譚仔雲南米線 (金球閣)

Open Now

Now Closed

話說食譚仔多年了，當時尚只得永隆街一間小店，每隔不久不惜由沙田乘車出來吃麻辣米線，後來外間開了分店，便少回來了。話說近年在外面的分店越吃越不是味兒，味道質素都不穩定，又要等位，又擠逼，那天專誠去總店想試回原來的味道；發覺已搬了大鋪。門口有人等外賣，但沒有人等位，內有空位但阿姐又比飛我，我問她位置可不可以坐，好才如夢初醒地說可以的；可能是新店吧，效率好慢，由落單至有東西上桌約需二十分鐘，幸好我不趕時間，當看看眾生相吧！叫了生菜雞肉二小辣，食味差不遠，但總覺欠了從前的味道；不過人也已不復當年勇，從前會一個月到總店食一次大辣，加上逢二，五會有即場拉麵，小店風情，俱往矣。可能真的老了，便懷舊了...期望會有改善，繼續滿足大眾吧！

食了譚仔很久呢間的米線真係好大碗男仔都夠飽不過小弟黎到呢度會自我虐待不論是酸辣或麻辣一開始你都feel唔到有野但慢慢就會出事好辛苦，但你好想繼續食呢間分店的阿姐o係眾多譚仔之中算幾好禮貌不過環境算差地下好多時都唔太乾淨

今日中午來左呢間分店食O野. 入到去已經要等位, 好彩唔使等好耐就有位 (不過坐得實在好迫好唔舒服!!). 叫左柏葉豬肉米線. 等左好耐好耐都未有, 連隔離遲過我好多落單O既都有得食! 於是便叫某女店員來問一下, 點知佢一手攞左張單, 個樣好唔願意理咁, 乜都冇講就行左去, 跟住冇耐就捧住碗米線返來, 但係黑口黑面, 就咁放低碗O野就走, 道歉又冇,算咩態度!! 就算真係漏左單都應該道歉一聲, 依家好似我唔妥當, 要佢去CHECK單!!! 雖然碗米線OK, 但已經一肚火, 真係要好認真考慮以後重來唔來幫襯!!!!

由細到大, 幫襯咗譚仔咁多年, 睇住佢由細舖搬大舖, 諗住會越做越好啦, 但 實在忍無可忍, 估唔到第一次寫食評就要駡佢啦....第一: 自搬新舖後, 上菜速度越嚟越慢啦. 好似今晚咁, 八點鐘去到落單, 但職員竟然等到八點十分先去入單, 好啦, 到嘢食嚟齊, 時間已經係八點二十五分, 天呀...............之前去好幾次都係咁, 初初以為職員唔熟啲電腦運作, 但到依家都仲係咁.......而我亦曾試過外賣睇吓會唔會快啲啦. 收工時地鐵去到荔枝角站時打電話去落order, 大約十分鐘後去到, 都仲要等一陣先有得攞, 唉.....第二: 米線質素下降了...最愛的酸辣湯底越嚟越唔酸唔辣, 今晚食仲又如清湯般. 另外, 米線仲有啲硬添喎.第三: 土匪雞翼一啲都不復以往了. 以前的土匪雞翼, 香料味濃又入竹味, 但現在, 只得外皮有味, 內裡淡的. 唯一可以keep到的, 便是雞翼一如以往的大隻囉.

呢間舖, 因為同事知我鐘意食辣野, 所以介紹我試下呢間的麻辣米線...(1) 真係咩時間都有人的舖頭, 長沙灣呢間已經唔係咁迫, 觀塘呢間食午飯時間就真係迫囉...(2) 第一次食叫佐小辣, 真係覺得辣, 同埋好味, 係地勁就係辣得來都唔會一片油係碗上...(3) 豬膶, 聽啲同事講話唔錯, 我就鐘意食牛丸, 好彈牙, 雖然本身碗米線都有付竹, 但係我就再加付竹, 貪佢索佐啲辣, 超好味...(4) 碗米線仲要係大碗, 一定飽...價錢30以內, 食得飽都唔錯啦....(5) 風沙雞翼, 有黑芝麻係面, 我就覺得普普通通, 可以唔食都得....(6)之後我試過中辣, 就真係辣啦...但係都可接受...最多唔飲湯囉...(7) 雖然多人, 但係落單後, 都好快有得食...算啦....

第一次食譚仔雲南米線，試的為觀塘康寧道分店，價錢雖偏貴但味道尚好。一星期後又想吃，心想譚仔既為連鎖店便挑了較近的本鋪以慰雲南米線癮。那知出品相差極遠..唉 午市要了黑牛柏葉、炸醬米線，小辣。外加一份土匪雞翼。先嚐一口麻辣湯底，和觀塘的有天淵之別，既不鮮甜亦香味全無，份量足但黑牛柏葉水準一般而炸醬也無什特別，當轉轉口味倒也無所謂。 土匪雞翼外皮太燶，可幸香料有外省風味。這裡價錢雖較便宜但味道有待改進，如何可稱為連鎖店？

