譚仔雲南米線 (金球閣)

Open Now

Now Closed

今日同老婆唔知食咩好 最後愉快地決定走去食譚仔啦 因為坐咗半個鐘都冇人得閒理 咁我地唯有叫外賣啦 叫咗個蒜泥白肉外賣 返到屋企打開睇到得4塊肉 4塊肉你夠膽收我30幾蚊 仲貴過雞翼 譚仔又再次刷新紀錄

譚仔雲南米線，米線自由配有很多配料選擇，有湖南酸辣湯底亦都有麻辣湯底，仲有好多辣度選擇.過橋米線:米線非常幼滑可口，仲有好多配料，有魚蛋 、牛丸、墨丸、豬潤、牛肉、雞肉、豬肉、腩肉、火腿、炸醬、酸菜、竹笙、芽菜、韭菜、腐皮、生菜、豆卜.加錢仲可以選擇風味小食同埋飲品.

首先同大家講講譚仔喺有分三哥定譚仔！ 你可以響門口睇牌分到，同埋睇佢哋用嚟岀菜嘅碗都可以睇到！如果係譚仔三哥嘅話就會用黑色嘅碗，相反係譚仔嘅話就唔會用黃色嘅碗，你問我三哥同譚仔有咩分別，對於我嚟講佢兩個分別好大，首先係菜式上面嘅唔同，有時候兩邊都會有一個特色嘅菜式同埋限定米線。如果嚟到香港想食啲平價又好味嘅美食呢一個好值得推薦比遊客食，因為呢個真係地道美食！價錢呢人均大概$50-$80都有，豐儉由人啦不過!今次呢我就嗌咗兩餸再加個麵，然後呢就再嗌咗個細嘅蒜泥白肉。如果你唔識揀嘅話，其實我覺得都可以推薦食一個過橋米線，因為我覺得過橋米線係好足料，男人食嘅話絕對係夠飽！

放工都9點多,去佐附近間譚仔醫肚！試佐今期米線新產品🥢紫菜豬肚蕃茄米線😋湯底係蕃茄湯,用佐新鮮蕃茄做湯底🍅十分之濃郁,豬肚切細,食落有咬口,,但份量不多反而米線幾多,略嫌米線質感硬佐些,可能煮得唔夠耐😅優惠價加$18有一人小食及一杯嘢飲🥤小食叫咗麻辣豬耳🐷🥢麻辣豬耳整得唔錯,雖然睇落好似好辣,食落又唔係好辣,咬落都幾爽口,都幾有層次😅凍檸茶叫咗少甜,非常解渴解辣！由於收十點,所以未食完店員已經吹埋單先,之後拿拿聲食埋尾後嗰幾啖就走人😅

譚仔係一星期點都會去J一次嘅米線🍜🌶️😋蕃茄3小辣雞肉米線+一人份皮蛋好喜愛譚仔個🍅湯，有蕃茄味但加埋譚仔獨特嘅辣又冇違和感忍唔住會飲埋啲湯譚仔而家都好貼心，小食有一人份量，岩哂自己一個人去chill

最鍾意泡椒酸菜🐟湯，今次見到有濃汁🐷軟骨，未試過，決定一嘗。------------------------------泡椒酸菜魚湯（中辣）+魚腐+濃汁豬軟骨+生菜，凍奶茶走甜（$61）------湯底是酸辣+🐟味，比一般酸辣湯更濃厚，魚腐偏薄身，但裡面有魚肉，口感還可以，主角🐷軟骨，不覺得有濃汁，可能湯底太重口味😝，但大件，軟骨部分多（看起來像牛根🤣），整體$61十分滿意。------譚仔的生菜永遠是黃的....有點可惜。

譚仔雲南米線（Cheung Sha Wan)🍜譚仔出新野梗係要去試吓 仲要係韓風撈米線咁特別🇰🇷 真係要try try佢～⌖ 烤豬柳芝士泡菜撈米線🐷🧀🍜💰$44賣相唔錯 芝士鋪滿晒成個面頭🧀 好邪惡👹 食落芝士都做到少少拉絲嘅效果 夾埋米線味道還好 好似冇想像中咁夾🤧 中間少量嘅泡菜味道甜甜地 OK嘅 而烤豬柳出奇地好食😍 有五大件 單食會鹹咗少少 不過夾埋米線又幾唔錯 口感好嫩滑 一啲都唔會過老 有驚喜！😙😙 其他配菜仲有芽菜、西芹、芫荽去豐富成個口感😌不過始終成碗都係芝士 食得多確實會有啲滯🤥🤥 最後食到底就會發現碗底有一浸油 即刻已經唔太想食了😬 我諗都係食返湯米線加烤豬柳會jeng啲👻☻ 回頭指數：6.5 / 10 #Fatshit_ami #Lunchtime #長沙灣美食 #港式美食 #中式美食 #香港美食 #食好西 #譚仔雲南米線 #新品推介 #烤豬柳芝士泡菜撈米線 #撈米線 #譚仔米線

