譚仔雲南米線 (金球閣)

Open Now

Now Closed

尋日去左譚仔試米線,五點鐘去到冇乜人,但係竟然...我叫左個雞肉腩肉酸菜中辣麻辣米線,食完之後:味道:湯底好浠,中辣一d辣味都冇,食完連麻痺既感覺都冇,難以常像什麽3小辣4小辣,個湯底用料好流,雞肉好滑,但係滑得唔多尋常,急凍雞柳肯定係有少少un既,我估佢做左手腳,腩肉肥到不得了,肥膏同肉既比例高達4:1,冇乜肉食,腐皮得一塊,好似腐皮好貴咁,米線勁淋唔爽冇咬感,酸菜係現成野,度度都係咁環境:唔算差,唔逼,尚算舒服服務:呢項算係極差既一環,我尋日去得果五個客左右,我碗米線竟然要十五分鐘先到,等到我火滾,吹佢伙記就猛話"黎緊啦",落單果時問佢酸菜可唔可以另外搵碟上,佢就話"唔得架,呢度冇架",跟著對面檯話要隻碗仔,點知佢就上錯左俾第二張檯,正常都問一問人係咪要碗仔先俾佢喇,聲都唔聲就咁放落去,人地再吹佢羅碗仔,佢就話"我搬緊貨點俾碗仔你啊",跟住就收返原本上錯隻碗仔再俾佢,呢個情況係發生響兩個唔同既伙記身上面,即係代表整體服務係好差咁既價錢咁既質素,我食老麥好過,起碼有番句多謝

前日，我同男友特登去長沙灣搵o野食...行經呢間舖頭，就入去試試...我o地叫o左個柏葉炸醬竹笙米線、火腿腩肉雞肉米線，同埋叫o左碟香草雞翼...我好鍾意食炸醬同竹笙，尤其是炸醬，勁正^^^^但係我同男友都覺得d柏葉唔係咁好食>.<而香草雞翼就不過不失啦，都可以一試o既!!!

次次都係食酸辣腩肉火腿米線, 酸辣味好搶喉, 食親次次都咳, 但好正, 啲麻辣雞亦好好味, 食完條脷真係麻痺咗, 正~ 但雞亦要等好耐, 我諗都要二十分鐘至三十分鐘, 而且二十蚊得五隻, 有啲唔抵,同唔好係呢度真係好迫, 所以我次次都係叫外賣~

早排同d 朋友去呢間野食野, 首先就覺得佢d 伙計既太度超差, 猛咁吹我地叫多d 野食,仲自己落單!! 因為我地唔係咁肚餓, 所以淨係叫左d 米線, d 伙計就即係比面色我地睇!食落佢d 米線唔太好食, 比起其他既雲南米線差.我地見到隔離台食剩幾隻土匪雞翼, 即係好極有限.

星期日下午，一行4人o黎食晏(包括家母)。店舖內唔算多人，但4人檯都坐o左人。D阿姐侍應帶我地去其中一張已經坐了兩個人o既4人檯，叫我地搭檯。但大家覺得6個人坐一張4人檯實在比較迫；眼見另一張4人檯亦只坐了兩個人，又還未落單，便十分客氣地問呢兩位食客可否搬去先前果張4人檯～誰知此話一出，那位男食客便說：「搬去果度？！咁迫，點坐呀！」唉！小妹都明白佢唔係「老馮」同我地換位；但如此態度實在令人反感。本來真想我地4人就坐落佢張檯，好等佢真的嘗嘗「迫」o既滋味；礙於家母同行，唔想玩得咁盡，最後我地都係選擇去另一間食肆。離開時，D阿姐侍應報以奇怪o既目光，唔明白點解我地唔肯6個人坐一張4人檯；但既然你地咁唔憂做，我地都無謂再幫襯你lor。

I go there last week, the noodle is still very delicious but the hygiene problem is get more serious. I found the place is very dirty, and the service is bad. I hope they will get improved unless.....

那天吃了2小辣竹申柏葉炸醬米線($25),好味呀,炸醬好好,湯底好正,我仲吃埋土匪雞翼($20/5隻),一般啦,有陣"蘿"味.

覺得同深水埔分店差不多.不過多左牛柏葉.用新鮮牛柏葉,比急凍好食好多.香草雞翼就麻麻,唔似香草似沙薑粉.

我之前睇無線,有個介紹餐廳食品0既節目,有一集係講呢間的~佢話個老闆譚先生一星期只得2日黎呢間親手製作蘭州拉麵,就係星期二同五0既下午五時個節目推介當然係拉麵啦,仲有小食湖南土匪烤雞翼，話用好多香料整的呢~ 等我搵日去試呢,但九龍我唔太熟路...

