譚仔雲南米線 (凱豪商業中心)

Open Now

Now Closed

我落左單叫雞肉芽菜走米線，結果，嚟到係無同我走到米線。之後同啲呀姐講，反話返我，你唔食咪自己夾走啲米線！態度極差！即係要我自己係啲芽菜同米線中間一條一條咁分開佢地揀黎食？

久久都無推出新款式的譚仔，今日經過見到門口貼上有新小食，又被挑起條譚仔癮。萬眾期待的新菜式，麻辣大腸。用烤爐烤，唔係炸，感覺上無咁熱氣，個人覺得有得揀辣度較好。必食算泥白肉，今次擺得好靚，好快已被ko了！

今日收工一個人喺佐敦行嚟行去結果都係食咗平時最多人食嘅譚仔 我個人好食得辣 所以揀咗重慶酸辣 個湯底出奇地幾好味 可能佢落得醋比其他分店多 所以真係幾好但係牛丸方面就畀其他舖頭有啲遜色冇咩牛味 不過雞肉就好滑同埋份量都幾多 總括嚟講碗嘢都幾細好快就食完 幸好啲侍應服務態度都幾好啲位又坐得幾舒服可能裝修靚所以我會比較鍾意食譚仔多個譚仔三哥今日都食雞翼 試咗香草雞翼 同土匪雞翼 一咬落口勁多汁好juicy 最緊要係隻雞翼分量都幾大隻 上面重審咗黑芝麻粒 好香

今日同事突然話想食譚仔！行到佐敦食，依家好多人等位，等左15分鐘！叫左3個餸！因為全是菜類！所以比左個大碗！叫左中辣真係好辣。雖然係好大碗！但最後都仲係食得晒成碗，仲叫左個皮蛋！

🔅🔅🔅身為米線控既我當想不到食什麼米線永遠係首選總有一間係左近碰巧經過譚仔～所以今餐就食佢🔸呢間分店不算大座位之間相對較窄剛好晚飯時間人好多🔹<過橋米線套餐> 由於我倆不太餓所以叫套餐share竟然套餐份量勁少米線約只有三小碗雖然所有配菜都有齊可惜物價漸騰漲關係肉類份量也相對減少湯底叫左麻辣五小辣呢間辣度辣得好似小辣辣得我倆噴火一樣！米線口感還偏硬了！🔸<土匪雞翼> 土匪雞翼係必點小食雞翼應該已焗左一陣皮唔係好脆而且出油肉都幾嫩下不過凍左d🔅🔅🔅

作為一個香港人，相信絶大部都吃過譚仔，我覺得吃譚仔猶如吸毒，係會令人上癮的。今日譚仔癮又發作，中午去了佐敦白加士街分店，點了一碗麻辣米辣中辣，加豬腩肉、炸醬、竹笙，再配上一碟麻辣皮蛋。這間譚仔的食客比較多，由下單到上菜的時間比其他分店略慢，但可以理解和接受的。味道方面，依然是譚仔的味道，稍為不滿的是炸醬的份量很少，可能是平時份量的七成。麻辣皮蛋是我第一次食，味道十分驚喜，它的麻辣強度不算高，非常，惹味稍為可以吃得辣的朋友都能應付，下次再食譚仔可以再叫多一次。

佐敦白加士街出名多美食，今次在星期六繁忙時段下午約一時到譚仔雲南米線吃個午餐。環境尚算寬敞，員工工作效率良好，點餐後大約等待五分鐘便上菜。是次點了雞肉豬潤清湯(少米線+走韮菜)，儘管已是少米線，但米線份量依然十足。雞肉嫩滑，豬潤沒有苦澀味，清湯湯底亦不算太淡。若果口味比較清淡的朋友可能會略嫌湯底帶點味精味，吃完後會有絲毫口渴，建議可以加一杯餐飲解決口渴問題。總括而言，以在九龍區$35可以有一碗雙餸米線來說，性價比都有4分的。

今天X安百貨VIP大減價，同老婆去左佐敦X安百貨掃貨，掃完貨去左佐敦白加士街的 ''譚仔雲南米線'' 食米線。門口大大隻字寫住 ''譚仔雲南米線'' 好搶眼装修簡約，樓底夠高，座位夠多，唔使等位，入到去即刻有位坐。餐牌多款美食任君選擇，包括米線、小食同飲品。我點左一碗魚片頭湯米線($32)配麻辣湯底(10小辣)($1)魚頭片肉質彈牙，份量勁多有8塊米線份量也勁多，差點食唔晒。配料豐富，有芽菜、韮菜、腐皮。湯底是麻辣湯底(10小辣)，10小辣都夠晒辣。麻辣豬耳($28)麻辣豬耳肉質超爽口超彈牙，麻辣味夠晒辣。可口可樂($8)食辣又好難唔飲可口可樂

由於夜晚要上堂，時間緊迫所以便選擇了這間譚仔米線來試。餸菜揀咗魚蛋，雞肉。湯底揀咗蕃茄湯。番茄湯底十分之濃郁，而魚蛋亦非常之彈牙。雞肉夠多。店內亦頗為舒適。值得再試。

因為近屋企，食過兩三次，絕對唔推薦!服務態度極差!1. 入店門口，無人招呼，無人安排座位。有次甚至安排我坐已經有人坐ge位(5係搭台，係exactly個位有人坐)，個人去廁所，番黎後店員叫我起身讓位比佢!2. 叫無數次，無人過黎，信我，at least要等兩三個字先寫到嘢。管理極度混亂!3. d姐姐成日浸佢個手指係米湯入面and我食過兩三次就有一次食到頭髮4.點單果時態度好差，好大聲咁yell at me，同埋寫嘢會經常唔記得，叫你重複多幾次。5.單人坐jor4人位，個姐姐叫你起身，而唔係請你起身，極度唔尊重我，唔教養!4.

