譚仔雲南米線 (金球閣)

Open Now

Now Closed

今次自己一個人吃，早餐又食左好少，所以揀左食酸辣湯底+豬潤米線，酸辣醒胃，豬潤和米線剛好，正呀！要飲多幾啖湯先ok，每次都感覺唔夠喉咁XD大滿足，幸福(╯з╰)

有時候💞唔知揀咩配料既時候😙👇👇👇👇👇👇👇👇👇👇👇👇👇👇👇可以選擇食過橋米線嫁💞😳😗😙👆👆👆👆👆👆👆👆👆👆👆👆👆👆👆又可以2人share 😌又可以慳幾蚊😆😆又多料💞😗想食咩都有😘😛 真係好足料嫁😏😏麵既份量又多😝😝 又夠食😍😍 食完都會覺得好滿足😉🙂真心推介嫁 🙈🙈今次嗌左清湯😂不過食辣既米線先係皇道 😂😂😂

之前去過幾次 但係次次都等好耐 有次去吃 足足等左半個鐘 但係其實唔忙ga 不過係等好耐咯 但係啲姨姨很幫你吹下廚房 真係難得 叫左個蕃茄湯trytry 味道唔錯 下次會再試番茄湯

去譚仔午餐，本來只打算點一個米線就算，但見到隔離枱吃雞翼，我也來一份好了。大土匪$30，有5隻，平均一隻$6，也不便宜，只此一次好了。味道不錯，很惹味，我一口氣吃了5隻，大滿足！

一個又酸又辣嘅午餐，有時食米線始終真係唔太想去選擇，都係想去食譚仔，因為貪佢唔會有太大嘅差別。今日食咗一個腩肉酸辣米線，我諗腩肉酸辣米線係比較普遍多人選擇嘅嘢。因為同台都有另一位都係食一樣嘅嘢。腩肉唔會有好肥嗰個感覺，個皮有少少爽爽地。米線夠食不會半天吊，唔夠飽。而湯底其實我真係覺得鮮味唔錯，但係真係可以減多少少酸辣，因為係冇得選擇大中小嘅，整體來講當然係唔錯啦。

係屋企Hea唔想煮嘢食，最後落街去咗附近嘅譚仔醫肚，因為乜都想食下所以嗌左過橋米線過下癮。雖然譚仔愈黎愈貴，做客既就無可奈何繼續支持，間間都貴想食平野已經好難。過橋米線勝在乜料都有，食開果幾款間唔中食下佢都唔錯，加左$1酸辣湯底，成碗都香晒，雖然食耐左會有啲辣同口乾，但飲杯水再戰！米線相比之下份量偏少，料多麵少，竹笙有成四五舊，吸晒個湯底夠晒酸香，豚肉夠肥，火腿一般，丸類都有幾粒咁，雞肉，牛肉依然好食，大部分都係預期味道，炸醬係譚仔既精華，但過橋就反而少到乜咁。

走去譚仔點咗個清水煮米線。配料係東菇。加多個涼拌北川豆腐。埋單$41。因用清水煮，所以加入個好重辣味既北川豆腐。一齊食，好辣，但用清水洗過後，有清涼感覺，豆腐質感好滑。加上個賣相好正。視覺效果良好。個米線好彈牙。加上個東菇好鮮甜。這個配搭係素食米線。

晏晝冇乜好食去左食譚仔, 因為依排咳咳地就叫左清湯豬肉, 一飲之下, 總係覺得個湯底爭啲, 同食開麻辣個隻味爭好遠, 原來個種微辛對湯底既惹味度係好重要. 豬肉就依然好食, 都係食得好飽. 今日叫左杯熱奶茶, 正常一般水準, 唔係好夠滑.

「譚仔雲南米線」分店眾多，她們實行五常法維持地方整潔和麵食質素。無獨有偶唯茘枝角這米線才是真正的雲南米線。這間已經是我的飯堂了。 她們製作認真且勤快。不消十分鐘左右已經端上熱騰騰米線，湯呈奶白色，鹹度適中，明顯滲入味精，飲幾口湯已感乾囗，此米線配以數片雞肉，肉質硬且冰鮮味仍在，尚可入囗。米線吸收清湯味道，肥肥厚厚的，質感軟腍爽囗，麵上加了蔥花和粗身的芽菜，味道也滲進了湯底裡，這樣，它們與滑溜溜又富彈性的米線同放進口中，感覺出奇地配合，一口再一口，滋味十足。下次一定來光顧！

