譚仔雲南米線 (長沙灣廣場)

Open Now

Now Closed

健身人士福音✨😭譚仔雲南米線宜家隆重推出全新適合操肌肉人嘅「增肌瘦麵套餐」 及「滋膶瘦麵套餐」，含有豐富蛋白質！今次套餐主要建議配低卡蒟蒻麵，配低糖綠茶 ，正🍵🤟🏻：-「做Gym都要食譚仔‼️我要protein蓋地‼️我要GYMGYM日上💪🏻‼️」🔥🔥🔥-1️⃣「豬膶雞肉清湯蒟蒻麵🍜($42+)」🆕（免費轉配米線/ 寛麵/ 菜底）今次呢兩個面都超fit小編平時嘅口味！ 豬膶超級爽滑大件，唔知係咪平時食開外賣，覺得堂食特別好食！雞肉就大件唔會好鞋，蒟蒻麵好彈牙爽口吸湯～konnyaku noodles with pork liver and chicken meat-2️⃣「牛肉雞肉清湯蒟蒻麵($42+)」🆕牛肉超級滑同淋！都係配左雞肉同蒟蒻麵，今次叫咗麻辣小辣，麻辣水煮牛肉嘅感覺更加過癮～konnyaku noodles with beef and chicken meat -3️⃣ 「低糖綠茶(套餐包埋)」🆕(都可叫熱飲品/ 罐裝汽水，亦可+$1轉配無糖凍檸茶/ 無糖凍檸水/ 凍飲/ 豆漿 或+$3轉配珍寶飲品)完全唔掂甜，有綠茶嘅澀味，幾refresing～

跟同事某日的平常午餐，來到平常不過的譚仔。同事的清湯原來都有分甚麼小辣的，他就叫了三小辣。湯底都幾順滑，配料亦對得上，況且上得快，過得去。愛刺激的小人當然叫了大辣！未到最高是因為怕回到辦公室太眼瞓！豬肉和墨魚春卷都不少，性價比是正路的，但貨色必定地是一般。豬肉完全無肉味，墨魚春卷有骨要吐。這客土匪雞翼，鹹到飛起，聽同事說原來譚仔間間水準不同……要浸一浸湯方可入口，差矣。還需一提的是現場以二維碼落單，小人及同事掃完之後都要在手機安裝，我們都不願意，決定叫店員解決。同枱大部份食客都要做同樣的動作，到底二維碼落單是不是這麼的輕鬆呢？

去荔枝角行街， E座肚先！唔知食咩嘅情況之下最後食咗米線譚仔，質素食開知道係點呀嘛！而且又想食豬膶😝😝🙈性價比亦都好高！經過米線陣本身阿媽都諗緊試唔試，見到又好似幾吸引，不過我記得米線陣唔好食的😅😅😅好似係唔係太足料？平時會食過橋米線，而家一人一碗啦！阿媽嗌泡椒酸菜魚湯，我就嗌清湯，阿媽試吓小辣就覺得好似辣咗啲啲，食到個鼻出晒汗，但係好滿意湯底嘅調味豬潤好大塊，比開平時食嘅大好多又厚少少，原來過橋米線真係唔抵，平時食三哥會細快好多，而且整體份量而家好似已經唔係以前咁多🤔我個牛肉都好靚仔！成日覺得嗌單餸會抵啲

喜歡譚仔多過三個，麻辣皮蛋好食過青椒哦。土匪雞好入味，表皮不是太脆，太很香口。呢間的豬潤都好新鮮，可以試下。已經來食過不知幾多次，出品算比較穩。不過呢度麻辣真係好辣，小心，我一般揀麻辣 兩小辣，供參考。

黑蒜雞米線，係譚仔期間限定所以就一試因為係黑蒜，湯的顏色是啡啡地味道沒有太大的黑蒜味感覺一般味道不太濃郁，反而一讚的是雞件很嫩滑希望這個期間限定做完就算唔好再出

新年過後有嚟到我最愛嘅譚仔食晚餐，雖然而家佢哋多咗好多唔同嘅新菜式，但係我都係一如既往咁嗌咗墨魚春卷配上珍寶蟹柳（$5）本來想要烤豬柳（$5）不過居然冇晒貨🥲所以就加咗帶子（$5）一共$47，配上麻辣中辣走韮菜味道依舊係咁好！今次仲試埋佢哋果杯新嘅特飲－生薑香橙白玉特飲（ $14 ）呢杯特飲姜味好濃，配上酸酸地🍊橙味味都唔太甜，配埋麻辣米線一齊食味道都好夾，最後仲嗌左一份一人皮蛋（$13）大滿足！

我好鍾意食譚仔，基本上去到邊區都會食，所以香港新界九龍嘅譚仔都俾我食均。雖然同樣都係譚仔，但係每一間分店都總有少少唔同，有啲分店會比較淡，好似溝咗水咁，有啲又唔夠辣，叫中辣都冇乜料到，有啲啲米線又煮得太淋。長沙灣廣場呢間就係我食過最穩定，質素最高嘅一間，因為以前公司喺長沙灣，所以成日幫襯，但係去到其他分店總覺得冇呢間煮得咁好食，湯底每一次都夠濃味，特別係泡椒酸菜魚湯底同埋重慶酸辣，水準真係穩定㗎。

