅炸醬，連同芝士夾落多士入面，每口嘅驚喜又想食多啖🤤超贊😈🍜家鄉泡米通粉米通粉好特別啊！質感QQ彈彈，好似狗仔粉咁長條形，配料有菇菇，豬肉粒，芽菜韮菜。早餐食份量剛剛好啊！早餐abc餐可以叫呢個同埋炸醬三文治🤤☕️Cappuccino & Latte 估唔到譚仔都有 cappuccino 同latte😂譚仔知道中環上班一族需要咖啡，兩種咖啡都喺採用意大利品牌Segafredo 優質咖啡豆製作咖！新分店

喂～約你聽朝去食早餐吖晌11月25日開張嘅譚仔中環店裝修走懷舊香港風 店內充滿住花花階磚同霓虹光管還有茶餐廳式卡位 細心啲睇牆上嘅畫仲係用眾位譚仔姐姐個樣砌成添架另外 中環店出咗限定版早餐 快啲搶先試吓啦！中環限定：🔺烘土匪芝士三文治（炸醬）🔺烘土匪芝士三文治（番茄）* 哩2款多士要趁熱辣辣一上枱就即刻食，麵包烘得香脆，而且面頭都灑上了土匪嘅調味料，好惹味，中間嘅芝士溶緊流心食好正，炸醬款似食緊芝士焗肉醬咁，好夾！啱晒重口味人士。而我自己最鐘意番茄個款🍅，番茄厚身，同芝士絕配，邪惡得嚟又清新。🔺家鄉泡米通粉* 米通粉食落似比較煙韌啲嘅銀針粉，口感幾特別，而且索咗啲湯好入味，清湯底好適合早餐食，配料有冬菇、肉碎。另外還有：☕️熱意式泡沫咖啡☕️熱鮮奶咖啡選用咗意大利Segafredo 咖啡豆，飲落都幾香濃。🔸脆肉鯇木瓜魚湯米線湯底鮮甜，感覺好健康。魚肉爽脆，佢哋嘅脆肉鯇係用蠶豆養殖，比一般嘅含嘅蛋白質更豐富，岩哂減肥增肌嘅朋友。🔸涼拌茄子、土匪雞翼、麻辣豬耳、川風香辣黑柏葉哩幾款惹味小食，有辣有唔辣嘅，佐米線食一流。