今日點了雞肉米線，碗米線黎到已經覺得有d同以往不同，d雞肉好碎好細粒，正常嘅得兩三片，d雞肉食落去勁大陣豬潤味，我係唔食豬潤的，唯有用皮蛋cover返，以免浪費食物。難道被收購後就開始縮皮？

佐敦其實有好多野食, 要揀真係可以揀小店instead of啲連鎖野。不過星期一返工突然想食啲重口味野, 即係蒜泥白肉啊, 尖椒皮蛋啊, 咁最方便就當然係食譚仔啦。下晝一點, 我地一行七人走到譚仔門口, 啊姐又運用咗香港人獨有既flexibility, 將啲食緊既客人搬黎搬去。總之務求我地等咗冇耐就拎到張枱啦。因為我地人多, 都叫咗多幾個小食share加自己個麵。中學既時候好鍾意食譚仔, 覺得尖椒皮蛋有皮蛋香, 入口即溶又惹味, 不過呢間就絕對唔係咁既回事喇。皮蛋冇味, 皮黃同皮一夾就半散, 啲蒜同椒既份量都少咗好多。豆腐好明顯係雪櫃拎出黎再隊啲辣醬啦, 但豆腐得個涷字乜味都食唔到。反而蒜泥白肉同土匪雞翼好啲, 都keep到水準。話說回頭又返返個麵。唔知幾時開始譚仔既酸辣又唔夠酸又唔夠辣, 樣樣都到喉唔到肺咁,魚腐好霉, 墨丸叫做好啲。啲配料削哂。唯一係仲係好大碗餵飽哂你囉。天啊,我到底食咗乜? 真係譚仔黎既?所有野都係變連鎖就唔好食, 出咗名就亂黎。依家雲南米線有咁多, 真係唔洗揀佢喇下次…

今日接老婆收工要等佢， 見到有譚仔米線就決定邊食邊等佢入到去冇人招呼，所以自行坐埋一邊。 餐牌要叫姐姐先會畀，扣分。 睇完餐牌想叫又要等一大輪，有姐姐應你話轉頭嚟之後，仲要再等。最後等咗接近五分鐘先有人真係過嚟同你落單， 雖然姐姐們的態度都非常好，但明顯人手不足，再扣分！！只係點左一個餸： 豬肉配四川酸辣湯底(最小辣)及走韭菜。豬肉算稔但有口感，算不錯。但是米線就偏林沒有口感，雖未至糊掉但不高分。土匪雞翼是我最愛吃的菜色，所以一定要點！今次得一個人吃所以只點了細碟，即是三隻。幸好雞翼整得很出色，外表煎焗得很香脆而且味道非常惹味。而內裏的鷄肉依然保持嫩滑多汁。$61有嘢飲,算係不過不失啦。

日日係果區做野，有時候都唔知食咩好，近近地揀左食大眾都愛既譚仔之前我都會山長水遠行去遠d果陣三哥買外賣，因為佢有薯粉食，今日懶，近近地食哩間唔係三哥既譚仔米線 Lunch真係好多人食譚仔，我等左20分鐘先等到我個外賣😭😭哩間譚仔既好處係，佢唔做問你使唔使分湯，因為佢個外買設計就已經幫你分左，幫你慳返1蚊，少米線又幫你慳多1蚊🙈叫左雞肉 豆卜2小辣，譚仔間間辣既程度都唔同，哩間好辣😳😳講真，我岩岩出黎做野果陣，鋪頭對面就係譚仔本店（冇分店，未擴張，只有最原始長沙彎果間）lunch多數會過去買外賣，果陣時既譚仔係最好食嫁👍🏻宜家已經食唔返果個味啦，以前冇無幾辣個湯底都係奶白色，宜加越辣碗麵越紅，不復當年既味道啦，果然往事只能回味😔

講到係香港食米線，通常都會諗起兩間大型嘅連鎖米線店，聞說佢哋係兩兄弟分左家。至於我呢，就一定會去三哥度啦！個人比較喜歡去三哥度，因為三哥既湯底取勝，除咗選擇多之外仲好好味。今次我就點左麻辣湯底，10小辣。其實我都唔算好食得辣，不過10小辣其實都唔算好辣，可以再辣d！因為好想食佢個重口味汁嘅青瓜，所以餸就清清地揀咗雞肉同埋木耳。份量都算合理，令我滿意。最後想推介下依個一人份量嘅重口味汁青瓜，＄12嘅價錢大約有¼條青瓜倒啦，雖然未算好超值，但相比起其他20幾蚊一個嘅小食，一個人食飯嘅話加依個小食都係唔錯嘅選擇，重口味汁都唔會話好辣，所以每次我一個人食米線嘅時候都必定會點依個青瓜，誠意推介俾大家試吓！