又來到我最愛嘅譚仔雲南米線，佢哋啱啱做緊promotion，叫一碗米線加一份配料，就可以加$5換到珍寶蟹棒另外亦可以加$5換埋烤豬柳，咁我就嗌左必食嘅墨魚春卷配埋呢兩款配料，之後姐姐同我講如果叫咗三款配料仲有泡菜送添！墨魚春卷珍寶蟹柳配豬樓麻辣中辣米線（ $45 ）條長蟹柳配上四件豬柳加埋只需要$10真係好抵，加上中辣嘅米線味道好夾食到好滿足！菠蘿野菜汁特飲（ $14 ）呢杯野菜汁係用上日本有名嘅野菜汁加上唔少嘅菠蘿蓉，出奇地好味有菠蘿嘅甜再加上蔬菜汁解辣一流，開頭仲諗住d蔬菜汁會好腥味點知原來好好飲！

入門口無usher ，入到去完全無人招呼可以坐係邊度，menu 要問先俾，上餐唔俾筷子，就算了，都算了。點解個過橋米線麻辣10小辣都可以甘辣？辣到我食唔到明明外賣唔系咁辣嘎~ 唔通我記憶錯亂？唯有將米線撈出黎，同D 湯分開，再放凍D ，先可以入口。真系好奇怪，以前係呢間食過兩次，外賣都系呢間，都未試過出問題，今日有d 失水準咯。間鋪重新裝修過，坐得系舒服左。但係服務人員明顯唔夠人手，先至usher 都無，坐低又無人理~同埋出品真系，好辣咯

🍜烤豬柳芝士泡菜撈米線勇敢試伏😂新配搭有啲kick😂好似自己都煮到，只要買泡菜加芝士同一丁好似仲好味D!鹹鹹地芝士加幾片泡菜，撈丁應該會襯過撈米線🤣而且豬柳唔太軟；味道就比較單調，但整體都放到入口。

d 湯少到我以為自己食緊撈米，我個湯底有加錢架。。。外賣d 錢唔夠熱， 叫我點樣浸番軟個米線，依家硬生生食， 食評又要我打甘多字，係咪想我繼續彈？雙拼d 料永遠少過單拼，都係一個好衰既手法。

終於等到譚仔出撈米，重口味嘅妹妹不嬲都鍾意食撈米多過湯米，估唔到佢嘅其中一個夢想終於實現🤩！仲要係有佢好鍾意食嘅配料，就好似為咗佢度身訂造一樣。.📍麻辣汁烤雞炸醬撈米線（$43）食咗譚仔咁耐第一次見到佢出撈米線‼️呢碗米線有齊烤雞、炸醬同酸菜，加埋麻辣汁，仲可以自選辣度🌶，夠哂重口味！烤雞肉質嫩滑🐓，撈埋炸醬好惹味，又唔會被湯汁沖淡，而且炸醬份量都好多下，每一啖都可以食到香濃炸醬！估唔到譚仔都做到呢種水準，確係有驚喜❤️！唔知會唔會考慮再出其他組合既撈米線，或者將依個撈米線放入平時餐牌到？ 🤔.📍蒜椒雞腳筋（$26）雞腳筋即係雞爪上關節部位，口感爽脆仲要係無骨。譚仔小食總係唔會令人失望，特別係醬汁好好味，辣得超過癮😆！.📍青檸綠豆薏米冰（$12）最近成日熱辣辣好焗🌞飲番杯清熱袪濕嘅青檸綠豆薏米冰就爽晒，仲可以解下辣添！

因為想快啲買lunch返公司食完之後開工，在譚仔等咗30分鐘吹完先至攞畀，唔衹我一個要等，我聽到人哋吹：“等咗半個鐘啦。” 我先至吹佢，如果唔係仲有排等。D料都唔使煮嘅，夾落去咋嘛，好似豬餿，豬雞肉又鞋，個湯又冇味。搵Ian，花姐，七師傅拍廣告都冇用啦，啲嘢咁難食，又要人等咁耐，影衰曬人哋藝人個名呀。以後lunch都唔會再嚟呢間呀。

譚仔既米線真係又平又低👍🏻👍🏻土匪雞翼一定每次都加入去好快就有位 過一陣就有員工點餐過5分鐘就上米線最愛食呢個咩都有既米線同朋友一齊食就岩岩好諗吾到食咩最好就去食譚仔 👍🏻

晚餐都係上班一族 煩惱既野尤其星期日， 周圍餐廳一係早收 ， 一係就唔開 🤔 又唔想食大快活 / KFC 家鄉雞果炸， 呢個時候譚仔既慾望開始慢慢萌生 🤣🤣好彩譚仔也好， 三哥也好， 總有一間係附近加上疫情關係， 好多餐廳都有外賣優惠而譚仔都唔例外， 作為長期幫襯既老顧客當然會問有咩係有優惠 ， 有個小食拼盤（木耳， 豬耳 ＆ 口水雞翼）， 野飲都會平左 咁米線會嗌一樣餸就算 ， 再每個一起嗌外賣既同事都嗌款小食交換share ， 就會超開心 ， 所以會好多款， 完全唔怕會餓襯， 而小食拼盤 算係ok😂😂 量都唔係少， 幾驚喜