譚仔雲南米線 (長沙灣廣場)

Open Now

Now Closed

譚仔永遠都係好受歡迎嘅平民之選，而我趁住收工嘅時間走咗去食一個就tea。今次我叫咗一個麻辣青瓜，同埋大份嘅土匪雞翼，麻辣汁好濃郁，夠入味。鍾意食青瓜嘅我對於青瓜都要有一定嘅要求，單憑我嘅經驗一食落口就知道夠唔夠新鮮而我可以話比大家知呢度嘅青瓜都幾新鮮，仲好爽口！土匪雞翼大份嘅有5隻，本身雞翼有好少好少嘅微辣，而且表面有好多芝麻，好香口！如果你想食辣既話建議你選擇麻辣雞翼。我食咗土匪雞翼先至食青瓜，因為唔好俾青瓜嘅麻辣味道影響咗雞翼本身嘅肉質！

好耐無食過譚仔啦，今日同朋友經過見到好想食，因為午飯時段，所以好多人排隊；終於輪到我地，我地叫咗豬潤米線同腩肉米線，跟著加麻辣豬耳同青椒皮蛋，唔知係咪近工廠區，所以特別多人，個米線比平時的淋，唔同平時食開果種感覺，比較失望；飲開凍檸蜜，今次亦比較淡，感覺同平時食開有唔同感覺😔員工們比較心急，但都快手，原本落單時叫咗杯水，睇住佢行過都唔比我地，不過我地都明白，午市係特別多人，尢其是工廠區，下次都係過午市才去！

上個月開始黎左長沙灣廣場附近返工, 本身作為譚仔半個FANS 既我, 當然會幫襯下!今次係第2次幫襯, 但我想講返上一次先~~上次我12:30PM打電話去叫外賣, 跟住12:40PM係公司出發去拎外賣...and then我係要1PM個米線先拎得!! 拎完仲要行返公司, 如果我公司真係得1 hr lunchtime 既話, 我諗我真係要倒流個口先得囉!!🙄今次就同另外2個同事堂食, 12:15PM去到, 等左5分鐘有位, 不過由落單到上菜都等左20分鐘~平時我係食開10小辣, 今次試新野, 叫左個鮮蕃茄湯底 (加2蚊)個湯底酸酸地, 都開胃既, 有幾粒細細粒既蕃茄餸方面就叫左魚蛋同春卷, 春卷OK, 足料, 見到有蝦肉不過魚蛋就唔夠以前咁彈牙, 退步左, 食到最後果粒直頭覺得有D難食....但係真心覺得其實呢間譚仔既廚房係應付唔到咁多單(堂食多, 外賣都好多), 所以變左出野慢, 又亂我諗下次都係同事提議先會去, 我自己就唔會揀呢間再食啦!

I go there almost 2-3 times a week. No wonder this franchise is so popular in HK. It’s economics(cheap), fast(efficient), hot(everything they bring out the noodles hot) and tasty(most of the time)I cannot eat very spicy food, but my frequent order is always 雞肉墨魚10小辣. $37 it’s a bargain! It’s got loads of chicken, 4 squid balls, bean sprouts, chives and enough noodles to fill me up. The favourite is there soup base, I think the soup base is the key of having a good noodle, which they achieve, som

如果外賣要等20分鐘既話, 坐低重快d 有得食?????睇住個客人遲過我來, 但佢堂食, 點知佢等一陣就有得食, 我問點解咁耐, 佢地話我有土匪雞翼, 要耐d.....整咩10分鐘都煮好啦 .長沙灣呢間係食過最差個間, d 待應...唉!!!

叫外賣叫一個炸醬都可以無比到我！差爆！等左咁耐返到公司先見到，叫我點。個一個炸醬唔通返去拎返，一個鐘放下午飯都無左二十分鐘，勁無奈！下次一定一定唔會黎。大把餐廳，多你一個唔多！

今日lunch要去長沙灣廣場搞d野，諗住不如順便叫譚仔外賣食，出發前已經打電話落左order先，之後過到去都15分鐘後既事。一到門口見到勁多人，成20個係門口等外賣，我諗住不如cancel張單去買其他好過，點知佢死都要收我錢，又話整緊好快，結果我足足等左半個鐘，仲要行返公司，差d遲到。d米線好硬好似未煮熟咁，仲有d餸少到喊，其他分店明明多d，d雞肉又難𡁻，仲要粉粉地紅色，個湯面頭有層油係度，從來未見過，真係我食過最差既譚仔，唔會再黎！

食過譚仔咁多間分店，呢間都算經典，坐低半個鐘，完全無人理你，成個場D人舉晒手，好似小學生搶答問题咁，都幾攪笑，啲員工就個個黑口黑面，愛理不理咁，好似要受佢地氣咁，真係無下次！