好想吃黑柏葉，所以要到長沙灣這家總店碰碰運氣，因為黑柏葉不是經常有的.太早去也沒有，太晚也沒有，最好是12點至2點去最好。不過這一餐是我幫襯譚仔這麼久以來最好味的一次。為什麼？因為剛到門口就看見兩張通告，還以為是加價，仔細一看，原來這家店的老闆捐了20萬給香港紅十字會，用來幫助四川地震的災民，心裏立即感覺暖暖的，立即打給住在災區德陽的姐姐，我每天都會和她通電話了解情況，她告訴我在電視上看到的只是一部分，還有好多靠山的鄉村，根本還無法進去，也許裏面已經變成死城.我將捐款這件事情告訴她，她和我一樣，非常感激，我代表她向譚仔米線的老闆致以謝意，也向全香港出錢出力的市民致以萬分的感謝。

以前係附近番學.成日去舊舖食酸辣米線.依家開左新店都會去幫襯.但酸辣已經無以前咁酸咁辣.但可以叫多酸多辣.價錢間間唔同.我每次都會叫炸醬腩肉墨丸酸辣米線.譚仔既酸辣真係第2度食唔到.會食到人上曬癮.所以就算你知道佢個度服務態度差.環境差.上菜慢.等位耐.你都心甘命抵.如果你係要求服務既.依度唔啱你.但如果你想食好野既.絕對可以一試!

服務質素及態度, 愈來愈差勁...(3. 服務(Service)：如有扣分可選,就連呢1分都不值給的)本人於30/Mar/2008中午到這間分店,當時店內已滿坐,在收銀內的女店員向我說待一會那張4人位的四方"木台"很快便走,便會給那張"木台"我(因我們是3人),當有2位顧客入來,那位收銀的店員便給了那2位人我便跟她說我來先而且她又說好給那張"木台"我等的為什麼要給別人先,然後她的同事看見另一張圓"木台"有3個位便叫我們去,當我們行到圓"木台"時近廚房出口的4人四方"木台"有位於是便去那張"木台"原來那女收銀員在罵我女友,說我們沒取飛,所以便給另一些人坐先, 於是我便出去找那收銀問個原因真是不問沒事,一問真的彿都有火,她理直氣壯說要取飛仔,我便跟她說,如果要取飛仔,為什麼我一來到向她說3位時她不給我飛仔,而遲我來的2位顧客都一樣沒有給飛仔便給他們2人先坐我先等的位她總是說我沒有問她取飛仔,就是說我沒取飛就是我不對,我便問她的名稱,待日後向老闆反應有關事項我問了很多次,她都很不願地回答:好叫萍姐大家請想想...顧客又不是店裡的員工怎知道店的規例否取飛如果要取飛,不是店員主動安排派發去安排輪

以前譚仔係企係度等位,而家變左做派飛仔我地一早黎到唔知,,坐左係到,,,個阿姐竟然話呢張枱唔係你地嫁,,,起身之後拎返飛仔等,,,坐低,,,6個人,,,搭枱,,迫到呢,,,同學仔仲俾d阿姐話大份坐正路中心,,,搞錯食野就雞肉碎哂,,,,其他ok可接受

昨天午飯跟同事去吃譚仔, 好在有兩個同事早點先去等位, 所以一坐下便有得食...每次來必食豬膶及墨丸酸辣(或5小), 但這兩次來都沒有豬膶...(失望), 改叫了豬肉, 味道也不錯, 亦算嫩滑, 保持水準

今次又係一個人走去食, 酸辣, 腩肉, 竹笙, 加埋個土匪雞翼, 真係非常好食!!酸辣夠開胃, 腩肉唔肥膩, 雞翼又夠香. 特別介紹俾好鍾意食辣的朋友. 但係小心辣得滯食唔落.定價合理, 但係衛生就差少少, 不妨一試

2008年1月25日下午3:30 左右喇~唔多人，一入去就有位，門面及裝修普通，要等位一定唔試；兩個人叫左兩碗米線，我叫左腐皮、肉碎、牛肉；湯底一般、牛肉好UN，肉碎是招牌菜都可以，腐皮有腐皮味，不過全碗都搵唔到丁點雲南風味，(除有芽菜相似外)其他就完全唔係這回事，我只可以講好大碗，壯男都一定夠飽，其他水準都在一般之下,參加饑饉三十之前食一碗，會放心好多，唔怕餓親

今日我第一次去食譚仔我叫左酸辣雞肉米線，我細佬叫左腐皮雞肉清湯米線個清湯都幾好唔太差，雞肉吸哂D味幾好食但我對個酸辣湯底有d失望，得個酸字，唔夠辣下次我應該試下個麻辣湯底同埋個上菜速度都幾慢，要改善下

呢碗係譚仔竹笙米線酸辣湯底, D竹笙索晒D湯, 熱辣辣, 暖粒粒, 真係fit晒喺凍冰冰嘅天氣食喇.呢個又係譚仔出品- 紅油青瓜, 係我個舊同學介紹我食嘅, 我同肥妹都係第一次食, 表面睇上嚟好似好辣, 其實一D都唔辣, D青瓜好爽脆又甜兼冇渣, 真係好介紹.仲有唔可以唔食嘅蒜泥白肉, D肉切得好薄, D蒜泥係生蒜, 真係好香好辣, 用嚟撈米粉真係一流!