話說今日翻工翻咗十幾個鐘，諗住收工買個譚仔米線翻屋企邊追劇邊食，點知買完行咗16分鐘翻到屋企先發現，個外賣居然係清湯噶~張單明明寫咗5小辣，點解會係清湯？抱住忐忑嘅心試咗啖湯，真係冇味噶真心覺得頽到爆，我真係接受唔到啊譚仔其實宜家疫情大家邊度都冇得去，食都係得外賣，我特登兜路都係想買自己鍾意食嘅野，慰勞下自己，放鬆下姐，點解要咁對我啊我自己從來都唔食清湯，無辣不歡，哎~~~最後頽到掉咗碗野，唔想為難自己食落肚

正常發揮叫乜都唔差但我建議大家一個我自己鍾意嘅食法呢個係推介畀唔食辣嘅朋友我通常會叫淨米線加蒜泥白肉因為淨米係冇得轉湯底但蒜泥白肉嘅少少辣就啱啱好而蒜泥白肉份量都幾多比得上你叫兩個餸

幾個月無食譚仔這晚和傳道人聊天，一坐就坐了兩個小時，難得姐姐不趕，大多數人客都外賣。當然啦，現在外賣有優惠（15/5前），好多人叫外賣，我們才可以坐久一點。是懷念的味道😂特別叫了蒜泥白肉，超級正😍🤤🤤講真，份量愈來愈細🙄

嘩嘩嘩又係譚仔雲南米線🥰真係我至愛不過每次黎都淨係食米線加嘢食未免太簡單啦掛？所以今日就同朋友仔去試下譚仔不同嘅小食開小食party🥰首先試下豬大腸um...咬落太韌 扣分雖然好香 但有啲燒lon左 唔會想再食第二到腩肉 豬肉其實我麻麻地不過蒜蓉搭救！加埋辣汁 令到成片腩肉都升級～到豬耳真係冇得頂 爽口 夠薄汁黎講 花椒味夠岀夠香 令人垂涎三尺最後就食我最愛嘅土匪雞翼真係邊間分店都係咁脆同香食完仲想食多兩隻😫

路經譚仔，好耐無食，懷念之極，立馬坐低，睇睇menu。其實自己唔食得辣，好衰唔衰，口心不一，係要叫碗麻辣，唔敢叫勁，只敢10小，肚絲豬腸，兩款小食，又係麻辣。好彩譚仔麻辣頗大眾化，10小唔勁，頂住有餘，小食香麻，辣味恰到好處，肚絲煙靱入味，豬腸皮脆軟潤。狼吞虎嚥，好鬼好味，米線雖無咩特色，但都算中規中舉，最緊要係，10小OK喎！小小辣提升整碗美味，但又唔會KO你既味蕾，令你除左辣味就唔知食緊乜。唔食得辣之人就明我講乜非常滿足，埋單81是次肚餓指數為7/10，參考參考

日日帶飯帶到悶，就想出去食下lunch但又想慳錢，譚仔就係不錯既選擇喇~我最鍾意點既就係炸醬雞肉，凍檸茶今次個肚有d唔舒服，所以無叫5小辣，要清湯~炸醬都算大兜，每啖夾埋d雞肉食，真係好正好好味啊~湯底都幾濃，係譚仔秘制既~~~~~~另外叫左個皮蛋，一貫入味，少少辣，當加餸真係唔錯皮蛋味都幾突出，無比辣油味蓋過~!!!!!!!!!!!!!!!!!!!!!!!!!!!!!!朋友就叫埋蒜泥白肉，蒜蓉真係好多啊，同d肉要撈勻食~份量好多，好滿足~

我一向都好鐘意食米線，所以長期都係譚仔既客仔, 一個月總要有幾次到譚仔食,打開餐牌，除米線外還有很多小食。今次炸醬豬肉清湯米線，今次炸醬豬肉清湯米線，個湯幾好飲，米線都好滑，炸醬辣辣地,幾開胃,簡直將碗米線提升到另一個層次,兩餸米線都只係三、四十蚊，真係好抵食

路過見到兩間譚仔，並列街頭。有興趣了解戰況如何。回家翻查譚仔的資料，再去試食兩間魚蛋米線。三哥店標榜煳辣，買了煳辣魚蛋米線。魚蛋硬且實，湯底辛辣度不夠。再試譚仔店，比數月前買的，更香氣撲鼻，應是加了韮菜。魚蛋彈牙，湯底麻，辣度足夠。初步判斷，我較為推薦譚仔雲南米線。所謂四川人不怕辣，湖南人怕不辣。湖南米線好嘢!