今日同朋友選擇左長沙灣廣場的譚仔雲南米線午餐，中午時段一般都好多人排隊午飯，英明的我們一早透過Apps搖控取號排隊，所以到步後唔使等好耐便有位。我們叫了一客小食，麻辣豬耳和一個過橋米線一同分享。麻辣豬耳質感非常好，爽脆、辣味相當配合，辣度亦不會太多。過橋米線，我地點了重慶酸辣(2小辣)，米線份量足夠2人分享，但配料就頗求其，餸菜款色很多但每種款式得一件，有些於餐牌列明的餸菜就不覺出現於碗中，套餐還包括炸醬和酸菜。

譚仔相信係大眾嘅食堂，香港獨有嘅特色！今晚到訪，並唔係想食「麥演牛演」，反而叫左一碗魚蛋酸辣米線。魚蛋，並唔係油炸的，係白色的，好適合減肥中嘅我，共有五粒之多，份量剛好。米線一如過往，煮得軟硬度適中。但係略嫌韭菜較為少，而腐皮亦煮得較為硬，破壞了口感。平時好鍾意食十小辣，今晚改叫一碗酸辣湯底，幾好喎。因為個辣度同十小辣相若，不會令人落得頭皮發麻，但係多了一份酸味。味道立即充滿了層次。但係呢一間有漏單情況，等了差不多20分鐘米線才送上來，前後左右的人比我遲走進來，也開始進食了，故服務仍需改善

過橋米線($51+1麻辣)💁草根妹妹好中意食譚仔，但每次都要等唔食辣果個草根姐姐👧不在，先可以同草根爸媽💑去享受下食辣米線嘅快感😂因此，今次要同草根媽媽一齊食個大大碗過橋米線過下上癮🔥🔥🔥最好係可以同媽媽開心share 5小辣👅媽媽成日都好多心想食好多餸🙈米質質素水平不錯！材料好多，辣辣地越食越開胃!!

平時都係堂食 今日係第二次外賣,對上一次大概2-3年前,個陣外賣仲係一個盒 裝哂湯同餸 分開裝要額外收錢食飯得一粒鐘,無奈公司附近冇乜好食,行到黎長廣先叫做有多啲選擇 今次心郁郁想食譚仔 12:54落單 13:20先攞到 以為佢會一盒裝哂湯同餸 所以勁快行番公司 番到去一打開先發現佢係上下層分開裝麵同湯 食個陣先倒落去冇咁易霖例牌嘅淨米走韭菜 木耳走青 湯同木耳都係鹹咗啲

其實食譚仔，唔食辣真係唔知有乜好食，我見大把人嗌乜鬼清湯，蕃茄湯嗰D......不如自己煮個麵好過，識食梗係嗌重慶酸辣二小辣，真係好過癮！我成日聽D人講話好鍾意食譚仔，問佢揀咩湯底，就聽到呆晒😅，唔係話歧視你唔食🌶，而係唔明點解只食清湯嘅人會話鍾意譚仔，因為佢地唔🌶米線真係好普通，D正宗雲南鋪頭過佢多多聲。我而家基本上都係嗌:雞肉/炸醬，竹笙，魚片頭重慶酸辣，二小🌶少米 (減$1.00)

放假後的lunch，我同fd走左去食我地經常平食既譚仔米線，雖然地方座位唔算得好舒服，但好在座位與座位之間都有空間感，都不過不失呀勝在食物好食，所以多期都好多人幫襯!今次我叫左碗豬膶雞肉清湯米線，因為假期食得好多野所以揀左清湯底，雖然清湯底清清地得黎味道都唔錯嫁，豬膶口感好好切厚薄適中爽爽地，唔會太淋，味道又好，雞肉嫩滑有雞味鹹鹹地好好味，加埋配菜芽菜蔥花，芽菜清甜爽口，加埋蔥花既香味食落更加惹味，加多杯香港特式飲品之一既冰檸檬茶，夠晒茶香味，少少甜岩岩好!

以前荔枝角有兩間譚仔米線, 但自從早幾個月位於麗新的那一間譚仔結束營業之後荔枝角只剩下這一間譚仔米線. 雖然以前已經有兩間分店, 但如果可以再有機會選擇我也會揀另外一間... 可惜現在已不在了, 個人比較覺得較好味的那一間已沒有了, 真的有點可惜... 今日與同事吃飯, 選取了這間譚仔, 其實之前曾經有吃過一兩次, 但未到極之普通, 所以今日本意懷着簡簡單單又一餐的心情來到, 已經不再寄望任何好吃的情感了豬潤+雞肉 本身不太愛吃辣所以叫了清湯湯底, 因為豬潤關係令湯底比平時的清湯多了一重口感, 味道也還可以