情人節，商家塑造出來的gimmick。一雙兩對小情侶紛紛物色餐廳，其實花費千多元食一個套餐，可能與平日的分別只是多了爉燭，性價比不高。這夜，我一反傳統，撥號給譚仔，不要勿演米走狗。來一個過橋米線，再要手拍青瓜，一客細土。誰說譚仔沒有放題，任點任食也不用一條紅衫魚。 一碗集百家大成既米線，有牛雞豬肉，有腐皮酸菜豆卜，阿古獸式均衡飲食。乍醬酸菜米線另上，就好似我冒住寒風落街自取一樣，顯出快餐也可以有細心一面。四小辣比閒日來得淡，難道是將近打烊混了清湯？ 青瓜紅油不辣，青瓜沒有出水，應是即叫即製土匪依然強橫，沖激味蕾，燒焦了的芝麻很脆很香。 其實情人節只不過係365日既其中一日，何必折騰自己。與其找一個肯陪你食老麥既女友，不如搵一個會係情人節講：「其實譚仔米線更開心，只等你請」既女人

有好多人都覺得三哥先係正宗，其實呢間譚仔先係譚仔最初已有嘅分店。食過咁多間譚仔，只有呢間可以體驗果種最初的味道。食物無須多講，大家食慣。但呢間同其他譚仔唔同嘅地方在於佢嘅麻辣湯底，係用辣粉粒而唔係辣油。十幾年前食嘅譚仔，麻辣湯底全部都係用辣粉嘅，但依家我見都係辣油多。辣粉做嘅麻辣湯底望落唔會好紅，聞落香而不辣，只有食落至感到麻辣。但辣時你會感到香濃嘅味道，而唔係齋辣到痛就算。 環境同服務就冇特別，因為間間譚仔都大同小異。

今日譚仔瘾起，立即約家姐個朋友，即係我街坊今晚去食！點知收到呢個message..........加上又看到高登大紅人近來話譚仔係難食既發明，但呢啲聲音，令我更想食！我地各自叫左一碗，她叫左腩肉墨丸鮮茹清湯米線。我就叫左竹笙同墨魚丸酸辣米線。竹笙就可索曬我至愛既譚仔酸辣湯，而墨魚丸好彈牙同有少少鯹及一啲細墨魚粒，唔似出面重麵粉味得少許墨魚碎。個湯底既酸味夠，但今日似比平時辣左啲，咁樣就太搶了！咸檸7與好立克皮蛋係由我一次食譚仔以來就開始食。不過不得不承認，每次既質素都唔同。 今日個outlook都幾靚，但皮蛋芯唔夠溶，無啲似想流既感覺，而且椒粒同辣汁啲味唔出同唔辣。。。湖南土匪雞翼，家姐朋友唔想樣樣都食辣，所以雞翼叫左唔辣的。煎得很香，加左啲特製既粉，味道獨特同惹味！食完成碗粉其實都未夠喉，好想快啲食多碗，但已經十分飽了。。。。期待下一次的來臨！

今日啱啱行到長沙灣見客，搞到3點幾都仲未有嘢落肚，但又唔想食飯咁Heavy，於是走嚟呢度食米線。我本身鐘意食辣，麻辣米線自然係我首選。芳間有林林種種唔同既米線餐廳，始終譚仔既口味最夾我，又唔太油，辣度又夠。不過座位係迫啲，如果平時同老公食就未必嚟呢間。

本身為皮蛋痴 所有有皮蛋的菜式都喜歡今次在譚仔點了這個皮蛋小食本以為和別家的一樣好味誰知食落只有咸味! 而且是好咸好咸辣味欠奉 ! 而且皮旦味亦不香! 味道怪異. 很失望啊 米線方面的點了腐竹和山根. 麻辣 (小)湯底只有一點點的麻辣味. 味道不突出.吃落也沒有越來越麻的感覺同樣地, 好咸.. 腐竹爛到不堪 夾起都有難度.亦不用說放入口而且味淡 都還沒有吸收到湯汁山根有1,2塊還未軟透 味道正路 就是小小炸物味 吸了一點湯汁咸咸的.唉! 應軟的又不軟 不應軟化掉的又淋到散曬. 失望.

星期六1個walkin入去食晏.甘我都預左要等位.一入到去d人就已經塞哂係門口,有d客就企係d就泥食完既隔離等,我問d職員攞非佢又話1個唔駛拎..到有位我行埋去佢又問我有冇拎非...甘我冇得坐d又死死氣拎非.拎左又係到等,我見到有人係直接一入去見位就坐..佢又唔問佢有冇非....有成2,3個人都係甘之後,我隔離個呀叔已經問個職員,甘係咩意思..d職員又冇埋到佢.....坐低左落單...我嗌左米線,豬耳,凍奶茶...佢就剩係同我落左米線,凍奶茶...甘我好聲好氣問佢...佢態度勁差甘話"你都冇嗌"..我個豬耳夾係米線同凍奶茶中間lor,你聽少左個凍奶茶都話丫..d職員不斷要其他1個2個既搬離搬去...d客都黑哂面...態度真係差得離譜...唔會有下次