星期日o黎食晏，所以無緣試到個手打蘭州拉麵~~不過依然非常多人。當D阿姐見到有客放件大褸或手袋嚮張凳度o既時候，自然非常唔順眼，就算冇人等緊都要D客拿開，真係巴閉！叫o既係過橋米線套餐，承為$31一大碗，有齊17種配料(好curious張碧咸相蓋住o既究竟係邊種配料；見圖)；米線好滑，味道唔錯。可惜呢排熱氣，唔敢叫特辣湯底，只係叫o左個4小辣，實在可惜。另外仲叫o左碟$28蒜泥白肉，D蒜泥簡直多到阿媽都唔認得，略嫌蓋過o左D辣汁味；不過D白肉都好嫩好好味。最失望要算係個土匪雞翼，$20五大隻；小妹自命係個雞翼痴，除白灼雞翼之外幾乎無雞翼不歡(McWing嘛！)，但都竟然只食兩隻就食唔落去~~個面頭太多沙薑粉，太鹹，雞肉又唔嫩滑，實在難食！或者有機會再o黎試下個手打蘭州拉麵o既「味」力；但係以今餐o既水準，都幾難吸引小妹再排隊等位o黎食lor~~

今日走o左去食譚仔，叫o左腐皮蘭州拉麵($29)，加酸辣湯底。個蘭州拉麵冇咩特別，冇想像中咁彈，不過口感都還可以的。我幾鍾意o個個酸辣湯底，開頭覺得淡淡o地，不過愈食愈辣，冬天食返D 辣o野好正~下次一定要試o下� 葉~~因為之前冇留意到有~~

自從試過深水步o既譚仔分店, 覺得佢地o的米線同雞翼好食之後, 我決定要試齊幾間o係深水步同長沙灣區內o既麻辣米線舖以作比較. 第一間要試o既自然係"譚仔" o既長沙灣總店啦.我係o係過年前o既星期五晚o黎食晚飯, 六點幾七點已經爆滿, 但因為禮拜五晚有手打o既蘭州拉麵供應, 所以就算搭檯都要試一試.當晚試o左"麻辣雞肉黑柏葉蘭州拉麵" (特辣; 加一送加3蚊, 麻辣湯底加3蚊, 蘭州拉麵底加6蚊; total大約係28-30蚊). 手打拉麵算係煙韌但唔多彈牙; 雞柳同深水步分店o既一樣咁嫩滑; 黑柏葉爽口, 一o的都唔韌, 係咁多間同區o既麻辣米線舖之中做得最好o既; 特辣o既麻辣湯底比深水步分店o既特辣仲要辣好多, 花椒o既麻味都幾夠, 呢個辣度亦都係同區之冠, 差唔多冇舖能及(最接近o既係元州街美居中心o既"麻辣川米線"). 我自問都算係個食得辣o既人, 今次一路食一路o申o左成四五張鼻涕紙, 食得都算幾狼狽. ^_^;;以雲南式麻辣米線o既質素o黎講, 譚仔o既長沙灣總店始終係有一手, 完全將佢o的徒子徒孫(長發街o既"四川麻辣米線") 或者copycat (興華街o既"重慶麻

行到鋪頭附近已經聞到一陣陣麻棘味道，相信鍾意食開麻棘既朋友都會明白麻棘既誘惑。黎到呢度，一定係會食米線啦；湯底可選清湯及麻棘湯底，而麻棘可分大、中、小及細分一至五個小棘，建議一定要麻棘湯底，無論你係唔係好棘既都應該試下，因為清湯真係好淡，亦今到配料毫無特色可言。米線可選一至三款，我最常食係豬潤、黑柏葉、竹、牛肉，尤其係黑柏葉，真係好爽口，可惜好多時都買晒。竹本身係一樣平平無奇既食物，但當吸收左麻棘湯之後真係好正。你想同時食多樣配料?你可以order大大碗既過橋米線，不過至緊要你食得晒啦。如果當日有拉麵供應，記住要試! 因為係老闆即場拉，真係好彈牙又好有質感。小食我揀香草雞翼，記住order乾身一點，因為香草同雞翼配合。已經幫襯譚仔記接近兩年，由一個鋪位，擴充到兩個，然後剛剛在深水步開分店，既然人客多了，好自然難以控制食物質數，還有分量比以前少了四分一。例如米線’林’左，唔彈牙；配料愈來愈切得細件，有時跟本係'碎'，湯底就真係’比以前淡了。唉~好明顯近來人客已相繼’過檔’附近另外一間鋪頭:四川麻棘米線。

我住在長沙灣二十多年, 常常經過譚仔記都沒有入過去食野, 經朋友極力進介下, 終於試過了。<br />我自己唔食辣的, 因為知道頂唔順。而且竹笙、雞肉是必叫的餸 菜。湯底很鮮, 米線彈牙。另外有幾款雞翼都係推介, 麻辣、土匪、香草, 一定要試。<br />真不知長沙灣有如此出名的食肆....可惜地方太窄(雲南風味也是極品)

謝謝siunikita講出街道名，我哩類‘頭號路盲’唔曉街道名，只記得係樂聲戲院對面，大大個招牌都唔知係乜舖頭名，應該係叫做‘雲南風味米線’（大大隻白底紅字），暫時都係未得閒路經拎咭片確實其身份．．．唉！咁就唔駛借‘譚仔’黎講啦，真的唔好意思～至於Fatman提o既四川麻辣米線，未試過呀，搵機會丫，謝謝！